බික්ඛු සංඝස්ස දේම... සහ ඉල්ලා ගෙන කෑම - New Kathikawa in Buddhism

  

 

මේ සිරිපා සමයය.. සිරිපාදේ යන්නේ නැතිය. කරුණා කොරනවාය. එහෙම කරුණා කොරනාතරේ තුන් සරණේ කියනවාය. ඒ කියන්නේ සිරිපාදේ ඉහළට කරුණා කොරන හෝ පහළට කරුණා කොරන උන්ට බ්ලැසින් කොරනවාය. එහෙම කොරන්නේ කවියෙන්ය. වැඳලා බහින උන් කියන්නේ, වඳින්න යන මේ නඩේට තෙරුවන් සරනේ සරණයි... වගේ ඒවාය. වඳින්න නගින් උන් කියන්නේ, වැඳලා බහින මේ නඩේට බුද්ධං සරණේ සරණයි කියලාය. ආපු දා පටන් නානා ආන්ඩුවට අපිට කියන්න තියෙන්නේ, ඉල්ලන් කන මේ නඩේට සංඝං සරණේ සරණයි කියලාය.

 

මේ ආන්ඩුව මොන ජාතියේ මළහත්තිලව්වක්ද කියා දේශපාළනය ගැන නොබෙල් සම්මානේ දිණපු එකෙකුටවත් තේරුම් ගන්නට බැරිය. ආපු දවසේ පටන් ඇදගෙනම නානවාය. දින 100 යේ කේස් එක හත් පොලේ ගාගත්තේය. එකසිය ගානට නාන්න පටන් ගත්තේ අගෝස්තු මැතිවරණයෙන් පස්සේය. බජට් එකක් ගෙනල්ලා හිඟන්නාගේ පාත්තරේටත් කෙලියේය. ඇන් ටී බී එකට (ජාතිය නගා සිටවීමේ බද්ද..(මේක ගන්නේ ජනතාවට ව්‍යාඝ්‍රා දෙන්නද කියා නම් දන්නේ නැතිය.)) හා වැට් එකටත් කෙලියේය.

 

ඒවා වැඩිකලා කියා භාන්ඩ මිල වැඩි වෙන්නේ නෑ කියා අලි පාටියේ ආර්ථික උස්තාද්ලා පපුවේ අත ගසා දිව්රුවේය. උන්ගේ අම්මලාට හැමිනෙන්න කියා, බේකරි කාරයෝ පාන් ගෙඩියට සුපියලකින් කෙලියේය. ඔක්කෝම බජට් ප්‍රොපෝසල් අකුලා ගත් ආන්ඩුවට ඇට දෙක වාගේ ඉතිරි වෙලා තිබුන මේ බදු දෙකත් අහෝසි කොරලා දැම්මේය. දැන් බේකරි කාරයෝ පාන් ගෙඩිය සුපියලකින් අඩු කරනවාද කියා අහන්න වෙන්නේ සිරිසේනගෙන්ද, රාජිතගෙනද, චම්පිකගෙන්ද, රනිල්ගෙන්ද එහෙමත් නැත්නම් රවීගෙන්ද කියා එකෙක්වත් දන්නේ නැතිය.

 

හිඟන්නාගේ පාත්තරේට කෙලලා නතර නොවුන ආන්ඩු ක්‍රම උස්තාද්ලා, වියවස්තාව අස්සේම පන්සලේ පින් කැටේටත් කෙලින්න ගිහින් දැන් ඉන්නේ නරා වලේය. ඔය පඬු පාන්කඩ කාරයෝ එක්ක මොකක් හෝ පටල ගැනීමක් අලි පාටියේ ඉතිහාසයේ ඉඳලාම තියෙනවාය. එක්කෝ ගැටඹේ පන්සලේ කම්බි වැටවල් ගහන්න ගිහිල්ලාය. එක්කෝ මිරිදිය මත්ස්‍ය කර්මාන්තේ පටන් ගන්න ගිහිල්ලාය. මේ සැරේ ඉල්ලාගෙන වළඳන්නේ කතිකාවතක් ඇති කොරන්න ගිහිල්ලාය.

 

මට නම් පේන්නේ සිරසේ මාද්දිය කාරයෝ වාගේම පිස්සු උපදේශකයෝ දාගෙන සිරිසේන මහත්තයා වාගේම, රනිල්ලාත් ඉල්ලාගෙනම කනවා කියලාය. නීතියක් නැති රටේ, හාන්දුරුවන්ට නීති ගේන්න යන්නේ කතාවක් කරන්න කටක් ඇරියොත් හාන්දුරුවනේ කියලා දෙසා බානා නිසාද කියන්න හරියට දන්නේ නම් නැතිය. හාන්දුරුවෝ කියන්නේ එක්තරා ආගමක පනිවිඩකාරයෝය. එයාලාට නීතී රීති දාන්නේ ඒ ආගමේ උන්ය. ඒ ඇරෙන්න මොකා උනත් රටේ නීතියට යටත් වෙන්න ඕනා කියන එක වෙනම කතාවක්ය. මේ පිස්සු යක්කු කරන්නේ, කරන්න දෙයක් නැතිවා වාගේ ආගම් හදන්න යන එකය.

 

ගේම නැගලාම යන්නේය. මුන්ට එරෙහිව සිවුරු උස්සාගෙන උන් රාජපක්ෂ නිකායේ බොදු බලු සේනා, රාවණා බලකා, බෙංගමුවේ ආලවකලාට අමතරව  ඔක්කෝම සිවුරු කරට අරගෙනය. ගේම සාධාරණය. නිවන් දකින් හැටි අපිට කියලා දෙන උන්ට, නිවන් දකින්න නම් කරන්න ඕන මේවයි ඩෝ කියන්න අපිට අයිතියක් නැත්තේය.

 

හාන්දුරුවරු පයිසෙකට මායිම් නොකර පන්සලක් පැත්ත පලාතේ යන්නේ නැතුව ආන්ඩු කළේ ජේ ආර් පප්පා සහ සැටලයිට් නෝනා ඉතරය. එහෙම කලා කියා ආන්ඩු ගෙනියන්න අවුලක් තිබුනේත් නැතිය. සාසනේට මක්කත් උනෙත් නැතිය. පස් වෙනි මිහිඳු රජ උනායින් පස්සේ නම් සාසනේට අබ සරණම උදා උනේය. දැන් ඒක පට්ට බිසිනොස් එකක්ය. සල්ලි වලට සෝවාන් සැටිපකට් දෙනවාය. තව මක්කා හෝ දුන්නොත් නිවන් සැටිපිකට් එකත් හම්බ වෙනවාය. එක් එකාට මාලිගා වගේ ආරාමය. බුදු හාන්දුරුවෝ උන්නා නම් අනේ පිඬු සිටු තුමාටත් අම්බානක බනිනවාය.

 

පඩයක් ගියත් මහනුවර ඉන්න දෙන්නා බැහ දකින්න දුවනවාය. උන්ගේ පස්සේ, ටී වී කාරයෝ, කැමරායි, මයිකුයි, උස්සාගෙන දුවනවාය. එකෙක් පාර වසාගෙන නුවර පරිසරේම වනසනවාය. පාර අරින්න එකෙකුටවත් කොන්දක් නැතිය. අපරාදේ කියන්නේ මිහිඳු සජ්ජුරුවෝ අපේ හාන්දුරුවනේ කිව්වට, ඔය එකෙකුටවත් බය වෙලා උන්නේ නැතිය. එයාලා මහින්ද ඇමතුවෙත් එහෙමයි අපේ හාන්දුරුවනේ කියලාය.

 

දැන් මේ කොරන්න යන්නේ මොනවාද..? හන්දුරුවන්ට ඩ්‍රයිවින් වේරමනී සික්ඛා පදං සමාධියාමි කියනවාය. බිසිනොස් වේරමනී සික්ඛා පදං සමාධියාමි, එයිටාමතරව හීලින්ග් වේරමනී සික්ඛා පදං සමාධියාමි කියාත් කියනවාය. ඒ කියන්නේ ගුප්ත විජ්ජා කටයුතු කොරන්න බෑ කියලාය. එහෙම කියන ආන්ඩුවේ මහ ඇමතියා, හක්ගෙඩි නමෝ නාරයන් උගේ අමාත්තන්සේ ලේඛම් කෙනෙක් කොරනවාය. එහෙම බැලුවාම බෙංගමුවේ ආලවක දෙසනා දෙසිල්ලත් ඇත්තය. වයිජ්ජ විජ්ජාව වගේම ඒකත් විජ්ජාවක් නිසා, ඒක කොරනා එකෙකුට කොර ගන්න නිදහස තියෙන්න ඕනාය.

 

මේ නීතී ගෙනන උන් ඉන්නේ, මැණික් කටුවේ ඉඳන් වැලමිටට යනකන් පිරිත් නූල්, කතරගම නූල්, ඝණ දෙයි නූල්, විෂ්ණූ නූල්, කාලී මැණී නූල්, එක්ක තිස් තුන් කෝටියක් දෙවියන්ගේ කැඩිච්ච නූල් ඉතරක් නොව ඉන්දියාවේ ඒවාත් බැඳගෙනය. මෙහේ තියෙන ඒවා වැඳලා මදි වෙලා, ඉන්දියාවේ තියෙන ඒවාටත් වැඳලා සුදු හඳුන් ටොන් ගනන් පූජාත් කොරනවාය. ඇඟිලි වලට, අපලවලට ඇල්ලු මැනික් මුදුය. හැම එකාගේම ඇඟිල්ලක නවරත්න මුද්දය. කරේ පත සුරය. ඉනේ කළු නූල්ය. ගෙදර හක් ගෙඩිය. අරකය මේකය.

 

ගුප්ත විජ්ජා කොරන්න එපා කියනා උන් අවුරුද්දට හිස තෙල් ගාන්න පන්සලේ පෝලිමත් පැනලා ඉස්සරහටම වඩිනවාය. අමාත්තන්සේ දුවුරුම් දෙන්නේ හාන්දුරුවරුයි පූසාරිලයි උලමලයි නක්සස්ත්‍රකාරයොයි ෆෙන් ෂුයිලයි ඉන්න තරම් ඔක්කෝම උන් දාගෙනය. ඡන්ද තියන්නෙත් එහෙමය. කොටින්ම ගෙදර යන්නෙත් නක්සස්තරේ බලලාය. තියෙන ගුප්ත විජ්ජා ඔක්කෝම වන්දනා කරනා උන්, හාන්දුරුවන්ට ඒවා කොරන්න එපා කියනා කොට අපිට පුකෙන්ම හිනා යනවාය.

 

මුන් මේ කතිකා ගෙනත් බලනවා ඇත්තේ හාන්දුරුවරු ෂේප් කොර ගන්නය. ඒත් ඉතින් වැඩේ හබක්ය. කතිකාවේ තියෙන්න තිබුනේ ඕවා නෙමේය. මේන මේ වගේ ඒවාය.  

• සෑම පන්සලකටම අලියෙක්
• සෑම බෝධියකටම රන් වැටක්.
• දහම් පාසල් අනිවාර්ය කිරීම (දරුවන්ට පමණක් නොව වැඩියන්ටද)
• සෑම හාන්දුරු කෙනෙක්ටම වාහන බලපත්‍රයක්.
• හාන්දුරුවන්ට වෙනම උසාවියක්.
• ගුප්ත් විජ්ජා විස්ස විජ්ජාලයක්
• සහන මිලට රට බීම හා සිකැරට්.
• වසරකට චීවර 9 ක්. (වස් කාළයට ඕනා නැත.)
• සෑම පන්සලකටම අධි බලැති ශබ්ද විකාසන යන්ත්‍රයක්.
• සෑම විහාරයක් අසලම මාර්ග වසා දැමීම.
• බලපත්‍ර නොමැතිව රිය පැදවීමේ නිදහස.
• කසාද බැඳීමේ නිදහස.
• හාන්දුරුවරුන්ගේ දරුවන්ට පාසල් ලබා දීමේදී ප්‍රමුඛත්වය.

වාගේ දෙවල්ය.

 

(මේවා දැකලා, ආන්ඩුවේ උපදේසක කම් දානයක් ලෙස දුන්නාට, අපි නම් ඒවා බාර ගන්නේත් නැතිය.)

 

අළුත් වියවස්තා ගේනවා කියා ගේන්න ඕනා මේ වගේ නර නාටක නෙමේය. බුද්ධාගමට මුල් තැන දෙනවා කියන ඒවා වියවස්තාවෙන් කටුගා දැමීමය. අනෙක් ආගම් වලටත් එසේමය. ආන්ඩුව ලෞකික විය යුතුය. ආගම් අදහන උන්ට ඕනා එකක් අදහාගන්නෙයි කියා, රටේ සංවර්ධනයට වැඩ කරනා එකය. ආගම් රැක ගන්න එක, ඒක අයිති උන් කර ගන්නවා ඇතිය. හාන්දුරුවන්ට නීතී දාන්න ගෙනා කතිකාවත් හෙට අනිද්දාට අකුලා ගත්තොත් ඔහේලා පුදුම වෙන්නත් එපාය.

 

හාන්දුරුවරුන්ටත් මේවා හොඳ පාඩම්ය. සාසනේ රකින එක ආන්ඩුවට දීලා, ඒක වියවස්ථාවේ උඩින්ම දැම්මාම මෙහෙම ඉල්ලගෙන වළඳන්නත් ලෑස්ති වෙලා ඉන්න එක හොඳය. දැන් මේක ශ්‍රේෂ්ඨාධිකරණයට ගෙනියනවාද කියලා ගොම්මන්පිල වගේ සාසනපෙරේමී උපාසකයෙක්ගෙන් අහලා දැන ගන්නා එක හොඳය. මොකෝ සාසනේ රකින්න, ආන්ඩුව කරනා උන්, වියවස්තාවෙන්ම බැඳිලා ඉන්න නිසා, ඔහේලාගේ පඩික්කම් මේ වෙලාවෙ පෙරලන එකත් වැරදිය.

 

සබ්බේ සත්තා භවඃන්ථු සුඛි සඨ්ථා....