සොරකම නීතීගත කරනු....!!! - Let’s legalise corruption !

 

 

මේ බොරුවට හෝ ඇත්තට, අළුතෙන් වියවස්ථාවක් ගේන්න හදනා කාලයක්ය. ඔය ගේන්න හදන වියවස්තාවට, හොරකන්, දුෂණ, වංචා, ලීගලයිස්ය කියලා කෑල්ලක් එල්ලුවා නම්, ව්‍යවස්ථාදායකයේ ඉන්නා උන්ට, ඒ කියන්නේ රට කරවන දේශපාලුවන්ට, රටේ ධනය හිතේ හැටියට මංකොල්ල කෑමට අවස්ථාවක් ලැබී, මේ අද තියෙනා කේස් එකක්වත් ඇති වන්නේ නැතිය.

 

ඒ නිසා කරුණාකර මේ යෝජනාවද, බුද්ධාගම ආරක්ෂා කොරනවා කියන එකට යටින් හෝ උඩින් එල්ලන්නේ නම් ඉතා අගනා බවත් නොකියාම නොහැකි අතර, හොඳම යෝජනවාට තෑග්ගක් හෝ යම් කිසි ගනනක් ලබා දෙනවා නම් අත යටින් දෙන්නේ නැතිව, ප්‍රසිද්ධියෙම දෙනවා නම් ඉතා අගය කරනා බවත් දන්වා සිටින්නට කැමතිය.

 

විධායකයට නඩු දාන්න, උසාවී ගේන්න බෑ වාගේම, බලයෙන් විසි උනත් විධායකයේ මෙන්ම වියවස්ථාදායකයේත්, ඒ මදි නම් අධිකරණයේත්, ඒත් මදි නම් ආන්ඩුවේ සේවකයන්ගේත්, හොරකම් කිරීමේ හා දූෂණ ක්‍රියාවන්වල යෙදීමේ අයිතිය කිසිවකුටත් අභියෝගයට ලක් කිරීමට නොහැකි ආකාරයට නීතී රීති අනිවාර්යයෙන්ම අළුත් වියවස්ථාවට ඇතුලත් කල යුතුමය.

 

එසේ කල විට යෝෂිතලාට නිශාන්තලාට වූ දේවත්, රවීට, ඇර්ජුන් මහේන්ද්‍රන්ලාට එල්ල වන චෝදනාවන්වත් කිසිවකුට එල්ල නොකල හැකි අතර, දූෂණය උගන්ඩාවේ මෙන් සමාජගත වනු ඇතිය. එවිට මහ උන්ට ටුවෙන්ටි පෙසෙන්ට් (20%) බැරි නම්, ෆිෆ්ට් පෙසෙන්ට් (50%) උනත් කෙලින්න පුළුවන් වන අතර, ආන්ඩුවේ සික්කන්ටත්, ආයතනයක් ඇතුලට ගන්න නම්, රුපියල් 100 ක 200 ක පගාවක් ගැනීමේ අනගි අවස්ථාවක් උදා වනාතර, එසේ දන් දීම මඟින්, ජහ මනයාට පන්සල් නොගොස්, තෙල්, මල් පහන් නොමැතිව, මහඟු පුණ්‍ය කර්ම කර ගැනීමේ අවස්ථාවද නිතැතින්ම හිමි වෙනාවාය.

 

මේ යෝජනාව විශේෂයෙන් මේ අවස්ථාවේ ගෙන එන්නට සිතුනේ, වියවස්ථාදායකයේ බහුතර පිරිසක් මේ අවස්ථාවේ අපහසුතාවයට පත්ව ඇති බව දැකීමය. එසේ ඔවුන් අප්සට් එකේ ඉන්නවා දැක්කාම බත් ඩිංගක් කෙසේ වෙතත්, වතුර බින්දුවක්වත් උගුරෙන් පහළට යවා ගැනිම අමාරුය. රෑට හරියට නින්දක් නැතිය. රජවරු වගේ ඉන්න ඕනා උන්, මයික් ඉස්සරහා බෙරිහන් දෙන හැටි දැක්කම, වැල නොකැඩි හිර ගෙවල් ගානේ යනවා දැක්කම, අපේ සිත් වලට වාවන්නේ නැති හන්දාය.

 

මහින්ද මහත්තයා කියන්නේ හිටපු ජනපති ප්‍රේමදාස මහතාගේ එකම දෝනියන්දෑ වන දුලාංජලි ප්‍රේමදාස හොර සල්ලි එක්ක මාට්ටු උන වෙලාවේ එයා ඒක අනුමත කොට ඒ මුදල් ලීගලයිස් කොලා කියලාය. ඒ නිසා එයාගේ පුතාට මෙහෙම කොරනා එක හරි නැතෙයි කියලාය. එතකොට දහම් කොළුවා පොලීසියේ කාටද කෙලිය වෙලාවේ ඒ යකා බේරපු බවය. අර දහම් කොළුවාගේ කතාව කිව්වත්, ප්‍රේමෙලාගේ කතාව ඇදගත්ත එක නම් වැඩක් නැතිය. මොකෝ සජිත් තාම ජනාධිපති නොවනා නිසාය. සමහර විට ජනාධිපති සජිත් උනා නම් රාජපක්ෂලාට මෙහෙම දේවල් නොවන්නත් බොහෝ විට ඉඩ තිබෙන්නේය.

 

ඊළඟට අඬන්නේ අගමැති වෙන්න සූට් මහගෙන උන්නු, ජනාධිපති කම නූලෙන් මිස් උන, නිමල් සිරිපාල උන්නැහේය. එයා FCID එකට විරුද්ධය. එයා කියන්නේ ඒක විසුරුවා හරින්න ඕනා කියලාය. කරුමේ කියන්නේ ඒකත් CID එක වගේම, පොලීසියට අයිති එකක්වත් කියා එයා දන්නේ නැතිය. එක්කෝ දැන ගත්තත්, මුන් ටික කවදා හෝ එයාටත් කෙලිදෝ කියා බය වෙල වෙන්න ඇතිය. ඒ නිසා පක්ෂය තීරණය කරනා ඕනෑම වෙලාවක ආන්ඩුවෙන් ඉවත් වෙන්න එයාලා ලෑස්තිය. අපි නම් කියන්නේ ජනපති කොමිෂන් වල පච වැඩ වලට වඩා පොලීසියේම අංශයක් වන, FCID එක අපට විශවාසයි කියලාය. පෞදගලික පලිගැනීම් වෙන්නේ කොමිසන් වලින්, මිසක් පොලිසිවලින් නොවනා නිසාය. (නියාමාකාරයෙන් ක්‍රියා කොරනා කළ)

 

තව නියෝජ්ජ ඇමතිලා සෙට් එකක් වැලිකඩදී මහින්ද මහත්තයා එක්ක සාකඡ්චාවක් පවත්තලා එලියට ඇවිල්ලා කියන්නේ, යෝෂිත ඇතුලේ තියන එක අසාධාරණ නිසා ඇමතිකන් වලින් ඉල්ලා අස්වෙන්න සූජානම් කියලාය. එයාලා මහින්දට එහෙම, කිව්වාට ඊට පස්සේ මෛත්‍රිට කිව්වේ මොකක්ද කියන්න මේ වෙනකන් එකෙක්වත් දන්නේ නැති උනත්. එයාලාගෙන් එක්කෙනෙක් වෙන අර මොළේ අවුල් නැතෙයි කියා සැටිපිකට් එකක් තියෙන මුතූ උන්නැහේ කියන්නැහේ, රවීගේ මස්සිනා ඇතුලට දාන්නේ නැත්තේ ඇයි කියනා ප්‍රශ්ණේ නම්, අපිටත් තියෙනවාය.

මෙයිටාමතරව සොරකම අනුමත කරනා තවත් සෙට් දෙකක් ඉන්නවාය. ඒ මහින්දගේ ඒකාබද්දද මළබද්ද විපක්සේ හා අපේ සටේ අභීත මාද්දියවේදින්ය. මලබද්ධ විපක්සේ, දිනේස් ගුනවර්දන සිරිමතානෝ කියන්නේ, අපිට හොරකම් කොරන්න දෙන්නේ නැහ්නන්, රාජ්ජ උස්සව වර්ජනේ කොරනවා කියලාය.

ඒ කතාව නම් සහතික ඇත්තය රාජ්ජ දේපල මංකොල්ල කන්න බැරි නම්, එහෙව් රාජ්ජෙක උස්සව වලට සහභාගී වනවාට වඩා මහින්ද මහත්තයා එක්ක, ඔය රන් වැටක් පූජා කොරන එකකට, කොටහලු ගේකට වගේ ප්‍රයිවට් එවාට ගියාම අහවරය. මොකෝ අපේ අති සෙරේස්ඨ මාද්දියවේදියෝ මහින්ද කක්කුසියට ගියත් එතනටත් එන නිසාය.

 

ඒ වගේම මහින්ද මහත්තයාගෙන් නොමිළේ බීපූ ජඩමාද්දියවේදින් එකෙක්වත්, "සෑර් මේකේ චෝදනා මෙන්න මේවාය... ඒ ගැන කියන්නේ මක්කාද...?" කියා අහන්නෙ නැති එකෙන් පේන්න්, උනුත් මේවාට පට්ට මනාපයි කියලාය. මොකෝ ඔය හොරකම් කොරනා සල්ලි වලින් දන්සෑල් දාලා වගේ, මාසෙකට වතාවක් හරි කන්න බොන්න දෙන නිසාය.

මේ ආන්ඩුවේ උන් එහෙම දෙන්නේ නැති මළප්‍රේතයෝ වන අතර, කොයි වේලෙත් කොක්කක් දාන්න බලාගෙන ඉන්නා උන්ය. ඒ නිසා නිදහස් මාද්දිය වියාපාරය පවා රනිල්ට විරුද්ධව ප්‍රකාස නිකුත් කොලාට මව්බිම මාධ්‍ය වේදියාගේ ශරීර අබාධයන් පවා ගර්හාවට ලක්කොට තර්ජනය කල විමලයාට විරුද්ධව කටක් අරින්නේ නැත්තේ , ඒවායේ වීඩියෝ කෑල්ලක්වත් වත් හොයා ගන්න නැත්තේ, නිදහස් මාද්දිය වියාපාරයත් හොරක්ම් ඉදිරියේ "නිරුවත් මාද්දිය වියාපාරයක්" වන නිසාත්, රට බීම ටිකකට, සැන්විච් කෑල්ලකට, රටම උනත් විකුනාගෙන කෑවාට කිසි අවුලක් නැති සැට් එකක් වන නිසාමය.
 

ඒ වගත් මේසෙය..