අළුත් පක්ෂය වැඩ පටන් ගනී - New Party begins in Sri Lanka

 

  

මාතලන් පොඩි කාළේ ඉස්කෝළෙදි ගම කොහෙද ඇහුවාම කියන්න කැමති නැතිය. මොකෝ කෑළණිය කියා කිව්වාම පඩත්තල කොල්ලෝ මාතලන්ට කියන්නේ මැට්ටා කියලාය. ඒ කාළේ කැළණිය ප්‍රසිද්ධ වෙලා තිබුනේ මැටි වැඩවලටය. පස්සෙ කාළේ නම් ප්‍රසිද්ධ වූයේ ආචාර්ය මර්වින් සිල්වා මැතිතුමාගේ ආසනය කියලාය. ඊට පස්සේ ගාල්ලේ කියලා කිව්වම කියන්නේ, වැඩ බැරි එකෙක් කියලාය. කොහොම හරි ගම කොහෙද ඇහුවාම කැළණියේ කියා කියන්න පුළුවන් කාලයකුත් ආවේය.

 

ඒ අර ප්‍රේමදාස මහත්තයා උපාධි ඉල්ලලා පාරවල් ගානේ අඬන උන්ව ප්‍රයිවෙට් ෆර්ම් වලට දාපු කාළයේය. කොහොමින් කොහොම හරි ඔය සෙට් එකක් එක්කම මාතලනුත් අළුත් සැක්සොන් එකකට මාරුවක් ලැබුනේය. දැන් අර කැම්පස් වලින් ආපු උන් අහන්නේ, උඹ කොහේද මචං කියලාය. එතකොට එකෙක් කියන්නේ ජයවර්ධනපුරේ කියලාය. තා එකෙක් පේරාදෙනියේය. තා එකෙක් රුහුණේය. උන් මගෙන් ඇහුවාම මම කියන්නේ කැළණියේ කියලාය. ඉතින් ඒ උපාධීදාරින් හිතන්නේ මම කැළණිය විස විජ්ජාලේ පොරක් කියලාය. එතනින් එහාට අහන්න එන්නේත් නැතිය.

 

අන්න ඒ වගේ කේස් එකක් ඊයේ මගේ බොක්කකටත් සිඳු උනේය. ඌ නොම්මර එකේ ටොයියෙක්ය. ඒ වගේම මහින්ද මහත්තයා ගාව අදටත් ඉන්නා ප්‍රභල පොරක්ගේ නෑයෙක්ය. දන්නා දවසෙ ඉඳ මූ සිරි ලංකා කාරයාය. ඒත් දැන අවුරුදු කීපයාට පෙර පටන් මූ ඒ පක්ෂයේ එකෙක් කියලා කියන්න උන්නේ ලැජ්ජවෙන්ය. ඒත් ඌ ඊයේ මාතලන්ට කිව්වේ ඕන් මාතේ ආයෙත් ලැජ්ජාවක් නැතිව සිරි ලංකා කාරයෙක් කියලා කියන්න පුළුවන් කාළයක් එනවා කියලාය.

 

මහින්ද මහත්තයා හිතාගෙන උන්නේ මැරෙනකන්ම රජකම් කොරන්නටය. ඇත්තටම එහෙම ඉතරක් හිතාගෙන උන්නා නම් එයැයිට රජ කම් කොරන්නත් චෑන්ස් එකක් තිබුනේය. මොකෝ කන්න නැතත් බොන්න නැතත් මහින්ද මහත්තයා දැක්කාම බඩ පිරෙන නිසාය. කාන්තාවන් ගැබිනියන් වන නිසාය. දරුවන්ට අප්පච්චි කෙනෙක් නිසාය. බවලත් උදවියට සිහිණ කුමාරයා වූ නිසාය. හොරුන්ට ආරක්ෂකයා වූ නිසාය. හොර බිසනස් කාරයන්ගේ උපදේශක වූ නිසාය. මාධ්‍ය කරුවන්ගේ අයිඩල් එක වීම නිසාය. කොටින්ම කියනවා නම් ජනතාවගේ මහ රජ්ජුරුවෝ නිසාය.

 

ඒ හේතු කොටෑ ගෙන එතුමා යන යන තැන ජනතාව පොදි කකා එතුමාට දන ගැසුවේය. එතුමන්ගේ ශ්‍රී දෙහය අත පත ගෑවේය... සමා වෙන්න ඉස්පර්ශ කලේය. දරුවන් බ්ලෙස් කරවා ගත්තේය. කොල්ලෝ හා කෙල්ලෝ එක්ක සෙල්ෆි වලට උන්නෝය. හැබයි මේ ඔක්කෝම රජ නාඩගං අතරේ එක අඩුවක් මෙන්ම අන්තුරක්ද උන් වහන්සේට පෙනුනේය. ඒ යුව රජෙක් නොමැති කමය.

 

බැරිසිලානෝ රජ වුවහොත් තම කුමාරවරුන්ට හොඳ කල දසාවක් අත නොවෙන බව තේරුම් ගත් උන් වහන්සේ කලේ නාමල් කුමරුන් යුව රජ තනතුරේ හෙබවීමය. කරුමය පටන් ගත්තේ එදා සිටය. මහින්ද මහත්තයා මක්කා කොලත් අවුලක් නැතිව උන් බයියන්ට පවා මේ කක්කා කොලුවා දිරවූයේ නැතිය. එමෙන්

 

මහින්ද මහත්තයා නැති කළේ නාමල් කොලුවා හා බැරිසිල් ලොක්කාය. පක්සේ උන්ට බැරිසිල් ලොක්කා නිසා මහින්ද එපා වූ අතර, ජනතාවට නාමල් නිසා ලොක්කා එපා උනේය. අන්තීමට ඉතිරි වූයේ, ඔය අද මළබද්ධ විපස්සේ කියනා සෙට් එකය. ඒකේ ඉන්නේ මක්කුන්ද කියා අමුතුවෙන් කියන්නට ඕනා නැතිය. නීතිය නිසි ලෙස ක්‍රියාත්මක වූවොත්, එකෙක් දෙන්නෙක් ඇර, අනික් උන් ඔක්කෝම හේට අනිද්දාම මහ උළු ගෙදරය.

 

ඔය සිරි ලංකා නිදහස් පක්ෂය මගින් මේ රටට දෙයක් කලා නම් ඒත් මහින්ද මහහ්තයා ඉතරමය. එකක් නම් පිරබාහරන් උන්නැහේ සෙත්තපෝච්චී කල එකය. අනික සංවර්ධන වැඩ ටිකය. යුද්ධය අවසන් කලද සංවර්ධනය නම් කළේ මෙලෝ ප්ලෑනක් නැතිවය. ඒවා නිකංම නිකං බිල්ඩින් ඉතරක් උනේ උන්නැහේගේම කාළයේය. බලාපොරොත්තු උන ඉන්වෙස්ටස්ටර්ස්ලා එකෙක්වත් ආවේ නැත්තේ බැරිසිල් උන්නැහේ නිසාය.

 

ගමේ පාරට කොන්ක්‍රීට් දාන එකෙන් ඉතරක් නොව නාන ළිදෙන් හිටං ජරාව කන එකෙක් ඉන්නා තැනකට ඉන්වෙස්ටර්ලා එන්නේ නැතිය. ආවා නම් ආවේ චීනා ඉතරය. ගහපු ගිවිසුම මොකක්ද කියන්න දන්නේ නැති උනත්, අපේ එකෙක්ටවත් ජොබ් හම්බ උනේ නම් නැතිය. ඔහොම සංවර්ධනයක් මෙළෝ රහක් නැතෙයි කිව්වාම මාතලන්ලා එක්ක හැප්පෙන්න රටේ මහා ළොකු පොරවලුත් ආවේය. ඒත් එදා මාතලන් කියපු දේ අද ඒ කටවල් වලින්ම හරි කියල කියන කොට මාතලන්ට කාලකන්නි සතුටකුත් එනවාය.

 

සිරි ලංකා එක පාලනය කලේ කවදාවත් පක්ෂයේ නායකයා නෙමේය. බන්ඩාරනායකගේ කාළේ ඕක පාලනය කළේ සිවුරු කාරයෝය. මේ රට විනාශ කිරීමේ ආරම්බය එන්නේ උන්නැහේගෙන්ය. උන්නැහේ රට විනාශ කලා වාගේම, අර පාන්කඩ සිවුරු කාරයෝ උන්නැහේ විනාශ කරලා දැම්මේය. ඊළඟට ලිප්බොක්කේ  හැංගුන එයාගේ නෝනා නායකයා කොරගෙන වමේ කාලකන්නි රට විනාශ කළේය. ඒ කාළේ ආශ්චර්යය ගැන මාතලන් අනන්තවත් ලියා ඇති නිසා ආයෙත් මෙතනෙ ඒ ගැන ලියන්න යන්නේ නැතිය.

උන් බන්ඩාරනායක නෝනා විනාශ කලා පමණක් නොව උනුත් විනාශ වී රටත් විනාශ කොට තොලොංචි වෙලාම ගියේය. අන්තීමේදි ආසන 8 කටද කොහෙද බැහපු පක්ෂය මහින්දලා අනුරලා මෙන්ම, චන්ද්‍රිකා විජේලාද කුඩු පට්ටම් කොරලාම දැම්මේය. පක්ෂේ කුඩු පට්ටම් කොලාට අමතරව ජෙප්පන් ඉත්තන් කරගෙන, 88 - 89 කාළයේ රට ගිනි තියලා දාලා අත හෝදාගෙන පැත්තකටත් උනේය.

 

ආයෙත් අවුරුදු 20 කට ඉතර පස්සේ අෂ්රොෆ්ට පිහිට වෙන්න ආන්ඩුවක් පිහිටුවා ගත්තද. 2005 වෙනකන් මේ රටේ කිසිඳු දෙයක් සිඳු නොවූ අතර, මහ උන් විස්කි බිබි ඉන්දැද්දි, ආර්ථික වර්ධන වේගේද මක්කාද එක අධි වේගයෙන් මයිනස් දක්වාම ගමන් කලාතර, පිරබාහරන්ට ඇසකුත්, මහින්දට පක්ෂයත් දන් දී එපා කියන්නටම ඉල්ලාගෙනම කෑවේය.

 

ජේ ආර් මදාවියන්ට ජේ පී පටන් දුන්නද, උන් පාර්ලිමේන්තුවට ගෙනාවේ නැතිය. සැටලයින් නෝනාගෙන් පස්සේ එන මහ රජානෝ ඒ අඩු පාඩුවද පරිපූර්ණ කලාතර, පාතලා නායකයෝ මැති අමතිවරු කළේය. මිනීමරුවෝ තානාපතිවරු කළේය. රටේ ධනය පමණක් නොව, මහා භාන්ඩාගාරයද, පුරාණ රජ දරුවන් නිධන් කොට තිබූ වස්තුවද පමණක් නොව කටු ගේත් මංකොල්ල කෑවේය. රට කිසි දින ගොඩගත් නොහැකි ණය උගුලක සිර කොට දැම්මේය. කොටින්ම කියනවා නම් යුධ ජයග්‍රහණයට මුවා වී මේ රට සෑම අතින්ම කාබාසිනියා කොට බංකොලොත් කොරලාම දැම්මේය.

 

එයිටාමතරව ලංකාවේ ඉතිරි වී තිබු පක්ෂ දෙක වන, එජාපය හා ජේ වී පීය සුනු විසුනු කර දැමීමට කරන්න පුළුවන් සෑම දෙයක්ම කළේය. ජෙප්පන් නම් ඒ උගුලට අසුව කුඩු පට්ටම් වී ගිය අතර, රටේ ජනතාවගේ වාසනාවකට හා රනිල්ගේ දක්ෂතාවය නිසා, එජාපය පමණක් අමාරුවෙන් බේරුනේය. රජ කම් කෙරුවත් කළ කම් පල දේ කියන කතාව සහතික කරන ලද සත්‍යයම බව නැවතත් ඔප්පු කරමින් අද ඔවුන් බලය නැති හාල්පාරුවන් පිරිසක් බවට පත්ව ඇත.
 

පක්ෂයට අළුත් නායකයෙක් ලැබී ඇත. පක්ෂයේ මූලික පරමාර්තයන්ට අනූකූල වන නායකයකු ලැබී ඇති මේ අනගි අවස්තාවේ (සඝ, වෙද, ගුරු, ගොවි, කම්කරු) ඔහු පිලිගැනීමට අකමැති උන්ට දිය යුතු දඬුවම ඊයේ සිට ආරම්බ කර ඇත. එය ප්‍රීතියට කරුණකි. වත්මන් නායකත්වය පිලිගැනීමට අකමැතිවා පමණක් නොව, එක විවේචනය කරමින් සිටි, ප්‍රසන්න රණතුංග, ධනසිරි අමරතුංග, කාන්ති කොඩිකාර, කුඩු දුමින්ද, දිළුම් අමුණුගම සංවිධායක කම් වලින් එලවා ඇත. පටන් ගත් ක්‍රියාවලිය දිගටම ගෙන යා යුතුය. වරදාන වරප්‍රසාද දී හෝ මහින්ද සමඟ සිටිනා හොර දෙටුවන් ලං කර ගැනීමෙන් පක්ෂයට සිඳු වන්නේ අවාසියක් මිස වාසියක් නොවේ.

හොරා මොකා ළඟ උන්නත් හොරාමය. ඒ නිසා හවුල් ආන්ඩුවට රිංගා ගෙන ගොඩ ගිය හොරුන් සේ මුන්ව එජාපයට හෝ නව සිරි ලංකා පාටියට ඇතුලත් කර ගත යුතු නැත. දේශපාලනය කිරීමට කැමති අවංක තරුණ පිරිස ඕනෑ තරම් සිටි. මේ ඔවුන් සමඟ එකව අළුත් ශ්‍රී ලංකා නිදහස් පක්ෂයක් සාදා ගැනීමේ හොඳම අවස්තාවයි. එවන් අළුත් මුහුණු සහිත පක්ෂයක් අළුත් පරපුර අතර ජනප්‍රිය විය හැකි අතර. එජාපය පැරැද්දවීමට නම් කල යුත්තේ, එවන් නැවුම් සමාජයේ හොඳ පිලිගැනීමක් ඇති තරුණ පරපුරක් සමඟ නැවුම් ගමනකට එක්වීමයි.