බ්ලොග් වසන්තේ හා අවුරුදු උස්සවේ - Festival Season for Bloggers in Siri Lanka

 

බොග දාන උන්ට වසන්ත කාළේ පටන් ගත්තේ, "නෙළුම් යාය" බ්ලොග් සම්මාන උළෙලත් එක්ක. වසන්ත ආයේ ගෙදර යන්න කලියෙන් ඔන්න මෙන්න තියලා තවත් ඉවෙන්ට් දෙකකටම ඇවිත් යනවලු. එකක් "බොග් වසන්තය." මේක අපේ පැන්සන් ගියපු බොග් සීයලගෙ වැඩක්. (එයාලා අවුරුදු කාළෙට මක්කදෝ එකක් වෙලා ආයෙ බොග දාන්න පටන් ගන්නවා. වයසක ඩෑල් වලට බොග දාන්න කොහොමත් අමාරුනේ. එත් ඉතින් තෑගි එයාලා අතරේ ඉතරක් නෙමෙයි හැමදාම තරුණ අපි වගේ අය අතරෙත් බෙදනවා. ("තරුණ"... හැක.... හැක...)

එයාල කොච්චර ප්‍රජාචන්ච්‍රවාදීද කියනවා නම්, මහින්ද මහත්තයා වගේ ඡන්ද ක්‍රමය ගැන සෑහෙන විස්වාසයක් තියෙන උදවිය. ඉතින් මේ වැඩේට ඡන්දයකුත් තියෙනවා. මාත් ගොහින්න් ඡන්දේ දාලා ආවා. ඉතින් ඔහේලත් කැමති නම්, ඔය මගේ බොගෙත්, උඩ දකුණු අත පැත්තේ තියෙන්නේ "බොග් වසන්තගේ ඡන්ද පොලට.." කියලා පොඩි ගැජට්ටුවක්, අන්න ඒක උඩ කෙටුවාම, ඡන්ද පොලට ගොඩ වෙන්න පුළුවන්. 

හොර ඡන්ද දාන්න බැරියෙයි කියලා තමයි කොමසාරිස්වරු නම් කියන්නේ. ඒත් ඉතින් පෙන්ටගන් එකටත් ඇරපු උන් ඉන්න මේ ළෝකේ, ඕවා කාටද විස්වාස කොරන්න පුළුවන් අප්පා.

ඒ අවු අස්සේ බොග දාන උන් ඉතරක් නෙමෙයි, බුකියේ මල් කඩන උනුයි, කෙල පෙරන උන් පවා සහභාගි වන, සයිබරයේ උන්ගේ වැඩිම සහභාගීත්වයක් තියෙන, "සයිබර් සිහිණ මක් මහ උළෙල" හෙවත් සයිබර් අවුරුදු උත්සවේ, හය වෙනි වතාවට මෙවරත්, අප්‍රියේල් 30 වනදා, <<වැල්ලවත්ත කුරේ ග්‍රවුන්ඩ්>>එකේ පැවැත්වෙනවා.

කෑමත් කන්න බලාගෙන මේකට එන උන් ඉන්නවා නම්, සුපියල් 250 ක් දීලා නම ගම <<මේන් මේ ලින්ක් එකෙන් ගිහින්>> දුන්නාම, නොමිලේ බත් පැකට් එකකුයි වතුර බෝතලේකුයි (වතුරට ගිය කල) හැන්දෑවට පොඩි රිෆ්‍රෙෂ්මන්ට් එකකුයි හම්බ වෙනවලු.

වැඩි විස්තර ඕන එකෙක් ඉන්නවා නම් <<මේන් මේ ෆේස්බුක් ලින්ක් එකෙන්>> ගිහින් විස්තර දැන ගන්න පුළුවන්..

එහෙනම් අප්‍රේල් 30, වැල්ලවත්ත කුරේ ග්‍රවුන්ඩ් එකේ සෙට් වෙමු. සෙට් වෙමු කිව්වේ ඉතින් අපේ අයට ආයේ අමුතුවෙන් කියන්න දෙයක් නෑ නේ.