බස්සිගේ චැලෙන්ජ් එක, පාරේ වඳින තම්බි, කැළෑ පාලුවෝ හා Go Green Challenge

 

වී ගොවින්ගේ පෝර සහනාධාරෙත් එක්ක වැවිල්ල ගැන උනන්දුවක් ආයෙත් වතාවක් රටේ ඇති වෙලාය. ඒ මාතෘකාවටම අදාලව, කාබනික පොහොර හා රසායනික පොහොර ගැනත් විවාදයක් මතුවෙලා තියෙනවාය. රසායන පොහොර ගැන වික්ටර් අයිවන් පෙනි සිටිද්දි, බ්ලොග් ලියන "ලංකා සිතිවිලි" වික්ටර්ට පිළිතුරක් ලෙස ලියූ ළිපිය සංවාදයට ලක් විය යුතු නිසාවෙන්ම, "මාතලන්" අඩවියේද පල කළේය. ඒය බොහෝ සාර්ථක වූ අතර, ලැබුන ගල් පහරවල් අතරේ මල් කළබද බොහෝ විය.

එම ළිපිය වික්ටර් අයිවන්ගේද අවදානයට ලක්ව ඇති අතර, ඒ ගැන යම් කිසි සඳහනක් හෝ කිරීම ගැන අපේ ස්තූතිය නිතැතින්ම ඔහුට හිමි විය යුතුය. මෙවර රාවයේද රසායන පොහොරවල ඇති වැදගත්කම හා ඔහුගේ අදහස් ඉදිරියට ගෙනයන වික්ටර්ට අප පිළිතුරු ලබා දිය යුතුව නැත්තේ, මේ සතියේ රාවයේම තුන්වන පිටුවෙන් ඒ සඳහා පිළිතුරු දී ඇති නිසාය. මෙහිදි වික්ටර් අයිවන්ට අමතක වන කාරනය නම්, අපි ඉන්නේ ඉතා කුඩා දිවයිනක බවත්, සියල්ලා සීමිත බවත්ය. මේ ඇමරිකාව, ඉන්දියාව, ජර්මනිය හෝ චීනය නොවනා බවය.

මෑතකදී TNL රූපවාහිනි සේවයේ, "ජනහඬ" වැඩ සටහනේ අලි සම්පත පිළිබඳ වූ සාකඡ්චාවකදි මතු වූ ඉතා වැදගත් කරුනක් නම්, අපේ රටේ ඇති වනාන්තර ප්‍රමාණය 18% පමණ ප්‍රමාණයක් බවත්, ජනාධිපති තුමා රැස්විමක සඳහන් කොට ඇත්තේ එය 32% බවත්ය. ජනාධිපති තුමා ඒකත් දැක්කේ පත්තරෙන්ද කියා සැකයක් ඇතත්, අපේ උපදේශකයන් පොලිටික්කන්ට කවනා ගුලි අනුව, මෙය මහා පුදුම දෙයකුත් නොවේය. බලයට පත්ව වසරකුත් මාස පහකට ආසන්න ප්‍රමාණයකට ලංව තිබියදීත්, ලංකාව ගෙවන්නට ඇති ණය ප්‍රමාණය නිවැරදිව කිව නොහැකි මහ බැංකුවක් ඇති රටක, ඕවා මහා පුදුම දේවලුත් නෙමේය.

හොරු ඇල්ලීම කෙසේ වෙතත්, අල්ලපු හොරු බා ගෙන, උන් එක්ක මඟුල් කන සීන් එකක් නම් නියමට යන අතරේ, විල්පත්තුව විනාශ කල කැලෑ පාලුවාද කිසිම අවුලක් නැතිව ප්‍රධාන පෙලේ ඇමතිකමකින් පුදා, කනවා නම් තවත් කන්නට ඉඩ කඩ සලසා ඇත්තේය. උන්ගේ ආගමට හා ජාතියට, මහා වීරයෙක් කියන මහින්ද රාජපක්ෂද ගූ බය අතරේ, ගවුම් අඳින තලේබාන්කාරයෝ දැන් මහ පාරේ අල්ලා වඳින්න පුදන්නටද පටන් ගෙන ඇත්තේය. 

ඕකුන්ගේ එකෙක් මුන්ගේ එකෙකුට කෑලී යන්න දෙනකන්, අපේ උන් කටයි පුකයි දිගටම වහගෙන සිටිනවා මිස, මක්කත් කොරන්න යන්නේ නැතිය. තලේබාන් කාරයෝ ලංකාවේ ඉන්නවා කිව්වාම අපිට කින්ඩිය දාපු උන්ට කියන්න තියෙන්නේ, අයිසිස්ලාත් (ISIS) එක්ක ඉන්නවයි කියන ලංකාවේ උන් ගැන දැන් කියන්නේ මක්කාද කියලාය.

ඒ මක්කා වෙතත්, අපේ වසරේ බ්ලොග් කාරිනිය වන "බස්සි" ඊයේ පෙරේද පෝස්ට් එකක් දමමින් මාතලන්ටත් පොඩි අභියෝගයක් දුන්නේය. සීන් එක පැලයක් දෙකක් හිටවන එකය. මුදල් ගණුදෙණුවක් නැතිය. ඒ හේතුවෙන්ම මේ චැලේන්ජ් එක මගේ සිත් ගත්තේය. අභියෝගයේ නම "Back To Green Challenge" ය. වැඩේ කොරන්නේ හින්ගල කොල්ලෙක් හා මුස්ලිම් එකේය. හින්ගල එකා ශෂීන්ය මුස්ලිම් එකා ෆර්ෂාන්ය.

මාතලන්ගේ පිය පාර්ෂවය වෙළෙන්දන් වූවද, මාතලන්ගේ සීයාද වෙළඳාමට අමතරව හොඳ ගොවියකුද උනේය. මාතලන්ද පොඩි කාළේ කුඩා ප්‍රමාණයේ කොරටුවක් වවපු ගොවියකු වූ අතර, නිෂ්පාදන හෙවත් පලදාව "තොරණ හංදියේ" "ආසිරි කඩේ"ට දාපු හොඳ වෙළෙන්දෙක්ද උනේය. වවපු බෝග රාශියක් අතරේ, කොහිළ කොරටුවට වූ දේ ගැන, මාතලන් පෝස්ට් තුනක්ද ලිව්වේය. කැමති කෙනෙකුට ඒවා මෙතනින් බලා ගන්න පුළුවන්ය.

මාතලන් දැන් කොරන රැකියව හා වාසය කරනා තැන අනුව ඇත්තටම මෙය අභියෝගයක්ම උනේය. ඒත් වැඩේ අළුත් දෙයක් නොවන නිසාත්, නිතර බද්දේගම යන එන නිසාත්, දැනටත් ඉඳහිට අහු වෙන වෙලාවක ගහක් කොලක් ඉන්දන නිසාත්, වැඩේ එච්චර අමාරු උනේ නැතිය. අවුරුදු සුමානේ ගහක් ගන්න තැනක් හෙව්වද සියළුම තැන් වසා දමා තිබුනේය.

ඒත් මේ සතියේ බද්දේගම පැමිණි වෙලාවේ පැලයක් හොයන්න ගියාම ඔක්කෝම වාගේ ළොකු පැල වර්ග ඉවර වෙලා තිබුනේය. අන්තීමට හම්බ උනේ කාන්තාරේ උනත් වවන්න පුළුවන්, ඩ්‍රැගන් ෆෘට් පැලයක්ය. පැලේ භාරකරු වන්නේ මච්චිනා වීම හේතුවෙන්ම, පැලේ සිටවන වැඩේ මච්චිනාටම පැවරුවේය. මච්චිනා අළුතෙන් වගා කර ඇති, හයිබ්‍රිඩ් ගස්ලබු, මාළු මිරිස් හා වම්බටු පැල අතරේ, මාතලන්ගේ පැලේටත් පොඩි ඉඩ කඩක් හොයා ගත්තේය.

BIL - Kalu Mahattaya

පොටෝ කවරේජ් එක කොරේ පොඩි මාතලන්ය. ඉතින් දැන් මේ චැලේන්ජ් එක තව පස් දෙනෙකුට දෙන්නත් ඕනාය. බ්ලොග් ලියන උන් අතරින් මාතලන් ගිහින් තියෙන්නේ අටමාගේ, හැලපයාගේ, දමියාගේ, චෙෆාකිගේ හා ඉයන් ගේ බංගලාවලට ඉතරය. මේ අතරින් ඉයන්ට වැඩේ කොරන්න වෙන්නේ නැත්තේ, උන්නැහෙත් ඉන්නේ මාතලන් වගේම දිවිය ළෝකයේ නිසාය. හැලපේ ඉන්නේ නොරටකය. දමියා දැන් බොග දාන්නේ නැතිය.ඒ නිසා මුල් දෙදෙනා හැටියට "අටමා" හා "චෙෆාකි" නම් කොරනවාය. එයිටාමතරව බ්ලොග් ලියන හැම එකාටම කියන්නේ බ්ලොග් වසන්තයත් නැගලා යන වෙලාවේ ආතල් එකටත් එක්ක ගහක් ඉන්දලා පොටෝ එකකුත් අල්ලලා බ්ලොග් පෝස්ට් එකක් දාන්නෙයි කියලාය. 

පොඩි අවුලකට ඇත්තේ, අටමා හා චෙෆාකි මේ වැඩේට කැමති වෙයිදෝයි කියනා එකය. හේතුව "Go Green" කියනා නමය. මුන් දෙන්නාගෙම ලේත් නිල් පාටය. ඒත් ඉතින් අවුලක්ම නොවන්නේ, ගස් කොලන් පිරි ප්‍රදේශ නිල්ල කියාද හඳුන්වන නිසාය. අනික ගහක් හිටෙව්වා කියා කාටවත් වාසියක් මිස පාඩුවක් වෙන්නේත් නැතිය. අනික ඉතින් දැන් ඉන්න කැළෑ පාලුවන්ගේ දූ මුනුබුරුනටත් අනාගතේ කපා ගන්න ගහක් කොලක් තියෙන්නත් ඕනාය.

අපි වවමු, රට නගමු.. උන් කපා ගන්නෙ නැතෑ...