හර්ෂ ලොක්කා... නියමයි... ඔහොම යං.. - Harsha... Great Job man...!

හර්ෂ ලොක්කා ඉලක්ක කොට ලියන දෙවන ළිපියයි මේ. පළවන එක ලිව්වේ ලොක්කා කරපු පිස්සු වැඩක් ගැනය. ඒ නිදහස් චතුරශ්‍රයේ ගොන් පාට් එක ගැනය. මේක ලියන්නේ ලොක්කා, අගය කරන්නටය. ලොක්කා කිව්වාට, ලොක්කාවත්, අනික් උන්වත්, අවුල් වෙන්න ඕනා නැතිය. උන්නැහේගේ බුකියේ කොමෙන්ට් දැම්මත්, මාතලන් දාන්නේ, ලොක්කා කියලාය. මේ කවුරුත් අපි නියෝජනය කොරන්න යවපු අය නිසා උතුමානෝලා නෙමේය. තුමාලා නෙමේය. සිරිමතානෝලා නෙමේය. සෑර්ලා නෙමේය. සහෝදරයෝත් නේමය. එහෙම වෙන්න කොහොමටත් බැරිය. මොකෝ අපි එක අම්මාගේ බඩෙන් ආපු උන් නේමය. ලොක්කා කියන්නේ රැස්පෙක්ට් එකටය. මහත්තයා කියනවා වෙනුවටය.

සමහරු මගෙන් අහන්නේ, රනිල් ලොක්කා වෙලා, මහින්ද, මහත්තයා වෙන්නේ කොහොමද කියලාය. ඒක මම හිතන්නේ ගම නගරේ ප්‍රශ්ණයක්ය. අපේ තාත්තා, ගමේදී සැම්සන් මහත්තයාය, කැළණියේදි මිස්ටර් සැම්සන්ය. පිටකොටුවේදී සැම්සන් ලොක්කාය. එතකොට ප්‍රේමදාස පිටකොටුවේ වෙලත් ප්‍රේමදාස මහත්තයා වෙන්නේ කොහොමද කියලා එකෙක් අහන්න පුළුවන්ය. හේතුව, එයා කොළඹ උන්නත්, මුල් තිබුනේ ගමේ හන්දාය. සිරිසේන මහත්තයා ගමේ උනත් ලොක්කාය. සමහර විට උන්නැහේ යූ ඇන් පී එකෙන් රජ උන නිසා වෙන්න ඇතිය. ඔය මක්කා උනත්, ජේ ආර් නම් පප්පාය. ඒ, උන්නැහේ රජ උනේ මුත්තා කාලයේ නිසා වෙන්නැතිය. මේ කවුරුත් අපේ පිහිටෙන් රජ උන කස්ටියය. පාර්ලිමේන්තුවේ අපිව නියෝජනය කොරනා අපේම උන්ය. කොටින්ම මෙයාලා කාලා බීලා ආතල් එකේ ඉන්නේ අපිට පින් සිද්ද වෙන්නටය.

හර්ෂ ලොක්කා බලයට ආපු ගමන් ඇම්බියුලන්ස් කතාවක් කිය කියා ගියේය. ඒ කොළඹ අවට ඇම්බියුලන්ස් සේවයක් පටන් ගන්නවා කියාය. මේවා දියුණු රටවල් වල තියෙනා දේ වෙලා තිබුනේ ඉස්සරය. ඇම්බියුලන්ස් එකක වටිනාකම් ගොන් හරකුන්ට තේරෙන්නේ නැතිය. තේරුනත් මේක මහින්දගේ එකක් නොවන නිසා ඒකට විරුද්ධය. පෞදගලික රෝකල් වලින් ගාන මරා ගන්නා දොස්තර මාෆියාවත් විරුද්ධ උනේය. මේවා පටන් ගන්න දෙන්නේ නෑ කියා, ටෙලිවිසන්වල කුකුලන් කෙටවීමේ වැඩ සටහන් වලට ඇවිල්ලා තප්පුලෑවේය. ඒත්, මේ කුණු බල්ලෝ බුරද්දි, තවලම ඉදිරියටම ගියේය.

ඊයේ මේ සඳහා පුහුණුවට බඳවා ගත් අය ඉන්දියාවේ ට්‍රේනින් යවන මොහොතේ තිබුන උත්සවේ වෙලාවේ හර්ෂ ලොක්කා පොඩ්ඩක් නොව, සෑහෙන හැඟුම්බර උනේය. ඒ මේ මිනිස්සුන්ගේ තියෙනා නිර්ව්‍යාජ කමය. එජාපයේ ඉන්නා හැම එකාමත් අලි උනාට මහත්තුරු නෙමේය. ටයි කෝට් ඇන්දාට මහත්තුරු වෙන්නේත් නැතිය. එහෙනම් තිලක් මාරපන හා විජේදාස මහා ප්‍රාඥ්ඥයාත් මහත්වරු වෙන්නේ ඕනාය.  ඒත් අලින්ට ඡන්දය දුන් උන්, හර්ෂ හා එරාන් වැනි අය ගැන වෙනම බලාපොරොත්තු ඇතිව ඉන්නේය. ඒ බලාපොරොත්තු, ගොන් බාස් වැඩ වලට හොට දමා නැති කර ගන්න ඕනා නැතිය.

කාලකන්නි සීනීයෝ රොටි වලට මිනිස්ටර් කම් දෙන නිසා, මේ දෙදෙනාටම අප බලාපොරොත්තු වූ ඇමතිකම් ලැබිලා නැතිය. ඒත් වැඩක් කොරන එකාට ඇමතිකන් තිබුනත් නැතත් කරන්න ඕනා දේ කොරන්න පුළුවන්ය. ඒකට හොඳම උදාහරණය මෙයය. ඇම්බියුලන්ස් අයිති වෙන්නේ සවුක්ක අමාත්තන්සෙටය. ඒත් හර්ෂට දීලා තියෙන්නේ විදේශ නියෝජ්ජ එකක්ය. එතකොට අර කොහෙන් ගියත් අන්තීමට මැක්කාටම ඒන රචනාව වගේ, මේ ප්‍රොජෙක්ට් එකත් විදේශ එකට ඈඳා ගන්නා එක වැඩ කාරයෙකුට මහා දෙයක් නෙමේය.

ආන්ඩු පක්ෂය හා විපක්ෂය කියලා එකක් තියෙනා එක ප්‍රජාතන්ත්‍රවාදයේ ලක්සොනයක්ය. ඒත් ප්‍රජාතන්ත්‍රවාදය වෙනුවට ප්‍රජාචන්ච්‍රවාදය ගැන විශ්වාසය තියනා පොදු විපක්ෂය (විනාශය) කියනා හොර කල්ලියට හා උන්ට සම්බන්ධ මාෆියා වලට බයේ, රටට යහපතක් වෙන දේවල් නවතා දැමිය යුතු නැතිය. අඩුම ගානේ මේ දේ හෝ ඉක්මනින්ම ක්‍රියාත්මක කලහොත් මේ ආන්ඩුව යම් දෙයක් කොරන්න යනවා කියන දේ මිනිස්සුන්ට වැටහෙන්නට පුළුවන්ය. 

එහෙම නැතුව කම්බා හොරෙකුට හා ඔහුගේ හොර නඩයට මෙන්ම මාෆියාවන්වලටවත්, කහ කඩ සිවුරු කාරයන්ටවත් බයේ උන්ට උත්තර බදිමින් කාලය කා දැමිය යුතු නැත. මහින්ද සමඟ ඩාන්ස් කොලා ඇතිය. දැන් වැඩ කරන්න ඕනා කාලය ඇවිත් ඇත. සිරිසේන ලොක්කාට පක්ෂය බේරා ගන්න කියා, අලි පාටියේ උන්වත් මේ ගමන යා යුතුය. නැතිනම් වෙන්නේ අලින්ගේ පිහිටෙන් රජ උන මහින්දගේ ගෝලයන්ට මෙන්ම, අලි පාටියටටහ් යන්නට රටක් සොයා ගැනීමට වෙන එකය.

නියමයි හර්ෂ ලොක්කා ඔහොම යං... ඔහොම යං...