කෙහෙල් කොලේ කෑම, හොරා කෑම හා ඉල්ලාගෙන කෑම - Panama Papers, Corruption & Lumprice

අද රනිල් ලොක්කා පව් සමා කොර ගැනීම සඳහා චීනෙට යනවාය. යහපාචන ආන්ඩුව කාපු ළොකුම ඉල්ලාගෙන කෑම කෑවේ පෝට් සිටි එක නවත්තලාය. ඒ කාපු කෑම කොහොමද කියනවා නම්, අවුරුදු එකහාමාරක් වෙන්නත් ඇවිත් තාමත් දිරව ගන්න බැරිව, බඩ කොර වෙලා, අනාත නාත වෙලා ඉන්නවාය. මොකා කලත් ඒක ඉතා හොඳ වැඩක්ය. මේ රට ළෝකෙන් උතුම් රටෙයි කිව්වාට මෙහේ ඇති ලබ්බක් නැතිය. අපිට ගොඩ එනවා නම් ගොඩ එන්නේ වෙන්නේ, අනුන්ගේ පිහිටෙන්ය. අපිට ඕක මහා ළොකු ප්‍රොජෙක්ට් එකක් උනාට, චීනාට ඕක පඩයක් තරම් වත් වටින්නේ නැතිය. යහපාචනේට කොරන්න තිබ්බේ, ඕක තවකාලිකව හෝ නවත්තන එක නොව. අනේ චීනෝ පුළුවන්නම් තවත් එකක් හදපන් කියා චීනාට වඳින එකය.

රනිල් ලොක්කා ටයි කෝට් දාගෙන සුද්දා වගේ කෑවාට, සුද්දා කිඹුලා බනිස් කන්නවත් මෙහේ එන්නේ නැතිය. මොකෝ ආන්ඩු වෙනස් උන ගමන්, කරපු ඉන්වෙස්ට්මන්ට් මෙහේ දාලා ආයේ යන්න බැරි නිසාය. මේ ආන්ඩුව හාල්පාරු ආන්ඩුවක් කියා රටේ උන් දන්නවා නම්, පිර රට උන්ද එවා නොදැන් ඉන්න විදියක් නැත්තේය. ගිය ආන්ඩුවේ හොරා කාපු එක කේස් එකක්වත් අද වෙනකන් ඔප්පු කර ගන්න බැරි, අමු ගොබ්බ, ආන්ඩුවක් බව දැන් ඔප්පු වෙලා හමාරය. අළුතෙන් දාපු නීතිපතියා උන්නද මලාද නැතිය. FCID එකේ කේස් ඔක්කෝම නීතීපතියා ළඟ හිර වෙලාය. මනි ලොන්ඩරින් කලා කියා අත් අඩංගුවට ගත්ත උන් ගෙදර ගිහින් සරම උස්සා පුක පෙන්නනවාය.

අර කම්බා හොරු ටික ආයෙත් බලයට ඒදෝ කියනා සැකය අපට මෙන්ම සුද්දාටත් තියෙනවා ඇතිය. ඒකට කොරන්න තියෙන්නේ හොරු රජයේ සාක්කි කොර ගන්නා එක නොව, හොරා කාපු උන් මහ උළු ගෙදර යවා, දේපල රාජ සන්තක කොට,.ප්‍රජා අයිතිය අහෝසි කර දැමීමය. ඔය වගේ කේස් දෙක තුනක් කරන තෙක් ඉන්වෙස්ටර්ලා තියා සෙල්වෙස්ටර් ඉස්ටැලෝන්ලාවත් සෝ එකකටවත් මෙහේ එන්නේ නැතිය.

අපේ උන්ට හොරා කාපු උන්ට අල්ලන්න බැරි උනාට ජර්මනියේ මීඩීයා පොරවල් සෙට් එකක මූලිකත්වයෙන්, හොරා කාපු ළෝක හොරු සෙට් එකක්ම අල්ලලාය. එහේ මාද්දියවේදියෝ එහෙම උනාට, අපේ මාද්දියවේදියෝ ඉන්නේ හොරුන්ගෙන් කන්න බලාගෙනය. උන්ට තියෙන ළොකුම ප්‍රශ්නය හොරු ඇල්ලීම නොව, ටැක්ස් ගෙවන්නේ නැතිව මෝටර් බයිසිකොලයක් ගන්නා එකය. එහෙම බැලුවාම, පැනමා හොරුන්ගෙයි, අපේ කලටිපොල් හොරුන්ගෙයි, මාද්දියවේදියාගෙයි මහා ළොකු වෙනසකුත් ඇත්තේ නැතිය. උන්ගේ සමිති සමාගම් හැමදාම විසුරවලා දාන්නේත් හොරකම් නිසාමය.

දැන් ළෝකයම කතා වෙන්නේ පැනමා පේපර්ස් (Panama Papers) හෙවත් පැනමාවේ හොරා කෑම ගැනය. එහේ කොරලා තියෙන්නේ අක් වෙරළ සමාගම් හෙවත් ඕෆ්ෂෝ කොම්පැනිවලට (Offshore Companies) සපෝට් එක දුන්නා කියන මොසෑක් මහත්තයගෙයි ෆොන්සේකා මහත්තයගෙයි (Mossack & Fonseca)  කියන නීතී කොම්පැනිය මාර්ගයෙන් මනී ලොන්ඩරින් පාර දාන එක හෙවත් කළු සල්ලි සුදු කරනා එකය. අපේ උන්ට මනී ලොන්ඩරින්ග් අළුතෙන් හඳුන්වා දෙන්න ඕනා නැත්තේ, CSN කේස් එක නිසා, අපේ උන් ඒ ගැන හොඳින්ම දැනත් නිසාමය.

පැනමා පේපර්ස් (Panama Papers)  ගැන වැඩි විස්තර සඳහා මේ අකුරු උඩ කොටන්න...

අම්මට සිරි ලංකාවේ පින්බර ලක් පුතුන් ගැන පැනමාවෙන් තාම ආරංචියක් නැතත්, දැනට් පාලනයේ සිටිනා මෙන්ම, පාලනයෙන් විසි වූ එකාධිපති කෲර පාලකයන්ද ඇතුලුව, රාජ්‍ය නායකයින් 12 ක් මේ අතරේ ඉන්නා බව මාට්ටු වෙලා අහකය. ඒ අතර චීන ජනාධිපති සී ජින් පින්, යූක්‍රේන ජනපති ,ආජන්ටිනාවේ ජනපති, එංගලන්තයේ අගමැති ඩේවිඩ් කැමරන්ගේ අප්පොච්චා මෙන්ම, පකිස්තාන් අගමැති නවාස් ෂරීෆ්ගේ ආදරනීය පුත්‍ර රත්නයන් හතරක්ද ඉන්නවාය.

මොවුන් අතරින් චෝදනා ඉදිරිපත් වූ අයිස්ලන්ත අගමැති මහත්මයා. චෝදනා ඔප්පු වීමටත් කලින් ජනතාවගේ බිත්තර හා කෙහෙල් ගෙඩි ප්‍රහාර සමග එල්ලවූ විරෝධය හමුවේ තම තනතුරෙන් ඉල්ලා අස්වෙලා ගෙදර ගියේය. ජනතාව ඉන් සෑහිමකට පත් වන්නේ නැතිය. උන් කියන්නේ හොරා කාපු එකා වගේම උගේ වටේ හිටිය එකෙක් අගමැති වෙනවාටත් උන් විරුද්ධ නිසා, වහාම පාර්ලිමේන්තුව විසුරුවා හැර ඡන්දයක් තියන්නෙයි කියලාය. කතා දෙකක් නැතිව අරුත් එක්ක හිටිය එකෙකුටවත් ආයේ පාර්ලිමේන්තුව පැත්ත පලාතේ එන්න වෙන්නේ නැතිය.

කරුමය කියන්නේ ඒ අයිස්ලන්තයේය. ඒකට මේ අම්මට සිරි ලංකාවේ හොරා කෑවා කිව්වාට අද වෙනකන් එකක්වත් ඔප්පු කර ගන්න බැරි වෙලාය. අල්ල ගත්ත උන් ගෙදර ගිහින් ආයේ පාරක් කන්නේ කොහොමද කියා ගේම් ගහනවාය. මාද්දියවේදියෝත් හොරකම් ගැන ඉන්වේස්ටිගේසොන් ජර්නලිසම් කොරනවා වෙනුවට, ඒවා කරන උන්ටත් කින්ඩිය දම දමා, ලැප් ටොප් එකයි, 50,000 මෝටර් බයිසිකොලෙයි, මාසෙකට සැරයක් හම්බ වෙන විස්කි ෂොට් එකයි බලාගෙන, කැමරා ටිකයි, මයික් ටිකයි, නෝට් පෑඩ් ටිකයි, උස්සාගෙන හොරු පස්සේ වන්දිබට්ට කමේ යනවාය. 

ජනතාව ඒ සේරෝටම වඩා හපන්ය. උන් ආයෙත් අර හොර සෙට් එකම ඉල්ලනවාය. පට්ටම ආතල් එක කියන්නේ, හොරා කාපු මහ එකා හයිඩ් පාක් පිට්ටනියට ඇවිල්ලා, පපුවට ගහගෙන, තොපි හොරා කන්න දන්නේ නැහ්නන් මට කන්න දීපීයෝ කියලා පපුවට ගහගෙන කෑ ගහනවාය.

ඒ ඔක්කෝම වෙන අතරේ කිසි අවුලක් නැතිව අපේ ලොක්කා කෙහෙල් කොලේ බත් කනවාය. ජී ඇල් පීරිස් ලොක්කා, දිනේස් ගොයියගෙයි, රජගෙදර රිලවාගෙයි ලණු කා, CID එකෙන් ඉල්ලාගෙන කනවාය. ලොක්කා කෙහෙල් කොලේ කෑවාට එයාගේ මල්ලි ටෙලිකොම් එක වවාගෙන කනවාය. හිටපු ලොක්කාටත් කෙල උනේ මල්ලිලා නිසාය. ඒ නිසා, මේ ලොක්කාත් ටෙලිකොම් එක ඉහගෙන කන මලයා ගැන පොඩ්ඩක් හොයලා බැලුවොත් හොඳය. මොකෝ වැඩියෙන් කෑවාම, දිරවා ගන්න බැරුබ බඩේ අජීර්ණ වගේ ඒවා හැදෙන නිසාය. ඉස්මුරුත්තෙට ආවාම වමනේ කොරන්න වෙන නිසාය.

වමනේ කොලාම මෙන්ම, බඩේ අමාරු හැදිලා බඩ එලිය ගියාම, ගන්දස්සාරේ ඉන්න බැරිය. හරියට අයිස්ලන්තේ අගමැතිට උනා වගේය.

ඒ වගත් මෙසේය....