උගන්ඩා යන්න තිබ්බේ මෛත්‍රි මැතිදුන්ය - Uganda is better than London

අපි මෛත්‍රිලා ගේනවා වාගේම. මුසෙවෙනිලා බෞතීස්ම කරන්නේ බටහිර රාජ්‍යයන්ය. මෛත්‍රීත් දිනෙක මුසෙවෙනිලා නොවෙයි කියා කිව හැක්කේ කාටද...?

- මාතලන් -

බැසිල් අත් අඩංගුවට ගත්තා කියා නිව්ස් එක ආපු ගමන් මාතලන් බුකියේ ඉස්ටේටස් එකක් දැම්මේ මෙසේ කියමිනි.

//එංගලන්තෙ සමුළුව අමතලා ඉවර උන ගමන් බැසිල් ආයේ එළියට.

සමුළුවේදි මොකෙක් හරි ඇහුවොත් දූෂණ අක්‍රමකිතා වලට එරෙහිව මොකාද යකෝ ගත්තේ කියලා ඇහුවොත් කියන්න එකෙක් ඉන්න එපාය.

මොකෝ සජින් වාස් ඇතුලේ දාන්නය.//

අනාවැකිය කිව්වා වගේ ටක්කෙටම හරි ගියේය. බැසිල්ට එදාම ඇප ලැබුනේය. මෛත්‍රී මේ රටේ යහපාලනේ ඉල්ලපු උන්ට පෙන්නමින් ඉන්නේ ඒ කාළේ බොහෝම ජනප්‍රිය විගඩමක් වූ "ගෝනී එළුවා පෙන්නිමේ" සෝ එකය. මාතලන් රනිල් අතහැර මෛත්‍රිට ගහනවා කියා පොඩි කේස් එකකුත් යන්නේය. මට නම් එයාලාට කියන්න තියෙන්නේ මේ රටේ නායකයා රනිල්වත් මහින්දවත් නොව, මෛත්‍රීපාල සිරිසේන ලොක්කාමය කියලාය. 

ගෝනී එළුවා බලන්න ගියාට ඒකේ ඇති එළුවෙක් නැතිය. තියෙන්නේ, ගෝනී වගයක් බිම එලාගෙන යන සෙල්ලමකි. මේ ආන්ඩුවේ හොරුන් ඇල්ලීමත් ඒ වාගේ සෙල්ලමක්ය. හැමදාමත් හොරා හොරා කිය කියා, එක එකා, අරකටයි මේකටයි ගේනවා විතරය. අල්ලපු එක හොරෙක්වත් ඇත්තේ නැතිය. නීතීපති ආපු ගමන් ඔක්කෝම අල්ලනවා කිව්වාට. එහෙම එකෙක් ඉන්නවාද නැද්දෝ කියා කියන්න එකෙක්වත් දන්නේත් නැතිය. ඔය ගෝනී එළුවා සෙල්ලම හැමදාම පෙන්නුවේත් නැතිය. ඕවා පෙන්නුවේ එක්කෝ වෙසක් කාලේටය. එහෙම නැත්නම් ගමේ පන්සලේ පින්කමක් තිබුන වෙලාවකය.

ඒ වාගෙම රාජපක්ෂලා, තාජුඩීන්ලා එලියට එන්නේ දේශපාලන වශයෙන් වැදගත් කමක් තියෙනා කාලයටය. මැයි පළවෙනිදා එයාලා එලියට එන්නේ ඒ නිසාය. ආයෙත් මේක එලියට එන්න ඉඩ ඇත්තේ, ආන්ඩුවට ගේමක් ආපු විටදීය. එතකන් එයාලාට අවුලක් නැතිය. මොකා මොනවා කිව්වත්, අපට තේරෙන් ආකාරයට නම් මහින්දලාගේ බලය හා මුදල් හමුවේ හැම එකාම ඉන්නේ ඇඹරිලාය. FCID එකට ගිහින් එලියට එන උනුත්, කිසි බයක් නැතිව ආන්ඩුව පතුරු ගහන්නේ ඒ නිසාය.

එංගලන්තේ තිබ්බ ඇන්ටි කොරප්සොන් සමුළුවට ඇෆගනිස්තානේ උනුයි, නයිජීරියාවේ උනුයි, බ්‍රිටිෂ් වර්ජින් අයිලන්ඩ් වල උනුයි ආවයි කියා ඒ රටේ ජනමාද්දියවේදීන් ගේමක් ඇද්දේය. කැමරන් ගොයියාත් ඇලිසෙබෙත් මහ රැජිණට කියලා තිබුනේ, ඇෆගනිස්තානෙයි නයිජිරීවයි, කොරප්සොන් එකේ හොඳම දෙන්නෙක්ය කියලාය. හැබයි ඔය ඔක්කෝම දන්නේ නැති උනාට, කොරප්සොන්වලට එකසිය ගානට සපෝට් කරන උන්නැහේ කෙනෙකුත් ඉන්නවා කියා එයාලා දැක්කේ නැති උනාට අපි නම් හොඳට දැක්කේය. දැක්කා ඉතරක් නොව පස්ස පැත්තෙනුත් හිනා ගියේය.

ඔය ලොක්කා අද වෙනකන් අල්ලපු එක හොරෙක්, වංචාකාරයෙක් හෝ දූෂණ කරපු එකෙක් නැතිය. අල්ලපු උන් ඔක්කෝම නඩු අහන බඩු කාරයෝ එලියට දැම්මේය. සම හරක් පිට රටය. බැංකොක් වල ඉන්නා උදය වීරතුංගලා මහින්ද එක්ක ෆොටෝ ගහලා බුකියේ දාලා කියන්නේ, "තෝ අල්ලයි අපේ නැට්ට..." කියලාය. අදටත් ඇතුලේ ඉන්නේ, තාජුඩින් කේස් එකට ගත්ත අහිංසකයෙක් හා එක්නැලිගොඩ කේස් එකට සම්බන්ධ සෙට් එක විතරමය. තාජුඩින් කේස් එක එතනින් අහවරය. අද ගන්නවා හෙට ගන්නවා ලබන සතියේ ගන්නවා කියපු අනුර සේනානායකලා ඩීල් දමාගෙන වැඩේ ෂෙප් කොර ගන්නවාය. අනුර සේනානායකගේ ඕඩර්ස් ක්‍රියාත්මක කරපු අහිංසකයා තාමත් ඇතුලේය.

ප්‍රදීප් එක්නැළිගොඩගේ සෙට් එක ඇතුලේ ඉන්නේ, එක්නැළිගොඩ හාමිනාගේ කටේ බලේ නිසාමය. ඇත්තටම ඒ ගැහැණිය නම් යකඩ ගැහැනියකි. මහින්ද රාජපක්ෂටවත් බය නොවු ඒ යකඩ ගැහැනියට, ගලගොඩාත්තලා හා ඉත්තෑවෝ නිකංම නිකං හාල් පාරුවෝය. සාක්කිත් නැතුව ඒ සෙට් එක්ක ඇතුලේ ඉන්නේ, ඒ නිසාම මිස, යහපාලනයේ ප්‍රාතිහාර්යයකින් නොවේමය.

මහින්ද මහත්තයා කියනවා වාගේ, හොරු කියපු ඔක්කෝම උන් අද ඉන්නේ මෛත්‍රීගේ රෙද්ද අස්සේය. බලාගෙන ඉන්නේ පොදු විපක්ශේ ඉන්න උන් ටිකත් මොන සෙල්ලම හෝ දාලා එයාගේ රෙද්ද අස්සේ දාගන්නය. ඝෝඨා බාගන්න එකසිය ගානේ ට්‍රයි එකක් යනවාය. ඔහොම බාලා බාලා, අන්තීමට මහින්දත් බාගත්තොත් පුදුම වෙන්නත් ඕනා නැතිය.

එදා හොර බිස්නස් එකක් කියා පස්චාත් භාගය ඉරාගන්න ගිය ඇවන්ගාඩ් අවි වෙළඳාම අද කිසි අවුලක් නැතිව කරන්නේ අන්ඩුවය. ඒ කියන්නේ කිසි ලෙසකින්වත් සේනාධිලංකාරලා කර තිබෙන්නේ ඉලීගල් බිසිනොස් එකක් නෙමේය. කම්බ හොරෙක් කියූ සජින් වාස්, ඉස්ම යන්න ටෝක් එක දෙන්නේ, "අපිට ඒ ආන්ඩුවත් එකයි මේ ආන්ඩුවත් එකයි..." කියාය. එහෙම කියන්නේ, එදා මහින්දව ඇන්දුවා වාගෙම, අද උන්න්නැහේ සිරිසේනත් අන්දාගෙන අහකයි කියලාය. හොරා කෑවා කියූ ඔක්කෝම නිළධාරින් යහපාලනය තුලත් කිසි අවුලක් නැතිව යහතින් ඉන්නවාය.

යහපාලනයක් ගෙන එන්න අළුත් පරපුරක්ද මක්කදෝ එකක් එක්ක ගියපු අහිංසක කළාකාරයෙක් වන ලක්ෂ්මන් විජේසේකරට කෙලපු එකාත් රෙද්ද අස්සේ දා ගත්තේය. දා ගත්තා මදිවාට මහා ළොකු පොරක් කියා හිතාගෙන ඉන්නා මහින්දගේ කාළේ අමු හාල්පාරුවෙක් උන, මහින්ද නමම තියෙන සංධානේ ලේඛම් ඒ වැඩේ අපූරු ලෙස සාධාරණීකරනය කරලාත් තිබුනේය. මහින්ද අඩු ගානේ ගුරුවරිය දන ගස්වපු එකා මෙන්ම, සුද්දා මරපු එකාත් ඇතුලේ දැම්මේය. මේ ආන්ඩුව උන් ආවත් ගන්නා අමු ගොබ්බ ආන්ඩුවක්ය.

ඇත්තටම එහෙම බැලුවාම, මහින්ද ලොක්කා කිසිම දෙයක් කොරලා නැතිය. එයා කොරලා තියෙන එකම වැරද්ද, අනික් උන් හොරකම් කොරන කොට ෆයිල් හංගපු එකය. ඒක එච්චර වැරද්දක් නෙමේය. මට පේන්නේ ඉන්ටර්නැෂනල් ඉන්විටේසොන් එවලා තියෙන්නෙත් නාගෙන අනාගෙන කියලාය. බලාගෙන ගියාම මහින්ද මහත්තයා යන්න ඕන එකට සිරිසේන ලොක්කා ගිහිල්ලාය. සිරිසේන ලොක්කා යන්න ඕන එකට මහින්ද මහත්තයා ගිහිල්ලාය. අම්මට සිරි ලංකාවේ ඈස්චර්ය දැක්කම ඉන්ටර්නැෂනල් පොරවල් පවා මඤ්ඤං වෙන්නේ එහෙමයි හිටංය.

From - Facebook