චන්ඩින්ට පිළිම නෙලනා රටේ, "චන්ඩියා" තම්බියකු වූ කළ - When Race Becomes Real

නැගෙනහිර මහ ඇමතියා නේවී එකේ ලොක්කෙකුට චන්ඩි පාට් එකක් දාලා කියා දකුණේ චන්ඩි ඔක්කෝම කුල්මත් වෙලාය. ඕක හින්ගල එකෙක් හරි, බයියෙක් හරි කරා නම් කියන්නේ වෙනත් කතාවක්ය. එහෙනම් ඉතින් නේවී ලොක්කාගේ අම්මා අප්පා ඉඳලා හමාරය. එහෙම වෙන්නේ, මේක බයියන්ගේ රට නිසාය. ඒ කියන්නේ මහා ජාතිය අමු බයියන්ය. ලංකාවේ අම්මලා, පොඩි උන් පොඩි කාලේ සිටම බයියලා කරන්නේ, "බයිය බබෝ... බයියා..." කියලාය. ඉතින් ටොයියෙක් උනත්, මේ වගේ සීන් එකකදි, අර උපන් ගෙයි බයි බව ඉස්මතු වෙනවාය. 

සුද්දා දීලා ගිය ප්‍රජාචන්ච්‍රවාදේ අපේ ගොන් බයියන්ට දිරෙව්වේ නැති නිසා, වැඩවසම් ක්‍රමයේ නස්ටාවසේසොයක් උන බන්ඩාරනායක වලව්වේ උපන් සොලමොන් ගොයියා නැවතත් "අපේ උරුමය" වන, වැඩවසම් ක්‍රමේ ගෙන ආවම, අපේ බයියෝ එක ඉස්මුදුනින් පිලිගත්තෝය. ඒකෙත් හොඳම එක වන කූඹින්ටත් ඉඳිද්දි අපිට රජෙක් නැති අඩු පාඩුව මෑතක පිරිමසාලූයේ, අප නරනිදූ පර්සී මහෙන්ද්‍ර නම් නරෝත්තමයානන් වහන්සේය.

ඒ ක්‍රමයට අනුව මේ රටේ ජහ මනයා හෙවත් මහ ජනතාවක් ඇත්තේ නැතිය. ඉන්නේ යටත් වැසියන්ය. ප්‍රජාචන්ච්‍රවාදි පාළකයන් නැතිය. ඉන්නේ රජවරු, යුව රජවරු, ප්‍රාදෙශීය රජවරු, කුමාරවරු, නිළමේවරු හා මැති ඇමතිවරුය. උන්ගේ යටතේ තියෙනා හමුදාවල ඉන්නේද වහළුන්ය. ඉඳින් මේ උත්තමයෝ උන් යටතේ සිටිනා අපි වැනි හාල් කෑලිවලටත්, චතුරාංගනී සේනාවේ සෙනපතියන්ට උනත් සලකන්නේ රජගෙදර බල්ලාට සලකනවා වාගේය. එයාලා ඔක්කෝම චන්ඩිය. අනික් උන් පොන්නයෝය. මේන් මේ සිස්ටොන් එකට අමු හින්ගලෙන් කියන්නේ "ප්‍රොටෝකෝල්" එක කියලාය. 

යුද්දෙට නායකත්වය දුන්නා එකා හතර ගාතෙන් උස්සගෙන ගොස් දඟ ගෙයි දැම්මාම එකෙක්වත් හාම් හූම් කියන්න ගියේ නැතිය. හාන්දුරුවරු දෙන්නෙක් තුන් දෙනෙක් පොඩි සද්දයක් දැම්මත්, දත් නැතිව බත් වළඳන්න කැමතිද අපේ හාන්දුරුවනේ කියා රජතුමා සද්දේ දාපු ගමන්, සද්දෙට අධෝ වාතයක්වත් ඇරියේ නැතිය. මාලක සිල්වා කියා කුමාරයෙක්, ඒ කාළේ පා බල හමුදාවේ නිළධාරියෙකුට ENT සැත්කමක් කරපු වෙලාවේ එහෙන් මෙහෙන් පොඩි සද්දයක් ආවත්, ඉක්මනින්ම නිවන් යන්න වෙන නිසා, අන්තීමට ඌ කිව්වේ ඒ සැත්කම ඌම කර ගත්තා කියලාය. හැබයි ඉතින්, කනේ ඔපරේසොන් එක, හම්බයෙක් හරි දෙමළෙක් හරි කලා නම් කතන්දරේ පෝඩ්ඩක් ඉතර වෙනස් වෙන්න තිබුනේය.

අද ජීවීතාන්තේ දක්වා පවුල් පිටින් හිර බත් කන වාස් ගුණවර්ධනලාටත් කෙල වෙලා ගියේ කුළියට ගේම දීලා තිබුනේ මුස්ලිම් උනත් පාළක පැලැන්තියේ එකෙකුට නිසාමය. එහෙම නැතිව තාජුඩින් වගේ එකෙකුට, ප්‍රදීප් එක්නැලිගොඩ වගේ එකෙකුට, රවිරාජ් වගේ එකෙකුට ගේම දෙන උන් නිකන්ම වීරයෝ වෙනවාය. ප්‍රදීප් එක්නැලිගොඩට ගේම දුන්නා යැයි කියන උන් බලන්නට මහ රජානෝ හිර ගෙවල් ගානේ අදත් වඩින්නේ ඒ නිසාමය.

නැගෙනහිර මහ ඇමතියා කරලා තියෙන්නේ අර කලින් කිව්ව "ප්‍රොටෝකෝල්" එක අනුව වැඩ කිරීමය. අම්මට සිරි ලංකාවේ ප්‍රොටෝකෝල් එක කියන්නේ අමුම අමු වැඩ වසම් ක්‍රමයමය. ඌ නේවී කාරයාට පාට් දාන්නේත්, හිටපු මහ ඇමති පිල්ලෙයාන් මැතිතුමා කැමරා කාරයෙක් මරාගෙන කන්න යන්නේත්, හිටපු පොලිස් මාධ්‍ය ප්‍රකාෂකට චන්ඩි මල්ලිගේ පුතාට දන ගහලා වඳින්න කියන්නේත්, ඒ ප්‍රොටෝකෝල් එක අනුවය.

හිටපු මහරජානන් වහන්සේ හිටපු පාතාලයන්ගේ (චන්ඩි මල්ලිගේ) පිලිම ඕපන් කරන රටේ. (ඔය උඩ පින්තූරේ තියෙන්නේ, හිටපු මහරජතුමා චන්ඩි මල්ලිගේ පිළිමය නිරාවරණය කරනා ආකාරයය.)
විමල් ඇමති කාලේ පොලීසිය බල්ලා මාක් කලාම අවුලක් නැති රටේ,
කුමාරයාගේ පිලට චියර් කලේ නෑ කියා හමුදාවේ උන් පනිෂ් කොරපු රටේ,

අහිංසක කලාකාරයෙකුට නෙලපු එකාට ආසන සංවිධායක කම් දෙන රටේ.
පාතලයන් ජනවරමින් පාර්ලිමේතුවට ඇවිත් ගුටි ඇනගන්නා රටේ.
අමාත්‍යංශවල අන්තඃපුර දාගෙන ඉන්නා රටේ.
මහත්වරුන් කියා හිතපු උන් අමු කුණුහබ්බ පාර්ලිමේන්තුවේ ඇද බානා රටේ. 

හාන්දුරුවරු ප්‍රසිද්දියේ මුස්ලිම් උන් එක්ක ගේම ඉල්ලන රටේ.

මහ ඇමතියෙක්, ඇමරිකන් තානාපති හා අග්‍රාන්ඩුකාරයා ඉදිරියේ පාළක පන්තියේ හේවායෙකුට සද්දයක් දානා එක, මාතලන්ට නම් මහා කේස් එකක් නෙමේය. ඒක, අර මහා ප්‍රොටොකෝල් එකේ "උප සිඟිස්කුරුතියක්" ය. ඇත්තටම එවන් උප සඟිස්කුරුතින් අප වැනි හාල් පාරුවන්ට ප්‍රශ්ණ කළ නොහැක.

ඕක කේස් එකක් වෙලා තියෙන්නේ, කලින් කිව්වා වගේම තම්බියෙක් හිංගලයෙකුට බැන්න එකය. එහෙම නැතුව හිංගල උන්ගේ ආතල් ගන්න, වැලි කොට්ට ගොඩ ගැහුවත්, ගෙවල් මුරකරත්, වාහන හේදුවත්, නෝනලා බේබිලා පික් අප් හා ඩ්‍රොප් කලත්, නෝනා හාමුලාට කඩේ ගියත්, කක්කුස්සි හේදුවත්, ඒ තියා පුක හේදුවත් බයියන්ට අවුලක් නැත්තේමය.

ඒ නිසා අර මහ ඇමතියා කිව්වා වාගේ ප්‍රොටෝකෝල් එක දැනගෙන ජීවත් වීම ඒ නාවුක නිළදරුවාට වාගේම අපි කාගේත් ඇඟට හොඳය.

මේ ආන්ඩුව. මේ මරි මෝඩ ක්‍රියාවන්ට එදිරිව මෙන්ම. අමු ජාතිවාදය ප්‍රසිද්දියේ වැපිරීමට එරෙහිවත් වහාම තද බල නීතී ගෙන ආ යුතුය. එසේ නොමැති වුවහොත්, මේ මරි මෝඩ එකාබද්ධ බළබද්දේ උන් මෙන්ම, උතුරු නැගෙනහිර ජාතිවාදී මී හරකුන්ද, නැවතත් මේ රට ලේ විලක් කරනවා නොඅනුමානය.

අපේ රටේ උන් චන්ඩින්ට කොහොමත් ආදරේය. චන්ඩි කියපු ගමන් මගේ මතකෙට එන්නේ ගජමන් නෝනාගේ ගමේ උන්න ඉස්ටැන්ලිය. ඉස්ටැන්ලිට දියවඩන නිළමේ පවා දෙකට නැමුන හැටි ගැන නන්දා මාලිනිය හරි අපූරුවට අපට කියලා දෙනවාය. අනික් එකා සේදවත්තේ ජෝන් ගොයියාය. ජෝන් ගොයියා නම් කොතලාවල මැතිඳුගෙන් පාඩමක් ඉගෙන ගත්ත බව අපට කියන්නේ ජැකා හා අනුලා බුලත්සිංහලය. ඒ "මධුර ජවනිකා" වලය. චන්ඩින්ට කැමති උන් මෙන්ම චන්ඩි නොන්ඩි වෙලා නෝන්ඩිම වී යනවා බලන්න කැමති උන්ටත් මේ වීඩියෝ දෙක බලා ආතල් එකක් ගන්න පුළුවන්ය.