මහින්ද ඉටු කරමින් සිටින්නේ, ජාතික යුතුකමෙකි - It is Mahinda's Duty to protect Democracy

මාතලන් තෙරුම ගත නොහැකි වූ සම හරක්ට, මේ හෙඩිම දැක්කාම මොලේ මඤ්ඤං වීම පුදුමයට කරුනක් නොවන්නේය. මා කියමින් සිටින්නේද, යහපාලනය ගෙන ඒමට තම ජීවීත පරදුවට තබා.... ජීවිත පරදුවට තබා...? මක් කිව්වා ජීවීතේ පරදුවට තබා...? ඔව් යකෝ, තොපි හිතනවද මහින්ද මහතතයා දින්නනන් හෙම ආයේ ෆොන්සේකගෙන් ඉතරක් නවතීවිය කියලා. ෆොන්සේකා, සිරාලා, රාජිතලා ඉතරක් නෙමෙයි, නිර්මාල්ලා, වියන්ගොඩලා, සරත් විජේසූරියලටත් වෙන්නේ, ප්‍රදීප් එක්නැලිගොඩලට, ලසන්තලට උන දේම තමයි. 

අපිට කියලා වෙනසකුත් නෑ. සුදු වෑන් එකක එහෙම යන්න තිබුනා. මොකෝ මහින්ද මහත්තයට අපිත් එක්ක ගේමක් නැති උනාට. සම හරක්ට අපිත් එක්ක ගේමක් තියෙනවනේ. ආයෙ ඉතින් දෙකක් නෑ. ඊට පස්සේ ඡන්දත් නෑ. තනිකර රජ පාලනේ, බටහිරයි, ජිනීවයි, මානව හිමිකමුයි, අරකයි මේකයි, මොන මළදානේ කලත්, චීනා පුල් සපෝට් එක දෙන්න පොරොන්දු වෙලත් ඉන්න ඇති. ඒකනේ බය නැතිව උන් එක්ක ගේම ඉල්ලුවේ.

මාළු තහනමයි, ජී ඇස් පීයි, අරවයි, මේවයි, ඔක්කොම නැති වෙලත් රට කරගෙන ගියානේ. (තව දේකුත් තිබුනා. ඒක අර්ථික උස්තාදලටත් හිතා ගන්න බැරි දෙයක්. ආර්ථිකයෙන් 50% විතර තිබුනේ ඒකේ කන්ට්‍රිබියුෂන් එක.) ඒ කියන්නේ, සෝභනේට හදාපු ඒවා හරි ප්‍රොජෙක්ට් හැටියට ගිය නිසා. නෑ මං කියන්නේ බලන්න..., අද ඒ හදාපු ඒවා, වාර්ථා පවා තියනවනේ. මත්තල වී ගබඩාව ළොකයේ පාළුම එයාපෝට් එක කියලා වාර්ථාවක් තිබ්බේ මෑතක නේ. ඕන් එහෙම නොමිලේම ප්‍රචාරණේ ගියාම, ඔය ටුවරිස්ට්ලා හරි ආසයි අරුම පුදුම දේවල් බලන්න. අපි අර හසන්ත මහත්තයගේ "අටපට්ටම" බලනවා වාගේ. ඒකෙත් ඊයේ පෙන්නුවා බල්ලෙක්ට කවනවා හැන්දෙන්. එහෙම දුන්නේ නැත්නම් ඌ කන්නේ නෑලූ. ඕකත් පුදුම වෙන්න දෙයක්ය. නිදහස ලැබුන දා පටන් අපි හරක් ගාලකට කවන්නේ කිසි අවුලක් නැතිව.

දැන් බලන්න ඔය පැරීසිය මැද්දේ තියෙන අයිපල් කුළුන. මම අහන්නේ ආයිබෝවන්ඩ සත පහක වැදගම්මක් ඇති බඩ කඩුත්තුවක්ද? ඒත් ප්‍රන්සෙටත් වඩා මිනිස්සු දන්නේ කුළුන ගැන. අතින් කයිට් කරගෙන යනවා ඔය යකඩ ගොඩ බලන්න. ඉතින් අනාගතේ සුද්දෝ එන්නේ නැති වෙයිද? ළෝකයේ නැව් නැති එකම හාබර් එක බලන්න. ගුවන් යාන නැති එයාර්පෝට් එකක් බලන්න. සම්මන්ත්‍රණ නැති සම්මන්ත්‍රණ ශාලා බලන්න, වෙඩින් ගන්න ක්‍රිකට් ග්‍රවුන්ඩ් බලන්න. ඕවට අර පැරිස් කුළුන වගේම රෑටත් ලයිට් දාල. ඒක වටේ කාර් රේස් යන කොට සුද්දෝ මොන්ටිකාලෝ යනවා වගේ මෙහේ එන්නේ.

ඕන්න ඔය වගේ ටාගට් තියාගෙන කොරපු ප්‍රොජෙක්ට් ටික මේ ආන්ඩුව ආපු ගමන් නවත්තලා දැම්මා, කාර් තියෙන උන්ට සං සං ගාල ආතල් එකේ යන්න හදපු හයි වේ ටික නවත්තල දැම්මා. (වෙන රටවල ඒවා හදන්නේ රටේ ආර්ථිකයට ශක්තියක් වෙන්න යටි තල පහසුකම් සංවර්ධනයක් විදියට. මෙහේ හදන්නේ ඉක්මනට ආතල් ගන්න යන්න.) මහින්ද මහත්තයා කොන්ක්‍රිටුයි කාපටුයි දාලා හදාපු ඒවා වෙනුවට, පියෝ ගෝල්ඩ් වලින් පාරවල් හදලා දෙනවැයි කිව්වට, අන්තීමට උනේ, අර බැසිල් මහත්තයා 20% සාක්කුවේ දාගෙන. ප්‍රාදේශියෙ උන් තව ගානක් ගහගෙන, ඒකේ ඉන්න ලේකන්ලයි, ඉන්ජයිලයි තවත් ගානක් ගහගෙන, සමිතියෙ එකත් පොඩි ගානක් ගහගෙන, මීටර් දෙසීය දෙසීය දාපු කොන්කිරිට් පාරවල් ටිකත් නැති වෙච්චි එක.

දැන් එහෙම කාපු උන්ටයි, අලුතෙන් ආපු උන්ටයි, කන්න ක්‍රමෙකුත් නෑ. පුක කහගන්න සත පහකුත් නෑ. ඉතින් කෙලිනවා කෙලින්න පුළුවන් ලේසිම එකාට. කාටද...? බුද්ධිමත් ජනතාවට. අපරාදේ කියන්නේ ආර්ථික ඝාතකයොයි, සීයට විස්සේ පුරහඳ වගේ මල්ලියි නිසා, නැට්ට බිම ඇනගත්ත මහින්ද මහ රජානොත් අන්තිම කාලේ කලේ ඔය වැඩේ තමයි. දැන් අපේ අයට අමතක උනාට. අද මේ කියන කතන්දර ටික අඩුවක් නෑර ඒ කාළෙත් කිව්වා. ඉස්පිල්ලක් පාපිල්ලක අඩුවක් නැතිව. 

ඒකනේ ඒ මහත්තයලට මැදමුලනට පසු බහින්න සිද්ද උනෙත්. ඒ වෙලාවේ සිරිසේන ලොක්කා නෙමෙයි. අර ජනක් ප්‍රේමලාල්ගේ "රාජ කපුරු" නාට්ටියේ වගේ, සෝභිත හාන්දුරුවෝ පඹයෙක් ගෙනත්, මේන් මේ තමයි අපේ පොදු අපේක්ෂකයා කිව්වා නම්, නාට්ටියේ, මංගල හස්ති රාජයා දන ගහලා පඹයට වැන්දා වගේම, අපේ උනුත් පුක උඩ දාගෙන පඹයව රජා කරනවා. මොකෝ ඒ තරමට එපා වෙලා උන්නේ. 

ඒත් ඉති ලේ කොල පාට උන්ට උන්ගේ හීනේ තාමත් තියෙනවා. හීනය කියනවනේ මිනිස්සු ජීවත් කරවන්නේ. ඒ කියන්නේ බලාපොරොත්තු. ඉතින් උන්ට ඒ බලාපොරොත්තුව තාමත් තියෙනවා.. ඒ තමයි යූ ඇන් පී ආන්ඩුව ආවම හරි ෂෝක් කියලා අපේ සීයගේ කාලේ හිටං කියපු කතන්දරේ. ඇත්තටම ඉතින් රනිල් කියන නායකයට බැරි උනාට, ඩී බී විජේතුංග කියන හාල්පාරුවා ඇර, අනිත් නායකයෝ රට තිබුන තත්වෙන් හැම වෙලාවෙම ගොඩ ගත්තා. ඉතින් ඒ මිනිස්සු ඒ හීනේ තා අවුරුද්දකින් වත් එයි කියලා බලාගෙන ඉන්නවා.  බොරු මක්කටෙයි. අපේ හිතවලත් තාමත් එහෙම දෙයක් තියෙනවා.

හැබයි ඉතින් මේ කිව්වයි කියලා, මහින්ද ආයේ ගේන්න හදනවය කියලා කලබල වෙන්න ඕන නෑ. මොකෝ මහින්ද මහත්තයා කවදාවත් මේ රට හදන්නේ නෑ කියලා බුදු ෂුවර්. එයාලගේ තියෙන්නේ පරම්පරාව ගොඩ දා ගැනීමේ සිහිණයක් ඉතරයි. හැබයි ඉතින් උන්නැහේම කියනවා වගේ, ජීවිතෙට පරද්දන්න බෑ කියලා හිතපු තමන්ටත්, ජනතාව කෙලියා වගේ. ආයේ එන්නේ නෑමයි කියලා කියන්නත්, අපිට අමාරුවක් නෑ. මේ පිස්සු කෙලින පිස්සු කෙලිල්ලෙ හැටියට, ආයේ එහෙම දෙයක් නොවෙයි කියන්න එකෙකුටවත් බෑ. එහෙම එයි කියලා බයක් තියෙන නිසා තමයි ඔය සිවිල් සංවිධාන වල උන් ගිරිය යටින් කෑ ගහන්නේ, ආයේ මහින්දට එන්න අපි ඉඩ දෙන්නේ නැතෙයි කියලා.

මහින්ද රාජපක්ෂ හොරාය කියලා අපිව අන්දපු රාජිතලා දැන් කියනවා එයා හොරකම් කළේ නැතියිය කියලා. දැන් ඉතින් රන්ජන්ලට එහෙම, වත්තේ එලෝළු හිටවන ගමන්, වලක් කපාගෙන වලට බැහැලා පස් දාගෙන වහගන්න එක තමයි වෙන්නේ. ඒක අමාරු නම්, ඩිලාන් පෙරේරගෙන් වහ කුප්පියක් ඉල්ල ගත්තත් අවුලක් නෑ. මේ ආන්ඩුව තව අවුරුදු හතරක් ඉන්නවය කිව්වට, එහෙමම හිතාගෙන ඉන්නවා නම්, ඒකත් මෝඩ කමක්. මොකෝ ඇමති මන්ඩලේ 30කට සීමා කරනවයි කියලා. ඒක දැන් හිතේ හැටියට වැඩි කර ගත්ත ආන්ඩුවක්. හඳහන් කාරයෝ අග්‍රාන්ඩුකාරවරුන් ලෙස පත්කරන, හක්ගෙඩි කාරයෝ උපදේශක වරුන් ලෙස පත් කරන ආන්ඩුවකට, මළයාලී ගුරෙකුට ගානක් දීලා ගුලියක් බස්සන එක මහා ළොකු දෙයක් නෙමෙයි.  

ආන්න එහෙම දෙයක් ආවොත් ආන්ඩුව එක්ක මලෙන් ඉන්න ජනතාවට තියෙන විකල්පය මොකක්ද. ජෙප්පොද...? නෑ ජෙප්පන්ට තනියෙන් ගියෝත් ඔතනින් එහාට යන්න බෑ මේ රටේ ජනගහනයට තව මිලියන් දයහක්වත් එක්කසු වෙනකන්. (මාතලන් වෙලාවක ඒ ගැන ලියන්න ඉන්නේ.) ඉන්න එකම විකල්පේ මහින්ද ඉතරයි. මහින්ද හොරෙකුත් නෙමෙයි නම්, සම්බාධක අර බාධක මේ බාධක මැද්දේ මේ විදියටම රටත් අරගෙන ගියා නම්, අපි වගේ පාවෙන ඡන්ද වලට තියෙන එකම විකල්පය මහින්ද ඉතරයි.

ඇයි මහින්ද ඉටු කරන්නේ ජාතික යුතුකම්ක්ය කියලා කිව්වේ. ප්‍රජාතන්ත්වාදි රටක තියෙන ප්‍රධාන ලක්ෂණයක් තමයි බලවත් විපක්ෂයක් තියෙන එක. දැන් බලන්න ඇමරිකාව එංගලන්තේ උනත් එකම ප්‍රතිපත්ති මත උනත් පක්ෂ දෙකක් තියෙනවා. උන් උන් අතර මත ගැටුම් තියෙනවා. අදත් ඔය තියෙන්නේ බ්‍රිතාන්‍ය තව දුරටත් යුරෝපා සංගමේ ඉන්නවද? එහෙම නත්නම් වෙන් වෙනවද? කියලා. ආන් ඒවගේ විරුද්ධ මතයටත් ඕනම රටක තැනක් තියෙන්න ඕන.

ඒත් මේ අගමැතිත් ජනපතිත් මොකක්ද කරන්න යන්නේ. රට සංවර්ධනය කරන්න නම් පක්ෂ බේද නැති වෙන්න ඕනය කියලා හිටන්, කම්බ හොරු කියන උන් ඔක්කෝම රෙද්ද අස්සේ දාගන්නවා. ලැජ්ජා නැතිව, හැමදාම පාර්ලිමේන්තුවේ උන්ට ආරාධනා කරනවා. නිල විපක්ෂේ ආන්ඩුවට සප් එක දීලා, පනත් සම්මත කරන වෙලාවට නැගිටලා හෙමීට මාරු වෙනවා. ජෙප්පෝ පහ හයකට කරන්න පුළුවන් මඟුලක් නෑ නේ. ඉතින් කුණුහබ්බ කියන්න හරි, කෑ ගහන්න හරි, රෑට බීලා නිදා ගන්න හරි ඉන්නේ ඒකා බද්දේ උන් ටික විතරයි. 

ඇත්තටම මට නම්, උන් ටික සිවිල් සංවිධාන වලටත් වඩා වටිනවා. උන් ඊට වඩා බලවත්. උන්ට හොඳ මීඩියා කවරේජ් එකකුත් තියෙනව. ප්‍රජාතන්ත්‍රවාදය රැකෙන්න එහෙම සෙට් එකක් ඉන්න ඕන. අනික උන් එකෙක්වත් හොරු නෙමෙයි. අද වෙනකන් එකෙක් අල්ලලා නෑ. අනික ආන්ඩුවට ආවම මහත්වරු වෙන්නත්, ෆයිල් වහලා දාන්නත්, බා ගන්න බැරි තාක් කල්, උන් හොරුය හොරුය ගෑවට ඔප්පු කර ගන්නත් බැරි නම්, ඒක ජනතාවගේ ප්‍රශ්ණයක් නෙමෙයි නේ. ඒක තනිකර ආන්ඩුවේ ගොන් කම. උවමනාවක් නැති කම. එහෙම උවමනාවක් තියෙනවා නම්, නොම්මර එකේ ඩීල් කාරයෙක් වෙච්ච එකෙක්, අධිකරණ ඇමති හැටියට දාලා තියේය. එහෙම දාල බොරුවට කෑ ගහනවා නීතීපති ගාව නඩු ගොඩ ගැහිලය කියලා.

ඉතින් දැන් ඔහේලට තේරෙනවා ඇති, මහින්ද දැන් කරමින් ඉන්නෙත් ජාතික යුතුකමක්ය කියන එක. මොන තරම් විවේචන තිබුනත්, ඒ සෙට් එක කරන්නේ, ප්‍රජාතන්ත්‍රවාදය ආරක්ෂා කිරීමක්. උනුත් එකතු උනොත් එහෙම මේ රටේ නාමල්ලට, දහම්ලට, කන්න දෙයක් වත් ඉතිරි කරන එකක් නෑ. මහින්ද මහත්තයා කියනවා වාගේ, එයා සහ පිරිස කරන්නේ (කම්බා හොරු කියන්න බෑ නේ) මේ රටේ ප්‍රජාචන්ච්‍රවාදය බේරා ගනීමට අපමන වෙහෙසක් ගන්න එක. ඉතින් මාතලන් උනත් වෙනත් විකල්පයක් නැත්නම්, මේ පච යහපාලනයට එරෙහිව, ආයේ මහින්දට දෙන්න දෙසරයක් හිතන්නේ නෑ. එහෙම දීලා කෙලවුනත් අවුලක් නෑ කියලා හිතෙන්නේ, මේ රටට සදා උරුම කෙලවීමම මිස, ගොඩ ඒමක් නම් නොවනා නිසාය කියන එකත් අවසාන වසයෙන් කියා, මේ පල් හැල්ල මෙතනින් නවතා දමනවාය.