සිරිපාදේ, එටිසලාට් හා කන්ඩළම - Adam's Peak, Etisalat & Kandalama

මේ සිරීපාදය නොව මැලේසියාවේ ජෙන්ටින්ග් හයිලන්ඩ්ස්ය

යහපාලන ගොබ්බ ආන්ඩුව ඉකොනොමි එකෙන් නාගත්තේ, ඒවන විට කෙරෙමින් තිබූ සංවර්ධණ වැඩ කටයුතු සියල්ලම නවතා දැමීමේ මරි මෝඩ තීරණය නිසාය. හේතුව වෙන කිසිවක්ම නොවේ. හොරා කෑමේ නොනිත් ආසව පමණමය. එයින් කෙලවූ කෙලවීම කෙසේද යත් ඔළුව උස්සාගැනීම සිහිණයක්ම බවට පත්ව ඇත්තේය. දැන් හොරා කන්න තියා, එදා වේලවත් කා ගන්න බැරි නිසා වැට් එක හැම එකාටම ගසා සුළු ව්‍යාපාරිකයින්ද ජන්මාන්තර වෛරක්කාරයින් කර ගැනිමේ මගඟු කාර්යයට අත ගසා ඇත. 

ඒ වන විට ඉතා සාර්ථකව කෙරෙමින් පැවතුන පෝට් සිටි ව්‍යාපෘතිය හා අධිවේගී මාර්ග සංවර්ධනය දිගටම පවත්වා ගෙන ගියේ නම්, මේ නස්පැත්තිය කවදාවත් ඇති වන්නේ නැතිය. නැතිවූ සෘජු මෙන්ම වක්‍ර රැකියා ප්‍රමාණය ලක්ෂ ගනනකි. ව්‍යාප්‍රති ක්ෂේශ්ත්‍රයේ නියුක්තව උන් පිරිස නැවත්ත රට දමා යන්නට ගියේය. කොන්ත්‍රාත් කරුවෝ හිඟන්නෝ විය. කළ විනාශය එතරම්ය. එහි ප්‍රතිඵල ලෙස රටේ ආර්ථික වර්ධන වේගය 4 ටත් වඩා පහළට බැස ඇත.

කළ යුතුව තිබුනේ ඒවා නවතා දැමීම නොව කළමණාකරණ වෙනස්කම් හා නීතීමය කාරනා පිලිබඳ ගැටලු වූයේ නම්. ඒවා ක්‍රියාත්මක වෙමින් පවතිද්දීම නිරාකරණය කර ගැනීමයි. පෞදගලික අංශයේ එසේ කරනා අවස්ථාවන් බොහෝය. කොන්ත්‍රාත්කරුවන් සැපයුම්කරුවන් වෙනස් වූවද ව්‍යාපෘති නවතා දමන්නේ නැත. 

එක්ටා ගිවිසුම ගැන අනිවාර්යයෙන් ජනපති දැනුවත් කළ යුතුය. දැනටමත් ඉන්දියාවේ ගොස් අගමැති කළ ප්‍රකාෂය ගැන, ජනපතිගේ වන්දිභඨ්ඨයන් විරෝධතා ප්‍රකාෂ කොට අවසානය. දෙපැත්තම කරන්නේ මේ දේ කලේ අපයි කියා ළකුණු දා ගැනීමට දත් කෑමයි. රටට අවශ්‍යව ඇත්තේ කලේ මොකාද නොව, මොකා හෝ රටට දෙයක් කිරීමයි. මෙහිදි රෙදි බැනියම් කාරයන් දැණුම්වත් කිරීම හෝ කුමන අල්ලසක් දී හෝ නම්මවා ගැනීම රටට යහපතක් මිස විනාශයක් වන්නේ නැත. 

සිරීපාදේ හෝටලයක් ඉඳිකිරීම ගැන කතාබහක් ඇති වන්නේ මේ අතරය. මුලින්ම මෙයට බයියන්ගේ විරෝධයක් පැන නැගුනද, එය බැසිල් රාජපක්ෂගේ ගේමක් බව දැන ගැන්මෙන් පසු, කෑ ගැසූ බයියෝ ආ ගිය අතක් සොයා ගැනීමට නොහැකි විය. මෙය කවුරුන් කලද ඉතා හොඳ යෝජනාවකි. කලක් සිරීපාද කඳු මුදුනට කේබල් කාර් සේවයක් පටන් ගැනීමට ගියද, එයත් ගොන් වස්සන්ගේ විරෝධය හමුවේ යටපත් විය. අදත් ශ්‍රී පාදය වැදගැනීමට ආසාව ඇති, එහෙත් කඳු නැගීමට නොහැකි වයෝවෘද පිරිස බොහෝය. එවන් සේවයක් තිබුනේ නම්, ඔවුන්ට කොතරම් පහසුවක්ද?

කොහොමත් අම්මට සිරි ලංකාවේ සිටිනා ගල් වැද්දෝ වෙනස් වීම් වලට බොහෝ බයය. උන් හිතන්නේ මේ ලෝකයේ තියෙනා උතුම්ම රට මෙයයි කියාය. මේ රට වෙනස් නොවිය යුතුය. කිසිවකු මෙහි ආ යුතු නැත. ජේම්ස් පැකර්ද එලවා ගත්තේය. එහත් මහින්දලා උන්නා නම් ජේම්ස් පැකර් මෙහි පැමිණීමට නියමිතව තිබුනි. නිර්භීත නායකයන් කියන්නෙ එහෙම උදවියටය. 

Heritage of Kandalama

කන්ඩලමේ වැව් තාවුල්ලේ හෝටලයක් ඉඳිකිරීමට යාමේදීත් සිඳු වූයේ මේ දෙයමය. එදා වැව් තාවුල්ලේ ගිනි තියාගෙන නිවන් දකින්නට ගිය උන්, අද තුන් වේල වළඳන්නේ කන්ඩලම හෙරිටේජ් හෝටලයෙන් පිරිනමනා දානයෙනි. ඒ අපේ මහා සංඝරත්නයේ විරෝධතාය. අම්භපාලියන් හමුවේ චීවර දමනය සිඳු වූයේ එසේය. ඒ රණසිංහ ප්‍රේමදාස නම් තෙම්පරාදු දේශපාලඥ්ඥයාගේ කපටි මොළයේ තරමය.

අද කන්ඩලම හෝටලය ලංකාවේ ඇති සුන්දරම හා හොඳම හෝටලය ලෙස කිරුළු පළඳා අවසානය. ලාංකිකයෝද කිසිම අඩුවක් නැතිව පැමිනෙති. පරිසරයට කිසිඳු අතුරු ආන්තරවාක් නොකර එය මනාව රකිමින්, ජෙෆ්‍රි බාවා නම් අපූරූ ගෘහ නිර්මාණ ශිල්පියා ඉඳිකළ හෝටලය නිසා, ඇත්තටම ඒ පරිසරය මනාව රැකේ. රැකියාවෙ නියුතුව සිටින්නේ ගම් වාසින්ය. 

ජෙෆ්‍රි බාවා

සිරිපාදෙන් මහවැලි කැළණි කළු වලවේ යන මහා ගංඟා ගලා හැලෙනවා යන්නද අමූලික බොරුවකි. සිරිපා සමයේදී අපේ කාළකන්නින් ඒ පරිසරයට කරනා විනාශය හෝටලයක් ඉඳිකිරීමට කරනා විනාශයට වඩා බොහෝ ඉහළය. එහි හෝටලයක් ඉඳිකිරීමට යන්නේ නම් ආන්ඩුව එයට ඉඩ ලබා දිය යුතුය. ආගමික චාරිත්‍ර වාරිත්‍රවලට අවහිර නොවනාකාරයට එය සිඳුවිය යුතුය. මෙහි ඉඳිවන්නේ හෝටලයක් මිස පල්ලියක් නොවන බව මරි මෝඩ ජනතාවට තේරුම් කළ දිය යුතුය. 

මෙවන් අවස්ථාවන් මග හැරීමෙන් වන්නේ අනෙකුත් ආයෝජකයන්ද අඩපන වීම පමණි. ආන්ඩුව සිට ගන්නේ ගල් වැද්දන් සමඟද අයෝජකයින් සමගද යන තීරණයකට කෙලින් පැමිනිය යුතුය. කොන්ද පන නැති නිවට බියගුළු නායකයින්ට ආයෝජකයන් කිසි සේත්ම කැමති නැත. ඔවුන් එකාධිපතියන්ට ඊට වඩා බොහෝ සෙයින් කැමතිය.

ඇත්ත වශයෙන්ම බුදු රජානන් වහන්සේ සුමන සමන් ඉන්නා කාලයේ සමනල කන්දේ සිරිපතුල තබා ගියේ උන් වහන්සේගේ පෙර පිනකටය. අද වාගේ දවසක සමනල කන්දේ සිරිපතුල් තබන්න ආවා නම් වෙන්නේ, පතුල් තැබීම කෙසේ වෙතත් කකුල් දෙකම කඩාගෙන කාගේ හෝ කර මතින් ආයේ දඹදිව වඩින්නය. දැන් මෙහේ හරක් එටිසලාට් සිම් කඩා දමති. බුදු පිලිම පොලොවේ ගසති. සාරි සරොම් ලිහා කොල අතු ඇඳගනිති. එයාර්ටෙල් සිම් වලටද මේ සැන්තෑසියම උදාවන දිනය අත ලඟය. කාළකන්නි දොස්තරවරුන් ඉන්දියන් ඇම්බියුලන්ස් වල ගේන ලෙඩුන් ප්‍රතික්ෂේප කරති, බජාජ් වලින් ගෙනා ලෙඩුන් ඇක්සෙප්ට් කරති. වෛද්‍යවරුන්ගේ මොළ ඒ තරම් දියුණු තත්වයක පවති.

මැලේසියාවේ ජෙන්ටින්ග් හයිලන්ඩ් කියා සුරපුරයක් ඇත. පනපිටින් දිවිය ලෝකයට ගියා වගේය. සමනල කන්ද එවන් දෙයකට සුදු ස්ථානයක් නොවූවද, හෝටලයක් ඉඳිකලාට මහා විනාශයක් සිඳු වන්නේ නැත. යහපතක් නම් සිඳුවිය හැක. ඒ කන්ඩලම අවට වාගේය. කඳුකරයේ වෙනත් ස්ථානයක ජෙන්ටින්ග් හයිලන්ඩ්ස් වැනි දෙයක් ඉඳිකිරීමට හිතා ගන්නවානම් තවත් බොහෝ හොඳය.

ඇත්තටම මේ රටේ රැට කරන්න තියෙන්නේ මක්කාදැයි කියා, සුද්දෝ විමසනවාය. චූන් පාන් වලින් රෝස්පාන් කන සුද්දන් වෙනුවට, රනිල් කියනා ජාතියේ සුද්දන් ඕනෑ නම්, උන්ට ගලපෙන යටිතල පහසුකම්ද සපුරා සිටිය යුතුය. නැතිනම් වන්නේ, බැංකොක් හා මාලදිවයින් වෙත යන උන් දෙස බල බලා, හූල්ල හූල්ලා සිටීම පමණය.

ප්‍රස්තුත කාරණය පිළිබඳ හොඳම බ්ලොග් සටහන "අමිල චතුරංගගෙන්"

එක්ටා ෆෝබියාවෙන් පෙලෙනා රෝගීන් වෙනුවෙන් ලියවූනු අපූරු ළිපියක් <<මෙතනින් කියවන්න..>>