ෂී ජින්පින් අයියා වෙත ලියමි..! (එකම පිහිට චීනා පමණි) - Dear Xi Jinping (The Only Hope)

වර්ෂ 2016 ක් වූ නොවැම්බර මස 15 දින,

ගිරුවාගම්පත්තුවේ,

බැද්දේගමදීය.

චීන සමාජවාදී රාජ්ජයේ,
අතිගරු ජනාධිපති උතුමානන් වහන්සේ,
ජනාධිපති නිල නිවස,
ෂැන්ග් හයි, චීනය.

ෆෙන්ග් ෂුයි පිහිටයි...!!!

අති ගරු ජනාධිපති උතුමානන් වෙත ලියා දන්වමි,

සහෝදරයා කියා අමතනවාට වඩා, අයියා කියා අමතනවාට මල පනිනා එකක් නැතයි කියා සිතමි. අයියා කී විට සමීප බවක් මෙන්ම, සනීප බවක්ද දැනෙනවාය. අයියාගේ සැප දුක් කෙසේද? අපි නම් ඉන්නේ නන්න පෝල් වෙලාය. සැප කනේය. ට්‍රම්පට් අයියා ආපු නිසා අයියා අප්ෂට් නෑ කියා තේරුනේ, අයියා ට්‍රම්පට් ගොයියාට විස් කොරලා තිබුන නිසාය. 

යහපාචන ආන්ඩුවෙන් තවත් සුරංගනා කතාවක් අපිට දීලා තියෙනවාය. මේ ඒකෙන් දුන්න තුන් වෙනි පොතය. දෙවනි එකේ නම් ඉතුරු උනේ කවරේ ඉතරය. ඒකෙන් ගහන්න ගියපු වැට් එකක්ද මක්ක්ද එකක් ගහගත්තේ, මේ ඊයේ පෙරේදාය. අනික් ඔක්කෝම ටිකට සිරිසේන ගොයියා කෙලලාම ඇරියේය. 

මේ සැරේ සුරංගනා කතාවට සිරිසේන උන්නැහේත් සම්මාදන් වෙලා තියෙනවාය. ඒ නිසා සුරංඟනා කතා වලට අමතරව ගැමි ජනකතා කීපයකුත් මේකේ තියෙනවාය. කොහොම උනත්, අයියාගේ මෙන්ම අපේත් හිතවත් මහින්ද ලොක්කා නම් කිව්වේ මේක සුරංගනා කතාවක් නොව භූත කතාවක් කියලාය. සම හරක් විට එහෙම කියන්න ඇත්තේ, මේ කතාවෙන් අපි හොල්මන් වෙනවා කියලා රවී මල්ලි කියපු නිසාත් වෙන්න ඇතිය. 

කොහොමින් කොහොම හරි කතාව ගොත ගගහා කියවද්දි හොල්මන් වලට බය උන් ඇස් පියාගෙන උන්නේය. සම හරක් කටත් ඇරගෙන, ඇස් පියාගෙන ඉන්නවා, අයියාත් රොයිටර් වලින් එහෙම දකින්නට ඇත්තේය. ඒ වෙලාවේ මට නම් හිතුනේ, අර උතුරු කොරියාවේ, "කිම් ජොන්ග් උන්" මළයා මෙහේ උන්නා නම් කොතරම් හොඳයිද කියලාය. රට හදන්න යන්නේ මෙහෙම කාළකන්නිය කියලා අපේ තාත්තා දෙකක් දමාගෙන කීවේ උන්දැත් හොඳ යූ ඇන් පී කාරයෙක් නිසාය. 

කැම්පස් යන්න බැරි උන් 15000 කට මිලියන ගනනක් වෙන් කොරලා තියෙනවා කියා අපූරු සුරංගනා කතාවක් තියෙන්නේය. වෙන් කරපු ගාන සිසුන් සන්ක්යාවෙන් බෙදුවාම එන්නේ රුපියල් 150 ක්ය කියලා අන්තරේ හාන්දුරු කෙනෙක් කියනවාය. එහෙම බැලුවාම, මේක හැදුවේ රවීද, වීරවංශ මළායාද කියා, අපිට පොඩි සැකයක් තියෙනවාය. අනික ඉතින් පෞද්ගලික අජ්ජාපනේ ගැන කතා කියන්නේ, මාලබේ උපාධි ගත්ත සෙට් දෙකක් ගෙවල් වලට වෙලා ඉන්නා වෙලාවකය. දොස්තරලාටත් බය ගොබ්බයෝ පිරිසක් ආන්ඩු කරන රටක් ලෝකයේවත් නැතිව ඇත්තේය. 

හැමදාම වගේ කිරි හරක් බයිලෙත් මේ සැරේ කතාවේ තියෙනවාය. දියර කිරි බොනවාට වඩා, වහ බොන එක කොහොමත් සැපය. අයියලා හරකුන් ඉම්පොර්ට් කරන්න අදහසක් හෙම තියෙනවා නම්, මෙහේ ඉන්න උන් ටික නොමිලේම දෙන්න අපි සැදී පැහැදි සිටිනවාය. නොවේ මෙවන් හරක් ලොවේ කියා, එදාට අයියාටත් හිතෙනවා ඇතිය. 

ජනතාවට පුක නැති වෙන්නම ටැක්ස් ගසා උන් ඉහගෙන කනවාය. මැති ඇමතිකම් නැති හරක් රැලට, කුලියට වාහනයක් ගන්න මාසෙකට ලක්ෂ 6 ක් දෙනවාය. කොන්ට්‍රැක්ට් එක අවුරුදු 5 කටය. වැට් ගහලා ගන්න මුදලත් මේවාට මදිය. එතකොට මුන් මන්ත්‍රි ලයිසොන් එකට ගෙනා වාහනවල යන්නේ උන්ගේ අම්මලා වෙන්න ඕනාය. IMF වලින් ණයට අරගෙන මුන් කරන්නේ ආතල් ගන්නා එකය. කලින් එකාත් කිව්වේ අපි ණය ගන්නේ කන්න නෙමෙයි හාන්දුරුවනේ කියලාය. ඒ උනාට උන් මක්කට හරි ගත්ත ඒවා ගෙවන්න වෙලා තියෙන්නේ අපිටය. එහෙම වෙලා තියෙන්නේ මේක එළ හරකුන්ගේ පමණක්ම නොව, මී හරකුන්ගේද ආන්ඩුව නිසාය. අපිට වෙලා තියෙන්නේ සියළු හරකුන්ට ආතල් දෙන එකය. 

රතන හාන්දුරුවන්ට නිවන් යන්න කෝටි පහක ජීප් එකක් ගන්නේ දායක දායිකාවන්ගේ මුදලින් වෙන්න ඕනාය. ඒවා නම් නිවන් යන පින්කන් නිසා මක්කත් කියන්න බැරිය. සම හරක් නම් කියන්නේ ඒ අවු අස්සේ, සිරිසේන හාමුගේ බේබී කොලුවාට කෝටි ගානක වාහනයක් එනවා කියලාය. මේ බේබිලාට කලින් බේබිලා කන පරිප්පු පේන්නේ නැති එකත් එක්තරා කරුමයක්ය. රවී මළයාත් බැන්ස් එකක් ගේනවා කියා කට කතාවක් ඒ අතරේ යන්නේය. 

මේවා ගැන ප්‍රශ්ණ කලාම උන් අපෙන් අසන්නේ ජනතාවට සේවේ කොරන්නේ බර කරත්තෙන් ඇවිල්ලාද කියලාය. අපි නම් කියන්නේ එහෙම එනාවා නම් මල් මසුරන් කියාය. මොකෝ මුන් ගැලපෙන්නේම ඒකට නිසාය. ඒ කියන්නේ කරත්තේ බෝන් ලීයේ නැගලා හෙම නෙමේය. බෝන් ලීය කරේ තබා ගෙනය.

ෆ්‍රී වයි පයි දෙනවාය කියා අමුඩයක් ගහ ගත්ත එකෙක් කුඹුරේ ඉඳන් ලැප් එකකින් වැලක්ද කොහෙද බලනවා පෙන්නපු අයියලා, සල්ලි දීලා ගන්න ඩේටා වලටත් 25% බද්දක් කෙලලාය. අපි ඩිජිටල් යුගේට යන්නේ එහෙමය. දැන් ඉතින් වෙන්නේ 25% ක ඩේටා අඩු වෙන එකය. ඉර කපුවත් 2500 ක් දෙන්න වෙනවාය. ඒවා නම් ඉතින් මොකා කලත් හොඳ වැඩ කියා කිව්වේ එහා ගෙදර ටැපික් පොලීසියේ අයියාය. මොකාට නැතත් ටැප්ක් එකේ උන් නම් අදායම් බදු ගෙවන සුපිරි පැලැන්තියේ පොරවල් වන එක නම් බුදු ෂුවර්ය. 

ඉතින් මේ මෙලෝ රහක් නැති වැල් බයිලා අයියාට කියන්නේ මාතලන්ට අමු කැවිලාද කියා අයියා බලනවා ඇතිය. ඇත්තටම මේ ඔක්කෝම අයියාට කිව්වේ දැන්, ඇති එකම පිහිට අයියා විතරක්ම නිසාය. මේ ගොන් වස්සෝ බලේට ආපු ගමන් අයියා ගෝල්පේස් එක්කේ පටන් ගත්ත වැඩේට කෙලලා ඇරියේය. අන්තීමට මේ හරකුන්ගේ මොළේ පෑදුනේ, ඇන්ජෙලා මර්කෙල්ලා කලිසම ගලවලා පුක පෙන්නන කොටය. 

උන් අපිට කරනවා තියා ,උන්ට කෙලවෙන්නේ කවදාද කියා බලාගෙන ඉන්නවාය. ඔබාමාටත් අබ සරණය, ඔලන්දේ මෙන්ම ඇන්ජෙලා නෝනාටත් හෙට අනිද්දා ගෙදර යන්න වෙනවාය. ට්‍රම්ප් ගොයියා අම්මට සිරි ලංකාව කියා එකක් තියෙනවාද කියලාවත් දන්නේ නැතිව ඇතිය. 

අයියලා හම්බන්තොට වැඩේ පටන් ගත්තේ නැත්නම් අපිට කන්න වෙන්නේ වහය. ඒන්න සේද පාරේ කියා අපි ඔහේලා ඉඹලා පිලි ගන්නවාය. අපට ඇති එකම පිහිට මැරිටයිම් සිලික් රෝඩ් ප්‍රොජෙක්ට් එකම පමණය. නැත්නම් වෙන්න 70-77 යුගේ කෑවා වගේ කුණු බක්කි අවුස්සාගෙන කන්නය. 

එදා උනේ ඒකය. බන්ඩාරණායකලා ඇපල් කකා වයින් බොද්දි ජනතාව කෑවේ කෙහෙල් අලය. උන්දැලාගේ උන් සෝබෝන් යද්දි අපේ උන් හින්ගල පමණක්ම දන්නා අමු ගෝත්‍රික රැලක් කලේය. උන් ජෝජට් සාරි අඳිද්දි අපේ උන් බූමූතෙල් ගඳ ගහන ඝංඨාර මාක් සරොන් කෑලීයි, කොට්ට උර වගේ ගවුම් කෑලීයි ඇන්දේය. මේ 56 ගොබ්බයා සහ පිරිස ආයෙත් දෙන්න යන්නේ ඒ වගේ රටක්ය. 

මෝඩී අයියාත් පොඩ්ඩක් අපි ගැන ඉන්ටරෙස්ටය. අපේ උන්ට කොන්දක් තිබුනොත් එයාලත් මේ පැත්තේ එන්න ඉඩ තියෙනවාය. ඉතින් අයියලා ඒකට මල පන්න ගන්න ඕන්ත් නැතිය. මොකො අපිට වඩා අයියා එයාලා එක්ක පිට් කියා අපි දන්නා නිසාය. 

තානාපති මල්ලිටත් අපේ හරක් ගැන කීවා නම් හොඳය. මොකෝ පුක කහන්න නියපොත්ත නැතත්. අපේ උන් ජාතිකාභිමානේ බීලා, භෞමික අන්ඩවාත අරිනා උන් නිසාය. ඒ අපේ ගොන් කමය. අපිට කෙලවෙලා තියෙන්නේ පුක කහ ගන්නවත් බැරි මේ අභිමානේ නිසාමය. 

මීට ,

සදා හිතවත්,

මාතලන් මල්ලි