බස් ගස් හා හූ ඉස් ද බොස් - Too many cooks spoil the soup

මේ රටට කොන්දක් ඇති නායකයකුගේ ඇබෑර්තුවක් ඇත. පොදු අපේක්ෂයා ලෙස ගෙනා කෙනා, එහෙම කෙනෙක් නොවනා බව බොහෝ පැහැදිලිය. නායකයකු කියන්නේ එක එකා ගහන පදවලට නටනා එකෙකු නොව, තමන්ගේ පදයට අනෙක් උන් නටවන්න පුළුවන් කෙනෙකුටය. "හරි හෝ වැරදි, බොස් ඉස් ඕල්වේස් රයිට්" කියන්නේ ඒ නිසාය. මේ බොස් නම් ඕල්වේස් බ්‍රේක් ඩවුන්ය. එක්ස්කියුස් එක ලෙස කියන්නේ ඒකට හේතුව ප්‍රජාතන්ත්‍රවාදය කියලාය. 

ඔහේ ඕකට ප්‍රජාතන්තවාදෙයි කිව්වාට අපිට නම් ඕකට කියන්න වෙලා තියෙන්නේ බඩකඩුත්තුවක්ය කියලාය. එක්කෝ, සියළු බලය අතට ගෙන, උන්නැහේ රට පාලනය කරන්න ඕනෑය. එහෙම නැතිනම් වෙන එකෙක්ට කොර ගන්න දීලා, විලියම් ගොපල්ලව වාගේ පිනක් දහමක් කොරගෙන ඉන්න ඕනාය. ආවේ විධායකේ එපා කියලාය. ඒ උනාට අඬන්නේ ඒකම ඉල්ලලාය. ඒත් ඉතින් පක්ෂය වත් හරියට හදා ගන්න බැරි මනුස්සයා, රටකට නායකත්වය දෙන්නේ කොහොමෙයි කියනා කේස් එකකුත් තියෙනවාය. 

එහෙමෙයි කියලා අගමැති කොරනා දේකුත් ඇත්තේ නැතිය. උන්නැහේ ගේන හොඳ හෝ නරක සියල්ල අවසානයේ අහෝසී වී යනවා නම් එක එක මළදාන උස්සාගෙන ඒමේ තේරුමකුත් නැතිය. ජනාධිපති තුමා ඊයේ පාර්ලිමේන්තුවේ කියන්නේ, "එක්ටා", එක පාරට අස්සන් කොරන්න දෙන්නේ නෑ කියලාය. ඒක කැබිනට් එකට ගෙනත්, එයිට පස්සේ පාර්ලිමේන්තුවට දාලා, එයිට පස්සේ ජනතාවටත් කියලා, ඔක්කෝම කරලා එනකොට, ඉන්දියාව වෙන එකෙක් එක්ක ගිවිසුම ගහලා තිබෙන්නත් පුළුවන්ය. මොකෝ ඉන්දියාව අවට තවත් රටවල් තියෙනා නිසාය. 

රථ වාහන දඩය අවම මුදල 2500 ක් කළ යෝජනාව මොකා ගෙනාවත් ඉතාම හොඳ දෙයක්ය. විනය හැදිය යුත්තේ දරුණු නීතී රීති මගින් මිස, බණ හෝ බයිලා කියා නොවේය. රූපවාහිනියේ හාවෙක් දාල තුන් තිස් පැයේම "පරෙස්සමෙන් ගිහින් එන්නෙයි" කිව්වට අපේ උන් එහෙම යන්නේ නැතිය. දඩේ වැඩි නම්, පඳුරු අස්සේ හාවෝ ඉන්නවා කියා ලැයිට් පාරක් වදුනොත් හෙම ඕන් බොහෝම පරෙස්සමෙන් යනවාය. ආයෙත් හෙල්මට් දාපු හාවෝ දෙන්නා පහු උන ගමන් පුකේ පැස්ටෝල් ගහපු බල්ලා වගේ ආතක් පාතක් නැතිව ෆෝමියුලා රේස් යනවාය. මිනිස්සුන්ට එහෙම යන්න පුරුදු කලේත් ඔය දියවන්නාවේ ඉන්නා හරක්ම මිස වෙන කවුරුවත් නෙමේය. 

මේ පිළිබඳ පැවති සාකච්ඡාවකදි, මොකා හෝ යෝජනා කොට තිබුනේ, වැරදි හතකට අවම දඩය 25,000/= කොරනා ලෙසය. එයද වැරදි දෙකක් හැර අන් සියල්ලටම සාධාරන බව ඔනෑම එකෙක් පිලිගන්නවාය. එහෙම කිව්වයි කියා හෙට ඉඳලා රුපියල් 25000/= ගහන්නේ නතෙයි කියනා බොහෝම සිම්පල් දේ ජනතාව අතරට යවන්න මේ ගොබ්බ ආන්ඩුවට බැරි උනේය. උන් කළේ සුදු ඉරි අඳින විකාරෙකුයි හාවෙකුයි දාගෙන මැති ඇමතිලා හා පොලිසියේ උන් දාගෙන අමු පිස්සුවක් කෙලීමය. 

එයට හේතුව උනේ ඇමතිවරු දෙදෙනා පක්ෂ දෙකක උන් වීම නිසාය. අලි පාටියේ උන් නානා තරමට සිරිසේනගේ ඇමතිවරු පට්ට ලැයික්ය. සිරිසේනගේ උන් නානා තරමට රනිල්ගේ උන් පට්ට ලැයික්ය. දෙගොල්ලෝම නානා තරමට මහින්දගේ උන් පට්ට ලැයික්ය. සිද්ද වෙන්නේ අර අන්තීමට කී දෙයය. මුන් දෙගොල්ලෝ එකතු වෙලා නාන අතරේ මහින්ද ලොක්කා මාළු ටික ඔක්කොම බාගන්නා එකය. 

බස් කේස් එකට බස් වලට ගහලා ගිනි තිබ්බා නම්, ගවපාලනයේ සෙට් එක හෙට අනිද්දා ගේන්න ඉන්නා විවස්තාව ගෙනාපු ගමන්, රටම ආයේ ගිනි තියනා බව ඉර හඳ මෙන් විශ්වාසය. බස් වර්ජනය දා මීගමුවේ සීන් එක දරුණුවටම ගියේ ආන්ඩුවේ උන් දොගොල්ලම එකතු වී නලවන "බබා" උන්නේ එහේ හන්දාය. බබා එහේ ඉඳන් නියමටම ගුලිය ඇඹරුවාය. හැම එකාම බලාගෙන ඉන්නේ, අනිකාට කෙලවෙනා තුරුය. ඒත් කට්ටියම එකතු වී කොරන්නේ රටට කෙලවන එකය. 

මේ සියල්ල කලේ මහින්දගේ පිරිසය, ඒ බව හතර අතේ නෝන්ඩි උන බස් ගැමුණුවා සාක්කි සහිතව ඔප්පු කළේය. බුද්ධි අංශ ඉන්නේ කුලියට මිනී මරන්න මිස වෙන මළදානෙකට නොවේය කියන එකත් බොහෝම පැහැදිලි උනාය. මුන් බස් වලට ගල් ගැහුවේ මන්ත්‍රි පඩිය වැඩි කර ගත්ත නිසා හෝ මහ උන්ගේ රථ ගාය නිසා නෙමේය. එහෙම ගැහුවා නම්, අපිටත් ගලක් දෙකක් කෙලලා අරින්න තිබ්බේය. ඒත් මුන් ගල් ගහන්නේ, රට හදන්න පුළුවන් යෝජනා ගෙන ඒන් විටය. කලින් කිව්වා වගේ මේවාට ඉමීඩියට ඇක්සොන් ගන්නට එකෙක් ඇත්තේ නැතිය. බස් ගිනි තිබ්බා නම් ඒත් මෙහෙම්මමය. 

පොලිස්පති සෑර්ලාගෙන අවසර අරගෙන වැඩේට බහිනා කොට, රට ගිනි තියලා අහවරය. මේ සියල්ලට හේතුව රටට නායකත්වයක් නති වීමය. ඒ හන්දා දැන් හැම එකාම රට පාලනය කරන්නට පටන් අරගෙනය. 

ඉස්සර ඉඳලාම දොස්තරවරුයි, කහකඩ පාන්කඩ හැත්තයි රට පාලනයට ඇඟිලි ගහුවෝය. උන්ට කෙලවෙලා ගියේ, මහින්ද ලොක්කා නිසාය. ඒත් දැන් ආයෙත් උන් පමණක් නොව බස් ඩැයිවර්ලාද, කොහේවත් හිටපු කාදිනල් කාරයාද, රට පාලනයට ඇඟිලි ගහන්වාය. 

ගෝල්පේස් එකේ නත්තල් ගහක් හදන්න මුලින් කාදිනල් ලොක්කා (දේශපාලනය කරනා උන් හඳුවන්නේ එසේය.) අවසර දීලා තියෙනවාය. එදා පස් පිඩැල්ල කැපු දවසේ ආශිර්වාද කිරීම සඳහා පූජකයෙක්ද එවා තියෙනවාය. ඒත් මහින්ද මහත්තයා මේක මළ විකාරයක් කියා කියපු ගමන්, මහින්දගේ බත් බැලයෙක් වන කාන්දිනල් උන්නැහේ ඔල්මොරොන්දම් වෙනවාය. මුන්නැහේ මහින්දට කඩේ යන්නේ, මහින්ද ලොක්කාගේ අග බිසවුන් වහන්සේ හන්දාය. කිසි දිනෙක පිචං වැඩ නොකල පල්ලිය හත් පොලේ ගා ගන්නේ ප්‍රෙස් කොන්ෆරන්ස් තියලා නත්තල් ගහ හදන වැඩේ නාස්තියක්ය කියලාය.

ඕක මහින්ද හැදුවා නම්, වෙන එකෙකුටවත් එන්න නොදි බ්ලෙස් කරන්න එන්නේත් මුන්නැහේමය..

එයාට දුප්පත් උන් ගැන මාර කැක්කුමක් ඇති වී තිබේ. මහින්දගේ කාළේ රතුපස්වල පල්ලියේ ආරක්ෂාව පතා ගිය පිරිසට පුක නැති වෙන්න දෙද්දී, මුන්නැහේ උන්නේ ස්වර්ග රාජ්ජයේ වෙන්නට ඇතිය. මීගමුවේ ඇන්ටනීලාගේ ඔළු කටු කුඩු කරද්දි, මුන් වහන්සේ දෙවියන් වහන්සේ හා මක්කා හරි කොර කොර ඉන්නට ඇතිය. (අඩු ගානේ ක්‍රිස්තියානු මැති ඇමතිවරුන්ද, කෝටි ගනන් වාහන ගනිද්දි, ඒවා ගන්න එපා කියා කිව්වා නම්, ඕන් මෙයා දුප්පතුන් ගැන මාර අමාරුවක් තියෙන එකෙක් කියා අපටත් හිතෙනවාය.)

අපි ආන්ඩුවෙන් අහන්නේ, මොන අමාත්තියන්සෙන් හරි කරනා දේවල් වලට එක එක ආගම්වල පූජකයන්ට ඇඟිලි ගහන්නට ඉඩ දෙන්න ගියොත් හෙම හෙට සිඳුවන්නේ මක්කාද කියලාය. මල්වතු අස්ගිරි දෙන්නා සියළුම සතුන් මරා කෑම නවත්තන්නෙයි කීවොත් ඒකත් කොරනවාද? (ජේ ආර් ගේ කාළයේ මිරිදිය මසුන් බෝ කිරීමට විරුද්ධව මෙහෙම කේස් එකක් ආවේය.) ලබන් වෙසක් එකට තොරණ බැදිල්ලත් පිස්සු වැඩක් කියා මුන්නැහේ කීවොත් හෙම තොරණ බැදිල්ලත් නවතා දමනවාද? දැන් ඔය ෆයිව් ඉස්ටාර් හෝටල් වල තිබෙනා ක්‍රිස්මස් ඩෙකරේසොන් ඔක්කෝම නවතා දමනවාද? ඇමරිකන් බයිලා කියන්නේ මේවාටය. 

කාදිනල් ලොක්කාට අපිට කියන්න තියෙන්නේ. ආතල් හා ඉතා සාමකාමි ජනතාවක් සිටින ආගමක්, දේශපාලන ඇජෙන්ඩා වාට දමා රටේ නැති ප්‍රශ්ණ ඇති කොරන්න එපා කියලාය. ගස් හැදිල්ල නවත්තනවා නම්. නත්තල් සමයේ පාර පුරා විකුණන නත්තල් ගස් විකීනීමත් නවත්වා දමනවාද? කාදිනල් කිව්වා කියා මිනිස්සු ඒවා නවත්තයිද? ඒවායෙන් යැපෙන්නේ පෝසතුන්ද? එහෙම නත්නම් ජාතික කෙමයට යමින් ක්‍රිස්තියානි කාරයාට බෝධියේ බලුබ් දමන්න කියනවාද?

ඔහේට වතිකානුවෙන් තනතුරක් දී ඇත්තේ, පිස්සු කෙලින්නවත් රටවල් පාලනය කරන්නටවත් නොව, ආගම ප්‍රවර්ධනයට හා මිනිසුන්ට ධර්මය අවබෝධ කිරීම සඳහාය. අපි පත් කර ගත් පාලකයන් අපට සිටි. මේ රට පාලනය කොරන්නට හා මින්ස්සුන්ගේ සිතුම් පැතුම් වලට ඇඟිලි ගැසීමට ඕහේලාට තබා තලෙයිබාන් බෞද්ධ කහ කඩ පාන්කඩයින්ටත්, මුල්ලාවරුන්ට් තබා කුරුක්කල්ලාටවත් අවසරයක් ඇත්තේ නැතිය. මුන්ගේ වැඩක් උන්ට බලාගන්නේයි කියා කියන්නට කොන්ද පන නැති නායකයෙක් නැති විම, රටේ මෙන්ම ජනතාවගේද කරුමය හා උරුමය වී ඇත්තේය.

කියවන්න....

<< නත්තල් ගහේ ඇත්ත කතාව >>