සහන් කසීර බ්ලොග් ආගමනය - Sahan Kaseera joins Sinhala Blogging

සියල්ලටම කලින් කියන්න ඕන, අපේ බ්ලොග් ලොව ආමි කාරයා හෙවත් විචාරක මහත්තයා පොඩි අසනීප තත්වයක් නිසා ආමි හොස්සපිටැල් එකේ නවත්තලා ඉන්නවා. එයා කියන විදියට නම්, එයා දොස්තරලත් එක්ක ටැස්ට් මැච් කීපයක්ම ගහන නිසා ඒ ටික ඉවර වෙනකන් ගෙදර එන්න බැරි සයිස් එකක්ලු තියෙන්නේ. ඉතින් අපි උන්නැහේට ඉක්මන් සුවය ලැබිලා, ආයෙත් ඇවිත් හතර අතේ නෙලන්නෙයි කියලා ප්‍රාර්ථනා කොරනවා හිටන්.

මාතලන් බුකියේ ක්‍රියාකාරිව නියැලෙන්න පටන් ගත්තේ බොහෝම මෑතකදි. ඒ මනෝරම හා සේපාල් අමරසිංහ නිසා. බලාගෙන ගියාම එතන ඉන්නේ මාර වැඩ කාරයෝ සෙට් එකක්. බ්ලොග් ලියන උන් ඔතනට ගියාම බ්ලොග් ලියන එක නවතින්නේ මොකෑ කියන එක අහන්න දෙයක් නෙමෙයි. එතන ටැලන්ට් සාගරයක්. රස සාගරයක්. ඒ අතරින් බ්ලොග් සටහන් වලට සමාන ලිපි ලියන උන්ගෙන්, මගේ සිත් ගත් අය තමයි සහන් කසීර, සයිබර් වරිගේ උන්ඩියා, උපේක්ෂා නුවන්ශ්‍රීනී සහ අෂාන් වීරසිංහ.. කයි පද බඳින පිරිස නම් බොහෝමයි.

ඉතින් මාතලන් බැලුවේ එතනට ගිහින් මේක අමතක කරනවට වඩා, එතන ඉන්න උන් කීප දෙනෙක් හරි මෙතනට ගෙන්න ගන්න. මොකෝ හදා ගත්ත ගෙපැල දාලා යන්න බෑ නේ හිටන්. ඉතින් මාතලන් කළේ බ්ලොග් ලියන්න වරෙන් වරෙන් කිය කියා උන්ට ඇනයක් වෙන එක. මේ අයගෙන් අෂාන්ගෙ ලිපි නම් "ලංකා නිව්ස් වෙබ්" එකේ යනවා. අනික උන්ඩියා ඇරුනාම, උන් ඔක්කෝම පොත් ලියලා දැනටත් බොහෝම ප්‍රසිද්ධ උදවිය.

ප: ලි:


අපේ ඇනෝපිලස් මලයා කියනාකරයට සයිබර් වරිගේ උන්ඩියාද බ්ලොග් එකක් ලියා ඇත. පහත තියෙන්නේ ඒ සඳහා ලින්කුවයි... 

නොදන්න මගුල් කතා කරමු

මේ අය අතරින් "උපේක්ෂා නුවන්ශ්‍රීනී", "සර්පයාගේ දියණිය" කියලා බ්ලොග් එකක් පටන් ගත්තා. ඊළඟට පිටියට එන්නේ සහන් කසීර. මම සහන් කසීර දැන ගන්න කලින් දැන ගන්නේ, ඌ ලියපු පොත් දෙක. ඒ ලංකාවේ අතිශයින් ජනප්‍රිය උන, "ආච්චිගේ කොළම" 1 හා 2. බුකියට ගියාම තමයි දැන ගත්තේ, මේවා සහන් කසීරගෙ වැඩ කියලා. ඔය පොත් දෙකම කොලම් ලිපි සංග්‍රහ කියන කැටගරිය යටතේ, ගොඩගේ සම්මාන වල අවසාන වටයටත් නිර්දේශ වෙලා තියෙනවා.

මේ දවස්වල ඉරිදා ලක්බිම මංජුසාවෙත්, සත්හඬ පත්තරේ තීරූ ළිපි රචකයෙක් ලෙසත් ෆ්‍රි ලාන්ස් ජොර්නලිස්ට් කෙනෙක් විදියට ටැලන්ට් පෙන්නන සහන් රැකියාව කරන්නේ බැංකු ක්ෂේශ්ත්‍රයේ.

කොළඹ ආනන්දයේ මෙන්ම ගම්පග බන්ඩාරනායක විදුහලෙත් දීප්තිමත් ආදි ශිෂ්‍යයෙක් (වලක්) වෙච්චි පොර අත් පොත් තබන්නේ, මාධ්‍ය ක්ෂේශ්ත්‍රයේ පොඩි පොරක් එක්ක නෙමෙයි. අති දැවැන්තයෙක් වෙච්චි, බන්ධුල පද්මකුමාරත් එක්ක. ඒ කාළේ ස්වර්ණවාහිනියේ මෙන්ම මුලු ලංකාවෙම ජනප්‍රිය වැඩ සටහනක් වෙච්චි, "ලෝක සිතියමේ" පිටපත් රචකයෙක් හා පරිවර්තකයෙක් විදියට. ඒ වැඩේ 2009-2016 වෙනකන් කරන පොර, ඒ කාළෙම දිනමිණ හා ඉරිදා ලක්බිම පත්තරවලත් විදේස් විත්ති රචකයෙක් විදියට කලර්ස් පෙන්නනවා.

සහන් බුකියට ගොඩ වෙලා අවුරුදු 8 වෙන අද දවසේ, බ්ලොග් එකකුත් පටන් ගන්න එක විශාල සන්ධිස්තානයක්. ඒ වගේම උගෙ බ්ලොග් අඩවියට, පරණ ළිපි ටික එකතු කරන්නත් අමතක කරලා නෑ. එහෙනම් බ්ලොග් ලියන්න කලින් ආපු උපේක්ෂා නුවන්ශ්‍රීනීට වගේම සහන් කසීරටත් හැපි සහ හැප්පි හැප්පී (සොමි හා වලි) බ්ලොගින්ම වේවා කියලා, එවට ගොඩ වැදිලා චියර් එකක් දෙමු... 

මෙන්න බ්ලොග් දෙක

කසීර

සර්පයාගේ දියණිය

ඒ වගේම තවත් විශේෂයෙන් කිව යුතු දෙයක් තමයි, "මාතලන් සින්ඩියේ" වර්ඩ්ප්‍රෙස් බ්ලොග් වලට වෙනම කොලමක් තියෙන බව. ඒ ගොඩේ තියෙනවා තවත් සුපිරිම ඝනයේ බ්ලොග් තුනක්... ඒවයේ ප්‍රමිතිය නම් ඉතාමත්ම ඉහළයි. අපේ "ලන්ඩන් අරූ" කියනවා වගේ, උන් එක්ක බැලුවම අපි මක්කුද බන්. මෙන්න ඒ බ්ලොග් තුන....

ආගංගොඩ

බව

The Public Sphere | සාර්වජනික ක්ෂේශ්ත්‍රය