නෙළුම් යායට නාවේ ඇයි ඔයා - Nelum Yaya Blog Awards

මාතලන් නෙළුම් යායට නාවේ ඇයි කියා, බොහෝ අය එක එක ක්‍රමවලින් අහනවාය. සමහරුන් නාපු එක ගැන දුක් වන අතරේ, සමහරක් සතුටු වෙනවාය. මාතලන් හා "අටමා" බ්ලොග් උළෙලක සිටිය යුතුය කියා, මෙවර සම්මාණලාභී තරිඳු උඩුවරගෙදර ලියලා තිබුනේය. මාතලන් නම් කිව්වේ, බ්ලොග්, අටමාගෙවත්, උගේවත්, මගේවත් නොවන නිසා, ඕනා එකෙක් ඕනා බඩකඩිත්තුවක් කොර ගත්තාට, මගේ නම් අවුලක් ඇත්තේ නැත කියාය. අටමා සිතන්නේද එසේම විය යුතුය.

එසේම විය යුතුය කියා කීවේ, මාතලන් මේ ගැන තාම අටමාගෙන් ඒ ගැන නොවිමසු නිසාය. කිසිවක් කොරන්නට වෙලාවක් ඇත්තේ නැතිය. එහෙත් ප්‍රාණ සමානා බ්ලොග් කෙරුවාව නිසා ඇති කරගත් හිතවතුන් වෙනුවෙන්, මේ ගැන මක්කා හෝ ලියා තැබිය යුතුය කියා සිතුනේය. ඒ හේතුවෙන් මාතලන් අහනා ප්‍රශ්ණ වලට මාතලන්ම පිළිතුරු දෙනවාය..

ප්‍ර: මොකෝ උළෙලට නොගියේ.. රාජිත ආපු නිසාද..?

උ: ඔත්නට රාජිත නෙමෙයි, මහින්ද හරි, ඝෝඨා හරි, විමල් නෙමෙයි නානසාර ආවත් මට නම් කිසි අවුලක් නෑ... පාරිශුද්ධ එකෙක්වත් නැති රටක, මොකා ආවම මට මොකෑ බං

ප්‍ර: ඒ උනාට එයා නූතන සේනක බිබිලෙය කියලා හඳුන්වා දීලා නේ


උ: ඉතින් මොකෑ බං වෙන්නේ. නූතන විහාර මහා දේවීලා, නූතන දුටුගැමුණුලා, නූතන ප්‍රාක්‍රමභාහුලා, නූතන සුභ සහ යසලත් ඉන්න එකේ... නූතන සේනක බිබිලේ කෙනෙක් උන්නම් මක් වෙනවද..? සෙනක බිබිලේ, රාජිත වෙලා නෑ නේ... 

ප්‍ර: එහෙනම් කරූ ආපු නිසා..?

උ: පිස්සුද බං.. දෙකට තුනට නැමිලා, දණ ගහලා වැඳලා.. මට හම්බ වෙච්චි එක ගත්තෙත් උන්නෑහේගෙන් නේ.

ප්‍ර: හරි හරි එහෙනම් මැකෝ ආපු නිසා...?

උ: පිස්සුද බං... ඒ යකත් නිකන් බ්ලොග් කාරයෙක් වගේමනේ.., බ්ලොගර් එකේ, වර්ඩ්ප්‍රෙස් එකේ, අපි වැඩ දානවා වගේ.. ආන්ඩුවෙන් ගැසට් එක ගහපු ගමන්, පොර දෙනවා ගේම.. අනික "චේෆාකිත්" වගේ නිසා, මං පොරට කොහොමත් මනාපයි.. අනික ඔය මහින්ද අර මහින්දටත් සෙකන්ඩ් නැති එකා... ඡන්දේ තියන්නේ නැත්තේ සිරා නේ බං... තිබ්බොත් ඇප නෙමෙයි... ඇට දෙකත් නෑ... 

ප්‍ර: එහෙනම් නදී නිසා...?

උ: එතන කොහෙද බං නදියක්...? ඔයක් නේ තියෙන්නේ...

ප්‍ර: නෑ උක්තෝ.. නදී වාසලමුදලිආරච්චි ආපු නිසා

උ: මයෙ අම්මපා..... එයා එන බව දන්නවා නම්, මම ඔක්කෝම දමලා ගහලා ඔතෙනට යනවා.. අර අජියාවත්, කමියවත්, ඕක කලින් කිව්වේ නෑ නේ... ඉරිසියාකාර හැත්ත..

ප්‍ර: බඩු හරි.... සම්මාණයක් නැති නිසා?

උ: පිස්සුද බං.. ඕනම නම් ඉල්ලලා සම්මාණයක් උනත් ගන්න පුළුවන් තරමට ෆිට්

ප්‍ර: එහෙනම් ඉස්තාන දෝසේ..?

උ: එ කිව්වේ වෝටර්ස් එජ්...?

ප්‍ර: ඔව් ඔව් ඒක තමයි..?

උ: වතුරේ තිබ්බා නම්, මම කොහොමත් යන්නේ නෑ... සුළි දෙකක් තියෙන නිසා, මට කොහොමත් වතුර අගුණයි.... හැබයි ඕක තිබ්බේ වතුරේ නෙමෙයි නේ.. වතුර ගැට්ටේ නේ..

ප්‍ර: ඔව්වොව් ඒක තමයි හේතුව..?

උ: වෝටර්ස් එජ් නෙමෙයි බං.., මම කැමතියි ඕක ජායික් හිල්ටන් එකේ තියනවා නම්. බ්ලොග් වලට මොකෙක් හරි සම්මාණ දෙනවා නම්, මාතලන්ට වඩා සතුටු වෙන එකෙක් තවත් නෑ.. සමහර උන් වෝටර්ස් එජ් ගැන කොක්ක අදිද්දි..., ඒ වෙනුවෙන් පෙනි උන්න එකෙක් මාතලන්... අනික මේ තරම් වියදමක් දරලා...? කොච්චර ළොකු දෙයක්ද...? අනෙක් සමාජ මාජ්ජ ජාල වල උන් පපුව පැලිලා මැරෙණ සයිස් එකට ජෙල..

ප්‍ර: එහෙනම් කෝදාගොඩ නිසා...?

උ: කෝදාගොඩ නම්, නයි ටී ඇන් එකට ඇවිත් මේක එයාගේ එකක් වගේ කතා කොළේ. එයා මාර සමාජ සෙවා ටිකක් කොලාය කිව්වේ. අර "ඉන්දික උපශාන්ත" කියන දානපතියගේ සහ "කමියගෙ" හම යන කොට, කෝදාගොඩගෙ නම ලංකාවෙම යනවා. ඒත් ඉතින් ඒක එයාගේ අවුලක් නෙමෙයි. ඔය නෙළුම් යාය උන්ගෙම අවුලක්.. කෝදාගඩ නෝනා සත පහක් දෙන්නේ නැතිව, නැව් ටෝක් දුන්නේ, නෙළුම් යායේ උන්ගේ ගොන්කම් නිසා.. ඒකට ඒ මනුස්සයා පලි නෑ..

ප්‍ර: එහෙනම්..., ස රසා බජට් ඉල්ලලා කොක්ක ඇදලා පට්ට ගේමක් ඇද්ද නිසා...?

උ: මම හිතන්නේ මේ සැරේ නෙළුම් යායට වැඩිම ප්‍රචාරයක් දුන්නේ ස රසා. අනික ඌ මගෙන් බජට් ඉල්ලුවේ නෑ නේ...? ඊට හපන් වැඩේ කියන්නේ, ස රස තුමා ඕකට ගිහින් තියෙනවා නේ.. කස්ටිය ගහයි කියලා බයට නෝනත් එක්ක ගිහින් තියෙන්නේ.. ඔයා කව්ද කියලා ඇහුවාම මම මහින්දගේ කෙනෙක් කියලා.. පස්සේ මහින්ද දේශප්‍රියගේ කියලා හිතලා, එයාගේ කෙනෙක්ද ඇහුවාම..., නෑ නෑ මම මහින්ද රජ්ජුරුවන්ගේ කෙනෙක් කියලා.. ඒ නිසා ඇතුලට අරගෙන නෑ.. පස්සේ රැස්ටුරන්ට් එකෙන් කහට දෙකක් බීලා.. බුකියේ පොටෝ එකක් දාලා ගෙදර ගිහින් හිටන්..

ප්‍ර: එහෙනම් ෆකෝ.. හරියට කියහන්කෝ නාවේ ඇයි කියලා...?

උ: ආන් එහෙම වැදගත් විදියට එපාය ප්‍රශ්ණයක් අහන්න.. මාතලන් නෙළුම් යාය සංවිධායක මන්ඩලේවත් එක මන්ඩලේකවත් සාමාජිකයෙක් නෙමෙයි.. "නිදහස් මිනිහෙක්.." ඒත් නෙළුම් යායේ උන් එක්ක හැම වෙලාවෙම මේ ගැන සංවාදයක උන්නා.. ඉතින් දෙවනි සම්මාණ උළෙලෙදි, මමත් තව කීප දෙනෙක් විරුද්ධ උන දෙයක් නෙළුන් යායෙන් කරා.. ඒත් ඉතින් තෑගි දෙන්න එන්නෙයි කියාපු නිසා අපි ඔතනට ගියා. 

නමුත් පළවෙනි එකේ පොටෝ එකක්, දෙවනි උත්සවේ ගැන බ්ලොග් සටහනක දැම්මය කියලා.., ඒ ෆොටෝ එක ගත්ත එකයි නෙළුම් යායේ කෑල්ලකුයි, මට බොරේ ඇද්දා.. තා ටිකෙන් මට විමලේ වගේ හිරේ යන්න වෙන්නේ... මම කරපු වැඩේ ඒක ඩිලීට් කරලා.. වෙන එකෙක්ගේ එකක් දැම්මා.. එතනදි මට තේරුනා.. මේක අජියගේ වැඩක් නෙමෙයිය.. වෙන ගේමක්ය කියලා..

තුන් වෙනි එක පටන් ගන්න කොටම මාතලන්ට තේරුනා, මේ පාර යන්නේ අමුතුම ගේමක්ය කියලා.. ඔව්වොව්..., එහෙම අනාගතේ පේන ගතියක් මාතලන්ට තියෙනවා.. ඒ නිසා මම මුළින්ම කිව්වා, මම මේකට එන්නේ නෑ කියලා.. ඒත් මම ඒක කිව්වේ.. අජිත්ට හා තව කීප දෙනෙකුට විතරයි.. එහෙම කියලා සද්ද නැතිව උන්නා..

බ්ලොග් ලියන උන්ට මොකා සම්මාණ දුන්නත් මට අවුලක් නෑ. ඒ නිසා නෙළුම් යාය බ්ලොග් සම්මාණ ගැන මාතලන්ගේ කිසි අහිතක් නෑ.. ලබන සැරේ මීටත් වඩා හොඳට ක්‍රන්න ඒකේ ඔක්කෝටම ශක්තිය ධෛර්යය ලැබේවා කියා බොක්කෙන්ම පතනවා..

ඒත් මාතලන්ව සැක කරන මිනිස්සු එක්ක, විශේෂයෙන් යාලුවෝ කියලා හිතාගෙන උන්න උන් එහෙම කරනවට මාතලන් කැමති නෑ.. මොකෝ මාතලන් කියන්නේ හැංගිලා ගහන, බය ගුල්ලෙක් නෙමෙයි... කියන්න තියෙන දේ මූණටම කියන එකෙක්.. ඉතින් ඒ දේ කියන්න ඕන එකාට කිව්වා.. ඒක ඌයි මායි දන්නවා.. ඒ හොඳටෝම ඇති.. ඒ පුදගලයා නෙළුම් යාය හා සම්බන්ධයි.. ඉතින් ඔහු එන තැනක, මාතලන් මින් පස්සේ ඇත්තේ නැත.. විශේෂයෙන් ඔහු නිකරුනේ මාතලන් සැක කළ දෙවන අවස්ථාව මෙය නිසා.. 

ඕන් ඕකයි හේතුව... වෙන මොන ලබ්බක්කත් නෙමෙයි.. එදා ෆෝන් එක ඕෆ් කරලා තිබුනෙත් ඒකයි.. ඒ ගැන අනෙක් උන්ගේ සිත් රිදුනා නම් ඒ ගැන සමාවන සේක්වා... 

ඔහේලාටත් මාතලන්ගෙන් මේ ගැන මක්කා හෝ අහන්න තියෙනවා නම්, අහන්න පුළුවන්ය. වේලාවක් ඇති වෙලාවක ඒවාට අනිවාර්යයෙන් උත්තර බඳිනවාය.