චීනා නැවත පැමිණීම රටේ වාසනාවකි - I - Welcome China - I

චීනා නැවත් පැමිණීම ලෙස මෙය හැඳින් වූයේ, මරි මෝඩ යහපාලන හිවළුන්, මහින්ද ගෙන ආ චීනුන් එලවා දැමූ අතර, රටේ වාසනාවකට කෙසේ හෝ ඔවුන් නැවත පැමිණ ඇති හෙයිනි. (එමෙන්ම ඈත අතිතයේ සිටම චීනය හා ලංකාව අතර සබඳතා ඇති බවට ඉතිහාසයේ කරුණු ඕනෑ තරම් ඇති අතර ෆා හියන් ගේ සටහන් හා යාපහුවේ නිර්මාණයන් ඒවාට ඇති උදාහරණයන්ය. කොහොමත් චීනයටත් වඩා අම්මට සිරි ලංකාවේ චයිනීස් රෙස්ටුරන්ට් තිබීමම ඒම සබඳතාවය ගැන ඇති අගනා උදාහරණයන්ය.) මෙය තරමක් දීර්ඝව සාකච්ඡා කළ යුතු මාත්තුරුකාවක් බැවින්, ඔබේ අදහස් සමඟ ඉදිරියට ගෙන යාමට බලාපොරොත්තු වෙමි.. මේ එහි පළමු කොටසයි

විජයාගමනය

හින්ගල ජාතියේ මහා ප්‍රෞඩත්වය ලබා දීම සඳහා ජාතියේ පියා ලෙස නම් කොට ඇත්තේ, රජ පවුලක උන් මදාවියෙකි. රටේ ස්වදේශිකය් ස්ත්‍රියක් හා සංවාසයේ යෙදි ඇති වූ පරම්පරාව වැද්දන් ලෙස හංවඩු ගසා කැළෑවට දක්කා, කොන් කොට ඇති අතර,. පව් සමා කර ගැනීමට මෙන් ජීවීතයේ එක වරක් හෝ වන්නිලෑත්තන් බැලීමට යාම, දඹදිව යාම මෙන්ම චාරිත්තරයක් බවටද පත් කොට ගෙන ඇත්තේය.

ඉන්දියවෙන්ම ඉම්පෝට් කළ රජ බඩුවකගෙන් ජාතිය පැවතෙන්නේ යැයි හාන්දුරුවරුන්ගේ ස්වයං වින්දනය සඳහා ලියූ ඉතිහාස පත පොතේ සඳහන්ය. විජයගේ පරම්පරාව පැවතෙන්නේ සිංහයෙක්ගෙන් බවත්, සිංහයා යනු අමුම අමු කම්මැලි සත්වයකු බවත්, ඒම සත්වයා කොඩියේ දමාගෙන උදම් අනනා ජාතියක්, ඒ වාගෙම කම්මැලි, කුසීත, මිනීමරු සෙට් එකක් බවත් ජාතික කොඩියෙන්ම ලොවට පෙන්වා දෙන අතර, තේජස මදි නිසා, අතට කඩුවක්ද දී ඇත්තේය. එයිටාමතරව ආගම්ද ජාතින්ද එක එක මනස්ගාත හැටහුටාමාරක් පිරි ජාතික කොඩියම, අපි මහා අඤ්ඤකොරොස් ජාතියක් බව ලොවටම කියා පාන්නේය. (අනාගතයේ රතු තීරුවක් එක්වීමටද බොහෝ ඉඩ කඩ ඇත්තේය.)

ආක්‍රමනයකින් පැවත් එන පිරිසක්ම වන බැවින්, මේ ජාතිය පුල් මාවලස් එකේ බලාගෙන සිටින්නේ. ආයෙත් ආක්‍රමනයක් එනකන්ය. (අද දින බය බිරන්තට්ටුවී බලාගෙන සිටින්නේ චීනා හා ළොකු අයියා අපිට අරිනා තෙක්ය.) අතීතයේ මෙන්ම වර්ථමානයේද එවන් ආක්‍රමනයන් බොහෝ පැමිණ, සම හරක්ට කෙල වි, සමහරෙක් ගොඩ ගොස් ඇති අතර, යක්ෂ හා නාග ගෝත්‍රිකයන් මෙන්ම මේ දෙකේම මික්ෂර්ද අද පවා ශේෂවී ඉන්නා බව, පාරට බැස්ස විට, පිකට් කරනා හරකුන්ගෙන් මනාව ඔප්පු වී ඇත්තේය. (පැහැදිලි මදි නම්, ලේ පිපාසාවෙන් පෙලෙනා ජෙප්පන් හා පෙරෙට්ටන් යක්ෂයන් ලෙසද, පත නයි අරිනා විමල් වීරවංශ, උදය සවස ගොම්මන්පිල හා බන්දුල ගුණවර්ධන නාගයන් ලෙසද, දෙකේම මික්ෂර් එකක් ලෙස වාසුදේව නොහොත් පකයා සහෝදරයාද උදාහරණ ලෙස ගන්න.)

මේ පිරිස් හින්ගල භාෂාවට අළුත් අර්ථ කතන ලබා දෙනාතරේ... සොල්දාදුවන් විටෙක රණවිරුවන් ලෙසද, තවත් විටෙක මිණීමරුවන් ලෙසද, වල් අලි වන අලි ලෙසද, පිළිකා රෝහළ වෙනත් රෝහළක් ලෙසද, බදු දීම විකුණාගෙන කෑමක් ලෙසද, රජයේ මුද්‍රණාලයේ ගැසට් කොට නීතී ගත කර, වහළුන්ට හා මී ගවයින්ට කට පාඩම් කරවමින් බ්‍රේස් වොෂ් කිරීමේ නිරතව සිටී.

යක්ෂයන් මිනිසුන් බිය ගන්වනාතරේ, නාගයින් අමු නයි අරිමින් සිටිනවා අදද රෙණ වැනි ජාතිහිතයිසී, දේසප්පෙරේමි, බව් බව්මික නාලිකා දෙස චිත්තපිරිතියෙන් යුතුව බලා සිටීමෙන් ඉතා පැහැදිලි වේ. එමෙන්ම, පක්ෂ විපක්ෂ බේදයකින් තොරව පාළකයින් මෙන්ම ජනතාවද විජේ මෙන්ම අමු මං පහරන්නන් බව, පත්තරයක් අතට ගත්තාම ඕනෑම එකකුට බලා ගන්නට පුළුවන්ය. ඒ කෙසේ වෙතත් හින්ගල නමින් අමුතුම ආකාරයේ ජාතියක් මෙයින් පසු පහළ වන්නේය. 

මහින්දාගමනය 

මහින්දාගමනය කීවාම, මැදමුලනේ ජනෙල් ගැට්ටේ එල්ලි උන් මහින්දගේ පැමිණීම ලෙස වරදවා වටහා ගත යුතු නැති අතර, එය දෙවන මහින්දාගමනය ලෙස පසුවට විස්තරාත්මකව සළකා බලණු ලැබේ. 

මිහිඳු හාන්දුරුවන්ගේ පැමිණීම නිසා මෙරටට ලොව පරසිඳු තාර්කික දහමක පහස ලැබීමට වරම් ලැබුවද, අද එය අමු ගෝත්‍රික වර්ශන් එකකින් පවත්වාගෙන යන තලේබාන් ආගමක් බවට පත් කොට ඇත්තේය. මිහිඳුගේ පැමීණිම සමඟ පැමිනි සිව්සැට කළාවන් තුල ජාතියට (පාලකයින්ට) ශික්ෂණයක් ඇති කළ අතර, එය සීමා වී තිබුනේ රජ පවුල්වල උන්ටම පමණි. මාතලන් සිතනාකාරයට, ඔය අනුරාධපුරයේ පොළොන්නරුවේ ඇති පූජනීය ස්ථාන සියල්ලම, සාමාන්‍ය ජනතාවට කිසි සේත් විවෘත නොවූ, රාජධානී තුල පිහිටා තිබූ, පැවිදිදන්ට හා ප්‍රභ්හූන්ට පමණක්ම සීමා වූ ස්ථානයන්මය. සාමාන්‍ය ජනයාගේ ගෝත්‍රික බව තුරන් කිරීමට මේවා කිසි සේත්ම ඉවහල් නොවන්නට ඇති අතර, ආගම ප්‍රභූ පැලැන්තියට පමණක්ම සීමා වූ දෙයක් වන්නට ඇත. දළඳාව වැඳිම, අද වුවද එසේම වනා බැවින්, ඒ ගැන මහා ළොකු තර්කයන් කිසි සේත් අවශ්‍ය වන්නේ නැත. කෙසේ හෝ අවම වශයෙන් පාලක පන්තිය හෝ ගෝත්‍රික ගති වලින් මිදී, කළා රසයක් හා වින්දනයක් ඇති නිර්මාණාත්මක පිරිසක් බවට පත් වීම මෙයින් සිඳුවනාතර, කුළ ක්‍රමය (බේදය) හා විවිධ ශිල්ප ක්‍රම සාමාන්‍ය ජනතාව අතරට යෑමක් මෙයින් පසු සිඳු වන්නට ඇත. 

එහෙත්, නැවත නැවත සිඳුවන සොළී ආක්‍රමණයන් තුල බෞද්ධාගම, හින්දු ආගම හා මිශ්‍ර වූ අමුතුම ආකාරයේ බිබික්කමක් වනාතර, පන්සල් වල භික්ෂූන්ට අමතරව කපුවන්ද සැරිසරන්නේ, සාමීවරුන්ගේ අඩුව පුරවාලන්ටය. ඉන් පසු හින්ගලුන්ද දෙමළුන්ද මේ දෙකේ මික්ෂර්ද රට පාලනය කරනාතර, පොළොන්නරු යුගයෙන් පසු, මහින්ද රාජපක්ෂගේ කාළයේ මෙන්, ඒ ඒ පලාත් වල පාලනය, ඒ ඒ පලාත්වල අයියලා විසින් ගෙන ගිය, මෙලෝ රහක් නැති රටක් තිබූ බව ඉතිසාසයම අපට කියා දෙයි. 

සුද්දාගමනය

ගල් අරාබීන්ට පමණක් සීමා වී තිබූ ආනයන අපනයන වෙළඳාමට සුද්දාට හොට දැමීමට ලැබෙන්නේ ලොරෙන්සෝ ද අල්මේදා කොලොන්තොටට යහපත් වීම නිසා වෙන්මය. රටේ වාසනාවකට අම්මට සිරි ලංකාව තවත් පකිස්ථානයක්, ඇෆගනිස්තානයක්, මැලේසියාවක්, ඉන්දුනීසියාවක් විම වලකාලනු ලබන්නේ, සුද්දා තම්බින්ට එලව එලවා නෙළු නිසාවෙන්මය. ලොරෙන්සෝගේ සෙට් එක මෙන්ම ලන්දේසියාද බිසිනොස් එකක් කොරගෙන රජ්ජුරුවන්ටත් ආතල් එකක් දීගෙන උන්නද, සුද්දා බැලුවේ කෙසේ හෝ මේ රටම අල්ලා ගන්නටය. එය මේ රටේ සාමාන්‍ය ජනතාව ලැබූ නිදහස වන අතර, නියම ලෙස නම් නිදහස් දිනය සැමරිය යුත්තේ, සුද්දා අප දමා පැනලා ගිය දිනය නොව, උන්ට මේ රට ලියා දුන් දිනයය. 

(යටත් විජිත සමයන් තුන අතරතුර, රජකුගේ අවශ්‍යතාවයක් යලිත් මතුවනාතර, අද මෙන්ම විදෙස් වලින් ලැබෙනා කොමිස් කුට්ටි මගින් සුද්දන් හා සමාන පන්තියක් බිහිවනාතර, උන්ට ලැබෙනා සැප අනෙක් උන්ට ලැබීමේ ඉඩ කඩද අසුරා දමමින්, තම පන්තිය පමණක් ඉස්මතු කර ගැනීමේ ගල් ආඳා ගේම් එකද කරලියට පැමිනෙන්නේ මේ තුලය. එතෙක් පැවතියේ රජුන් හා වහළුන් පමණක් වනාතර. පල්ලිය හා කතෝලික ආගම හේතුවෙන් අළුත් පංති ක්‍රමයකුත් ලංකාවේ අති වන්නට පටන් ගන්නේය. )

සුද්දාට විරුද්ධව ජනතාව ගොනාට අන්දමින් කැරලි ගැසූ කැරළි නායකයින් හා රජවරුන්ගේ පරම්පරාවල උන් අද ට්‍රිනිටි, සැන්තෝමස්, සැන්බ්‍රිජට්, ලේඩිස් කොලේජ් යනාතරේ, උන්ට ඇන්දුන කාළකන්නින් අදටත් පෙරහරේ උඩට අඳින්නේ නැතිව, පන්සල් වල වෙසෙනා පරපුටු පූජකයින්ට වහළුන් ලෙස අදටත් කඹුරන්නේ, ජේවීපී හා පසුගාමි එකේ උන් කැම්පස් හරක් පාරේ දක්කා, තමන්ගේ දරුවන් ඇපිට් (APITT) හා රට රටවල ආතල් ගන්න යවනවා වාගේමය. 

වැඩවසම් යුගය නිමා වී සාමාන්‍ය ජනතාව ලැබූ නිදහස, ඒවා බුක්ති විඳිනා උන්ටවත් නොතේරනාතර. සුද්දාට ගොඩ ගැනීමට නොහැකිවූ, ජේ ආර් පප්පාගේ කාළයේ යමක් කමක් හරි හම්බ කර ගත් වහල් මානසිකත්වයක් ඇති අමු ගෝත්‍රික ළිං මැඩියන් අදටත් කැමත්තක් දක්වන්නේ, පෙර මෙන් වැඩවසම් යුගයක් තුල ජීවත් වීමටය. උන් හිතන්නේ ලෝකය තියෙන්නේ ලංකාවේ කියලාය. එහෙත් ලෝකයේ උන් තබා ඉන්දියාවේ උන්වත්, ලංකාව කියන්නේ මොකක්ද?, තිබෙන්නේ කොහෙද..? වත් නොදන්නා බව ලෝක සත්‍යයය. අපේ උන් වැද්දන්ට සලකනාකාරයට, අපේ ගෝත්‍රික කිටි ඇඳගෙන යන මහින්දලා සිරිසේනලා දැක්කාම සුද්දන්ද සලකන්නේ, අප වැද්දන් දැක ගන්නා ආතල් එක වාගේමය. මෙරටට එන සුද්දන් ඇත්තටම සිතා සිටින්නේ ඒ ආකාරයටය. 

හිතට එකඟව කල්පනා කොරලා බැලුවොත්, මේ රටේ අප අද භුක්ති විඳිනා මූලික මිනිස් අයිතිවාසිකම් සියල්ල අපට ලැබුනේ සුද්දාට පින් සිඳු වන්නටය. (මේ රටේ එතෙක් මෙතෙක් බිහි වූ හොඳම කොමිසම සෝල්බරි කොමිසම මිස ජල්බරි බැඳුම්කර කොමිසම නම් නොවේ.) අද පවතින වියවස්තාව තුලවත් මේ මූලීක මිනිස් අයිතිවාසිකම් වියවස්තාවෙන් පිලි අරගෙන නැත. සමහර විට උන් ඉන්දියාවෙන් යන කොට අපවද දමා නොගියා නම්, අම්මට සිරි ලංකාව අද එකම විගඩමක් නොවී, සිලෝන් නමින් ලොව අංක එකේ ආර්ථික මර්මස්ථානයක් වන බවට මෙන්න කැට.

සුද්දාගෙන් අප ලද සියල්ල අපට අහිමි කළේ, සෙවල බන්ඩා නමින් පරසිද්ද, උන්ගේම ගෝත්‍රිකයෙක් අතින් මැරුම් කෑ කාළකන්නියෙකි. රට දියුණු කරමින් සිටි පිරිසට එදිරිව ගෝත්‍රිකයින් හා එක් වූ මොහු, බලය ලබා ගැනීම සඳහා පෞද්ගලික ආයතන සියල්ල ජනසතු කළ අතර, මෙරට ඉතිරිව උන් සුද්දන් මෙන්ම බුද්ධිමත් දෙමළුන්ද රටින් පලවා හැර, 56 පුත්තු නමින් එලොවටත් නැති මෙලොවටත් නැති කාළකන්නින් පිරිසක් කරලියට ගෙන එන ලදි. 

බලයට ගෙන ආ උන්ටම එපා වී එම කාළකන්නියා මෙලොවින් තුරන් කළ අතර, උන්දැගේ වාහේ, වමේ හරක් රැලක් හා එක්ව, මේ රට ලෝකයෙන් හුදකලා කොට ජනරජක් බවට පත් කල අතර, ගෝත්‍රිකත්වය ව්‍යවස්ථාවටද ඇතුල් කරමින්, ආගමක් රකිනා ගොබ්බ ව්‍යවස්ථාවක් ගෙන එමින් ගෝත්‍රිකත්වයේ උපරිමයට ගමන් කලේය. සමාජ වදය නම් සියල්ලන්ම හිඟන්නන් කිරීමේ මහා දර්ශණය හඳුන්වා දෙමින්, මිරිස් නැතිව හොදි කන, සීනී නැතිව තේ බොන, කෑම සොයා කුණූ කූඩා අවුස්සන, ගවුම ඇන්දාම පූසා පෙනන, සරම ඇන්දාම ඇට දෙක පෙනන, අති සෙරේෂ්ඨ හිඟන ජනතාවක් ලොවට හඳුන්වා දුන්නේය. 

ඉතිරිය පසුවට....