ප්‍රජාතන්ත්‍රවාදී නිදහස මාරාන්තික විය හැක - Direct Democracy can be Deadly

"ලෑන්ඩ් ඔෆ් ෆ්‍රී" හෙවත් ප්‍රජාතන්ත්‍රවාදි නිදහසෙ මහ ගෙදර, "ලස් වේගාස්" වල උන්, "ස්ටීවන් පැඩොක්" අයියා, ඇමරිකාවේ සුපිරි නිදහසෙන් පට්ට ආතල් එකක් අරගෙන නිවන් ගියේය. තනියෙන්ම නිවන් යන්න තරම් උන්නැහේ ආත්මාර්තකාමියෙක් උනේත් නැතිය, ඇමරිකන් "කන්ට්‍රි මියුසික් ෆෑන්සාලා" 58 දෙනෙකුටත් නිවන් අත් කර දුන් අතර, තවත් පන්සීයක් පමණ, රහත්, අරහත්, සකෘදාගාමී, අනාගාමී තත්වයටද පත් කලේය. එයා නිවන් ගියාදැයි නිවන් දැක්කුවාදැයි තාමාත් හරියට කියන්න බැරි උනාට, පොර ට්‍රයි එක දීලා තියෙන්නේ නම් අනෙක් අය නිවන් යවා, පොර තව ටික කලෙකින් නිවන් යන්නට බවත් දැන් දැන් කියවෙන්නේය. 

හෝටලේ කොච්චර නිදහස් වාතාවරනයක් තිබුනාද කියනවා නම්, මේ හෝටලේ සිකුරිටි කාරයෝ හෝ සිකුරුටි කැමරා තිබුනා වෙන්නත් බැරිය. ඔටෝමැටික් ගන් හත්ලිස් ගනනක් මේ යකා කාමරේට ගේනකන් මැනේජ්මන්ට් එක හා සිකුරිටි කාරයෝ හැමිනුනා වෙන්නත් පුළුවන්ය. කතන්දරේ එලියට එන ආකාරයට මුළු ඇමරිකන් සිස්ටම් එකම හැමිනිලා ගිහිල්ලා අහවරය. එක මිනිහෙක්, මාස් ඩිස්ට්‍රක්සොන් වෙපන් 40 ගනනක් මීළදි ගන්න බව, ඇමරිකාව තියා උගේ ප්‍රාන්තයේ උන්වත් දන්නේ නැතිය. අහල පහල උන් දන්නේත් නැතිය, සහෝදරයා දන්නේත් නැතිය. ඒ තබා උගේ පිලිපීන් කෑල්ලවත් දන්නේ නැතිය. අනික, තිබුනේ තුවක්කු ඉතරක් නෙමේය. පොරගේ ගෙදර හා වාහනේ තිබිලා පුපුරණ ද්‍රව්‍යද හම්බවෙලා තියෙන්නේය. පොර මේ සියල්ලම මිළදීගෙන තිබෙන්නේ ඇමරිකාවේ ඇති සුපිරි නිදහසට හා පෙඩරල් ලෝ එකට කවර් වෙලාය. ඒක නම් උගෙ අම්මාගේම නිදහසක්ය.  

ඇමර්කාවේ සුපිරි නිදහස අද ඉල්ලාගෙන කන්නේ එසේය. උන්ගේ තුවක්කු නිසා වසරකට මිය යන ගනන, අද වන තෙක් ඇෆගනිස්ථානයේ මෙතෙක් මිය ගිය ඇමරිකානුවන්ටත් වඩා බොහෝ ඉහළය. ගිය වසරේද මෙහෙම ගේමක් ඔය කියනා මහා ප්‍රජාතන්තරවාදි රටේ, "ඔර්ලැන්ඩෝහී නයිට් ක්ලබ්" එකෙත් සිඳු උනේය. එහිදීද 49 ක් මිය ගිය අතර 50 කට වඩා පරිප්පු කෑවේය. ටික කලෙකින් සියල්ල අමතක විය. දැන් ඉස්ටීවන් අයියා නිදහසෙ උපරිමයෙන් පට්ට ආතල් එකක් ගත්තේය. මුන්ගේ නිදහස් තව දුරටත් ඔය විදියටම පවත්වාගෙන ගියෝත්, උතුරු කොරියාවේ රොකට් මල්ලි ඇමරිකාවට කෙලින්න ඕනා නැතිය. උන්ගේම ගෙදර ඉන්නා උන් උන්ටම මරුවා කැඳවනු ඇතිය. 

ඔය වාගේම හෝ ඊටත් ඉහළ ප්‍රජාතන්තරවාදි නිදහසක් දීලා ඉල්ලාගෙන කන රටක් දැන් ආසියාවේත් තියෙන්නේය. ඒකට කියන්නේ අම්මට සිරි ලංකාව කියලාය. සැටලයිට් නෝනා නම් ඒකට කිව්වේ වල්බූරූ නිදහස් කියලාය. මාතලන් නම් ඕකට කියන්නෙ ගෝත්‍රිකයින්ට දුනූ ඊතල වෙනුවට යුද්ධ ටැංකි දුන්නා වගේ ගේමක්ය කියාය. 

ප්‍රජාතන්ත්‍රවාදය දිය යුත්තේ ප්‍රජාතන්ත්‍රවාදි මානසිකත්වයක් සහිත සාමකාමි මිනිස්සුන්ට මිස,

ස්වෝත්තමවාදි පොල් බූරුවන්ට නොවේය. 

ලොවට දෙසු දහමක් තමන්ගේ දහමක් කරගෙන දඟළන, අන් ජාතින්ගේ ලේ ගිලන්පසට ඉල්ලන මළ මූසල කහකඩයන්ට නොවේය, 

බටහිර වෛද්‍ය විජ්ජාව කට පාඩම් කර බෙහෙත් ලියනා ටයි පොලු දාගත් කුහක ගෝත්‍රිකයින්ට නොවේය, 

වැඩවසම් මානසිකත්වයක් සහිත රජ පවුල් වලට නොවේය, 

එවන් රජ පවුල්වල උන්ගේ සට්ටැඹිරාලලටා හා වන්දිභඨ්ඨයන්ට නොවේය. 

අනෙකාගේ අජ්ජාපන නිදහසට වල කපනා හිඟන මානසිකත්වයක් සහිත බූරු පුතුන්ට නොවේය.

තරුණ පරපුර තේරූම ගැනීමට නොහැකි නාකි හමාලාට නොවේය, 

මේ දූපතෙන් එහා ලෝකයක් තිබෙනා බව නොදන්න මී හරකුන්ට නොවේය, 

තම ජාතිය ලොව ශ්‍රේෂ්ඨම ජාතිය යැයි කියනා භෞමික අන්ඩවාතය හා ඒකියභාවය ගැන උදේ හවා මොරදෙන මාජ්ජ හා මාජ්ජවේදීන්යැයි කියා ගන්නා ගෝත්‍රික කේවට්ටයින්ට නොවේය, 

ජනතාව වෙනුවෙන් කියා ඉස්ටැයික් කොට, තමන්ගේ පඩි පත වැඩිකර ගන්නා ලෝකල් ජෝසප් ස්ටාලින්ලාට හා වෘත්තීය සමිති වල අමනයන්ට නොවේය, 

ව්‍යවස්ථාවලින් රට කෑලී කෑලි වලට කඩන්නට හඳනා ජනවරමක් නොමැති මළ මූසල නීතීවේදින්ට නොවේය, 

රටෙන් කෑල්ලක් ඉල්ලා මැරෙන්න හදනා විශ්‍රාම ගිය පිස්සු නඩුකාරයන්ට නොවේය, 

බලය ලද විගස අවුරුදු ගනනන ඇරියස් එක ගේමෙන් කවර් කරනා, මහා බැංකු මංකොල්ලකාරයන්ට නොවේය. 

ජනතාවට පොර ටෝක් දී පවුල් පිටින් රට සවාරි ගහනා පචෝරිස්ලාට නොවේය. 

නාවික හමුදාවෙන එපා කියනා ලදරං නැව් ගෙනවිත් ගාන කඩා ගන්නා දෙබිඩි දේසපාලුවන්ට නොවේය. 

ප්‍රජාත්න්ත්‍රවාදිය ලබා දිය යුත්තේ, උගත් බුද්ධිමත්, හැදියාවක්, කළා රසයක්, අනෙකාගේ මතය ඉවසිය හැකි විවෘත මනසකින් යුතු සාමකාමි පුරවැසියන්ට පමණි. එනයින් බැලූ කළ මේ රටට ප්‍රජාතන්ත්‍රය අවැසි නැති බව මොළේ කඳුලක් තියෙනා ඕනෑම එකෙකුට වැටහී යන අතර, මේ රටට අවශ්‍යව ඇත්තේ වත්මන් ලෝකය හා ආර්ථික ක්‍රම ගැන හසල දැණුමක් ඇති, ජාතින් අතර සාමයට ලැදි සුන්දර එකාධිපතියෙකි.

එහෙත් දැන් ඉන්නේ, බලයට පත් කල උන්ට එකක් කියනා, මරන්න හිටි උන්ට තවෙකක් කියනා, පත්තේරට එකක් කියනා, පක්ෂෙට තවෙකක් කියනා, ජනතාවට එකක් කියනා, පූජකියින්ට තවෙකක් කියනා, රටට එකක් කියනා, ගමට තෙවෙකක් කියනා, ලෝකයට වෙන කතාවක් කියනා, උපාසක ගල් අඳේක මිස, එවන් කොන්දක් ඇති, කෙලින් කතාවක්, ඇති බලවත් නායකයකු නොවේ. ස්තිර ප්‍රතිපත්තියක් නැති එවැන්නෙකු මහා ලොකු ප්‍රජාතන්ත්වාදි නිදසක් ලබා දී ඉල්ලාගෙන කන්නට යන දිනයද වැඩි ඇතක නොවනා බැව් ඕනෑම කෙනෙකුට මෙන්ම, එයාටත් තේරිලා තිබෙනා හැඩය. ඡන්ද තියන්නේ නැත්තේ ඒ නිසාය. 

මඩ සෝදාගත් කළ ගොවියා රජ කමට උවත් සුදුසුය කියා කියපු මහ රජාට පස්සේ ආ, නිශ්ශංකමල්ල රජ්ජුරුවෝ පොලොන්නරුවේම ගල් පොතේ ලිව්වේ, කිසිදිනෙකවත් ගොයියෙක් රජ කොරන්න නම් එපා කියලාය. විශේශයෙන්ම කියන්නටත් ඇත්තේ වී ගොයියන් ගැනම වෙන්නට ඕනෑය. මොකෝ ඒ කාලේ අල ගොයියෝ මෙන්ම ගර්කින් ගොයියන්ද උන්නේ නැති නිසාය. වී වවන් ගොයියෝ අමුම අමු අමබරුවෝ බව මුලු රටම දන්නේය. උන් අමු හිඟන්නෝය. උපන් ගෙයි මෝඩයෝය. රජයෙන්ම යැපෙනා පුලන්නෝය. 

 සමහර විර ඒ රජ්ජුරුවන්ට අනාගතේ පෙනුනා විය හැකිය.

ඒ වගත් මෙසේය...