දොස්තර නෝනා, චම්පික රණවක, විජිත හේරත් හා ජනමාජ්ජ - Doctor's Accident , Gossip & Social Media

අපි අපේ රටේ දේශපාලයන්ට පතුරු යන්න නෙලනවාය. උන් කන්න ඕනේ තණකොළ හා පුනක්කු යැයි කියා කියනවාය. උන්ගේ පොඩි මිස්ටේක් එකටත් පුක නැතිවෙන්නම ගහනවාය. එතකොට උන් සමාජ මාජ්ජ වලට රිටර්න් එක දෙනවාය. මොකෝ පාර්ලිමේන්තුවේ උන්ට ඕන එකක් ඇදලා අරින්න පුළුවන් වගේම නිදහසක්, අම්මට සිරි ලංකාවෙ ජනප්‍රියම සමාජ මාජ්ජය වෙන, ෆේස්බුක් හෙවත් වත්පොත හෙවත් මූණූපොත හෙවත් බුකියට තියෙනවාය. අපිට පාර්ලිමේන්තුවේ උන් කියන ඒවාට කේස් අදින්න පුළුවන් වගේම, දේශපාලුවෝ අපි බුකියේ ලියන කියන ඒවාටත් කොක්ක අදිනවාය.

නුවර කළකෝලාහාලය කාළේ බුකියට සති ගනනක් කෙලලා ඇරියේ ඒ නිසාය. හැබයි ආන්ඩුවේ ඔත්තු කාරයෙක්ය කියනා නාමල් කුමාරයාගේ රෙදි එකින් එක ගැලවෙන කොට, ගේම දීලා තියෙන්නේ ආන්ඩුවේ උන්මයි කියා අගේට ඔප්පු වෙනවාය. මඩකළපුවේ කොත්තු කඩෙන්ම වහලා දාන්න පුළුවන් කේස් එක, නුවරදි මහා විනාශයක් කළේ, බුකිය නිසා නොව, එය ආන්ඩුවේ ගේමක් නිසාය කියන එක මොළය කළඳක් ඇති ඕනෑම ගොනෙකුට අගේට තේරෙනවාය.

අපි ආන්ඩුවේ දේශපාලුවන්ටම දොස් කීවාට, විවේචනය කළාට ප්‍රශ්ණය අපේ වූ කළ අපද හැසිරෙන්නේ එසේම බව මේ දවස්වල බුකිය බලනා ඕනා එකෙකුට පෙනෙනවාය. දුමින්ද සිල්වා මිනීමැරුම් චෝදනාවලට හිරේ ගිය දවසේ, අපේ හාමිනා ඇස් දෙකේ කඳුළු පුරවාගෙන ඇහුවේ, කොහොමද අනේ එහෙම කෙනෙක් හිරේ දාන්නේ කියලාය. මීට බොහෝ කලකට පෙර කමල් අද්දරාඅරච්චිටත් ඇතුලට යන්න උන වෙලාවේ, අපේ අක්කලා අඬ අඬා ඇහුවේ, ඇයි අනේ හොඳ මිනිස්සුන්ටම මෙහෙම වෙන්නේ කියලාය. ඒ කමල් ඒ කාලයේ සිහිණ කුමාරයා වෙලා උන්නු නිසාය.

දැන් මේ බොරලැස්ගමුවේ ඇක්සිඩොන්ට් එකේ දොස්තර නෝනා ගැන බොහෝ දෙනෙකුට අනුකම්පාවක ඇති වෙලා තියෙනවාය. දොස්තර නෝනා හරිද වැරදිද කියන්න අපි තාමත් දන්නේ නැතිය. කැකිල්ලේ සජ්ජුරුවෝ වගේ එකෙක් රට පාලනය කරනාතර, කැකිල්ලේ තීන්දූ වාගේ ඒවා අළුත්කඩෙන් එන රටක, අවසානයේදි මියගිය පොලිස් කාරයා එල්ලා මැරීමට තීරණය කලත් අපි එතරම් කළබල විය යුතු නැති අතර, එය අපි අධිකරණයේ පාරිසුද්දත්වය හා නීතියේ ආදීපත්තියද මක්කද රෙද්දක් කියා වර්ණනා කරමින් ලියා අගය කළ යුතුය.

දැන් කොහොමත් ගේම යන්නේ ඒ ආකාර්යටය. නීතිය හා සාමය කිරියාවේ යොදවනා මහ එකාත් ප්‍රසිද්ධියේ නීතිය නවන්න පුළුවන් කියා ලැච්චර් දෙන රටක, මෙය සාමාන්නිය රිය අනතුරක් වී සියල්ලෝ සතුටින් විසිර යාමේ සම්බාවිතාවය තියෙන්නේ ඉතා ඉහළම අගයක කියා බොහෝ දෙනෙකුට තේරිලා තියෙනවාය. ඉතින් මේ අනුකම්පං උපාදාය හා පෝස්ට් එන්නේ ඒවාට සප් එකටය. එක ජොස්තර කෙනෙක් ලියලා තිබුනේ මේ දොස්තර නෝනා "ඇසෙට් ටු ආ කන්ට්‍රි" එකක් හෙවත් "ජාතික වස්තුවක්" නිසා, ජනාධිපති තුමා විසින් ඇය කිසිඳු ආකාරයේ දඬුවමකට යටත් නොකොට නිදොස් කොට නිදහස් කළය යුතු බවය.

තවත් සම හරක් මාජ්ජවේදින් හා බුකියේ සමාජ මාජ්ජ වේදීන් කියන්නේ ඒකේ අනික් පැත්තය. එනම් නිව්ස් හා ගොසිප් වලට අනුව, මේ දොස්තර නෝනා "ජාතික වස්තුවක් නොව" එක්තරා "ජාතියක වස්තුවක්" නිසා නීතිය නිසි ලෙස ක්‍රියාත්මක කළ යුතු බවය.

ඒ අස්සේ සම හරක් බුකි විචාරකයින්ගේ පුකේ ඉත්තෑවන් දුවන්න අරගෙන තිබෙන්නේ, මේ දෙවනියට සඳහන් කළ කාන්ඩය කරන්නේ කොතරම් පහත් තුඡ්ච ක්‍රියාවක්ද කියලාය. මේ මතුවන්නේ ප්‍රශ්ණය තමන්ගේ වූවාම ඌයියා වෙන එකය. මෙයාලා ව්‍යගයෙන් එකතු වන්නේ අර මුලින් සඳහන් කළ ජොස්තරයාගේ අදහසටය. ඔවුන්ගේ මනසේ ලියැවි ඇත්තේ, ජොස්තරවරුන් දෙවියන් හා දේශපාලුවන් යක්ෂයන් ලෙසය.

අපට මේවාට හිකෙන් පුනා යන්නේ, මේ පිරිසම, ජේවීපී විජිත හේරත් දෙකක් දමාගෙන ගොස් ලැයිට් කණුවක ප්‍රමිතිය පරික්ෂා කිරීමේදි හැසිරුන ආකාරය සහ චම්පික රණවක අහින් මෝටර් සයිකල් කරුවෙක් අනතුරට පත් වූ අවස්ථාවෙ හැසිරුන ආකාරය ගැන කල්පනාවට එන මොහොතේය. එතකොට ඒවා ඇක්සිඩන්ට්ම විතරක් උනේ නැතිය. නොම්මර එකේ ගොසිප්, නිව්ස්, එකසිය ගානට ගලාගෙන ගියේය. 

ඒ දේශපාලුවන් කෙරේ සාමාන්නිය ජනතාවගේ ඇති අප්පිරියාව නිසාවෙන්මය. අද දොස්තරලාටත් වෙලා තියෙන්නේ ඒකය. අද මේ රටේ කිසිම වෘතිතිකයකු ජනතාවගේ ප්‍රසාදයට පත් වන්නේ නැතිය. සමස්ත සමාජයම එකම ගූ ගොඩක්ය. ඉහළ සිට පහළටම තත්වය එසේය.

එය එසේ වූ කළ, එක තැනකින් පමණක් ශිෂ්ඨත්වය සෙවීමට යෑම පිස්සු විකාරයක්ය. සිඳු විය යුත්තේ නීතිය සැමට එක ලෙස ක්‍රියාත්මක වීමය. එහෙත් එය එසේ සිඳු නොවනා බව සියල්ලන්ම දන්නවාය. මහා ළොකු යහපාලනයක් ගෙන එනවා යැයි කියූවද, එල්ලුම් ගස් ගැන කතා මෙන්ම සැකකරුවන් වතුරට පැන මිය යාම්ද වාර්ථා වන්නේ, සමස්තයම එක්ම ගූ ගොඩක් නිසාය. ඒ නිසා බුකියේ අද දිනයේම දැමූ සටහනක් පහළින් එල්ලා, මාතලන්ගේ මේ පල් හෑල්ල මෙතකින් නවතා දමනවාය.

මිනිසුන් විවිධාකාරයි..
ලෝකය ගෝලාකාරයි...
මාධ්‍ය කියන්නේ,
කොයි මාධ්‍යය ගත්තත් ඕපාදූප ගොසිප් සාගරයක්.. මිනිස්සු ඒවා බලන්නෙ අහන්නේ වං හුං වලට ඇති කැමැත්ත නිසා..
ඒ වගේම හැමෝම කැමතියි තමන් විවේචනය නොවී,
සිනහවට ලක් නොවී..
අනෙක් අය විවේචනය කරන්න..
අනෙක් අයට හිනා වෙන්න..
ඒත්,
තමන්ට හෝ තමන් ආදරය කරන කෙනෙක්
ටොපික් එක වෙලා, නිව්ස් එක වෙලා,
ගොසිප් එක උනාම,
පුකේ ඉත්තෑවෝ දුවන්න ගන්නවා..
ඒක සාමාන්‍යයි...

- සිග්මන් ප්‍රොයිඩ් -
නයිට් ක්ලබ් එකක අඩියක් ගසමින්..

බීමත්ව රිය පැදවීමෙන් වලකින්න.

එය අනුන්ගේ ජීවිත බේරනාතර,
තමන්ගේ පුකත්වය ප්‍රදර්ශණය වීමෙන්ද වලකී

- උගත් පාඩම් -