උගතුන් නිසා පරිප්පු කන නූගත් මිනිස්සූ...

.

මේ රටේ බුද්ධියක් ඇති ජනතාව ඇත්තේ අල්පයකි. එය ජනතාව හා කතාබහ කරන විට ඉතා පහසුවෙන් වටහා ගත හැකිය. කොටින්ම අපේ උන් බුද්ධිමත් කියන්නේ මොකක්ද කියා හෝ දන්නේ නැතිය. 

බුද්ධිමතුන් යැයි කියන්නේ ඕනෑම දෙයක් කිසිවකු කී නිසා හෝ ලියූ නිසා පිලිගැනීම නොව, තම චිත්ත ශක්තියෙන් ඒ පිළිබඳ විමසීමෙන් තීරණයකට එන පුද්ගලයාටය. 

එහෙත් ලංකාවේ අධිකාරීවාදී සංස්කෘතිය තුල, අධ්‍යාපන ක්‍රමයේ සිට සියළුම ක්ෂේශ්ත්‍රයන් හැඩ ගැසී ඇත්තේ, එවන් බුද්ධිමත් ජනතාවක් නිර්මාණය කිරීමට නොව, වනපොත් කරනා ගිරවුන් රෑනක් බිහිකිරීමටය.

උගන්වන දෑ ප්‍රශ්ණ කිරීමට කිසිඳු අවස්ථාවක ඉඩක් නැතිය. මේ හේතුවෙන් පාසල තුල පමණක් නොව බොහෝ තැන්වල අප අපහසුතාවයට මෙන්ම අසාධාරණයට ලක් වූ අවස්ථාවන් අපමණය.

අපේ උන් දෙයක් පිලිගන්නේ, එක්කෝ මහාචාර්‍ය වරයෙක් කියූ නිසාය, නැතිනම් ආචාර්‍යවරයෙක් කියූ නිසාය, නැතිනම් ගුරුවරයෙක් කියූ නිසාය, එහෙම නැතිනම් ආගමික නායකයෙක් හෝ පක්ෂ නායකයෙක් කියපු නිසාය, එසේ නොමැති නම් අම්මා තාත්තා හෝ ගෑණී මිනිහා කියපු නිසාය.

එසේත් නොමැති නම් අළුත් පාර්ලිමේන්තුවට හෝ දොරමඩලාවට එන උගතුන් යැයි සමාජය පිලිගත් පිරිස කියන නිසාය, නැතිනම් ලෙනින්, මාක්ස්, ගෝර්කී, ලැකාන්, ෆුකාන්, ග්‍රාමිස්චි කියලා තියෙන නිසාය.

තර්කයකදි, කව්ද කිව්වේ? නිකමට හරි ඇහුවොත් කියන්නේ ඔයින් එකෙක්ගේ නමක්මය. "මමයි කියන්නේ.... " කියනා උන් බොහෝ අඩුය. පාර්ලිමේන්තුවටද උගතුන් පමණක්ම එවන්නෙයි කියන්නේ මෙවන් අමණයෝය.

"උගත්" හෙවත් එඩියුකේටඩ් ප්‍රජාව කියන වචනය තුලම ඒ ප්‍රජාව මෙන්ම ජනතාවද අතරමං වී ඇත. උගත් යන්නෙහි තේරුම ඉගෙනගෙන අවසන් යැයි කියනෙකය. ඇත්තය උන්ට ඒ පිලිබඳ ලිඛිත සාක්ශි මෙන්ම ඡායාරූපමය සාක්ෂිද ඉදිරිපත් කළ හැකිය. ඉදින් උන් ඉන්නේ සියල්ල දත්ලා ලෙසටය.

නමුත් ඇත්ත කතාව නම් උන් සහතික අරගෙන ඇත්තේ තියරි වලට පමණය. ප්‍රැක්ටිකල් ලෝකයේ උන් පට්ට ෆේල්‍ පොරවල්‍ය. දැණුම වෙනස් වෙමින් වේගයෙන් ලෝකය ඉදිරියට යන බවත්, වත්මන් ලෝකයේ විශ්වකර්ම වැඩ පෙන්වන්නේ " අවුට් ඔෆ් ද බොක්ස්" හිතන හා හිතපු උන් නිසා බවත් පිලිගැනීමට ඔවුන්ට බුද්ධියක් නැත්තේය.

දැන් සියල්ලෝම බලාපොරොත්තු තබාගෙන ඇත්තේ මාර පොරක් යැයි කියනා මහ බැංකුවේ ලොක්කා නන්දලාල් වීරසිංහ කෙරෙහිය. එහෙත් පොර රට ගෙනියන්න යන්නේ සමාජවාදී රාජ්‍යයක් කරාය. පොරට මේ රට ගොඩගැනීමේ කිසිඳු සැලැස්මක් නැති බව බුද්ධියක් ඇති ඕනෑම එකෙකුට මේ වන විට අවබෝධ වී අවසානය.

එහෙම එකෙක් නම්, ටැබ් හා සෙල්ෆෝන් වලට කන පැලෙන බදු ගසා ඒවා ගන්නේ නැතිව මයියොක්කා වවන්නෙයි කියන්නේ නැතිය. මේ ඇවිත් ඉන්නේ පී බී ටත් එහා දේශිය චින්තනය කරපින්නාගෙන යන සමාජවාදී හිඟන්නෙකි.

රනිල් හා නන්දලාල් ගැටුම ඉස්මතු වෙන්නේ මේ හේතුවෙනි. 

මේ රට මේ ආර්ථික අර්බුධයෙන් ගොඩ ගැනීමට මේ තියරි කාරයන්ට නොහැක්කේ ඔවුන්ගේ තියරිය අනුව මේ රෝගියා මියගොස් අවසන් බැවිනි. 

ඔවුන් දැන් සැරසෙන්නේ IMF නැමැති මරණාධාර සමිතියෙන් අවසාන කටයුතු කිරීම සඳහා ආධාරයක් ලැබෙනා තෙක්‍ය.

එය ලැබෙනා තෙක් මිනීය සාලේ මැද්දෙ තබාගෙන මරණය සිඳු වූ ආකාරය පිලිබඳව විශ්ලේෂණ ඉදිරිපත් කරමින් ඔවුන්ගේ "උගත්" කම ප්‍රදර්ශණය කරමින් සිටි.

ඇත්තටම ඔවුන් ඉගෙනගනිමින් හෝ තව දුරටත් ඉගෙනීමට කැමැත්තක් ඇති පිරිසක් නොව "උගත්" ප්‍රජාවක් බවත්, එවන් උගත් පිරිසක් පිළිබඳව විශ්වාසය තබාගෙන සිටිනා අමනයන්ට මාතලන්ගේ කනගාටුවද ලියා තබමින්, මේ පල්හෑල්ලත් මෙසේ අවසන් කරනවාය.

ඒ වගත් මෙසේය......

.