චන්දය කල් යයිද? (උඹලා අගමැති රනිල් දැකලා තිබ්බට ජනපති රනිල් දැකලා තිබුනේ නෑ නේද?)

 

චන්දය කල් යයිද?

(උඹලා අගමැති රනිල් දැකලා තිබ්බට

ජනපති රනිල් දැකලා තිබුනේ නෑ නේද?)

➖➖➖➖➖➖➖➖➖➖🟥➖➖➖

▪️පළමු කොටස

මාතලන් යකා ඔය වරහන් ඇතුලේ තියෙන ටික ලිව්වේ, රනිල් ජනපති ලෙස දිවුරුම් දුන් මොහෙතේම වගේය... ඒ... අරගලයේ දේශපාලනය ගැන යම් අවබෝධයක් තිබුන උන් හා සංවිධාන අරගල භූමියෙන් ඉවත් වූවද...

අරගල ජයග්‍රහණයෙන් ගිනි කන වැටී හුන් පෙරටුගාමී එකේ අත දරුවෝ සමඟ එකතුවූ හුජ්ජා කෙල්ලෝ කොල්ලෝ හා උන් සමඟ උන් කොළඹ වතු ජනතාව හා පාදඩ පන්තිය... රනිල්වත් එලවන්නේ ඝෝඨා වගේමයි කියා අරඟල භූමියේ සිට රනිල් එලවන්න දින වකවානුද සමඟ රඹ ටෝක් ඉෂූ කළ මොහොතේමය.

කීවාක් මෙන්ම එදින රාත්තිරියේ රනිල් ඩිනර් එක දුන්නේ මෙතෙක් කෑ බුරියානී වලට වඩා නොමිළේ දෙන පරිප්පු කෝමද ඩෝ කියන්නටය... උන් ඝෝඨාගේ ගුණ වයමින් හඬ හඬා පුප අත ගගා දිව්වේ, එතෙක් මාර පොරවල් කියා හිතාගෙන උන් හාල්පාරුවන්ට රාජ්‍යයේ මර්ධනය උන්ගේ තර්ජන ගර්ජන ළඟ හූනූ පුපක් බව උන්ට වටහා දෙමින්‍ය. (මේ කිරිකජු කොල්ලෝ 88/89 ක් තබා කොළඹ පුපුරපු බෝම්බවත් දැකලා තියා අහලාවත් තිබුනේ නැතිය)

රණසිංහ ප්‍රේමදාස ත්‍රස්ත ප්‍රහාරයකින් මිය ගිය පසු, යූ ඇන් පී යේ නායකයකු යැයි බයක් කැතක් නැතිව කිව හැකි එකෙක් රටේ ජනාධිපති කමට එන්නේ, ඝෝඨාභට රාජපක්ෂ නම් තකතීරූ ජනාධිපතිවරයාට පින් සිඳු වන්නටය. රනිල් යනු වෙනින් කවුරුවත් නොව ජේ ආර් ජයවර්ධන හෙවත් වත්මන් ව්‍යවාස්ථාවේ නිර්මාණකරුගේ බෑනාය..

ඔහු 72, 83, 88/89, 2009 මෙන්ම සියල්ල දැක ඇති, ඒවායෙන් සමහරක් තුල උන් කෙනෙක් බව බොහෝ උන් දන්නේද නැත.

ඔහුට ලෝක දේශපාලනයේ හා ලාංකිය දේශපාලනය පිළිබඳ ඇති දැණුම හා පරිචය සතු වෙනත් දේශපාලකයකු මේ රටේ මේ මොහොතේ ඇත්තේ නැතිය. එහෙත් මාතලන් ඔහු හඳුන්වනේ අවාසනාවන්ත නායකයකු ලෙසය. 

මින් පෙර කිහිප අවස්ථාවකම පක්ෂය හා ඔහුගේ සහාය ලද සන්ධානවලට බලය ලැබුනද, විධයක බලය නොලැබුනාක් මෙන්ම ඔහුගේ රිගේනින් ශ්‍රී ලංකා වැඩසටහන ක්‍රියාත්මක කිරීමට කිසිඳු ඉඩ ප්‍රස්තාවක් ලබා දුන්නේ නැතිය. 

ඒ හේතුවෙන්ම, ඔහු ඔහුගේම පාක්ෂිකයන් අතර මෙන්ම රටේ ජනතාව අතරද ජන අප්‍රසාදයට පත් නායකයෙක් විය. එහි ප්‍රතිපලය වූයේ, පක්ෂයේ තවත් උරුමක්කාරයකු රනිල්ට ඇපත් නොලැබෙන සේ පක්ෂය කඩාගෙන යාම හා රටේ දැවැන්න්තම පක්ෂය වූ එජාපය ජවිපෙටත් පරාද වෙමින්, පාර්ලිමේන්තුවේ එක අසුනක් හෝ නොමැති පක්ෂයක් බවට පත් වීමය.

එහෙත් කොහේ හෝ ඇති වාසනාවකට ලද ජාතික ලැයිස්තු මන්ත්‍රී ධූරය රනිල්ට වාසනාව ගෙන ආවේ ඔහු විධායක ජනාධිපති කරමිනි. අවාසනාවකට ඔහු එසේ පත්වන්නේ තම පක්ෂයේ අයගේ චන්දයකින් නොව, පොහොට්ටුවේ උන්ගේ චන්ද 134 ක පිහිටෙනි. 

එතැන් පටන් රනිල් මෙන්ම බැසිල් ගෙන ගියේද පොලිටිකල් ගේමකී. බැසිල්ට අවශ්‍ය වූයේ තම පක්ෂයේ බලය සමඟ රනිල් පාලනය කිරීමටය. 

එමෙන්ම රනිල් පොහොට්ටුවේ දෙවන පෙල පිරිසක් හා ගෙන ගියේ, පොහිට්ටුවේ විශාල කණ්ඩායමක් තමන් වෙත තබාගෙන බැසිල් මට්ටු කිරීමටය. 

බැසිල් නම් කරනා පිරිසට ඇමතිකම් නොදි, ඉන් පරිභාහිරව ආධුනිකයින් හා මෙලෝ රහක් නැති සෙට්ටෙකකට රනිල් විසින් ඇමතිකම් ලබා දෙනුයේ, මම දැන් තමුසේ ගනන් ගන්නේ නෑ ඕයි කියා කෙලින්ම කිව නොහැකි නිසාවෙන්මය.

කළකිරුනු බැසිල් නවතිනුයේ ඇමරිකාවේය. ඔහු නැවත එන්නේද පලාත් පාලන චන්දයෙන් රනිල්ට පාඩමක් ඉගැන්වීමටය. ඇත්තටම බැසිල්ට අවශ්‍ය මේ චන්දය පොහිට්ටුව පරාජය වනු දැකීමය. ඒ 2019 නැවත බලයට පැමිණියා සේ මතු දිනෙක ජනතාව ඔවුන්ට යලි බලය ලබා දේ යැයි යන මතයේ සිටය. 

රනිල්ට අවශ්‍ය වන්නේද එයමය. එහෙත් තමන්ගේ "තග් ලයිෆ්" රාජාසන කතාවෙන් පසු ඔහු වෙනුවෙන් කතා කරන්නට උන්නේ ලන්සා හා ඩයනා පමණය.. රනිල්ගේ කට්ට කයිරාටික කම් දැන් හරියන්නේ නැති බව පක්ෂයේ අලි පුටුවලට දැන් අවබෝධ වී ඇත. ඒ ගැන වෙනම කතා කල යුතුව ඇත.

රනිල් දැන් ගහන්නේ වානා වා පෝ නම් පෝ ගෙමකි. ඔහුට ජනප්‍රිය නායකයකු වන්නට කිසිම අවශ්‍යතාවයක් නැති බව ඔහු කෙලින්ම කීවේය. දැන් ඔහුට අවශ්‍ය වන්නේ හොඳින් හෝ නරකින්, 2024 දක්වා විධායක ජනාධිපති කම් කිරීම පමණකි.

ඒ නිසා කවුරුන් හෝ රනිල් එක්ක ගේමට යනවා නම්... ඒ අයට මට කීමට ඇත්තේ ඔයාලට අදහන ආගමක දහමක සරණම පමණය කියලාය. ඒ අප රනිල් කව්දැයි කියා දන්නා නිසාවෙන්මය.

පලාත් පාලන මැතිවරණය ගැන වඩාත්ම කලබල‍යට පත් වී ඇත්තේ රනිල් හෝ බැසිල් යයි කියා කෙනෙකු ලියන්නේ හෝ සිතන්නේ නම්, ඔවුන් ජාත්‍යන්තර භූ දේශපාලනය ගැන කිසිදු අවබෝධයක් නැති අයය. මෙහිදී මේ මොහොතේ ඇත්තටම බය වී ඇත්තේ ඉන්දියාව හා ඇමරිකාවය.

ඇමරිකාවෙන් අති විශේෂ දූතයින් පිරිසක් හදිසියේ කොළඹ එන්නේත්, ඒ පිළිබඳ කිසිත් එලියට නොඑන්නේත් මේ හේතු මතය.

මේ චන්දයක් අස්සේ මේ යකා මෙතනට ඉන්දියාවක් හා ඇමරිකාවක් ඇද ගත්තේ මක්කටෙයි කියා කෙනෙකුට සිතෙනු ඇතිය. 

ලිපිය දිග වැඩි වන හේතුවෙන්, ඒ කොටස විවේකයක් ලද සැනින් ලියනවාමය....

ඒ වගත් මෙසේය....

.