තියන්න චන්දයක් නෑ

 

තියන්න චන්දයක් නෑ

(උඹලා අගමැති රනිල් දැකලා තිබ්බට, ජනාධිපති රනිල් දැකලා තිබ්බේ නෑ නේද? )

➖➖➖➖➖➖➖➖➖➖➖➖➖🔴➖

( දෙවන කොටස)

(මෙහි පළමු කොටස, පළවන කොමෙන්ටුවේ.)

පුංචි මැතිවරණය තියා කිසිම මැතිවරණයක් නැති බව හරීන් ඊයේ කීවේය. මේවා හරීන්ටත්, රනිල්ටත් කලින් මාතලන් දැනගෙන උන්නේය. ඒ ලාංකීය දේශපාලනය නොව ගෝලිය දේශපාලනයත් කියවා ගත හැකි නිසාය. මාතලන් පුදුම වෙන්නේ චන්දයක් තිබ්බා නම්ය.

චන්දයක් තියන්නේ නෑ කියා රනිල්ට බනින්නේ, ජාත්‍යන්තර දේශපාලනය නොදන්නා උන්ය. ඇත්තටම රනිල්ටත් ඕනෑ වුනේ චන්දයක් තියන්නටය. ඒ පොලිටිකල් ගේම්ය. ඒ ගැන විස්තරාත්මකව මෙහි පළමු කොටසේ ලිව්වේය. 

හැබයි චන්ද නොතියන්න හේතුව ලෙස විපක්ෂය කියන කතන්දරය නම් 100% ක් ඇත්ත කතාවක්ය. ඒ කියන්නේ චන්දේ නොතිබ්බේ සල්ලි නැති නිසා නොව, චන්ද නැති නිසයෙයි කියනා එකය. හැබයි මේ චන්ද නැති එක බලපෑවේ රනිල්ට නොව ඉන්දියාවට හා ඇමරිකාවටය. චන්දය කල් දමන ලෙස බලපෑම ආවේ ඒ දෙරටෙන්ය.

අපේ දෙකයි පනහේ දේශපාලුවන් තබා රනිල්වත් නොදැන උන් කාරනය නම්, තමන් ඇක්ඩැකටිව් ප්‍රසිඩන්ට් වුනත්, රට පාලනය කරන්නේ, විධායක ජනාධිපතිවරයා නොව විදෙස් බලවේගයක් බවය. ඇත්තටම මාතලන්ට විචිකිච්චාවක්ව තිබුනේ, එහිදි වඩා බලවත් චීනාද ඇමරිකාවද යන ප්‍රශ්ණය පමණක්මය. 

ඊට හේතුව වී තිබුනේ මහ බැංකුවේ ගවනර්ගේ පත්කිරීම හා ඒ යකා පත්වෙච්චි ගමන් රට බංකොලොත් කරපු එකය. පොර චීනාගේ ප්ලාන්ට් එකක් බව අදත් මාතලන්ගේ මතයය. චීනා හැදුවේ අපේ ණය වලින් 10% පෙන්නා අපිව බ්ලැක් මේල් කරන්නටය.  උන් අදටත් කරන්නේ ඒකය.

අද රනිල් උඩ දමනා බොහෝ උන් හිතන්නේ ඇමරිකාවේ රාජ්‍ය දෙපාර්තමේන්තුව කෙලින්ම ඇක්සෙස් කරන තරමට සබඳතා ගොඩනගාගත්තේ එයාය කියලාය. හැබයි සිඳු වූයේ වෙන දෙයක්ය. 

ඇමරිකාව උන්නේ රනිල් එක්ක මල පැනලාය. ඒ යහපාලන කාළේ චීනා එක්ක හැමිනෙන්න ගිය නිසාය. එම සබඳතා නැවත ගොඩ නඟා ඝෝඨා එලවා රනිල් ජනපති කරන්නේ ඇමරිකන් ඇම්බැසිඩර් ජූලී චන්ග් සුදු නෝනාය.

එහෙත් රනිල් කියන්නේ කිසිවකු ගනන් නොගන්නා උඩඟු පුගලයෙකි. ජනපති වූ පසු තනතුරින් ඔලුව උදුම්මවාගත් උන්නැහේ, මේ රටේ වැඩ වලට හොට දාන්න එපා කියා ජූලී චන්ග් මෙන්ම ඇමරිකාවද තරහා කර ගන්නේ මේ මරිමෝඩ උඩඟු කම නිසාමය.

රනිල් හෙන මොළයක් කියාවත්, එයාට ජාත්‍යන්තර සබඳතා තියෙනවා කියාවත්, එයාට ආර්ථිකය ගොඩ දැමීමට වැඩපිලිවෙලක් ඇතයි කියාවත්, මාතලන් කිසි විටෙකත් විශ්වාස කරන්නේ නැතිය. 

එයා එහෙම කෙනෙක් නම්, කිසි දිනෙකවත්, පෝට් සිටියේ මුල්ගල ගලවා මුහුදට විසි කරන්නේවත්, හම්බන්තොට චීනාට විකුණන්නේවත් නැතිය. අද රට පරිප්පු කන්නේ මේ තකතීරූ වැඩ නිසාමය.

එහෙත් මාතලන් රනිල් වෙනුවෙන් පෙනී සිටින්නේ ඇයි කියා කෙනෙකුට හිතෙන්න පුලුවනිය. ඒ වෙන කිසිවක් නිසා නොව, මාතලන් ප්‍රචන්ඩත්වය හා මිලේච්ඡත්වය පිලිකුල් කරනා නිසාත්, ප්‍රජාතන්ත්‍රවාදයට ආදරය කරනා නිසාත්ය. හෙට රටේ ප්‍රජාතන්ත්‍රවාදී නායකයා අනුර නම්, මාතලන් ඔහු වෙනුවෙන් විවේචනාත්මකව  පෙනී සිටිනේනේය. 

රනිල්ට හා බැසිල්ට චන්ද නැති නිසාත්, රැල්ල ජෙප්පන්ට නිසාත් වඩාත් කලබල වූයේ රනිල් නොව, ඉන්දියාව හා ඇමරිකාවය. රනිල්ට දැන් ඕන පුපක් ප්‍රීතී වෙසක්‍ය. එයා ජනරජ පෙරහර තියන්නේ, ඇම්බැසිඩර්ලාට මහනුවර ටුවර් දෙන්නේ ඒ නිසාය. 

බඩට නැති වුනත් ලුණු කැඳ

ඇඟට ඕනමයි විල්ලුද

ඒකයි ඉහළම සන්තෝසේ...කියා 

අපේ ජාතික ගීයේ තියෙන්නේ මේ නිසාය.

ඉන්දියාව හා ඇමරිකාව මෙසේ කළබල වූයේ, රෝ හා CIA ඔත්තු සේවාවන් ඔස්සේ ලද විශ්වාසවන්ත තොරතුරු මතය. ඔවුන් ලංකාවේ ඔත්තු සේවා හා ආරක්ෂක අංශ විශ්වාස කරන්නේ නැතිය. දැන් රනිල්ටත් උන්ව විශ්වාස නැතිය. ඒ නිසා ඔහු විශ්වාසය තබා ඇත්තේ ඇමරිකාව වෙතය. ඉන්දියාවේ සප් එක ඇත්තේ බැසිල්ටය.

ඇමරිකාවෙ නියෝජ්‍ය රාජ්‍ය ලේකම්වරිය වන වික්ටෝරියා නූලන්ඩ් හදිසියේ ලංකාවේ සංචාරය කරන්නේත්, ඉන් දින කිහිපයකට පසු ඇමරිකන් හමුදාවේ අති විශේෂ කණ්ඩායමක් ආරක්ෂක නිළධාරීන් පිරිසක් රහසේම පැමිණ පිටව යන්නේත්, ඒ පිලිබඳව රාජ්‍යන් දෙකම නිහඬව ඉන්නේත් මේ හේතු මතය. 

මන්ද අම්මට සිරි ලංකාව තුල චීනාට හිතවත් ආන්ඩුවක් පත් වීම, ඉන්දියාවට මෙන්ම ඇමරිකාවටද කිසි ලෙසකින් හෝ යහපත් දෙයක් නොවනා නිසාය. 

මේ හේතුවෙන් IMF මුදල් කඩිනමින් ලැබීමටත්, MCC වැනි ගිවිසුම් නැවත පැමිණීමටත්, බැසිල්ගේ ආයෝජකයින් නැවත ගොඩබෑමත් සිඳුවිය හැකි අතර, ඒවා චීනාට මෙන්ම චීනාගේ මුදලින් යැපෙනා පක්ෂ වලටත්, ජාතිකත්වය කරේම තබාගෙන යන පක්ෂලටත් කිසිසේත් දිරවා ගත නොහැකි දේ හේතුවෙන්, වර්ජන, උද්ඝෝෂණ හර්තාල් පමණක් නොව ලේ වැගිරීම් වුවත් සිඳු වීමට ඇති ඉඩ කඩ බොහෝමය.

ආර්ථිකය ගොඩ යන තෙක් රනිල්ගෙන් චන්ද ඉල්ලීම ඉබ්බාගෙන් පිහාටු ඉල්ලනවාටත් වඩා ආතල් එකක් වන්නේ...

රනිල්ගේ භාෂාවෙන්ම කියනවා නම්.

චන්ද තියන්න රටක් තියෙන්න ඕන...

රටක් නැතුව චන්දත් නෑ ඕයි..

ෂටප් ඇන්ඩ් සිට් ඩවුන් කියලාය.

අප කැමති වුනත්, අකමැති වුනත් දැන් රට පාලනය කරන්නේ....

ජූලී චන්ග් සුදු නෝනා වනාතර...

මහ බැංකුව පාලනය කරන්නේ IMF එකය...

විපක්ෂය චීනාය...

ජනාධිපතිගේ සිට පක්ෂ විපක්ෂ සියල්ලෝම රූකඩ ඉතරක්මය...

අපි රූකඩ ඩාන්ස් බලනා ප්‍රේක්ෂයෝය.

මේ ඩ්‍රාමා එකට ඔබත් සම්බන්ද වීමට කැමති නම්, 

කපා කපා කෑලී කපා 

අප නවතනු සිතනු එපා 

සෙට්ටෙකකට සෙට් වී... සහභාගී විය හැකි අතර....

එසේ පැමිනෙන විට සබන් කෑල්ලක් හා තුවායක්‍ රැගෙන පැමිණීමට අමතක නොකල යුතුය...

ඇමරිකානූ ආධාර යටතේ කොළඹ කාණූ වතුර නොමිළේ ලැබෙනු ඇත..

ආදී සීහලුන්

පිට දීප දේස ජයගත්තා...

අමු කෙප්ප ඕයි මේවා....

.