කළුතර දැරිය ගැන මගේ සත පහ

 

කළුතර දැරිය ගැන මගේ සත පහ

➖➖➖➖➖➖➖➖➖➖😭➖

කළුතර දැරියගේ මරණය ගැන බොහෝ අය දැරියට වගේම මවටත් දොස් කියනවා. සුපුරුදු පරිදි යෙහෙලිය හා සල්ලාලයා බබාලා වෙනවා. ඒ අපේ හැටි. 

හැබයි ඔක්කෝම මෙහෙම දේ සිද්ද වෙනවා කියලත් දන්නවා. බොහෝ ක්ෂේත්‍රවල රස්සාවල් කරලා තියෙන මාතලන්, මේ රටේ වගේම පිටරටත් හෝටෙල් ෆීල්ඩ් එකෙත් ඉඳලා තියෙන නිසා, මේ වගේ දේ ගැන අත්දැකීම් පවා තියෙනවා. ඒ කියන්නේ මරණ නෙමේ, මේ කල්ට් ගැන. නීතිය නිසි ලෙස ක්‍රියාත්මක වුනා නම් මුලින්ම අත් අඩංගුවට පත් වෙන්නේ හොටලේ කළමණාකරු. එහෙමයි නීතිය විසින් හෝටල් කාරයෝ මේ වැඩේට බය කරන්නේ. ඒත් මේ අම්මට සිරි ලංකාව නේ. අපි නම් මේ වගේ සිද්දීන් වලට ඉඩ නොදී පොලීසියට පවා මෙවන් උන් ගැන විස්තර දීලා තියෙනවා.

මේ වගේ සිද්දීන් ගැන විශ්ලේෂණ ලියන Chanya Herath හෙවත් හෑලී කුවීන් දැන් නොලියන එක බුකියට විශාල පාඩුවක්. නැතිනම් අපූරූ ලිපියක් නැවතත් බලා ගන්න තිබුනා. මේ දැරියගේ වයස අවුරුදු 16 යි මාස 9 ක්. 

මේ වයසේ දරුවෝ ඔක්කොම වගේ අද ගෙවල් වල ඉන්නවට වඩා ඉන්නේ ගෙයින් පිට මහපාරේ. ඒ අධ්‍යාපනයේ තියෙන තරඟය නිසා. තම දරුවන්ට හොඳ අනාගතයක් දෙන්න කරන්න පුලුවන් හොඳම දේ දරුවන්ට ඉහළ අධ්‍යාපනයක් ලබා දීම බව දෙමව්පියන් තේරුම් අරගෙන. ඉතින් අධ්‍යාපනය වෙළඳාමක් වෙලා. 

මොන්ටිසෝරීයේ ඉඳලා ඩිප්ලෝමා වගේම විදෙස් උපාධි ලබා දෙන ආයතන ගම් නියම්ගම්වල පවා බිහිවෙලා. කැම්පස් හා විශේෂයෙන් වෛද්‍ය විද්‍යාල බිහි නොවෙන්නේ දැනට තියෙන ඒවයේ ඉන්න ආචාර්‍ය මහාචාර්‍ය අපතයන් හා ගෝත්‍රික වාමාංශික පක්ෂ නිසා.

දැන් සමාජය ගලායන්නේ ඒ විදියට, ඒවා දැන් කැම්පස් වගේම උප සංස්කෘතීන්. කොටින්ම කල්ට් වෙලා ඉවරයි. ඒවයේ කිසිම වරදක් මම නම් දකින්නේ නෑ. හැබයි දැරියන් ඒ නිදහස භුක්ති විඳිනවා වගේම ඊටම අදාල අවරගනයේ ව්‍යාපාරත් ඉබේම මතුවෙනවා.

එක පාරටම මේවට වැටෙන ඕන කෙනෙක් ඒවයේ ගොදුරු වෙනවා. ඉතින් සෙක්ස් ගැන විතරක් නෙමේ, මේ සමාජය ගැනත් දරුවන් මෙන්ම වැඩිහිටියන්ද දැණුම්වත් විය යුතුයි.

මෙවන් සල්ලාලයන්ට බිලි වීම් කටුනායක ආයෝජන කලාපය ආරම්බ වූ කාළයෙත් අනන්ත වාර්තා වුනත්, සියල්ලන් දැණුම්වත් වීමෙන් පස්සේ දැන් එවැනි තත්වයක් නැති තරම්.

මේ ටීනේජර්ස්ලා කියන්නේ ජීවිතේ එක්ස්පරිමන්ට්, පැෂන්, කල්ට් ෆලෝවින්ග්, සෙක්ස් එක්ස්පීරියන්ස්, කෑම බීම, සියල්ල ගැනම භාවිතයෙන් හදාරන්න ඉගෙන ගන්න කාළේ. ඒකත් අධ්‍යාපනය වගේම තමා. මේ බනින අය මතක් කර ගන්නකෝ තමන් විසින් පසු කරපු මේ කාළේ. 

ඒකයි මම පොඩි පෝස්ට් එකක් දාලා ලිව්වේ මේ සියල්ලම සමාජය දන්න සාමාන්‍ය සිඳුවීම්‍ය. වෙනසකට උනේ මරණයක් සිඳුවීම පමණයි කියලා. 

අද කොල්ලෝ වගේම කෙල්ලොත් කල්ලි ගැහිලා, වින්ඩෝ ෂොපින් කිරීම, ට්‍රිප් යාම, ෆුඩ් කෝට් හා රෙස්ටුරන්ට් යාම, මත්පැන් පානය කිරීම, පාටි දැමීම, ෆේස්බුක් පාටී දැමීම, සාමාන්‍ය තත්වයක් වගේම, ඊට අවශ්‍ය මුදල් ගෙදරින් නොලැබෙනවා නම්, සල්ලි හොයා ගන්න සල්ලාලයන්ගේ ගොඳුරු වෙන එකත් සාමාන්‍ය දෙයක්. අඟලෙන් අඟල කාමර දෙන පොඩි හෝටල් බිහිවෙලා තියෙන්නේ ඒකයි. 

ඔය පොඩ් කෙල්ලෝ ෂුගර් ඩැඩීලා එක්ක ඔය කාමරවලට රිංගීම දැන් සාමාන්‍ය තත්වයක්. ඒවට පොලීසියේ මෙන්ම නීතියේ රැකවරණයත් හොඳින්ම ලැබෙනවා වගේම එය උපයෝගී කරගෙන වෙනම මාෆියාවක් බිහිවෙලා තියෙනවා. ඔවුන් බොහෝ විට නවතින්නේ කරෝකේ බාර් වල, නැත්නම් Spa වල. මේවා දැන් නීතීයේ රැකවරණය ලැබෙන හොඳ බිස්නස්.

අපේ පොඩි කාළේ කෙල්ලෝ මෙහෙම යන්න ආස වුනේ නළුවෝ එක්ක විතරයි. ඒත් දැන් නළුවෝ වගේ එළුවෝ රටේ ඕන තරම්. මේ නරුම සල්ලාලයින්ට මේ දැරිවිය තවත් එක බඩුවක් විතරයි.

දැනට ලැබී ඇති තොරතුරු අනුව නම්, හොඳ කළු කෝට් කාරයෙක් අල්ලපු ගමන් ඔක්කොම එලියට ගිහින් මේක තවත් සියදිවි නසාගැන්මක් වෙනවා. සැකකරුගේ පාපෝච්චාරණය එවන් පිටපතක්.

යෙහෙලිය විසින් මේ දැරිවිය විකුණපු බව අරූගේ පාපෝච්චාරණය අනුව පැහැදිලියි. මේ වැඩේටම හෝ වෙනත් යම් දෙයකට හෝ මේ දැරිවිය මේ කල්ට් එකට හුරු කිරීම ඇය විසින් කාළයක් තිස්සේ හොඳින්ම කරලා තියෙනවා. අම්මගෙ වොයිස් කට් වලින් ඒ බව පැහැදිලියි. ඇය මේ වගේ කෙනෙක් බවට පොඩි ඉවක් තිබූ බවත් එයින් පැහැදිලියි. වෙනත් කෙල්ලෙක්ගේ අයිඩෙන්ටියක් මේ දැරිවියට ලබා දීමත්, මාතලන් ඉහතින් කී කරුණු සනාත කරණවා.

මුලින්ම වැඩේ පටන් ගන්නේ දැන් තියෙන පාටි පැටන් එකට. ඔහොම හොටෙල් රූම් වලට සෙට් වෙලා, මත්පැන් සිගරට් විතරක් නෙමේ, ගොඩාක් වෙලාවට අයිස් කියන මත්ද්‍රව්‍ය තමයි වැඩියෙන් ගන්නේ. ඒකට ඔලුව විකාර වෙනවා.

ඊට පස්සෙ දැරිවිය කස්ටර්මර්ගේ ගොඳුරක් කරන මිතුරිය එයාගේ කස්ටමර් හෝ කොල්ලා එක්ක එතනින් මාරු වෙනවා. 

සැකකරු කියන විදියට දෙන්නම නිරුවත් වෙලා ඉද්දී දැරිවිය කාටද කෝල් එකක් අරගෙන රන්ඩු වෙලා ජනේලේ ගාවට ගිහින් නිරුවතින්ම උඩින් බිමට පනිනවා. මෙ කළු කෝට්කාරයන්ගේ පිටපත්. මේ දෙන්නම නිරුවත් කතාව කියන්නේ එයා බබා වෙන්න. ඒ කියන්නේ දැරිවියත් වැඩේට රෙඩි වෙලා උන්නා කියලා කියන්න.

දැරිවිය ලිංගික අතවරයකට ලක් වී නොමැති බව වෛද්‍ය වාර්තාවලත් තිබුනත්, ඇයගේ පපුවේ හා කකුල් වල දත් පාරවල් තිබුන බව සඳහන්. ඒ කියන්නේ වෙලා නැත්තේ යෝනී හෝ ගුද සංසර්ගයක් නොවුනා කියන එක. ඒ කියලා ලිංගික අතවරයකට ලක් වුනේ නෑ කියන්න බෑ නේ. අනේ මන්දා මෙහෙම වාර්තා. මේවා ගීනස් පොතට යන්න ඕන වාර්තා.

සැකකරුගේ රැකියාව අනුව, පොර අනිවාර්‍යයෙන් වයලන්ට් බුවෙක්. එහෙම නැතිව සීසින් ජොබ් එක හෙවත් වාහන උස්සන වැඩේ කරන්න බෑ. ඒක කරන්නේ පාතාල හා මාෆියාවලට සම්බන්ධයක් තියෙන උන්. ඒ වගේම උන් පොලීසිය එක්කත් හිතවත්. උන්ට කෙල්ලන්ගේ කැමැත්ත අකමැත්ත වැඩක් නෑ. 

බොහෝ විට දැරිවිය මත් බවින් මිදිලා මේ තඩියට අකමැති වෙන්න ඇති. මෙතන ගැටුමක් වුන බව දත් පාරවල් වලින් පැහැදිලියි. එතකොට ඊට අවැසි සාක්ෂි හොයන එක පොලීසියේ හා අධිකරණයේ වැඩක්.

ගෝරිය දුරදිග ගිහින් එක්කෝ බුවා කියනාකාරයට පිටපත අනුව දැරිය පැන්නා. නැත්නම් බුවා කෙල්ල තල්ලු කරලා දැම්මා. නැත්නම් විසිකරා. කොහොම හරි ලිංගික ක්‍රියාවට දැරිය කැමති නොවුන බවත් ඇය රැවටීමකට ලක් වූ බවත් සිඳුවීම් අනුව බොහෝම පැහැදිලියි.

හැබයි බිස්නස් එක කරපු උන්, තමන්ගේ කස්ටමර් අසරණ කරන්නේ නෑ. උන් ආයේ ඇවිත් බොඩිය හංගලා යනවා. ෆෝන් එක කළුගඟට විසිකරනවා. බුවාට පැනලා යන්න ෆුල් සප් එක දෙනවා. 

අපේ රටේ ඉන්න අති දක්ෂ කළු කෝට්කාරයන්ගේ පිහිටෙන් මේ ඔක්කෝම ඇප අරගෙන ආයෙත් සමාජයට එනවා. ඒ එන්නේ පාතාල මාෆියාවේ මාකට් එකක් ඇතිව. ඊට පස්සේ ආයේ අහිංසක දැරියක් සොයාගෙන දඩයමේ යනවා. 

සල්ලාලයන්ට ෆ්‍රෙෂ් ෆ්ලවර්ස් හෙවත්, නොඉඳුල් දැරියන් ලබා දීම දිගටම යනවා.

ලෝකෙන් උතුම් රට ලංකාවයි.

අප නිජ භූමිය ලංකාවයි...

.