හදිසි නීතීය හදිසියෙන්... - Lifting off Emergency Law

ගෙවුණු පුර සඳට පෙර
ලොඹු කටින් කෙලපු පච
කප්පරක්, මෙච්චරක්
කියා නිම කළ හැකිද

කවුරු හෝ ලියා දෙන
කොල කෑලී අරන් එන
ගිරව් මෙන් දෙසාලන
මේත් අගමැතිවරුද


නිම කළද කොටි හටන
ඩයස්පොරා වෙතින
එල්ලවෙයි කුමන්ත්‍රණ
මෙරට මෙන් පිටරටත්

අප රටට විරුද්ධව
බටහිරින් කුමන්ත්‍රණ
ලොව මහා බලවතුන්
දිරිය දෙයි කැත සිතින්

මේ සියළු බලවේග
මසක් යන්නට කලින්
නිමකලෙමි පුදුමයක්
නොවේ කිසි ලෙසකවත්

සැබවින්ම එසේමද
ලොකු අයිය බල කලෙද
ඔබා මාමා සැරෙන්
බැන අඬා ගැසුවාද

පෙර පටන් පැවත එන
තොවිල් බලි මන්තරෙන්
වස් කවිද කොඩිවිනෙන්
දුරු කලෙමි චුත කලෙමි
මාසයක් ඇතුලතදි..
සියළු කොඩිවින, නිවාරනයි, කැපයි
ආයිබෝ වේවා.. ආවඩා...ෆුහ්......