සුහඳ ඇමති මාරූ - Career Exchange

සාමාන්නියෙන් මැටි ඇමතිවරු පත්තර බලන්නේ නැතිය. ඒවා බලන්න, මාද්දිය සැකට්‍රිලා දමා ඇත්තේය. උන් බලන පත්තරයක්ද නැත්තේය. ඌ තවෑකෙකුට දෙනවාය. ඒ බලන එකා ඇමතියාගේ මොකක් හරි කෙස් එකක් දැක්කොත් ඒක කපලා අරන් පයිල් කොරනවාය. ඒ උනාට මැටි ඇමතිවරු විතරක් නොව ලොක්කාද මුල් පිටුව බලනවාය. ඒ නිසා මල් කුමාරයාත් ජාම බේරගෙන සිටිනවාය. අද මල් කුමාරයා කිව්වේ මෙවර ඇමති මාරූ නැතෙයි කියාය. තියෙන්නේ සුහඳ මාරූ කියාය. ඒ කියන්නේ එකක්වත් කර ගන්න බැරුව ඉන්න නිසා කරන්න පුළුවන් එක ඉල්ලන්න කියාය.

මේක දැක්ක ගමන් කස්ටියම ටැම්පල් ගස් තියෙන ගේ ගාව පිරිලාය. ඒ උනාට මේ දවස්වල ලොක්කා හම්බ වෙන්න බැරිය. ඒ මේ දවස්වල නායකත්ව පුහුණු ප්‍රයිවට් ටියුෂන් එකක්, රනිල්ට දෙන නිසාය. හවස් වරුව ටිරාන් සමඟ වෙන මොකක්ද සාකාඡ්චාවක්ද මේ දවස්වල තියෙනවාය.ඒ නිසා ලොක්කා ලලිත්ට කිව්වේ ඔන්න ඔය හාල් පාරුවන්ට කරන්න පුළුවන් මළදානේ කොල කෑල්ලක ලියලා සුදුසු කම් එහෙමත් සඳහන් කොරලා ප්‍රොජෙක්ට් ප්ලෑන් එකත් දාලා දීලා යන්නෙයි කියලාය.

ලොක්කාගේ ඒවා ඉල්ලන්න ගියොත්, එතුමා අම්මා ආදරයෙන් මතක් කොරන නිසා, ලිබර්ටි ප්ලාසා එකෙන් A4 කොළයි පෑනුයි ගේන්න ගිය සමහර කස්ටිය කීවේ ජීනා මැඩම් සිරගත කල එක ගැන එකෙක්වත් උද්ඝෝශන කරන්නේ නෑ කියාය. එකෙක් කීවේ ඒකෙන් ජීනා ගේ පමණක් නොව අපෙත් මානුෂික අයිතිවාසිකම් අහෝසිවන බවය. සම හරක්ට අකුරු බැරි නිසා, කෝල් දීලා සැකට්‍රීලා ගෙන්න ගත්තේය. ඒ ආපු උන් කොල් කොරලා වෙන අය ගෙන්න ගත්තේය. අරෙහෙ මෙහෙ ඉඳන් ලියපු ඒවා ලලිත්ට දී කස්ටිය දියවන්නාවට දිව්වේ, හැන්දෑවේ ලොක්ක එන නිසා එතන අම්බානක පෝරියල් කන්න වෙන නිසාය.

එහෙම ලලිත්ට දීපූ ඒවා ටිකක් මටත් එහෙන් මෙහෙන් හම්බ උනේය. ඔහේලාට බලා ගන්න මේකේ දැම්මාට කාටවත් කියන්න එපාය. මොකෝ මෙව්වා රාජ්‍ය සේවය පිණිස පමණක් නිසාය.

දී මූ -ජේෂ්ඨ එකක් - මේකේ හිටියත් ඒකේ හිටියත් එකයි සෑර්
දිනේෂ් ගුනවර්ධන - ධීවර ඇමති - මාළු කාරයන්ට වඩා හයියෙන් කෑ ගැසිය හැක.
වාසූ - ජේෂ්ඨ එකක් - මූං එක්ක බෑ මචං මං කියන ඒවා කොරන්නේ නෑ
නිමල් සිරිපාල - විදේශ කටයුතු - සමහර රටවල් දැක නැති නිසා
ජී ඇල් -  පෝෂණ කටයුතු - අපේ රටේ මන්ද පෝෂණය තියෙන එක ඔබතුමාගෙන්ම පේනවා කියලා ෆොරින් අය කින්ඩි දානවා සෑර්
පුතා - ක්‍රීඩා ඇමති - අරූ පන්ඩිතයි තාත්තේ
මයිත්තිරිපාල - සහල් ඇමති - අලුත් එකක් හදලා දෙන්න සර් දන්න එකනේ
ඇස් බී - සෞඛ්‍ය - මහාචාර්ය වරුත් ගොනාට අන්දපු මට දොසතරලා මොක්කුද
සුසිල් - ජේෂ්ඨ - හැරීට ඇමතිකම දෙන්න
බන්දුල - සංස්කෘතික - ග්‍රේරෝත් නාන්න එපෑය අපිම නාලා හරියන්නේ නෑනේ.
සරණ ගුණවර්ධන - කතානායක - මම බලාගන්නම් සර් ඊට පස්සේ
කෙහෙලිය - ජේෂ්ඨ - බොරු එන්නේ නෑ සර්
ජගත් පුෂ්පකුමාර - ඉඩම් - තාම අර ටික බෙදාගන්න බැරි උනා සර්, අනික මෙහේ ජනතාව මම පොල් ඇමති උනාට උන් මට කියන්නේ මල් ඇමති කියලා
විමල් - මාධ්‍ය ඇමති - කියන්න ඕන නෑනේ බොස්
චම්පික - බුද්ධ සාශන කටයුතු - මේක කරන්න බෑ අයියේ.
ජොනී - ක්‍රීඩා කටයුතු - හිහ් හිහ්
ටී බී ඒකනායක - කාන්තා කටයුතු - අනේ සෑර් හිමි තැන දෙනවාදෝ
මහින්දානන්ද - වරාය - නියෝජ්‍ය හරි කමක් නෑ සර්. මම හම්බන්තොට බීච් එකේ ඉඳන් කෑ ගහලා හරි නැව් වලට අඬගහගන්නම්.
මර්වින් - අධිකරණ - මං බලාගන්නම් සර් කස්ටිය. ගේමට ආවොත් දන්නවනේ.
තිලංග - ජන මාධ්‍ය - ලක්බිම පාඩුඅට යන්නේ සර් අරක දුන්නේත් නෑනේ.
ඩිලාන් - මුකුත් එපා සර් මම හිතුවට වඩා අමාරුයි.
අර්ල් - සංචාරක - තව හෝටලයක් දෙකක් හදාගන්න ඕන ඉක්මනටම
අස්වර් - පශු සම්පත් - යේක සෑර් දෙනවනම්, පෝක් උනත් හලාල් කියන්නම්

මේ අතර පිට රටකින් ලැබුනු පැක්ස් කොලයක්ද තිබුනේය.
දුමින්ද - ආරක්ෂක - දැක්කනේ දොරේ අපේ ගේම්. ෂෙම නෑ ෂෙවල නෑ. තනිකර රාත්තල.


අලුත්ම එක නොබලපු අය මෙතනින් බලන්න
බලපු අයත් බලන්න තරහක් නෑ....