පිච්චු හැදෙන සඳ.... - Dear Uncle Moon

නෑ.... නෑ.. බාන් කී මූන් අංකල් ගැන නෙමෙයි....

සඳ ගැන කවි, ගී , සින්දු, චිත්‍ර, කෝටි ප්‍රකෝටියක් ලියවිලා ඇති ඒ හැම එකකම  සිනිදු, සුකොමල, ලාමක, ලතෙත් මෘදු, සෞම්‍ය, මොලොක්, මටසිලිටු, ප්‍රසන්න, ප්‍රිය උපදවන වස්තුවක් විදියට තමයි හඳුන්වලා තියෙන්නේ, කාන්තාවගේ මුහුණට උපමා කලේ කැත හිතකින්ද එහෙම නැත්නම් අවංකවද කියන ප්‍රශ්නෙකුත් මට තියෙනවා. ඒ උනාට මේ කයිය වෙනස් එකක් වෙයි මයේ හිතේ.....

               -o-
සිතුවානම් මාමේ, උඹ
නීල් තමයි වැඩයා කියා.
උඹට වැරදිලා එහෙනම්..
නැගලා මල් රොකට් එකේ,
එනව අපිත් නිතරම ඔහෙ,
අටවක දා හිනාවෙන්නේ
ඒ බව උඹ දන්නවාද..?

එන තරමක් ඔහේ එන්නේ,

නරුමයෝමයි රොකට් එකේ..

එනකොට උඹ මතක් වෙන්න,

හඳෙන් පසුත් අරන් එනව..

එකයි ඔය තරම් ගොඩක්

මූනේ වලවල් පිරිලා..

ඔහොම ගියොත් දවසක උන්,

අරන් ඒවී හාවත් උඹේ..

බයිට් එකට මරන් කන්න..

ඒක නිසා හැමදාමත්

අමාවකට වෙලා ඉඳින්..

ඕනෙම නම් පෝය දාට

පුර සඳ ලෙස පායාපන්...

අම්මා අපේ සිල් ගන්නේ
උඹ පිරිලා ඉන්න දාට..
            -o-

මගේ පින්තූරූ බොග බලපු අය මේක කියවලා ඇති, හැබැයි මෙතන, සංස්කරණයකට ලක් වෙලා....

අළුත් බොගක් 

බ්ලොග් වලින් ඉස්සෙල්ලම කියෙව්වෙ, "රාවයේ" ලිපිනය දැකලා "ටැබුගේ" බ්ලොග් එක. මම හිතුවේ ඒක "වෙබ්" එකක් කියලා. ඊට පස්සේ රැකියාවක් හොයන්න ඩුබායි ගිහින් ඉන්න කොට, අහම්බෙන් "කතන්දර" දැක්කේ. ඊට පස්සේ කතාගේ පිහිටෙන් මගේ වියදමෙන් "මාතලන්" පටන් ගත්තා. කතා, දුකා, රවා, ගයාන් තාරක සහ "ම", ඉස්සෙලම පෝස්ට් එකට කොමෙන්ට් දාලා දිරිමත් කළ. ඉස්ස ඉස්සෙල්ලම කොමෙන්ට් කළේ "සු". 

කතා කවදත් පෙරලි කළා, දුකා අපිව ඇඬෙව්වා, ඔය අතරේ වෙද මහත්තයා ඇව්ල්ලා මේකේ අමුතුම වෙනසක් ඇති කළා ඇයි ඔබා...? අනන් මනන් එක එක තැන්වල ලිය ලියා ඉඳලා බොගක් දැම්මා. මේකේ අමුතුම මානයකට ගෙන ගිය කෙනෙක් තමයි පොඩි මෑන්. එයා බය නැතුව හැමෝම කතාකරන ඒත් බය හිතෙන දේවල් කළාත්මක විදියට සිත් ඇදගන්නා ආකාරයෙන් ඉදිරිපත් කරලා මේක උඩු යටි කුරු කළා. අද ඒ ට්‍රෙන්ඩ් එක නැගලා යනවා

මම හිතනවා, අද පටන් ගන්න එකත් ඒ විදියේ දෙයක් කරයි කියලා. මේ විදියේ පළමු එක මේක වෙන්න ඕන. වෙන ඒවා තියෙනවනම් මට කියන්න. ඒ ගෞරවය දෙන්න කීයටවත් පැකිලෙන්නේ නෑ. අපි ඉදිරියට යන්නයි ඕන.


මේ බොග ගැන විස්තරයක් මෙතන තියෙනවා.
කෙලින්ම බොග බලන්න මෙතනින් යන්න.

කැමතිනම් බලන්න, විඳින්න. නැතිනම් ඒත් බලන්න විඳින්න.
කැමතිනම් කොමෙන්ට් එකක් දෙන්න. නැත්නම් ඒත් දෙන්න.
අකමැතිමනම් ඊයක් විදින්න happyjay65@gmail.com


අපි පියවරක් ඉදිරියට යමු....