රාජ යෝග - Raja Yoga

ඉදිරියට වන්නේ කුමක්දැයි කියන්න දැන්ම බැරිය. වියරු වැටුණ මහත්මා දේශපාලනයේ ප්‍රතිමූර්තියේ, කරු මහත්මයාට සහයෝගය දැක්වු මහත්වරු ඉතාම වැදගත් ආකාරයට ගල් ගසමින් රතිඤ්ඤා දමමින් තම දෙවොල (සිරිකොත.) ගිනි තියන්නට දඟලනවාය. රනිල් දින්නත් කරූ දින්නත් මට ඇති වැඩක් නැතිය. ඒත් මේ රටේ අනාගතයට එය බලපානවාය. කරූට සහයෝගය දැක්වූ සජිත් ඇතුලු පිරිසගේ එකම පරමාර්තය ඉක්මනින් බලය ලබා ගැනීමය. මේ සඳහා මුදල් පෙන්නු විගස මේ පැත්තට පනින්න, 94 පටන් මෙලෝ දෙයක් නොකල. රට කාපූ ශ්‍රී ලංකා ඇමති සෙට් එකක් මෙන්ම, ජනතාව පවාදී, ලොක්කාගේ දෑත ශක්තිමත් කරන්නට ගිය පිරිස, කරූ මහත්මයාගේ දෑත ශක්තිමත් කරන්නට පැනලාම එනවාය.

උන් මේ රටට මෙලෝ දෙයක් කරන්නේ නැතිය. ඊළඟට එන එකාට හේත්තුවී ආතල් එකේ ඉන්නවාය. තවමත් රූපවතීගේ කුකුලන් කෙටවීම් වලට ආවාම කතා කරන්නේ යූ ඇන් පී යේ කරපුවා ගැනය. අලි පාටිය පැරදිලා දැන් අවුරුදු 20ක් වෙන්නත් ලගයිය. මුන් ඉන්නේ 94 ය. පුදුම වෙන්න දෙයකුත් නැත්තේය. විවෘත ආර්ථිකයෙන් කකා කන පතේ රෙනවාය. දොරමඩලාවෙනුත් අපි ඈත අතීතයට ගෙනියනවාය. ජැකා කරන්නේත් එයමය. ඕවා ඉතිහාසය දන්නේ නැති උන්ට හොඳය. අනුරාධපුර පොලොන්නරු යුග වලින් පසු අපට කතා කොරන්න දෙයක් නැත්තේය

ලොක්කා එලවන්න දැගලුවාට වැඩක් වන්නේ නැතිය. පොඩි පොඩි කචල් තිබුනත් තවම ඉන්නේ පීක් එකේය. අනික ලොක්කා එලවන්න තවත් මහින්ද කෙනෙක් ඕනේ නැතිය. අද හෝ හෙට හෝ අවශ්‍ය වන්නේ වෙනසක්ය. සජිත්ලා කරුලා ගාව තියෙන්නේ මහින්ද චින්තනයමය. එය නියෝජනය කරන්නේ දේශපාලන වශයෙන් කළකිරි සිටින මහින්දට කැමැත්තෙන් හිටපු කස්ටියක්මය. මේ ලංකාවේ අලුතෙන් බිහිවූ, ලෝකය ගැන දන්නේ නැති, ආගම මුදු කුඩ මතින් හිසේ තබාගෙන යන පිරිසක්ය. ලුමපන් පන්තියක්ය. මෑතක කළ මත විමසීමකිනුත් පෙනෙන්නේ, මැදිහත් ජනතාව මොනම ආකාරයේ දේශපාලනයකටවත් අකමැති බවක්ය. එය හොඳ ලක්ෂණයක් නම් නොවෙය.

සජිත්ලා රජ කරන්න මහරාජාලා මාර ගේමක් දුන්නේය. ඡන්දයක්ම ඉල්ලුවෙය. දැන් රහස් ඡන්දයකින්ම රනිල් දිනලාය. ප්‍රජාතන්තවාදයට ගරු කරනවානම්. කර බාගෙන සිටිය යුතුය. නමුත් සිරිකොතටත් වාහානවලටත් අලාබ කරමින් පෙන්වන්නේ රජ වෙන්න හැදූ පිරිසගේ නිරුවතය. සිරස ගලේ රුන්න බලලා වගේ දැන් අඬනවාය. බිස්නස් කාරයන්ට පක්ෂ නටවන්න බැරි වෙන්න, උන් පැරදුන එකට කවුරුත් සතුටු විය යුතුය. මේ රටට අවශ්‍යව ඇත්තේ ඇත්ත මහත්මා දේශපාලනයක්ය. ඒ සඳහා එහෙ මෙහෙ පනින, අනුන්ගේ ලණු කන රූකඩ නායකයන් ඕනේ නැතිය. රනිල්ට ඡන්දය දුන් පිරිස හැඟීම් වලට වහල් නොවන. බුද්ධිමත් පිරිසක්ය. ඒ අයට අප ස්තූතිය පුද කල යුතුය.

මේ ඔක්කොම කළේ, රාජ යෝගයක් තියෙනවා කියාය. දියවන්නාවේ ජෝක්ස් දාන ජෙප්පන්ට හිටන් තියෙන්නේ රාජ යෝගයය. ඒ ඔවුන් පිරිසකගේ නායකයන් නිසාය. සම හරක් සිතන්නේ රාජ යෝග තියෙනවයි කිව්වම රජ වෙනවා කියාය. ජනරාළත් එහෙම හිතුවේය. අන්තීමේදී රාජ යෝගයෙන් පිරභාහරන්ට බලු යෝගය උදා කළ උන්නැහේ, අනුන්ගේ ලණු කා දැන් හිරේ ඉඳන් කඹ රෙනවාය. (මේකට මා විරුද්දය.) කරූ මහත්මයාටත් රාජ යෝගයක් ඇතැයි කියා කස්ටිය උන්නැහේට ලණු දුන්නේය. අන්තිමේදී තිබුන එකත් නැතිය. සජිත් නම් යන්තම් ජාම බේරා ගත්තේය. කරූ ආවොත් අපට පායයි හිරු කීවෙය. ඒ උනාට උන්දැගේ හිරු තාම ආවේ නැතිය. හැබයි කරූට තරු නම් පෙනෙන්නට ඇතිය. ඒ වගත් මෙසේය.

අළුත්ම බ්ලොග් එක මෙතනින් බලන්න.