- 13, 13, 13 + and 13 + 1

ලැජ්ජා නැතිකම මහමුදලි කමටත් වඩා ලොකුයි කියා කතාවක් තිබුනේය. එහෙම කිව්වේ ඒ කාළේ උන් බුද්ධිමත් ජනතාව දැන  උන් ලොකුම එකා මහමුදලි නිසා වෙන්ට ඇතිය. හැම දේම වෙනස් වෙන මේ කාළේ ඒකත් වෙනස් වෙනවා නම් හොඳයිය. ලැජ්ජා නැති කම ජනාධිපතිකමටත් වඩා ලොකුයි කියාය. මෙසේ ලැජ්ජා විය යුත්තේ අලි නම් නෙමේය. ජෙප්පෝය. ඒ මොකෝ කියා ඔහේලාට හිතෙනවා ඇතිය. පලා බබා ඡන්ද කොරොමේ වෙනස් කොරන්න පනතක් ගේන කොට ඒකට රෙද්ද උස්ස ගන්නේ ජෙප්පෝය. මුන්ට ලැජ්ජාව කියා දෙයක් ඇතිදෝ කියා සිතෙනවාය.

පලා බබා අපට එපා කියමින්, අපෙ අම්මා පෙටා බෝ ගහ ලඟ පස් මහ බලවේගෙත් එක්ක උපවාස කොරන කොට, දේසප්‍රේමේ රෙද්ද පල්ලෙන් බේරෙන්න අරන් රජයේ දේපල විනාශ කර දේසද්‍රොහින් පන පිටින් නිවන් ඇරියේ ජෙප්පෝය. ඒ උනාට එව්වල අලින්ට වඩා ඉන්නේ එව්වා එපා කියපු උන්ය. හැබයි උන් කියපු එක තනිකර ඇත්තය. මේක සත පහක ප්‍රයෝජනයක් නැති සුදෝ සුදු අලියෙක්මය. බයිනෙත්තු පාරකුත් කාගෙනම මේක පප්පට දුන්නේ ඉන්දියාවෙන්ය. ඒ ඉන්දියාවේ තියෙන ප්‍රාන්ත කොරමේට සමානවය. ඉන්දියාවට මේක හොඳ උනාට බොම්බෙටත් වඩා ජනම් එක අඩු අපට මේ ක්‍රමේ වැඩක් නැතිය. ඒ උනාට මේ තියෙන කාළකණ්නි දේශපාලන කොරොමේට සහ දියවන්නාවට යන්න බැරි දියබරියන්ට මේක කදිම ගුහාවක්ය. මේවාල වැඩියෙන්ම ඉන්නේ රස්තියාදූ කාරයන්ය. අය් ආර් සී කාරයෝය. කුඩු කාරයෝය. කසිප්පු කාරයෝය. රේප් කෙස් කාරයෝය. කොටින්ම ජනරාල උන්නැහේ ඉන්න ඕන තැන ඉන්න උන්ය.

ලොක්කට උපදෙස් දෙන තැනටවත් දාගන්න බැරි උන් ආන්ඩුකාරයෝ ලෙස දානවාය. සමහර උන් ගායකයෝය, තවත් තැනක සොහොන් ළකුණු පේන උන්ය. උන් පලා බබා කියන්නේ මොකක්ද කියාවත් දන්නවාද දන්නේ නැතිය. බුද්ධිමත් ජනතාවගේ පරිප්පු ඇටේට, සීනී ඇටේට කෙලින එකෙන් මේවාවල ඉන්න උන් නඩත්තු කොරනවාය. මේ එක බබෙක්වත් කොරපු දෙයක් නැතිය. හැබයි එක එක ක්‍රමෙන් ජරාව කන්න නම් කොරොම හදාගෙන තියෙනවාය. නමුත් එකක් නම් ෂුවර්ය මහින්ද ලොක්කා ඉන්නකම් මේක දෙන්න ඕන කියපු පැත්තේ උන්ට නම් මේ ආතල් හම්බ වෙන්නේ නැතිය. දුන්නත් ඉතින් තටු කපලාය. ක්‍රිෂ්නට දෙනවයි කිව්වට ලොක්කා මේක අපෙන් අහන්නේ නැතුව එයාලට දෙන්නේ නම් නැතිය. ඒකට උපවාස කොරන්න කස්ටිය ඕන තරම් උන්නැහේ ළඟ ඉන්නවාය. 18 අපෙන් අහන්නේ නැතුව සම්මත කොර ගත්තට. මේකට එහෙම කොරන්න බැරිය. මොකො බහු තරය මේකට කැමති නැතිය. අනික හරිම සංවේදි කේස් එකක්ය.

මම නම් අදටත් කියන්නේ පලා බබා අපට එපා කියාය. මේක නිකන් මුදල් නාස්තියක්මය. ලොක්කට කොරන්න තියෙන්නේ මේ මළදානේ අහෝසි කර ඒ මුදල්,  දෙමළ ජනතාවගේ ආර්ථිකය නංවන වැඩවලට යොමු කොරන එකය. එතකොට උන්නැහේ ඒ ජනතාව අතරත් ජනප්‍රිය වෙනවාය. 13 කොහොමත් හොඳ නැතිය. අපලයක්ය. මූසල අංකයක්ය. ඊයා කැතයිය. හෝටල් වල 13 කාමර නැතිය, මහලුත් නැතිය. තියෙන්නේ 12A සහ 12B ය. මේ දහතුන තියෙන එක විවවස්තාවද මොකක්ද එකටත් හොඳ නැතිය. ඒ නිසා මේක අහක් කළ යුතුය. නැත්නම් අළුතෙන්ම එකක් ගෙනාවත් කමක් නැතිය. ඒක හදන එක ඔය නාන ගොන් ඇ මැටි කස්ටියට පැවරුවානම් නාමල් ගේ බබාට බබෙක් හම්බ වෙනකම් කස්ටිය හදනවාය. ඒ හදලත් දිවිය ලෝකේට හරි යවා මහින්ද ලොක්කට කියලා හදාගන්නත් වෙනවාය.

දැන් ජෙප්පෝ 13+1, එකෙන් දෙන සැනට් එකටත් වලියක් අදිනවාය. කිඹුලා කඩන් ගියපු දාමින් ගොයාසිරිත් මේක විහිළුවක් කියා කියනවාය. උන්නැහෙට පලා බබා පේන්නේ මොකක් වගේදයි දන්නේ නැතිය. ඔය කොහොම උනත් සෙනට් එකකුත් දමා එ මණ්ඩලේ ටිල්වින්ලා, දාමින් ගොයාසීරිලා, ගම්මන්පිලලා, රතන සාදුලා, පමණක් නොව ඇල්ලේ ගුණවංසලා උන්නත් පුදුම වෙන්න දේකුත් නැත්තේය. ඒ මොකෝ මේක ළොකේ උතුම් රට නිසාය. පස්ටම ආතල්ය. ඒ වගත් මෙසේය.


අති විශේෂ : - 
පසුගිය ටිකේ ජාලේ උන්නේ නැත්තේ මටත් Z ස්කොර් එක වගේ කේස් ගොඩක් ආපු නිසාය. තත්වය තවමත් එසේමය. ඒත් ඉතින් පුළුවන් වෙලාවක ඇවිත් යනවාය. මා ගැන සොයාබැලු, බය උන, (හෙහ්... හෙහ්..) සියලු දෙනාටම තැන්කිව්ය. මාතලන්ගේ සින්ඩියට අළුතෙන් එකතු කරන්න ලැබුන ඉල්ලිම් අනිවාර්යයෙන් ඉටු කොරනවාය. මේ දවස් වල ඒකේ පොඩි අවුලක් තියෙන්වාය. හදා ගත්ත ගමන් සුටුස් ගා අප්ඩේට් වෙන එකට දානවාමය.....