නෙළුම් පොකුණ, පළිඟු මැණිකේ, ලයනල් වෙන්ඩ්ට් සහ වන්දිබට්ටයෝ...

මැරුණු එකා මළා

කුමාරස්වාමි.. ඌ මොකෙක්ද...?

දෙමළෙක්නේ

පොත් ලිව්වලු කලාව ගැන..

පොත් කන්නද...?

ඒ වගේද ලොක්ක හදපු

බ්‍රෑන්ඩ්ම නිව්

ආලකමන්දාව

පන දාගෙන ගලේ නැගලා

කුරුටු ගීත ලියල එන්න

උලේ තමයි යන්න වෙන්නේ

කස්සප එහි උන්නානම්

නැටුම් ගැයුම් රැඟුම් වැයුම්

නරපතියන්ටම පමණයි

අහවරයිලූ ඛේදාන්ත

පැමිණ ඇතේ දැන් සුඛාන්ත

වන්දිබට්ට ටීම් එකම

විඳිනවාලූ.. සුරතාන්ත

නාට්ටි කාරයෝ සැට් එක

පුක කහ කහ හුල්ලනවා

අල්ලපු වත්තේ.. ඉඳගෙන

ජෝන් සිල්වා මතක් කොරන්

නෙළුම් පොකුණ දිහා බලන්

ගලක් ගහන්නවත් බැහැනේ

සෙකුයුරිටිය, රණ විරුවන්

රන් කහවුනු ලැබුන දාට 

අපි ගානේ පෙන්නමු අපි

ජයන්ත චන්ද්‍රසිරි මැතිඳුගේ

"අත්".. දිගුකල විට

බල්ලෝ වෙන

"අත්".

-0-

රූපවති ආපූ කාළේ මරු නාට්ටියක් ගියා පළිඟු මැණිකේ කියලා. නෙළුම් පොකුණ ළඟින් යන කොට මට මතක් වෙන්නෙම ඒක. වෙස් මූණූ වල වටිනාකම දන්න, පට් පට් ගාලා සල්ලි හොයන, "සූරසේන", "පළිඟු මැණිකේ" අල්ලගෙන ඒවා විකුනන් කනවා. ඒ චරිතේ අද නියමෙටම කරන්නේ චන්නලා, ජැකාලා, ජයන්ත චන්ද්‍රසිරිලා.. තව සයිඩ් එකෙන් සෙට් වෙච්ච වන්දිබට්ට පිරිසකුත් ඉන්නවා.. රෝහන වීරසිංහ වගේ.. ඉතින් මේකේ ඉස්සෙල්ලම පෙන්නන නාට්ටියේ, ජයන්ත, ජැකාව ෆාහියන්ට අන්දනවා.. ඌ එකසිය ගානට ඒකේ ගමන් කරනවා.. ජැකා පච කෙල කෙල ලොක්කව අන්දනවා. පාර්ලිමන්ට් ගිහිල්ලත් කළාවට වැඩක් කරන්න බෑ කියලා මාලනී නැන්දා අඬනවා. එයා කියන්නේ එයාට මුකුත් කරන්න බෑලූ කකුලෙන් අදිනවලු. ඒවනම් කැත වැඩ. ඒ කකුලෙන් අදින්න හිතෙනවද අනේ.... මට දුන්නනම් එළි වෙනකම් අතගානවා. 

සම්බහිය නාට්ටි හදන, සම්බහිය කළා කාරයෝ මේකේ නාට්ටි පෙන්නන්න එයාලට සල්ලි නෑ, උත්සවේට ආරාධනා නෑ කියලා, අඬ අඬා පත්තර පිටු පුරවනවා. ඕවා ඔහොම තමයි එක එක කාලේට එක එක නාට්ටි ජාති එනවා. ඉස්සෙල්ලම ශාන්ති කර්ම, ඊට පස්සේ නාඩගම්, ටීටර්, ඊළඟට ටවර් හෝල්, ඊටපස්සේ පේරාදෙනියෙන් සම්බහිය සරත්චන්ද්‍ර එනවා. ඊ ළඟට අනුවර්තන පරිවර්තන. ස්වතන්ත්‍ර, අර තන්ත්‍ර මේ තන්ත්‍ර. ඒ අස්සේ වීදී නාට්ටිත් යනවා. ධර්මසිරිලා, ජයන්තලා එක්ක තරුණ නාට්ටි කාරයෝ වගයක් එනවා අපේ යුගේ. කේමදාස මාස්ටර්, ඔපෙරත් පෙන්නනවා. නල්ලතම්බිලා, ටෙනියලා, බලන්න හෝල් ගාව මරාගන්නවා. මේ අව් අස්සේ මේවට පැටලෙන්නේ නැති මනෝරත්නලා, අදටත් අන්දරේලා එක්ක අපිට හිනා වෙන්න කියලා දෙනවා. ඉතින් ප්‍රිය සහෘදයිනි නෙළුම් පොකුනත්, ලයනල් වෙන්ඩ්ට් එක වෙනස් උනා වගේ කාළේකදි වෙනස් වෙයි. එතකන් බලා ඉමූ.. මේ ජැකාලා රජකරන යුගයයි. වන්දිබට්ටයින්ගේ යුගයයි..

ඉන්නම අමාරුනම් ලොක්කට ජැකක් ගහගන්න. හැබැයි ලේසී නෑ. මාලනිලටත් කිට්ටු කරන්න අමාරූ විදියට. ජැකා ලොක්කගේ කරේ නැගලා ඉන්නේ..එයා තමයි පන්ඩුකාභය, එයා තමයි ෆාහියන්. එයා තමයි දුටු ගැමුණු, එයා තමයි කුස. හදීස්සියෙන් මෙහේ සදාම් හුසේන් හැදුවොත් එයා තමයි සදාම් හුසේන්. ඒ වගේම එයා තමයි කීකරු බලු කුක්කා. ඒ වගේම ශ්‍රේෂ්ඨ ජනමූල රංගදරයා..