කහවත්තට යුක්තිය, ජඩමාධ්‍යවේදීන්ට පරාජය - Justice to Kahawatte, Shame to Doggy Journalists

අද ජාත්‍යන්තර කාන්තා දිනයයි. අවසානයේ ඒ අහිංසක කාන්තාවන් දෙදෙනාට යුක්තිය ඉටුවිය. ඇත්ත වශයෙන්ම කහවත්තේ ජනතාව යුක්තිය ලබාගත්තේය. අනුමත කල නොහැකි මුත් පාදඩ දේශපාලකයනට මිනී මැරීමට හොඳ නම්, උන්ගේ ගෙවල් ගිනි තැබීමේ වරදක් නැත්තේය. හැමෝම බනින්නේ මර්වින් සිල්වාට පමණය. නමුත් සංධානේ ලේඛම්ම කියන්නේ ඔක්කෝම එහෙමයි කියාය. සහතික ඇත්තය. රත්නපුරේ මත් කුඩු හා මත් ද්‍රව්‍ය මාෆියාව ගෙනියන්නේ ශ්‍රී ලංකා නිදහස් පක්ෂයේ පුබලයෙකි. එය කවුරුත් දන්නවාය. ගොබ්බ පොලීසියත් ඌට බයය. මේය මේ තරමින් හෝ එළිවූවේ විශේෂ කාර්ය බලකායට පින් සිඳු වන්නටය. අර මූසලයා බැලුවේ ගම්මුන් බියකර, මේ කාන්තාවන්  දෙදෙනාගේ චරිත ඝාතනය කොට, පොලීසියේ හා ජඩමාධ්‍යවේදීන්ගේ සහායද ඇතිව සියල්ල අමතක කර දැමීමටය. නමුත් මුන්ට හැමදාම ජෝගී නටන්න බැරි බව ඔප්පු කරමින් සියල්ල එලිවී ඇත.

මිනිමැරුම සිඳුකලේ පාදඩ දේශපාලකයා බව මුළු කහවත්තම දැන ගෙන සිටියේය. නමුත් මාෆියාව පොලිසිය හා බෝතලයට, යෝනියට යට ජඩ මාධ්‍යවේදීන් හා එක්ව මෙය ග්‍රීස් යකා පිට පටවා, මව සහ දියණිය වෛශ්‍යාවන් බවට පත් කලේය. සමහර බල්ලෝ මේ කාන්තාවන් දෙදෙනා කීප වරක්ම ඝාතනය කළේය. සමහර උන් තලු මර මරා ලිව්වේ කාන්තාවන් දෙදෙනාම දූෂණය කර මරා දැමූ ආකාරයයි. තව එකෙක් මෑතකදී ලිව්වේ මුලින් ඝාතනය කොට පසුව නාවා දූෂණය කර ඇති බවයි. නමුත් මරණ පරීක්ෂණයේදි ඒ සියල්ල බොරු බව ඔප්පු වී තිබියදීත්. මෙවැනී කෙප්ප ලියා ආතල් ගන්නා බල්ලන් සිටින පත්තරවල කතෘවරුන්ද බල්ලන් මිස වෙන එවුන් නෙමේය.

මේ සබරගමුව පලාතය. හොඳම පලාත් සබාව තියෙන්නේත් මෙහිය. සර්ව සාධාරන සමාජයේ දෙවියන් වහන්සේ, "වාසූ" නියෝජනය කරන්නේත් මේ ප්‍රදේශයය. සියල්ලම දන්නවාය. කට තියා පුකවත් හොල්ලන්නේ නැතිය. ආන්ඩූකාර කම කොරන්නේ හෙට අනිද්දා බුදු වෙන්න ඉන්න. සියළුම රාජ්‍ය සේවකයන් පෝයට පන්සල් යවන, සියළුම දරුවන්ට දහම් පාසල අනිවාර්ය කරන, "වෙද පප්පා'ය. කටේ පෝයකට වළදපු පිට්ටු වෙන්න ඕනෑය. හාම් හුම් කියන්නේ වත් නැතිය. හේතුව මාෆියාවය. "කටසැර කාන්තාවක්ද" ආන්ඩු පක්ශය නියෝජනය කරයි නමුත් මේ කාන්තාවන් දෙදෙනා වෙනුවෙන් කටක් හෙල්ලුවේ නැතිය. විපක්ෂයේත් "බුලට්ම බඩුවක්" ඉන්නේය. එයත් කාන්තාවක්ය, හාල්පාරුවෙක් රජ කරන්නට මැරෙන්න හදනවා ඇර වෙන දෙයක් නැත්තේය. ඌ ආවොත් මීටත් එහා වන්නේය. අප්පොච්ච්ගේ වැඩ, ගොන් තකතීරු ජනතාවට මතක නැත්තේය.

පාදඩ පොලීසිය මාන බලන්නේ සාක්ෂී ගිනි තැබුවායයි කියා මුසලයින් තව දුරටත් බේරා ගැනීමටය. ඒ කෙලි හරියන්නේ නැතිය. මිනීමරුවන්ගේම දියණිය සියල්ල පාපෝච්චාරනය කර ඇත. තවත් සාක්ෂි අවශ්‍ය නැත. නමුත් නීතීය ඉදිරියේ මුන් බේරාගැනීමට ඕනෑ තරම් බලු නීතිවේදියෝ ඉදිරිපත් විය හැක, එය දන්නා ජනතාව මේ තරමින් හෝ දඬුවම් කිරීම, අනෙකුත් පාදඩයන්ටද කළ අනතුරු ඇඟවීමක්ය. මේ තරම් පාදඩයින් පිරිසක් රට පාළනය කළ කාළයක් ලක් ඉතිහාසයේම නොමැති තරම්ය. මිනුවන්ගොඩ ප්‍රදේශයේ ව්‍යාපාරිකයෙක්ගෙන් කෝටි දෙකක් ඉල්ලූ නියෝජ්‍ය ඇමති තවමත් නිදැල්ලේය. මේ සියල්ලටම නායකත්වය වග කිව යුත්තේමය. මේ මැර පාදඩ දේශපාලනය වහාම නැවැත්විය යුතුය. නැතිනම් ජනතාව එය නවත්වන එක නවත්වන්නටත් බැරිය.

ජඩ මාධ්‍යවේදී බල්ලන්ගේ යුතුකම අඩුම වශයෙන් සමාව ඉල්ලා ලිපියක් පල කිරීමය. තමන්ගේ වැරදි වහගන්නට මෙන් අද මුල් පිටු පුරවලාය. එයින් පව් සමාකර ගත නොහැකිය. තලු මර මරා දියණිය කීප වරක් දූෂණය කර බල්ලෝ එලවා දැමිය යුතුය. පදඩ දේශපාලකයන් මෙන්ම. උන්ට කඩේ යන පර මාධ්‍යවේදියෝ කරන්නේ කාළකන්නි දේශපාලකයන්ටත් වඩා අපරාධයක්ය. මන්ද දෙශපාලකයා කරන දෙය දන්නේ ඒ පැත්තේ උන් පමණය. සාක්ෂි දේ යයි බියවූ නිසා මන්නා පහර දී මරා දැමු දියනය. නාවා දූෂණය කර මරා දමන්නේ පත්තරවල බල්ලෝය. බැලුවාම මිනිමරුවෝ, ජඩ මාධ්‍යවේදීන්ට වඩා ගුන යහපත්ය. ඉවත් කිරීමට නොහැකිනම් මුන්ව අඩු ගානේ මුතුහෙට්ටියාගේ දොස්තර ගාවටවත් යවා සහතිකයක් ගෙන මාධ්‍යවේදී හැඳුණුම් පතේ එල්ලිය යුතුය.

ප: ලි: 
රාවයේ පටිසෝතිගාමි උත්සවේට ගිහින් මට රාවය එපා උන නිසා ගිය සතියේ ගත්තේ නෑ. නමුත් යාලුවෙක් කෝල් කරලා කිව්වා ගිය සතියේ ටිරන් කුමාර බංගගමආරච්චි මේ ගැන ලිපියක් ලියූ බවත් එයින් මේ සියළු දෙයම හෙලි කර තිබූ බවත්. එම මාධ්‍යවේදීයාට අපගේ ආචාරය..