සභාපතිගේ ගෑල්ලමයි තුන් දෙනා (18+) - Chairman's Angels (18+)

මේ කියන්නට යන්නේ කයි කතන්දරයක්ය. අතකසයේ සභාපති... හුටා දැන් අහයිනේ අත කසේ කියන්නේ මොකක්ද කියලා. අ.ත.ක.ස.ය. අගනුවර තරුණ කවි සමාජය කියන එක. තරුණ කිව්වට ඉන්න ඔක්කෝම නාකි පොරවල්. ඒයාලා හරි දස්සයි හිටගෙන කවි කියන්න (ආ... හිටිවන කවිද.. මම හිතුවේ හිටගෙන කියන නිසා හිටගෙන කවි කියලා). හිටපු ගමන් තියෙනවා එයාලගේ කවි සමුළු, සැමරුම් වගේ ඒව්වා. එවට සූ ගාලා සෙනග 20-30 එනවා. ඉස්සරම බොහෝම ජනප්‍රිය වෙලා තිබුන මේ කවි මඩු වලට කෙල වෙලා යන්න ඇත්තේ එකම ජාතියේ කවි කියන නිසයි, නවකයන්ට අත හිත නොදීපූ නිසයි වෙන්න ඕන. අපේ උන්ට ලෙඩක් තියෙනවනේ හැමදාම පොර වෙලා ඉන්න ඕන. ඉතින් අද ඒක ෆොන්සේකා මහත්තයගේ රැස්සීම් වගේ තමයි. සද්දේ තිබුනට සෙනග නෑ. ඒත් වාද බයිලා වලට අදත් සෙනග පිරෙනවා. එ තොටළඟ සුමනෙලා අලුත් උන්ට අත හිත දීපු නිසා. මගේ ප්‍රියතම වාද බයිලා කාරයා තමයි "ඒ..සිරි", මොකද හැමදාම එකම කියන්නේ නැතුව අලුත් අලුත් ඒවා කියන නිසා.

ඔය කවි මඩු වල තියෙන කවි සංවාද වලදි, චන්ඩියා වගේ ඉස්සරහට ඇවිල්ලා, උගුරේ රැල් බුරුල් ඇරලා, එවෙලේ හිතනවා වගේ වචනේ ගලපලා කවි කිව්වට, කස්ටිය එන්නේ කලින් රෙඩි වෙලා. එකපාරට කවියක් කියන්න කිව්වොත් නානවා. කිව්වොත් කියන්නේ, හැමදාම කියන කවියක්. මොකෝ.. එවෙලෙ කයි පද බදින්න එයාලට අමාරුයි. එහෙම හදිසියේ, මූලාසනේට කලින් එන්න හිටපු ප්‍රධාන අමුත්තා (මේ එන්නෙත් දක්ෂ කවියෙක්ම තමයි) වෙනස්වෙලා, අංගම්මන සුමන හාමුදුරුවෝ ඇවිල්ල වෙච්ච විනාසේ කොයි කවුරුත් දන්න කයි කතන්දරයක්නේ. මම මේ කියන්න යන්නෙත්, අතකසයේ සභාපති වෙලා හිටපු කෙනෙක්ට වෙච්ච සැන්තෑසියක්ම තමා.

ඔන්න අතකසයේ මොකක්ද සංවත්සර උළෙලක් මහ ඉහලින් පවත්වන වෙලාවේ, පත්තර වල ඒකේ සභාපති තුමත් එක්ක යන ඉන්ටවීව්, හැම පත්තරේකම තිබුනලු. ඉතින් ඔහොම ඉන්ටවීව් වලට එන පත්තර කාරොයොන්ටත්, ගෙදර ලස්සන කෑල්ලක් හිටියොත් එයා ගැන අහලා, පොටෝ එකක් එහෙම අල්ලලා, ඒකත් පත්තරේ දාන ලෙඩක් තියෙනවනේ. මේ ගෙදර, ගිනි ගින්දර වගේ කෑලී තුනක්ම ඉන්නවලු. ඉතින් ඉන්ටවීව් කරපු හැම එකාම, ඒ ගෑල්ලම්යි ගැනත් පොටෝත් එක්කම පිටුවක් පුරා ඉන්ටවීව් එක දාලා තිබුනලු. (ඔය ඉහල පින්තූරයෙන් පෙන්වන්නේ, එසේ ලබාගත් එක පින්තූරයකි) එතනදි සභාපති මහත්තයා කියලා තිබුනේ, හොඳට කයි පද බඳින්න පුළුවන් අයට පමණක්, එයාගේ දුවලා සරණ පාවාලා දෙන බවය. එහෙම අය ඉන්නවනම් කෙලින්ම සභාපති හමුවන ලෙසටත්, නොමිලේම ඇඩ් පාරකුත් දමාගෙන තිබුනේය.

පහත තියෙන්නේ, ඉන් පසු දිනෙක සභාපති තුමාගේ ගෙදර උන සිඳුවීමක්ය.

ටොක් ටොක් ටොක්....

දොර ඇරේ

මාමේ මගෙ නම විල්ම         ට්

ආවේ බලන්නයි චාල            ට්

දාගෙන දෙන්නම හෙල්ම     ට්

කාලා එන්නම් කට්ල             ට්

බෑ විල්මට් උන් තවම පොඩි උන්නේ

ටොක් ටොක් ටොක්....

දොර ඇරේ

මම හන්දියෙ ලොකු සුනි     ලා

ඉන්නවාද සුදු විම                ලා

බයික් එකේ අපි නැග          ලා

එන්නම් පික්චර් බල            ලා

බෑ ඕයි අනික විමලා ගෙදර නෑ 

නවීන පන්නයේ කාර් එකක් නිවස අසලට පැමිනේ...
ටොක් ටොක් ටොක්....

දොර ඇරේ

මගෙ නම මාමේ ප්‍රසන්       න

ආවේ කමලට....

ප්‍රසන්නට කියන්නට ලැබුනේ එපමණකි.. බරපතල පහර දීමකට ලක්වූ ඔහු, තවමත් හදිසි අනතුරු වාට්ටුවේ ප්‍රතිකාර ලබයි.....

හැකිනම් ප්‍රසන්න කියන්න හිටපු කවිය සම්පූර්ණ කරන්න.

(ඝන පිහිටුවා කවි ලියන්න බැරි නම් නිකා ඉන්න.. :D   :D   :D )

දැන් අහයි, අහවල් කාරනේටද (18+) එකක් දැම්මේ කියලා. කොමෙන්ට්ස් වලින් පස්සේ කාට කාටත් තේරේවී එකේ රඟේ...