ක්‍රෝටන්, බිගෝනියා සහ ඇමතිවරු - Croton, Begonia & Ministers

ආන්ඩුවෙන් දිවි නගන්න, ඇට අටක් දෙනවාය. ඒ වවාගෙන කන්නය. වැඩි පුර තියෙනවානම් විකුණාගන්නය. ඒත් ඒ ඇට වැවිල්ල කෙසේ වෙතත්, කස්ටිය වවන්නේ පාම් ගස්ය. පාම් කිව්වාට ඒවා වල, තල්, පොල්, තියා පුවක්වත් නැත. අඩු ගානේ, මේ මලදාන වෙනුවට පුවක් ගහක් වවා ගත්තානම් මල පනින වෙලාවට හක්කේ දමා හපන්න තිබුනාය. අපේ උන් කරන්නේ, ඔහොම හරක් වැඩ තමා කියා අපේ සීයා ඉස්සරත් කියනවාය. සීයා කුඹුරු කෙටුවේය. කොරටුවක් කලේය. අපි ගමේ ගියාම කෑවේ බිව්වේ ඒවාය. පළතුරුත් හැම ජාතියම වගේ තිබුනේය. අවුරුදු 94ක් වෙලා මැරෙන දවස වෙනකන් මේවා කලේ තනිවමය. කුඹුර කරන්න විතරක් 5-6 දෙනෙක් එකතු උනේය.


සීයාගේ පුරුද්ද නිසාද කොහෙද, අපිත් පොඩි කාලේ අල්ලන සෙල්ලම්, හැංගී  මුත්තන් කරනවා වගේම, අපි වවමු රට නගමු සෙල්ලමද කලේය. මගේ කොහිල කොරටුවේ කතන්දරේ සමහර විට කියෙව්වා මතක ඇතිය. නොකියවපු කෙනෙක් ඉන්නවනම් මෙතනින් බලා ගන්න පුළුවන්ය. අකමැති නම්, නොබැලුවත් අවුලක් නැතිය. එහෙම වවපු එළවළු, පළතුරු, ගෙදර කන්නටත් ගත්තේය. වැඩි පුර ඒවා තොරණ හංදියේ ආසිරි කඩේට විකුණුවේය. ඒවා විකිණුනේ උනු කැවුම් වගේය. පැයක් විතර කඩේ ගාව ලග් ගහලා, ගෙදර එන්නේ සල්ලිත් අරගෙනමය. පසු කාළේ ආසිරි කඩේ වහලා කස්ටිය කඩවත් ගියේය. කඩේ මගේ හොඳම යාළුවා ප්‍රේමසිරිය. 

කොච්චර මරු මූස් වැඩ කලත්, මේ වැඩේ නිසා සීයා මට ආදරය කළේය. ඒත් අම්මා වවන මල් ජාති වලට එයා කේස් එක ඇද්දේය. "බුදුන්ට පුදන්න මල් ගහක් වැව්වාම ඇති. මේ දරුවා වගේ ප්‍රයෝජනයක් ඇති දෙයක් වැව්වනම් කන්න බොන්න පුළුවන්නේදැයි" කියන කොට මට පට්ට ආතල්ය. ඔය ඕකිඩ්, බාබන්ඩේසියා, බෝගන්විලා, ඔක්කෝම නැතිවෙලා, එක කාළෙක ක්‍රොටන් ඉට්ටයිල් එකක් ආවේය. ඒත් එක්කම වගේ බිගෝනියා පිස්සුවකුත් ආවේය. මල් පිපෙන බිගෝනියා ජාතිත් තිබුනත්, ගොඩක් ගෙවල් වල තිබුනේ කොල විතරක් තියෙන බිගෝනියාස්ය. ඒකට නම් සීයා සෑහෙන දොස් කිව්වේය. ඒ කිව්වට එයත් ක්‍රෝටන් අරගෙන ගිහින් කොරටුවේ වැටේ හිටෙව්වේය. එවා නම් සල්ලි දීලා ගන්න ඒවාටත් වඩා සුපිරියටම තිබුනේය.

ඇත්තටම, වත්තක මේ පාම් ගස්, ක්‍රෝටන් ගස්, බිගෝනියාස්, වවනවාට වඩා, අපි වවමු රට නගමු වැඩේ කරනවානම් හොඳය. ඒ උනාට පොෂ් ගතිය යනවාය. පොෂ් කියන්නේ සෝබනේ නිසා අවුලකුත් නැත්තේය. තනකොල වවන එකේ, ගොටුකොල ටිකක් වවා ගත්තානම් අමුවෙන්ම උනත් කන්න පුළුවන්ය. ඒ උනාට අපේ උන් හරක් නිසා, වවාගෙන තියෙන්නේ තණකොළය. ඔය ක්‍රෝටන බ්‍රෝටන් වල මෙළෝ වැඩක් නැති උනාට, ගිනි ගනන්ය. සත පහක දෙයක් ලැබෙන්නේ නැති උනත්, මේන්ටේන් කොරන්නත් හෙන වියදමක් යනවාය. හරියට අපේ ඇමති මණ්ඩලේ වගේය.

අපේ අම්මා බිගෝනියා පෝච්චි මාරු කරනවා වගේ, ලොක්කාත් ඇමතිවරු මාරු කරලාය. අම්මා හොඳට පෙනුම තියෙන ඒවා ගේ ඇතුලේ තියනවාය. එළියේ තියෙන එකක් ගේ ඇතුලේ එකට වඩා හොඳ උනාම, ගේ ඇතුලේ එක එළියේ තියලා, එළියේ එකක් ඇතලට ගේනවාය. ඒත් ඉතින් බිගෝනියා, බිගෝනියාමය. මෙළෝ රහක් නැත. තෙල්බාලා පරිසරේට දාලාය. අපේ පරිසරයටත් සම්මා සම්බුදු සරණය. ගිලෙන නැවේ තෙල් ටික ගොඩට ගේන්න බැරි උන එකාට, තෙල් සංස්ථාවම බාර දීලාය. නඩු බලවපු නිසා වෙන්ඩ ඇතිය. තෙල් සංස්ථාවටත් දෙවියන්ගේම පිහිටය.

හැබයි ඉතින් හොඳ වැඩත් කරලාය. කොලිෆයිඩ් එකා, නාකි විතාරණත් එක්ක දාලා, පවිත්‍රා නෝනාට කරන්ට් එක දීලාය. ඒ දුන්නාට, ත්‍රී පෙස් ම දීලා නැතිය. බලශක්ති ලොක්කා ළඟය. දැන් රූපවාහිනිවල නැතුව, චම්පික ලොක්කාට තිස්ස විතාරණත් එක්ක, අමාත්‍යංශේම මරා ගන්න ඇහැකිය. වතුර නැතත්, තෙල් නැතත්, පවිත්‍රා නෝනා කටෙන් හරි කරන්ට් එක දෙන එක නම් ඉර හඳ වගේ විශ්වාසය. විජිතමුනි සුදුසු තැනටම දාලාය කැලෑ බලා ගන්නය. දැන් මෙයා, එයත් එක්ක කොක්කෙන් ඉන්න, පොල් ඇමතිගේ මල් වලට කෙලිනවාය. අපිට ඉඳලා හිටලා මලක් ගහන්නත් නැති වෙනවාය.

ඔක්කෝටම වඩා ආතල්, බව්වව ගෙදර දාලා ආන්ඩුවේ ගෙදරට ගිය අපේ රන් කඳ සෙනෙවිට සීනී දීලාය. එයා අනුන්ගේ සීනී කිරන නිසා, වරායේ ඉඳන් එන සීනී ගෝනී ගනන් කරලා ලොක්කාට කියන්න පුළුවන්ය. අපට එහෙම හිතුනාට, එයා ඒක ගත්තේ මුදල් ඇමතිකම් දුන්නා වගේය. දවසක උඹේ කටෙත් පස්, මගේ කටෙත් පස් කියා ලොක්කාට සීනී කවන්න දා ගත්තාද කියා කියන්නත් බැරිය. මම නම් කියන්නේ එතුමාට දුන්නා වගේම  බව්වටත් එකක් දුන්නා නම් හොඳයි කියාය. මොකෝ ලොක්කා සත්තුන්ටත් ආදරේ නිසාය. වෙන ඒවා දෙන්න ඕන නැතිය. අමාත්‍යංසේ දෙකට බෙදා සෙනෙවිට "සී" ඇමති කමත්, බව්වාට "නී" ඇමති කමත් දුන්නාම වැඩේ අහකය. ඒ වගත් මෙසේය............