චන්ද්‍රිකාගේ පොත - Autobiography of Madam Chandrika

මහ රෑ ෆෝන් එක වැදුනාම, ආනසර් කරන්න ඉස්සෙල්ලා නොම්බරේ බැලුවාම, නොදන්නා නොම්බරයක් නිසා, සෑකෙන් ආන්සර් කලාම, එහා පැත්තෙන පැත්තෙන් පිරිමි කටහඬකින්  ඇහුවේ "හලෝ මාතලන්ද" කියාය. "ඔව් මචං කව්ද...?" කියා ඇහුවාම එහෙන් කිව්වේ "මම මේ චන්ද්‍රිකා..." කියාය. "මොන චන්ද්‍රිකාද බන්... නිදිමතයි... නිදා ගන්න දියන්කෝ..." කිව්වාම, එහෙන් කිව්වේ "මම ප්‍රසිඩන්ට් චන්ද්‍රිකා..." කියලාය. "අම්මට හුඩු.... මේ අපේ මැඩම්නේ... මක්කටෙයි මැඩම් මේ මහ රෑ කෝල් කලේ...?" කියා අහුවාම එයා කිව්වේ. "මම මේ මගේ ඔටෝබයෝග්‍රෆිය ලියන්න කෙනෙක් හොයනවා..... මාතලන්ට බැරිද වැඩේ කරන්න... කියලාය.  මම කිව්වේ "මැඩම්.... ඇයි විකටර් අයිවන් ලියලා ඉවරනේ... ආයිත් ලියන්නේ අහවල් එකද...? කියලාය.

"අනේ උගේ පොත් ලිවිල්ල.... ඕකා පොත ලිව්වේ මට කෙල උනායින් පස්සෙ නේ.... ඒ කාලේ ලිව්වනම්, බැද්දෙගානේ සංජීවට කියලා, රෝහන කුමාරයා ගිය දිහාවටම යවනවා.... ඔන්න බලන්නකෝ මහින්දට කෙල වෙච්චි දවසක ලියන්නෙ නැද්ද කියලා තව පොතක්..." කියා මැඩම් කිව්වේය. "අනේ මැඩම්, මම ඔය පත්තරවලට, බොග්වලට ලිව්වට, පොත් ලියලා නෑනේ..... ඕනමනම්, පොත් හතක් අටක් දැනටත් ලියා දාලා ඉන්න කතාට කියන්නම්...." කිව්වාම, එයා කිව්වේ "එහෙනම් අහල බලලා කියන්න.... වෙලාවක සෙට් වෙමු... ගුඩ් නයිට් මාතලන්...!!!" කියාය. "ගුඩ් නයිට් මැඩම්...!!!" කියු මා බැලුවේ, මේ හීනයක්ද කියාය. ඇත්තම කේස් එකක් බව දැන ගත්තේ ලාස්ට් රිසීව් කෝල් එකේ වෙලාවයි, නොදන්නා නම්බරයක් බව සක් සුදක් සේ දැනගත්ත හින්දාය.

පස්සේ බැලුවේ කතාට දෙනවාද, මමම ලියනවාද කියාය. දන්න කියන අයගෙන් උපදෙස් ටිකකුත් අරගෙන, මමම ලියලා දානවා කියා, ලියන ආකාරය ගැන දල සැලස්මක් සිතින් මවාගත්තේය...මෙයා ගැන ලියන්න තියෙන දේවල් ලියලා තියෙන නිසත්. වෙන ලියන්න ඉටිගෙඩියක් නැති උනත්, අලුත් ඉසටයිල් එකකට මක්කා හරි ලියලා දානවා කියලාය.. පොඩි කාලේ ගැන නම් පරිච්චේද දෙකක, අම්මයි තාත්තයි ගැන පිටු 200 ක් විතර පුරවන එක සිම්පල්ය. අපි ඉතින් බන්ඩාරණායක මහත්තයායි නෝනා ගැනයි වර්ණනා කලාට, එයා තාත්තටයි අම්මටයි බනීද දන්නේ නැතිය. මොකෝ 94 එයා සාම කුමාරි ලෙස එන්න උනේ තාත්තා කෙලපු පිස්සු නිසාය. කොමියුනිස්ට් ක්‍රොමේට රට කොරලා, මිනිස්සු මිරිස් නැතිව හොදි කාපු හැටියි, සීනී නැතුව තේ බීපූ හැටියි. රෙදි නැති නිසා, ගෑණු කොටට ඇඳපු හැටියි, බූමිතෙල් ගඳ ගහන රෙදි දුන්නේ ඒ කාලේ ගැරඬි ගොඩාක් ලංකාවේ සිටි නිසාදැයි කියා අම්මා උනත් විවේචනය කොරන්න ඉඩ තියෙනවාය.

සෝබෝන් එකේ කේස් එක ගැන නම් රාජිතගෙන අහගෙන ලියන්න පුළුවන්ය. තව මක්කා හරි ඇස් බීත් දන්නවා ඇතිය. මෙහෙම අන් අයගෙන් උපදෙස් ගන්න වෙන්නේ එයා කියන එවා ෂුවර් නැති නිසාය. ඕනම නම්, සෝබෝන් ගිහින් එහේ කස්ටියගෙන් උනත් අහගෙන එන්න ඇහැකිය. විජේගේ ලස්සන ෆෝටෝ ටිකකුත් එක්ක තවත් පිටු 100 ක් විතර අදින එකත් සිම්පල්ය. විජේ කොටු පැනලා, මැඩම්ට මල පැනපු ඒවාත් එක්ක ආවොත් නම්, ඒක වෙනම පොතක ලියනවා කියා පරිච්ඡේදය අවසානයේ සඳහනකුත් කරන්න පුළුවන්ය. විජේ මැරුවේ කව්ද කියා හරියටම කියන්න දන්නෙ නෑ කියා පොතේ ලියන එක කෝකටත් හොඳය. මොකෝ කාලේක ජේ වී පී කියන කටින්ම, ජෙප්පො එක්ක මගුල් කෑම නාට්ටිය රඟ දක්වන කොට කියන්නේ, යූ ඇන් පී කියලාය. දැන් යන ක්‍රමේට. ඉස්සරහට විජේ මැරුවේ වෙන කස්ටියක් කියා උනත් කියන්න පුළුවන්ය. විජේ චන්ද්‍රිකා ප්‍රෙම පුරාණය, සුජීව ප්‍රසන්න ආරච්චිගෙ ඉට්ටයිල් එකට, ලිව්වාම මෙගා එකකට විකුනලා කීයක් හරි හොයා ගන්නත් පුළුවන්ය.

ඊට පස්සේ රට ගිහින් අපා දුක් වින්ද කෑල්ල නම්, කඳුළු පනින්න, සුනිල් මාධව ප්‍රේමතිලකට කියා ලියව ගත්තත් අවුලක් නැත. මොකෝ ඩලස් ෂුවර් නැති නිසාය. ඊට පස්සෙ පේම්දස් රජාගේ ඇවෑමෙන්, පොන්නයෙක් රජ වූ හැටිත්, එක පිට එක සුවිප් ඇදී, නිකන්ම රජ පුටුවේ වාඩි උන හැටිත් ලිව්වයින් පස්සේ, ලියන්න දෙයක් නැති වෙන්නේය. ඒත් ඉතින් පොතේ පිටු හිස්ව තියන්න බැරි නිසා, ඕමාර් කයියාම්ගේ කවිවලිනුත්, ව්‍යාත්සල්යගේ කාමසූත්‍රයෙනුත් කොටස් පලකලාට අවුලක් වන්නේ නැතිය. ඒ අතරේ මොන්ගල්, ඩිලාන්, පිස්සු විතාරණ, ජී ඇල්, නිමල්ලා එක්ක රඟපාපු සුදු නෙළුම ඔපෙරාව ගැන, ජැකාගෙන් අහගෙන ලියා ගන්න පුළුවන්ය. ඌට මේක නෙළුම් පොකුනේ උනත් පෙන්නන්න පුළුවන්ය. හැබයි සුදු නෙළුම් මල් පෙන්නන්න ගිහින් ලොක්කාගේ මල පැන්නොත් හෙම මට කොරන්න නම් දෙයක් නැත්තේය.

මා කල ගොන්කම් කියා අවසාන හරියේ පිටු 100 ක් 200 ක් පුරවන එකනම් සිම්පල් වැඩක්ය. ඒවා ගැන හඩ්ඩාගෙන් හා මහින්ද විජේසුන්දරගෙන් උපදෙස් ගත හැකිය. ඒ යටතේ මුලින්ම මහින්දට කෙලවෙන්න, මහින්ද රජකමට ඉල්ලන්න දාපු එකත්, දියවන්නාවේ බඩු ගහපු එකාට, චීප් ජස්ටිස් දීපු එකත් ලියන්න ඇහැකිය. ඔය අව් අස්සේ මට මතක් උනේ චන්ද්‍රිකාට මේ හදිස්සියේ පොතක් ලියන්න හිතුනේ මොකද කියාය. මට පේන්නේ පොත ලිවීම කෙසේ වෙතත් හොඳ පොතක් පෙරලන්න නම් ලැහැස්ති වෙනවා වාගෙය.

ඊළඟ සැරේ ජනාධිපතිවරනෙට මහින්ද මහත්තයා එක්ක ගේමක් දෙන්න, රනිල් දානවාට වඩා චන්ද්‍රිකා දාන්න කස්ටිය සෙට් වෙනවා වාගේය. අහක යන මොන්ගල් නයෙක් රෙද්ද අස්සේ දාගෙන. (සමාවන්න කලසම අස්සේ දාගෙන.) රනිල් මහත්තයත් මේ දවස්වල අම්බානක නානවාය. මේවා මොන්ගල් වැඩ වගේ පෙනුනාට. ගල් ආඳා වැඩ සටහන්ය. මක්කා උනත් ඉඳ හිට පොඩි සද්දයක් දා සෙට් වෙන්නේ ඒ වගේ එහෙකටනම් වෙන්න ඕනාය. ඔය මොනවා උනත්. 94 ඉඳන් මෙළෝ රහක් නැතුව උන්න සෙට් එකේ, කොච්චර උන් හිටියත්, පොත පිදීම කල යුත්තේ නම්, අග්‍ර පුරෝහිත මොන්ගල් මහතාටමය. පොතට ඇතුලත් කල යුතු තවත් කරුණු වේනම් මාතලන් දැණුවත් කිරීම අගේ කොට සලකන්නේය..

ප: ලි:
මේකට දාන්න පින්තූරයක් ගැන කල්පනා කර කර ඉඳිද්දි, ඉන්දික දිසානායක, නියම කාටුන් එකක් ඇඳලා. ඒත් ඒ පොත වැඩිහිටියන්ට පමණයි. අද නම් මේ වගේ ඒවා ලියන්න කවුරුත් නැති උනත්, මට කාටුන් එක දැකපු ගමන් මතක් උනේ "තුන් වන සිල් පදය නොකඩමි" ලියපු, ගුලී හෙවත් ගුණදාස ලියනගේය. ඔය සිරසේ නිව්ස් කියන්නේ එයාගේ දුවක්ය. එයාගේ නම චේතනා ලියනගේය.