මිනී මරණ මුවෝ - Deer, (Dear) U Kill me.......

හාමුදුරුවෝ කොච්චර ෆිට් උනත්, මම පන්සල පැත්තේ නොගියොත්, මට බනිනවාය. ඒ පින් දහම් කටයුතු කරන්නේ නෑ, ඒවාට සහබාගි වන්නේ නෑ කියාය. එතකොට මම කියන්නේ හාමුදුරුවනේ මම පව් කරන්නෙ නෑනේ, ඒ නිසා එන්නේ ඕනේ නෑනේ කිව්වාම, උන්නාන්සේ කියන්නේ මාතලන් මහත්තයෝ, හාවෝ මුවොත් පව් කරන්නෙ නෑනේ, හරි අහිංසකයිනේ, ඒත් ඉතින් මෙළෝ රහක් නෑනේ කියලාය. ඉඳලා හිටලා පන්සලට ගියාම, අහන ප්‍රශ්ණවලට කුසුම් වැඩම කරවාගෙන, (මල පැන) මාව එලවලා දාන්නේත්, උන්වහන්සේමය. ඒ මගේ හැටිය, කඹුරුගමුවේ වජිර හාමුදුරුවොත් දහම් පාසලෙන් මාව එලෙව්වේ, අනවශ්‍ය ප්‍රශ්ණ අහනවා කියලාය. ඒ උනාට බුදු හාමුදුරුවෝ නම් දේෂනා කර තියෙන්නේ ප්‍රශ්න කරන්න කියලාය.

එයාලා කියන විදියට, මුවා අහිංසක සතෙක්ය. අපේ රටේ ප්‍රේමවන්තියන් වගේම, ප්‍රේමවන්තයෝත් මාරම අහිංසකය, ඔය බුකියේ මල් කඩන ඔක්කෝම, නිකන් නිවන් දකින්න ඔන්න මෙන්න වගේය. පැනි හැලිය. මල් මාමලාය. උන් කෙල්ලෙක් සෙට් කර ගන්න කොච්චර ඇඹරෙනවාද කියනවානම්, අපේ සරත් විජෙසූරිය මාහාචාර්ය තුමා නම් කියන්නේ "තුඃ නොදකින් පොන්නයෝ" කියලාය. අද පරපුරේ ප්‍රේමවන්තයන් ගැන මටත් එහෙම හිතෙනවාය. මොකෝ ඔය වීඩීයෝවල හොටු පෙරාගෙන අඬන කොල්ලෝ දැකලාය.

ඒ වගේ අහිංසක කොල්ලෙකුට ගුණදාස කපුගේ මහත්තයා පොඩි කිංඩියකුත් දානවාය. ඒ නංගිගේ හිත ලඟ කවුරුද "මුවා" උනේ කියලාය. ඒ මුවා දැකපු දවසේ ඉඳන් නංගි කරන මල විකාර ඒ සිංදුවේ තියෙනවාය. මීට අමතරව, මුවාට උපහාර පිනිස ගැයූ ගී බොහෝමයක් අපේ ගී සාහිත්‍යයේ තියෙනවාය. එකක තියෙන්නේ හදත් "මුවා" උනා කියලාය. සඳ මුවා වෙලා කියා එයා කියන්නේය. මුවන්ට උපහාර පිණිස, අපි පොඩි කාළේ ඉඳන්, නාටිටියකුත් යනවාය ඒ මුවන් පැලැස්සය. ඔය කෝරලේ මහත්තයා ඉන්නේ ඒ නාට්ටියේය.

මුවෝ වරග රාශියක් ඉන්නවාය, රන් මුවා, රිදී මුවා, දැව මුවා ඉන් සමහරක්ය. ඊට අමතරව තිත් මුවා, පිනි මුවා යන නම් වලින්ද ඉන්නවාය. ඔය මොන වර්ගයෙන් හිටියත් මුවා ප්‍රසිද්ධ වෙලා ඉන්නේ අහිංසක සතෙක් කියලාය. කවිවල, පොත්වල, නාට්ටිවල වල ඉතරක් නොව, ඇනිමේශන් සෝ වලත්, ඉන්න මුවෝ මාරම අහිංසකය. ඒ උනාට මුවෝ ඇත්තටම එහෙම කස්ටියක්ද කියලා හිතෙන සීන් එකක් ඊයේ පෙරේදා වාර්ථා වුනේය. ඒ පන්සලේ මුවා, පන්සලේම සාමනේර නමකට ඇනලා මරලා කියලාය. ඊට පස්සේ මුවාට මොනවා උනාද කියා දන්නේ නැතිය.


හේම නලීන්, නමයයි පහෙන්, උගුලකට අහුවෙච්ච මුවෙක් පෙන්නලා මුලු රටම කඳුළු වැගුරුවේය. ඒ මුවා අහිංසක නිසාය. මුවා අහිංසක උනාට, ඌගේ අං අහිසක නෑ කියා මේ කාරණයෙන් ඔප්පු වෙනවාය. තර්ක සාස්තරේ අනුව නම්, ඔනෑනම් මුවා හිමනම නොමැරුවේය, අං තට්ටුව හිමිනම මැරුවේය කියා තර්කයක් ගොඩ නගා ගත හැකිය. එහෙම නැත්නම් අං අහිංසකයි මුවා දසයා කියා තර්කයක්ද ගොඩ නගා ගත හැකිය. මුවා හොඳ එකා. සාමනේර නම දසයා ලෙසින්ද, සාමනේර නම නොදරුවා, මුවා දසයා ලෙසින්ද තර්කයක් ගොඩ නගා ගහ හැකිය. ඔය මොන මලදානේ කතා කියූවත්. ඕන වෙලාවක මිනීමරන්න රෙඩි වෙලා ඉන්න, මිනීමරු මුවෝ නම්, අම්බානක ඉන්නා බව නොකියාම බැරිය. ඒ වගත් මෙසේය....

තේරුනාද මන්දා.....?????

සමහර විට ඒ වගේ මුවෝ කොමෙන්ට් දාන්නත් ඉඩ තියෙනවාය. එවිට මම කියන්නේ බොරුද කියා ඔහේලාට බලා ගන්න පුළුවන්ය..