පුටින්ගේ හොර ආලේ....(18+) - From Russia With Love (18+)

ඉස්සර නම් ළෝකේ උන්නේ බලවන්තයෝ දෙන්නයි. ඒ ඇමරිකාවයි, රුසියාවයි, හැබයි ඇමරිකාව සීතල යුද්දෙකින් රුසියාවට ගෙම දුන්නා. රුසියාව කෑලි කෑලි වලට කැඩිලා ගියා. ඒ කරලත් රුසියාවේ බලය පොඩ්ඩක් වත් අඩු  වෙලා නෑ. යුධ බලය වගේම, ක්‍රීඩාවෙන් උනත් රුසියාව තවමත් ඇමරිකාව එක්ක කරට කර ඉන්නවා. එහෙම ඉන්න එක හේතුවක් තමයි, බොහොම නිර්භීත නායකත්වයක් රුසියාවට තියෙන එක. ඒ තමයි ව්ලැඩිමීර් පුටින්, මට නම් වත්මන් ළෝකේ ජීවත් වන නායකයන්ගෙන් බලවත්ම නායකයා තමයි ඔහු. ඔහුට බලය නොමැති කාලෙත්, තමන්ගෙ බොක්කක් වන දිමිත්‍රි මෙද්වදේව් ජනාධිපති කරලා හෙමීට පාළනේ තම අතේ තියාගෙන නූල් සූත්තරයක් දාලා, ආයෙත් ජනාධිපති වෙච්චි හාදයනේ.


අපේ ලොක්ක නම් ඒ සෙල්ලම් කොරන්න යන්නෙ නැතිව ඇත්තේ, එහෙම "බොක්කක්" නැති නිසා වෙන්න ඇති. මෑතකදි පුටින් ගැන නැවත කතාවක් ඇති වෙන්නේ, උන්නැහේ ඩිවෝස් වෙන්න යනවයි කියන කාරනේ උඩ. ළෝකේ දික්කසාද වලින් නම්බර් වන් වෙලා කප් එක ගහලා ඉන්න රට උනත්, ඒ රටේ මිනිස්සු මේ කතාව පිලිගන්න කැමති උනේ නෑ. නමුත් ජෝ
ඩුවම, ජාතික රූපවාහිනියට ඇවිත් බොහොම සිනහමුසු මුහුණෙන් දෙන්නා වෙන් වෙන්න යන බව මුළු ළෝකයටම ප්‍රකාශ කලා.

මෙයත් චීස් කෑල්ල වගේ ඉන්න ඇති.

පුටීන් විවාහ වෙලා උන්නේ "ලුඩ්මිලා පුටීනා" සමඟ. එයාලා විවාහ වෙලා තියෙන්නේ 1983 ජූලී 28 වනදා, දෙන්නට දූවරු දෙන්නෙක් ඉන්නවා. ලොක්කි, "මරීයා" ඉපදිලා තියෙන්නේ 1985 දී. පොඩ්ඩී "යෙකැත්‍රිනා" 1986 දී. 1958 ඉපදුන ලුඩ්මිලා, මුලින්ම සේවය කරලා තියෙන්නේ සෝබමාන ගුවන් සේවිකාවක් විදියට. පසු කාළෙක ඇය ජර්මන් භාෂා ගුරුවරියක් ලෙසත්, පුවත් පත් සමාගමකත්, සේවය කරලා තියෙනවා. එයා කියන විදියට නම් ජනාධිපති තනතුරේ අධික වැඩ කටයුතු හේතුවෙන්, දෙදෙනා අතර තිබුන සහ සම්බන්දකම් අඩු උනාලු. ඒ නිසා, දෙදෙනාගෙම කැමත්තෙන් මේ තීරණයට ආවාලු. කෙසේ වෙතත් පුටීන්ගේ වැඩ කිඩ ගැන කතා උනාට, පුටීන්ගේ පවුල හා දරුවන් ගැන කිසිවක් දැන ගන්නට නැත්තේ, සමහර විට ඒ පවුල් ජීවීතේ අසාර්ථක එකක් නිසාම වෙන්න ඇති.

තාමත් කොල්ලා වගේ ඉන්නේ...

නමුත්, ඇත්ත කතාව ඊට වෙනස්. ඇත්ත කතාව ඇවිල්ලා හොර ලව් කේස් එකක්. මේක පැපරාසියන්ට මාට්ටු වෙන්නේ 2008 දී විතර උනත්, ඊට කලින් ඉඳන්ම සීන් එක ගියා කියලා තමයි ගොසිප් කාරයෝ කියන්නේ. ලන්ඩන් "සන්" ගොසිප් පත්තරේ කියන විදියටනම්, ජෝඩුවට දැනටත් ළමයි තුන් දෙනෙක්ම ඉන්නවාලු. ඒ කතා නම් කෙප්ප කියලා තමයි, හොර ගෑනී (Mistress) වෙච්ච, "ඇලීනා කබයේවා" නම් කියන්නේ. කොහොම නමුත් 2008 දී, ඉතාලියෙදි, පුටින් මහත්තයගෙන් මේ ගැන ඇහුවම, එයා කිව්වේ, ඒක පට්ට පල් බොරුවක් කියලා. ඒ කෙසේ වෙතත් රුසියන් කාරයෝ නම් කියන්නේ පුටින් නරක් කලේ, ගැට පොලොස් වලට බොහොම කැමති, ඉතාලියේ හිටපු අගමැති, සෙල්ලක්කාර සිල්වියෝ බුලස්කෝනී මහත්තයා කියලයි. කතාවේ ඇත්තක් නැත්තෙමත් නැත්තේ, දෙන්නා හොඳම යාලුවෝ හින්දා.

සෙට් වෙච්ච කාලේ.. කොහොමෙයි පැණි මූණ

ඇලීනා කබයේවාත් ලේසි පාසු බඩුවක් නෙමෙයි. මොහොම සුන්දර රුසීයානු කෑල්ලක් වගේම, ඔලිම්පික් ගෝල්ඩ් මෙඩ්ල් හිටන් රුසියාවට ගෙනාපු කෑල්ලක්. කෑල්ල කාලේ සෙට් උනාට, දැන් නම් එයාටත් අවුරුදු 30 ක්. (1985/05/12). හැබයි ඉතින් පුටින්ගේ දුවලත් මේ වයසෙමයි.. ගෝල්ඩ් මෙඩල් එක ගෙන්නේ, 2004 ග්‍රිසීයේ ඇතෑන්ස් වල තිබුන තරඟෙන්. 2000 සිඩ්නි ගේම් එකෙනුත් ලෝකඩ පදක්කමක් අරගෙන එනවා. පදක්කම් දෙකම ගේන්නේ "රිදමික් ජිම්නාස්ටික්" කියන එකට. මේක බොහොම සුන්දර ක්‍රීඩාවක්. එක එක උපකරණත් එක්ක කරණ මේ ක්‍රීඩාවේ, පුටීන්ගේ සිත් ගන්න ඇත්තේ, "බෝලේ" එක්ක කරන සෙල්ලමටයි, "පොලු" එක්ක කරන සෙල්ලමටයි වෙන්න ඇති.

මේවා දැක්කම පුටීන්ට් පිස්සු හැදෙන්න ඇති.

පොලු සෙල්ලම්...

ඒ විතරක් නෙමෙයි එයා පාර්ලිමේන්තුවෙත් ඉන්නවා. සමහර විට අපේ අය පාර්ලිමේන්තුවේ, පලාත් සභාවේ ඉන්නවා වගේ, එන්නත් ඇති. පොඩි කාලේ බොහොම කැත කෙල්ලෙක්, ඇඟපත හැඩ නැති කෙල්ලෙක් කියලා, ගනන් ගත්තේ නැති කෝච්ලා එහෙම බොහොම දුක් වෙන්න ඇති, ඔලිම්පික් වලින් ගෝල්ඩ් මෙඩ්ල් එකම අරගෙන ආවම. ඒ වගේම සාමාන්‍ය දුප්පත් පවුලක කෙල්ලෙක් මේ තරම් දුර එයි කියලා කවුරුවත් ඒ කාළේ හීනෙන්වත් හිතන්නේ නැතුවත් ඇති. දැන් ඉතින් කස්ටිය බලාගෙන ඉන්නේ කවදද ජෝඩුව විවාහ වෙන්නේ කියලා. ඒත් ඉතින් ගොසිප් කාරයෝ කියන විදියටනම්, 2008 දී සැන් පීටර්ස්බර්ග් වලදි විවාහ වෙලත් ඉවරයි කියලා තමයි ආරංචිය.

බෝල සෙල්ලම්...

දැන් කස්ටිය බලයි මම මේ සත පහකට වැඩක් නැති ඕපදූපේ ලිව්වේ මක්කටද කියලා. එහෙම ලිව්වේ...

• අපේ පාර්ලිමේන්තුවේ හිටන් මේ වගේ හොර ලව් තියෙන නිසා, අනාගතේ එහෙම කේස් උනොත්, පුදුම වෙන්න එපාය.... ළෝකේ මෙහෙම ඒවා වෙනවා කියලා පෙන්නනයි. 
• නාකි ලොම් හැලිච්ච දේශපාලුවොත්, පොලොස් ගැට එක්ක රට රටවල් වල සවාරි ගහලා, මේ වගේ සීන් එකක් කර ගත්තොත්, නෝන හාමූලාට යන කලදසාව ගැන දුක හිතිලයි. 

මේවා ඉන්ගිරිසියෙන් යන නිසා අපේ අයට තේරෙන්නේ නෑ. ඒත් ඉතින් මාතලන් හිංගලෙන් මෙහෙම එකක් ලියලා තියෙනවා කියලා, එයාලට දැන ගන්න තියන්නත් එපා. ඕන්.... එහෙම ගිනි විජ්ජුම්බරයක් උනොත් එහෙම, මට වැරදි කියන්නත් එන්න එපා.

මේවට ඉතින් ඉරිසියා කරන්න නරකයි..... මොකෝ, ත්‍රී වීල් එකක පිටිපස්සෙ, ගහලා තිබුනා මෙහම....

"රුසියාවට වඩා ළොකුයි ඉරීසීයාව"