බල්ලෝ - Dogs

බල්ලෝ ගැන ලියන්න ගියොත්, බලු එන්සයික්ලෝපීඩියා එකක්, එහෙම නැත්නම් විස්සකෝසයක්ම ලියන්න වෙනවාය. මේ ලියන්න යන්නේ දේශපාලනේ ඉන්න බල්ලන් ගැනය. දැනටත් එංගලන්තේ රජ පවුල් වල උදවියගේ එක එක ආතල් තියෙනවාය. ඒවා මේ හැම එකාටම කොරන්න බැරිය. රජ පවුලේ උන්ට විතරය. මේ ආතල් එක අපේ රජවරුත් කරලා තියෙනවාය. නමුත් අපේ උන්ගෙයි එංගලන්තේ උන්ගෙයි වෙන්සක් තියෙනවාය.


අපේ උන් ගියේ දුණු ඊතළ අරගෙනය. පොර පොඩි කාළේ ඉඳන් ඒවායේ කෙළ පැමිණිය යුතුය. ඒත් සුද්දා එහෙම වැද්දෝ වගේ යන්නේ නැතිය. උන් යන්නේ හන්ටින් ඩෝග්ස්ලා එක්කය. ඒ කියන්නේ දඩයම් බල්ලෝ එක්කය. රජවරු ෆුල් කිට් එකක් ගසාගෙන අස්සයා පිටේය. බල්ලෝ 100 ක් විතර එකෙක් පස්සෙ එළවා හාවෙක් හරි, නරියෙක් හරි, අල්ලගෙන එනවාය. ඉස්සර නම් මුවෝ මෙන්ම ගෝන්නුද  ඇල්ලුවාට, දැන් ඉන්න බල්ලෝ අල්ලන්නේ පොඩි සත්තුය.මේවාටත් විරුද්ධ අයත්, ඒ රටේ නැත්තෙමත් නැත්තේය.

අපේ රටෙත් දෙශපාලකයෝ ළඟත්, ඒ කාලේ ඉඳන් එහෙම බල්ලෝ උන්නාට. උන් දේශපාළනය කරන්න ආවේ නැතිය. ඒත් දැන් බල්ලොත් දේශපාලනයට ඇවිත්ය. මුලු මනාප ලයිස්තුවම මනුස්සයන්ගෙන් තොරව, බල්ලන්ගෙන් පිරෙව්වාම. පත්වෙන්නේත් බල්ලෝය. අද ප්‍රාදේශීය දේශපලනයේ උගතෙකුට, වැදගත් එකෙකුට කිසිම තැනක් නැත්තේය. මේය පාලක පක්ෂයට මෙන්ම විපක්ෂයටද පොදුය. ඉන්න තරමක් ඉන්නේ බල්ලන්ය. උන් දන්නේ බුරන්න පමණි.

අපේ රජතුමාත් බල්ලන්ට ආදරේ නිසා, බල්ලෝ මරණ එක නවත්තලා දැම්මේය. මේ කරුමේ නිසා දැන් පාරක යන්න බැරි ගානට, කකුල් හතරේ බල්ලොත් පාරේ පිරිලාය. උන් හපා කාලා මැරෙණ සෙට් එක, කකුල් දෙකේ උන්ගේ ගෙම් වල ගනනට වඩා, බොහෝ වැඩිය. ඉන්ජැක්සන් ගහන්න යන වියදමත් බොහෝ වැඩිය. රජතුමා ගාව මෙන්ම, ඉස්සර උන්න රැජිණ ගාවද බල්ලෝ සිටියෝය. සිනමාවේ සක්විති නම් කිව්වේ, උන් ඔඩොක්කු කුක්කෝ කියාය. ඒ කියන්නේ හුරතේලට ඇති කරනා උන් කියාය. එහෙම කිව්වාට, උනුත් දඩයම් එක දෙක කල බව කාටත් මතක ඇතිය.

බල්ලා තියාගත යුත්තේ බල්ලාගේ රාජකාරිය ඉටුකිරීමට පමණි. ස්වාමියාගේ වැඩේට බල්ලෝ ගත්තාම. උන් කරන්නේ බලු වැඩය. ඉතින් රටම බල්ලාට යන එක වලක්වන්න බැරිය. දැන් බල්ලෝ හැම තැනම බෝවෙලාය. කොලොන්නාවේ බලු පොරයක් නිමා උනේ, එක බල්ලෙක් මැරිලාය. තංගල්ලේ දඩයම් බල්ලෙක් සුද්දියෙක් රේප් කර සුද්දෙක් මරලාම දැම්මේය. තව බල්ලෙක් ගනන් කර කර පොඩි උන් රේප් කලේය. සමහර බල්ලෝ රේප් එකෙන් නොනැවති, අම්මලා දුවලා පෝලිමේ මරලාද දැම්මේය. එකෙක් නම් මිනී මරා එල්ලුම් ගහටම නියම විය.

ඊළඟට පෝලිමේ පොලිස් බල්ලෝත් එක්ක පොර කන්න පටන ගත්තේය. බලාගෙන ගියාම, පොලිසියේ බල්ලොත් දීලා තියෙන්නේ රජ ගේම්ය. එහෙම ගේම් දීපූ පොලිස් බල්ලෝ සැට් එකක්, ඇතුලට දාපු එකට නම්, මහ රජතුමාට අපගේ ප්‍රණාමය පුද කළ යුතුය. නීතීය, අඟුලානේ පොලිස් බල්ලන්ට වගේම ක්‍රියාවේ යෙදවේවායි යන්න, අපගේ එකම පැතුමය. පොලිස් බල්ලෝ ඉව අල්ලා හොරු සොයන්නේ නැතිව, උනුත් කුළියට මිනි මරනවානම්, රට බල්ලාට නොව ඊටත් එහාටම යනවාය.

තවත් දඩයම් බල්ලෝ සැට් එකක් විපක්ෂ නායක තුමා මරාදාන්න සැට් උනේය. පොලිසීයේ නිළධාරින් නිසා ජීවීතේ බේරාගෙන ආපුවාම, සමහර අය කියන්නේ ඒක බියගුලු ක්‍රියාවක් කියලාය. බල්ලෝ බල්ලෝ කොලොන්නාවේ මරාගත්ත සීන් එක, රනිල් මහත්තයාටත්, එතුමාගේ ආරක්ෂාවට ඉන්නේ රජයේ ආරක්ෂකයන්ටත් සිහිවන්නට ඇත. කෙසේ වෙතත් බල්ලෝ හපා කන්න යන විට. වැදගත් මිනිස්සු බල්ලා හපා කන්න යන්නේ නැත. ගහකට නැග හෝ බේරී, පිස්සු බල්ලෝ නම් මරා දැමිය යුතුය.

දැන්, පළාත් සභාවේ බල්ලෙක් ඉස්කෝලයක් අතුලටම ගිහින්, රීලා විනාස කරලා ඇවිල්ලාය. මේ බල්ලා පාසලට ගොස් විනය බාර ගුරුතුමිය සිසුන් ඉදිරිපිට දනගස්වා, බලු බසාවෙන දේසනයකුත් පවත්තලා ඇවිල්ලාය. දැන් මේ ගැන අජ්ජාපනේ කන ඇමතිතුමා කියන්නේ මොකක්ද කියා දැනගන්න අපි කැමතිය. තම ඥාතීන් ප්‍රවාහනය තම ප්‍රදේශයේ නතර කල මහ ලේකම් තුමා, මේ බල්ලා ගැන ගන්නා ක්‍රියා මාර්ගය මොකක්ද කියලා දැන ගන්න අපි කැමතිය. මොකෝ උන්නැහේට කොළඹ ඉන්න ඩෙංගු ආරාක්ෂා කරනවා වගේම ඒ පැත්තේ තම ඥාතීන් ආරක්ෂා කිරීම වැනි උතුම් ක්‍රියාවල කවදත් යෙදෙන. යුක්තිය අකුරටම ඉටුකරනා කෙනෙක් නිසාය.

තවත් දෙයක් විශේෂයෙන් කිව යුතුමය. දරුවා කොටට ඇඳගෙන පැමිණියේ නම්, දරුවාගේ දෙමාපියන් ගෙන්වා ඔවුන්ට පැහැදිලි කරනවා මිස, අරංචියේ හැටියට, වාටි ලිහන්න ගියා නම්, විනයභාර තියා මොකා උනත් කර තිබෙන්නේ ඕනා නැති වැඩක්ය. ඒවා වැටෙන්නේ, ළමා අපචාර හැටියටය.නඩු කාරයාට කරන්න පුළුවන් හොඳම වැඩේ පාසලේදීම ගුරුවරියට දන ගසා වැඳ සමාව ඉල්ලන මෙන් තීන්දුවක් දීමය. කොටට ඇඳන් යනවානම් මිරිකපියව් කියා නඩු තින්දූ දෙන එකේ. ඔහොම එකක් දුන්නාට අවුලක් වන්නේත් නැතිය. කෙසේ වෙතත් හැම එකාටම ඕනා, චන්ඩි වෙන්නය. එහෙම වෙන්න ගියාම කවදා හෝ නොන්ඩි වෙන්නත් වෙන වග නම්, නොලියා සිටිය නොහැකිය.

අපිට නම් මේ ගොන් චන්ඩි එපා වෙලා බොහෝ කල්ය.