මාමස්මි, බුර්කාව හා ආරක්ෂාව - Burqa, underworld & the security

 

ඊයේ ප්‍රවෘත්ති බලන කොට, මරු සීන් එකක් දැක්කේය. කව්දෝ එකෙක් පන්සල් මායිමක තාප්පයක් බඳින්න යනවාය. ඌ, අර මළගිය අය වෙනුවෙන් පින් පිනිස, පහන් පත්තු කරන්න තිබුන එකකුත් ගලවලා දාලාය. ඒක ගැලෙව්වේ ඌද, එහෙම නැත්නම්, හාමුදුරුවෝද කියන්න මට දිවිය ඥානේ නැතිය. නමුත් හිනා යන සීන් එක ඒක නෙමේය.

ප්‍රශ්ණේ විසඳන්න ඕ අයි සී මහත්තයත් එන්නේය. ඒත් උන්නෑහේට ප්‍රශ්ණේ විසඳන්න බැරිය. මොකෝ, තාප්පෙ ගහපු එකා පොලෝසියට බය නැතිය. ඊට පස්සේ එන්නේ, අපේ රාවණා බලකායේ, අති පූජ්‍ය විචිත්‍ර ධර්මකතික, අග්ග මහා පන්ඩිත ඉත්තෑපානේ අපේ හාමුදුරුවෝය. ඕ අයි සී ට විසඳන්න බැරි ප්‍රශ්ණේ විසදන්නේ එයා වහන්සේය.


ඒ සීන් එකට හිනා ගියේ, දැන් චන්ඩි ඔක්කෝම බන්ඩි ඔක්කෝම බැහලා ඉන්නේ, ආගම් ඇඳුම් අස්සේ නිසාය. චීවරේ දාගත්තාම, පොලීසියට උනත් අඩුම ගානේ, ඊ ඇන් ටී ටෙස්ට් (ENT) එකක් වත් කොරන්න බැරිය. ඒ කියන්නේ, පොලෝසියේ රාලහාමිලාගේ අත්, උන්වහන්සේලාගේ කනට වත් වඩම්මන්නට බැරිය.

ඒ උනාට මේ ආගමික ඇඳුමේ අස්සේ ඉඳගෙන එයාලා, රෙදි කඩ ගිනිතියනවාය. උපත් පාලනේ ගැන දේශනා තියනවාය. ආමිස පූජා කරනවාය, සති පූජා කරනවාය. මස් කඩ ගිනි තියනවාය. ඉන්දියාවට සංදේශ දෙනවාය. දැන් ඉතින්, පොඩි උන්, උන්වහන්සේලා දැක්කාම පන බයේ හැංගෙනවාය. පොඩි උන් තියා අපි උනත් ඉන්නේ, අම්බානක බයේය.

ඒ කියන්නේ, දානේ පොඩ්ඩක් අවුල් උනත්, අපේ ගෙදර වටලන්න උනත් තියෙන ඉඩ කඩ ප්‍රොමානය බොහෝ වැඩිය. ඉස්සර නම්, ධර්ම කරුණු ප්‍රශ්ණ කරලා අවබෝධ කර ගත්තත්, දැන්නම්, බුදුන් වහන්සේ ඉපදුනේ, අරලිය ගහ මන්දිරේය කිව්වත්. "එහෙමයි හාමුදුරුවනේ...." කියා පිලිගන්නවාය. නැත්නම් ඉතින් අම්බානක වළඳන්න වෙනවාය.

ඒ චන්ඩි වගේම, "ඇපල්වත්තේ, ගෝඩ් ෆාදර්" හිටියෙත්, ආගමේ ඇඳුමක් අස්සේ රිංගලාය. ඔක්කෝම ගේම් දීලා තියෙන්නේ, "බුර්කාව" අස්සේ ඉඳලාය. මහම්මත්තුමාටත් වඩා, ඉස්ලාම් ධර්මේ දන්නා, අන්වර් මනතුංග කියන්නේ, ලංකාවේ "බුර්කා" අඳින්නේ නෑ කියලාය.

එහෙනම් මේ, ඉහේ ඉඳන් පාදාන්තය දක්වා වසා ගෙන, අත්ල හා යටි පතුලත් පෙන්නේ නැති වෙන්න, මේස් හා ග්ලව්ස් දමාගෙන යන එකට කියන්නේ, එයාගේ අම්මාගේ වස්තරේදැයි කියා අහන්න වෙනවාය. එයා කියන්නේ ඒවා තියෙන්නේ ඇෆගනිස්ථානේ විතරයි කියාය. මුල්ලා කෙනෙක් හමුවි, "බුර්කා" කියන්නේ මොකක්දැයි කියා අහගන්නා මෙන්, මම කාරුණිකව,  අල්ලාගේ නාමයන් ඉල්ලා සිටිමි.

මේ බුර්කා සෙල්ලමේ පල විපාක, මාතලන් පෙන්වා දුන්නේ, බොහෝ කලකට පෙරය. අද ඒවායේ ප්‍රතිඵල අපි භුක්ති විඳමින් සිටින්නෙමු. මේ විකාරය පටන් ගත්තේ යුද්ධයේ අවසානයත් සමඟය. මොකෝ ඒ කාළේ මෙහෙම යන්න එකෙකුටවත් අවසර දුන්නේ නැතිය.

මම හින්ගල, දෙමළ, මුස්ලිම්, මැලේ, ජා, ලංසි, මළයාලි, උඩරට දෙමළ, පහතරට බෙරව, හැම එකාටම කියන්නේ, ඒ කාළේ මෙහෙම සීන් එකක් තිබුනානම් වන තත්වේ, පොඩ්ඩක් හිතලා බලන්නෙයි කියලාය. ත්‍රස්ත්වාදින් කීප වතාවක්ම කොළඹට ගේම් දුන්නේය.

කොලොන්නාවේ තෙල් ගබඩාවටයි, රාජගිරිය හංදියෙයි, ලේක් හවුස් වට රවුමෙයි, ගෲප් පිටින් බැහැලා, විනාශයන් කලේය. දැන් ඒ කාලේ, මේ සීන් එක තිබුනා නම් උන් එන්නේ, බුර්කාව අස්සේ හැංගිලාය. එතකොට වෙන්නේ, බුර්කා ඇඳන් යන හැම එකාටම වෙඩි කන්න වෙන එකය. මොකෝ කන නොකන එක බලන්නේ නැතුව, හැම මදුරුවාම චප්ප චොරොස් කරලා දාන නිසාය.

දැන් හැම නඟරෙම සී සී ටී වී (CCTV Camera) හයි කරලා තියෙනවාය. කොම්පකදකද වීදියේ, රුපියල් කෝටියේ පොලිස් ගේම් එක ඇල්ලුවෙත්, ඒවා වල පිහිටෙන්ය. එතකොට කස්ටියම බුර්කා ඇඳගෙන ගේම දුන්නා නම්, අල්ලන්න වෙන්නේ හෝරාගේ නැට්ටය. ඉතින් මේවා හයිකරලා තියෙන එකෙන් ඇති පල ප්‍රයෝජනේ මොකක්ද කියලා, මේවා හයි කරපු කස්ටියගෙන් අපිට අහන්න වෙනවාය.

මගේ හිතවත් බැංකුවේ මහත්තුරුත් කියන්නේ, මේක මහා වනයක් වෙලා කියලාය. ඒ ටී ඇම් (ATM) ගාව කැමරා හයිකරාට වැඩක් නැත. මුදල් විත්ඩ්‍රෝ කරද්දි, අයිඩෙන්ටිය චෙක් කරන්න විදියක් නැතිය. ආරක්ෂක තොරතුරු ලියන උන් කියන විදියට, කොළඹ දේශපාළඥයන් වගේම, ජීහාඩ් සීනූත් මේ පාතාල සීන් එක්ක යනවාය.

ඒවා ඇත්තද බොරුද කියන්න, මම දන්නේ නැතිය. කොහොම හරි මාමස්මි අල්ල ගන්න ඔත්තු බලල තියෙන්නේත්, බුර්කා ඇඳගෙනය. අවුරුදු තිහක් පරිප්පු කා සිටිනා අපට, තවත් පරිප්පු ඕනා නැතිය. හිජාබ් බැරිනම් ඕනා මගුලක් ඇඳගත්තට අපට අවුලක් නැතිය.

නමුත් මූණ නම් එලියේ දාගෙන යන්න ඕනාය. නැත්නම් ගෑණියෙක්ද පිරිමියෙක්ද පොන්නයෙක්ද, ත්‍රස්තවාදියෙක්ද, හොරෙක්ද, පාතලයෙක්ද, බටහිර කුමණ්ත්‍රනකාරයෙක්ද, මොකෙක්ද කියා අඳුනා ගන්න විදියක් නැත්තේය. මෙය සෑම අතින්ම, ජාතික ආරක්ෂාවට තර්ජනයක් වන්නේ. වැඩිපුරම මේ ගෝනි බිල්ලෝ ඉන්නේ නඟරය ආශ්‍රිතව වීම නිසාය.

කළු පාට ගෝනි බිල්ලන්ගේ ඇඳුම් ගලවන්න, තැඹ්ලි පාට ගෝනිබිල්ලෝ ලෑස්ති වෙන්න ඕනා නැතිය. මේවා බොහොම සංවෙදි කාරනාවන්ය. සැන්සිටුවි එතිකල් ඉෂූස්ය. මේවා කතා කල යුත්තේ ආන්ඩුවේ ආරක්ෂාව සම්බන්ධව ඉන්නා පිරිස්ය.

වහාම මුල්ලාවරුන් එක්ක සාඛඡ්චා ආරම්බ කළ යුතුය. මේවාට බිය විය යුතු නැත්තේ. අරාබියෙත් මේවා ගලවා විසි කරන නිසාය. අනෙක, උගත්, බුද්ධිමත්, සමාජශීලි පවුල් වල අය, මේවා අඳින්නේ නැතිය. මේ තලෙයිබාන්කරනයට අල්ලා ගෙන සිටින්නේ, නූගත්, දුප්පත්, පැල්පත් වාසි, මුඩුක්කු ආශ්‍රිත හා මහල් නිවාස වල වෙසෙන කොටසය. නැගෙනහිර සිටින්නේත් එවන්ම වූ ජනතාවක්ය.

කොයි කාගෙත් අයිඩෙන්ටිය අනෙකාට බලාගන්න පුළුවන් එක, යුද්ධයක් නිසා ජීවිතෙන් භාගයක්, ජීවීතේ ගැන විස්වාශයකින් තොරව ජීවත්වූ මට නම්, බොහොම වටිනවාය. අන්වර් මනතුංගලාට මුස්ලිම් ගෑණු බුර්කා නැතුව දැක්කාම, එක එක දේවල් හිතෙනවානම්, පාරට එවන්නේ නැතුව බුර්කා බැරිනම්, ගෝනී හෝ පෙරවා, ගේ ඇතුලේ තියාගත්තාට අපට අවුලක් නැතිය.

ඒ උනාට පාරේ යන කාන්තාවෝ දැකලා, එක එක ඒවා කරන්න ගියොත්, නම් රාවණා ගෙන් නොව, අපෙන්ම කන්න වෙනවාය. පාරට එවනවානම් මූණ එළියේ දාලා එවන්නය. මොකෝ පාර අයිති ඔහේලාට නොව. සිවිල් පුරවැසියන්ට නිසාය.