විගා... පිස්සුනම් කෙලින්න එපා මචං.. - From Vasu with love....

 
ඔය පොලිටික්කෝ අතරේ එහෙ මෙහෙ ගැවසෙන නිසා රහස් ලිය කියවිලි, ලියුම් කියුම්, කොමිසන් වාර්ථා වගේ ඉතා වැදගත්, කාටවත් ලැබෙන්නේ නැති ලිය කියවිලි, සමහර විට මට හම්බ වෙනවාය. මමත් ඉතින් විකි ලීස් ලියන අසාන්ජේ වගේ ඒවා බොගේ දානවාය.

එතකොට ඔය වං හුං කැමති උන් ඒවා බලලා කොමෙන්ටුත් දානවාය. මට නම් ඉතින් අසාන්ජේ වගේ ඇම්බසි අස්සේ රිංගන්න ඕනා නැතිය. බැරිම තැනක් ආවෝත් නම් උතුරුකුරු දිවයින බලා යන බෝට්ටුවක එල්ලෙනවාය.

ආන් ඒ වගේ රහස් ලියුමක් මට ලඟදි හම්බ උනාය. මේක යවලා තියෙන්නේ වාසු කියලා පොරක්ය. ලැබෙන්නා විගා කියලා පොරක්ය, දෙකම ටැමිල් නේම් නිසා හරියටම අපි හිතාගෙන ඉන්න උන්ද කියලා කියන්න බැරිය. ඔහේලාත් කියවලා ඩවුට් එකක් තියෙනවානම් කොමෙන්ට් එකක් දැම්මාට අවුලක් නැතිය. නැත්නම් නොදැක්කා වගේ උන්නාත් අවුලක්ම නැත්තේය..

ඩියර් මචං,

මචෝ උඹේ සැප දුක් අහන්නත් නිකන් බයයි වගේය, මම නම් ඉතින් සුපුරුදු පරිදි ආතල් එකේ ඉන්නවාය. ඉස්සර වගේ කඳුළු ගෑස් පාරවල්, බැටන් පොලු පාරවල් නම් කන්නේ නැති බව, උඹත් දන්න නිසා ආයෙත් ලියන්න ඕනා නැතිය.

අම්මගෙ රෙද්ද විප්ලවේ කරන කාළේ හිතාගෙන උන්නේ ඒ තරම් රහ කෑමක් තවත් නැතෙයි කියාය. ඒ උනාට රජ කෑම ඊට වඩා පට්ට රහයි කියා දැන ගන්නා කොට, අපි පරක්කු වෙලා වැඩිය. ඒ උනත් නහින දෙහින කාලේ හරි, මෙහෙම චෑන්ස් එකක් ආවේ පූරූවේ පිනක් තිබිලාම වෙන්න ඇතිය.

උඹත් මේ බඩු නලව නලව ඉඳලා පැන්සොන් ගිය එකාය. උඹට ආතල් එකේ ඉන්න දෙන්නේ නැතිව, මේ ලොම් හලිච්ච හනුමො සැට් එක, උඹ මේ නරා වලට ඇදලා දැම්මාට මට තියෙන්නේ මාර දුකක්ය. මොකෝ මගේ ආතල් එකට කෙලවෙන්න පොටක් පෑදිලා තියෙන නිසාය.

කොහොම හරි, අපිට වගේ අරක්කු බත් පැකට් දෙන්නේ නැතිව, උඹව ලොක්කා කර ගන්න තරම්, ගේම ඉවර වෙලා, අවුරුදු 4ක් යන්නත් කලින් උඹේ උන් තීරණේ කොලේ, උඹගේ කලින් ජැනරේසොන් එක ගැන, දැන් ඉන්න උන් දන්නෙ නැති නිසා වෙන්න ඇතිය.

නන්දිකඩාල් හන්දියේ නිවන් ගිය එකා, උඹලයි කලින් ජැනරේසොන් එකට නිවන් මග පෙන්නුවේ, උන් කොරාපු මළදානයක් නැති නිසාය. එහෙම කොරලා ඌ කරේ, පොඩි උන්ගේ කරේ කැප්සූල් එකක් ගැට ගහලා, තිබුන සැලකිල්ලත් නැති කොර ගත්ත එකය.

බලේ හම්බ උන ගමන් මොළේ නැති වෙනවා කියලා කතාවක් තියෙනවාය. සමහර විට මොළේ විතරක් නොව, උඹ උනත් නැති වෙන්න ඉඩ තියෙනවාය. මේ වෙනකන් උඹ ගහපු බයිලා එකක් වත් හිට් උනේ නම් නැතිය. 

ඉස්සෙල්ලාම කිව්වේ, අග්‍රාන්ඩුකාරයා අයින් කරන්න කියලාය. අන්තිමේදි ඌ ගාවටම යන්න උනේය. ඊට පස්සේ ඇමතිකම් බෙදා ගන්න ගිහින් උඹලාම ඇදගෙනම නාගත්තේය. ජයලලිතා ගාව මන මෝහන් සිං අයියා ගාව දිවුරුම් දෙන්න ගියපු උඹ, බලු කුක්කා වගේ ඇවිත් පෙරිය මුරුගා ගාවම දිවුරුම් දීලා ගියේය.

එහෙම ගිහිල්ලාත් උඹ තවමත් බයිලා ගහන්නේ, මෙහේ වගේම ඔහෙත් ඉන්නේ නම්බර් වන් හරක් නිසා වෙන්නත් ඇතිය. අනික ඉතින් උඹ මහ ඇමති කරපු එකාලාට, වෙන මක්කා කියන්නද කියලාත් හිතෙන්නේය.

දැන් පොලෝසියට දෙමළ උන් දාන්නයි, හමුදාව ඉවත් කරන්නයි යනවා කියා පොර ටෝකක් දීලා තියෙනවා දැකලා මගේ නාකි මයිල්, ඉස්මයිල්ම වෙලා ගියේය. මට පේන්නේ මේ බයිලා එකත් අර බයිලා වගේම කියලාය. මෙහේ බයිලාත් නැගලා යන්නේ සතියයි හා දෙකයි නිසා. උඹේ බයිලාවත් එහෙමම එකක් වෙනවානම්, අපි දෙන්නාගෙම පිනක් වෙන්න ඕනාය.

ඔය බයිලා ගැහුවාට මුරුගාගෙන් නම් මෙළෝ දෙයක් ගන්න නම් හම්බ වෙන්නේ නැතිය. මමත් ජාතිය එකා බද්ද කරන එකා උනාට, මම කරපු ලබ්බකුත් නැත්තේය, එකම චෑන්ස් එක, ලොකු පෝස්ට් එකක් කරන නිසා, හඬු ගඳ ගහන් උන් අස්සේ රිංගන්නේ නැතිව, ආතල් එකේ ඒ සී කාමරේකට වෙලා නිදා ගන්න පුළුවන් එකය.

මචෝ උඹ ජීවත් වෙන්න පොර ටෝක් දුන්නාට අවුලක් නැතිය. ඒ උනාට මේ මං ගැනත් කල්පනා කරලා ටෝක් දෙනවානම් වඩාත් හොඳයිය. මොකෝ මෙහෙම විමුක්තියක්, කියුබාවේ කැස්තරෝලාටවත් හම්බ වෙලා නැතිය. අපි ගන්න ආතල් එක්ක බැලුවාම කස්තරෝ නිකන් මෙහේ නිර්ධන පන්තියේ එකෙක් වගේය.

විප්ලව කරනවානම් මම වගේ කරපන්ය. එතකොට කවදා හරි විමුක්තිය නම් උදා වනවාමය. මහ එකා බොක්ක හොඳ එකාය. ජිනීවා යන්නත් ඉස්සර ඉඳන් ඌයි මායො සැට් වෙනවාය. ඒ වෙලාවට කරන ඒවා මොනවාද කියා අහන්න එපාය.

මට උඹට කියන්න තියෙන්නේ. නිකන් කට තිබුන පලියට පොර ටෝක් දෙන්නේ නැතිව, පොඩ්ඩක් කල්පනා කරලා බලලා, බයිලා එලියට දාපන් කියලාය. මොකෝ සමහර විට එහෙම කරලා, උඹත් මම වගේම චොර වෙලා යන්නත් ඉඩ තියෙනවාය. මචෝ මෙහෙම සැපක් ළොවෙත් නැත්තේය. ලොවි ගහේ තියා, තල් ගහේත් නැත්තේය. ඒ නිසා දෙන දෙයක් කා වෙන දෙයක් බලා ගත්තානම් වඩාත් හොඳය..

අනේ මචෝ ......... පිච්චු නම් කෙලින්න එපාය.....

මීට ආදර මචං..

වාසූ...