මිසිස් පෙරේරා (23+) - Mrs Perera (13+)

පට්ට සින්දුවක් එක සැරයක් කනට වැටුනම, කං කාළාඳුරු වාගේ සුද්ද කරලා අයින් කරලා දාන්න බැරිය. ඒක පීචං එකක්ද, ශාස්තිරියද, හින්ගලද, හින්දිද, දෙමළද, ගුජරාටිද, මරාටිද, යුනානිද, අරාබිද, චීන්ද, ජපන්ද, ඇමරිකන්ද, සුද්දගෙද කියා කියන්නට බැරිය. මහාචාර්ය මාතලන්ගේ තියරිය අනුව නම්, සින්දුවක් එහෙම බොක්කටම වඳින්නේ, තනුව හින්දාය. මියුසික් වත්, වචන නිසාවත් නෙමේය.

ඔය එහෙම බොක්කේ වැදුන සින්දු, බොක්කට රහ මෙර ටිකක් වැටෙන කොට එලියට එන්නේ, සංගීත භාන්ඩ නැතිවය. ගායනා කරන්නේත් සුරුතියෙන් පිටය. දේන වටයට යොමු කරන්න බැරිය. අනෙ තොගේ දේන වටය, යොමු කරන්න බැරිනම්, ඕන සෙද්දක් කොර ගනින් කියා, කියන එකා කියනවාමය. හැබයි කියනවායි, ගයනවායි අතරේ නම් සෑහෙන වෙනසක් ඇත්තේය.

ඒක තේරෙන්නේ ඔය ඇස්ටෝන් ගෙවල්වල, සම හරක් බලෙන් සින්දු කියන්න ගිය වෙලාවටය, සමහර උන් සින්දු කියන්නේ, ගෲප් එකේ මියුසික් වලට, කතාවක් කොරනවා වාගේය. එහෙම පිස්සෙක් වගේ, කතා කොරන සින්දුත් තියෙනවාය. ඒවාට කියන්න "රැප්" කියාය. ඒ සිස්ටොන් එකෙත් පට්ටම සින්දු තියෙනවාය. ඔය ඇමිනැම්ගේ ඒවා අහගෙන උන්නාට, සමහර රැප් කිය්න උන්ගේ ඒවා ඇහුවාම, අනේ තොගේ රැප්, දුප් දුප් කියා එළවා දමන්න හිතෙනවය.

රැගේ (Reggae) ඉට්ටයිල් කියන්නේ, මාතලන්ගේ ප්‍රියතම ඉට්ටයිල් එකක්ය. මොන යකා රැගේ ගෙනාවත්, රැගේ හැම එකාගේම බොක්කේ රැකෙන්නේ, "බොග් මාලේ" (Bob Marley) නිසාය. සමහර උන් කියන්නේ බොග් මාලේ නෑවේ නැතෙයි කියාය. ඒක නිසාදෝ මන්දා, නාන්න, අම්බ හොර ජාතියක් වන, සිරි ලංකිකයෝ, බොග් මාලේ පපුවේ ගහගෙන යනවාය. පිටේ ගහගෙන යනවය, ටුක් ටුක් එකේ ගහගෙන යනවාය. කැප් එකේ ගහගෙන යනවාය, ලේන්සුවෙත් ගහගෙන යනවාය.

ඔහොම ගහගෙන යන එකෙක්ගෙන්, "මල්ලි.... ඔය "ටී" එකේ ඉන්නේ කව්ද.....?" කියා ඇහුවාම, ඌ කිව්වේ, "චේ ගුවේරා..." කියාය. එතකොට මට හිනා ගියේය. මල්ලි ඇහුවේ, "ඇයි ඩෝ.... හිනා වෙන්නේ...."? කියාය. මම කිව්වේ, "චේ ගුවේරා නෙමෙයි, චේ ගුවේරාගේ අම්මා ......"කියාය. "අනේ..., තොගේ අම්මත් එක්ක, අහවල් එක කොරගනින්...." කිව්වාම මම කිව්වේ. "ඒකට, තාත්තා ඉන්නවා..... ඔය පුතේ...., බොග් මාලේ....." කියාය.

චේ ගුවේරා කිව්වේ රැගේ නෙමේය, බයිලාය. කොහොම හරි, අද ළෝකේ ඉන්න නම්බර් වන් අයිකන් එකක්ය. එයාලා පුක ඉරාගෙන ලබා දුන්න විමුක්තිය, අද කියුබාවෙන් පේනවාය. එහේ ගියපු එකෙක් මට කිව්වේ, උන් අම්බ හිඟන්නෝ කියාය. ඒත්, උන්ව බොකු දිරාස් වලට පුරුදු කරලාය. ඉතින් උන් කරන්නේ බොකු දිරාස් ටිකක් බඩට දමාගෙන, බොක්ස් ගීටාර් එකක් අතුල්ල අතුල්ල, ඉස්පැනිස් බයිලාවක් ගසා, පොරකන්න පුළුවන් නම් පොරකා, අහු උන තැනක බුදිය ගන්නා එකය. විමුක්තිය කියන්නේ ඒකට නම්, ජපානේ තියෙන්නේ නිර්වාණය හෝ, ඊටත් එහා ළෝකෝත්තර සුවයක් වෙන්න ඕනාය.

මේ සින්දුව මගේ බොක්කටම වැදුනේ හේතු දෙකක් නිසාය. එක.. මාරක අපල නිසා එලියට බහින්න දෙන්නේ නැතිව, ඉස්තෝප්පුවේ කොන්ක්‍රීට් එක කඩාගෙන වැටි, ස්වර්ග රාජ්ජෙට ගිය, අපේ හිතවත් පෙරෙරා අන්කල්ගේ මිසිස්, මිසිස් පෙරේරාය. අනික කලකට පෙර මගේ යාළුවෙක් නැවතිලා උන්න බෝඩිමේ උන් මිසිස් පෙරේරය.

මේ සින්දුවේ ඉන්නා කොල්ලෝ දෙන්නා නම්, ඉතා වැදගත්, බොදු ගොවි, සුරා සූදුවෙන් තොර, කොල්ලෝ දෙන්නෙක් වෙන්න ඕනාය. උන් දෙන්නා, කෙල්ල ලන්ඩන් ගියයින් පස්සෙ, ජීවීතේ ගැන කළකිරි, තපස් දම් රකින්න, ඩුබායි බලා යනවාය. ඒත් වෙන එකෙක් නම්, හිතේ අමාරුවට මිසිස් පෙරේරා එක්ක හරි සෙට් වෙනවාය.

මගේ යාළුවා නැවතිලා උන්න ගෙදර ආ......න්ටිගේ නම, මිසිස් පෙරේරා නෙමේය. එයා මිසිස් පෙරෙයිරාය. උන්නේ බම්බලපිටියේය. ගෙදර තට්ටු දෙකය. අපේ හිතවතා වැඩ කොලේ එයාර් ලංකා එකේය. පයිලට් කෙනෙක් නම් නෙමෙයිය. ෆලයින්ග් ඉස්ටුවඩ්ය. මූ මේ ගෙදර බෝඩ් වෙලා උන්නේ, උගේ කෑල්ලත් ෆලයින් ඉස්ටුවඩර්ස් කෙනෙක් නිසාය.

වෙන්න නැන්දම්මා උනත්, මෙයත් සින්දුවේ එන මිසිස් පෙරේරා වගේම, දූලා දෙන්නා පෙන්නා, ජීවත් උන කෙනෙක්ය. එහෙම වෙන්න හේතුව වෙලා තිබුනේ, මිස්ට පෙරේරා පොඩි කෙල්ලෙක් එක්ක වෙනත් දීගයක ගිය නිසාය. එක දුවෙක් උඩින් යනකොට, අනික් දුව උන්නේ බිමින් යන ට්‍රේඩ් එකකය, ඒ රෙන්ට කාර් සර්විස් එකකය.

රෙන්ට කාර් කිව්වේ, කක්කා කොරන කේස් එකක් නෙමේය. වාහන කුළියට දෙන එකය. මේ කෙල්ලත් තනිකර, මිසිස් පෙරෙයිරාගේම ජාතියේ, බොහොම සැර, කට්ට වෙට්ට පිත්තල, ගෑල්ලමයෙක් වූවාය. ගෙදරට එන එකෙක්වත් පයිසෙකට ගනන් ගත්තේ නැති උනාට, බෝඩ් වෙලා උන් හැම එකාටම, පෙන්නුවේ වැඩේ පොසිටිව් කියලාය. ඒ නිසා, කොච්චර අඩු පාඩු කම් තිබුනත් හැම එකාම  කිසි අවුලක් නැතිවම උන්නේය.

අපේ එකාට නම්, වැඩේ සෙට් නිසා, ඌගේ බොකු ලෙස, අපිට කාමර අස්සේ රිංගන්න උනේ නැතිය. අපි සෙට් උනේ සාලේය. ඒ වෙලාවට නම්, ආ...න්ටි අපිත් එක්කත් සෙට් උනේය. ඔහොම කාලයක් යන කොට, අපේ එකෙක් කිව්වේ, ඔය කියන තරම් ආන්ටි නරක එකෙක් නෙමෙයි කියාය.

එහෙම කිව්වාට පිලිගන්න අමාරු නිසා, මාත් ඔෆිස් වෙලවක, ටොයිලට් යන්න ඕන කියා, හදිසියේ ගෙට ගොඩ උන වෙලාවක, එයා සත්තරන් ආ...න්ටි කෙනෙක් කියලා, ප්‍රායෝගිකවම අවබෝධ කොට ගෙන, ඒ සියළු සත්වයෝ ප්‍රාර්ථනා කොරන්නා.......වු, අජරාමර නිවන් සුවයම විඳ ගත්තෙය.

අනෙක් කෑල්ලට මාට්ටුවී හිටපු උන්, පස්සෙ කාලෙක, තැන තැන හම්බ වන විට කිව්වේ. බලපන්කෝ බන්, අරුන් සෙට් එක සද්ද නැතිව රට ගියා මදිවාට, අපේ සල්ලිත් අරගෙන ගියානේ කියාය. බැලින්නම්.. වී ඇත්තේ පට්ට සීන් එකක්ය. අපේ එකාද ඇතුලුව, මුන් සෙට් එකම, ඔට්ටේලියාවට ගොහින් ඇත්තේ ගේත් විකුණලාය. සියළු ගණුදෙනු කර ඇත්තේ බෝඩින් කාරයෝ නැති වෙලාවටය.

බෝඩින් කාරයෝ ටිකට තරු පෙනුනේ, ගේ, අලුතෙන් ගත්ත එකා, පොලීසියත් එක්ක ඇවිත් උන් ටික එලියට ඇදලා දාන වෙලාවේය. පෙරෙයිරා ආ...න්ටි, මුන් හැම එකාගෙන්ම ලක්ෂ ගනන් දෙන්නම් කාසි ඉල්ලාගෙන, සුමානෙකට බැංකොක් යනවා කියා, ගිහින් ඇත්තේ ඔට්ටේලියාවෙය.

වෙන්න බෑනලා උන් ඔක්කෝම ටික මාට්ටු වෙලා තිබුනේ, ආ...න්ටි, මේ බැංකොක් බිස්නස් එකත් කාළයක් කොරගෙන ගිය නිසාය. උන් එහෙම මාට්ටු උනාට. අපි නම් මාට්ටු උනේ නැතිය. ඒ අපේ තාත්තා නිසාය. අපේ තාත්තාගෙන කීයක් හරි ඉල්ලුවාම කියන්නේ, "සත පහක් අතේ නෑ....." කියාය. පෙරෙයිරා ආන්ටි මගෙනුත් ඉල්ලුව වෙලාවේ, මමත් ගැහුවේ ඔය මන්තරයමය.

මේ කතාවෙන් ගන්නට තිබෙනා ආදර්ශය නම්, වැල කෑවාට අවුලක් නැතිය. ඒත් වැඩිපුර වැල කන්න ගියොත් බඩේ අමාරු හැදෙනවාය. ඒ නිසා වැල කෑවාට පසු, ගම්මිරිස් ටිකක් කා, වැල කාපු බව අමතක කර දැමීමය. නැතිව පිස්සු හැදුන කපුටා වගේ, වැල ගෙඩියේ වහගෙන කන්න ගියොත්, අන්තීමේදී නවතින්න වෙන්නේ බඩ ගිහිල්ලාය. ඒ වගේම, ගැට පොලොස්, දෙල් ගෙඩි වගේ ලස්සනට තිබුනාට, රහ බලනකන්, පිට පොත්තේ ඔපේට වහ වැටෙන්නත් නරකයි කියාය. ඕනෑම දෙයක් ඕනාවට වඩා ඕනාම නැතිය.

ප: ලි:
මේ සින්දුව කියන කොල්ලෝ දෙන්නාගේ, සින්ගින්ග් ටැලන්ට් එක නම් පට්ටය, ඩාන්සින් නම් අවුල්ය, ඇක්ටින් නම්බර් වන්ය. වීඩියෝ එක සහ මිසිස් පෙරේරාද, දුවද එළකිරි‍ය. මියුසික් හා වයලින් පාර කනේ පිරිසිඳු කිතුල් පැණි වක්කරනවා වාගේය. 

ලව් එක බ්‍රේක් වෙලා, හොටු පෙරාගෙන, අඬ අඬා සින්දු කියන, පොන්න ගායකයන්ගේ ගීත අහලා, අමරදේව මාස්ටර්ලත් එපා වෙලා ඉන්න වෙලාවේ, අපිව හින්ගල සින්දු අහන්න පොළොඹවන මේ වගේ උන්ට මම නම් පට්ට ලයික්ය.