බොරැල්ලේ වාහන තද බදය - Traffic Jam in Borella

වර්ථමානයේ නිවාඩු දිනයක වූවද, බොරැල්ල හංදිය හා ඒ අවට ඇත්තේ, අති විශාල වාහන තදබදයකි, විශේෂයෙන් බේස්ලයින් පාරේ වාහන තදබදය, සමහර විට නුවර පාර දක්වාද, මීගමු පාර දක්වාද විහිදෙන අවස්ථාවන් එමට ඇත. මේ තදබදය වඩත් වැඩි වූයේ. අභිනවයෙන් ඉඳිකල "හවුස් ඔෆ් ෆැෂන්" ප්‍රදර්ශණාගාරය හේතුවෙනි. (එම ආයතනයද, වාහනයක් පහසුවෙන් ඇතුල් කිරීම සඳහා නිමවා නොමැත.)

දැන් අප කුමක් කළ යුතුද ? මේ ප්‍රදර්ශණාගාරව වසා දැමිය යුතුද ? නැතිනම් වර්ථමානයේ කරන්නාක් මෙන් සියළුම මාර්ග සඥාං පද්දති ක්‍රියා විරහිත කොට, මුළු රථවාහන පොලීසියම මේ වෙනුවෙන් යෙදවීමද? කිසිසේත් නැත. විශේෂයෙන් කොළඹ නගරයේ ධාවනය වන රථවාහන ප්‍රමාණය, සීඝ්‍රයෙන් වැඩි වෙමින් පවති. එහෙත් ඒ වෙනුවට, අළුතෙන් මහා මාර්ග ඉඳිවීමක් හෝ පුළුල් කිරීමක් බලාපොරොත්තු විය නොහැක.

වාහන තුල ගමන් ගන්නා අයට, මෙය නොදැනන කාරණයක් වූවද, ජාතික වශයෙන් ගත් කළ, මෙය ජාතික අපරාධයකි. වායූ දූෂණය හා පරිසර දූෂණය වැඩිවීමකි. කළ යුත්තේ කුමක්ද? කළ යුතු එකම විසඳුම අන්ත දෙකටම වාහන ධාවනය වන මාර්ග එක් අතකට වාහන ගමන් ගන්නා මාර්ග බවට පත් කිරීමයි.

ගාළු පාර හා කොළඹ 7 ප්‍රදේශය අද කිසිම තදබදයක් කින් තොරව වාහනය ධාවනය සිඳුවේ. මුලින්ම ජනතාව මේ නවීනත්වයට කොතරම් දොස් කීවේද? එය අපේ ප්‍රෞඩ ශිෂ්ඨාචාරයේ ඉතා අගනා අංගයක් බැවින්, මෙවන් විරෝධතා ගනන් නොගත යුතු තරම්.

කොළඹ නගරයේ මාර්ග විශාල සංඛ්‍යාවක්, එකිනෙකට සමාන්තරව පැවතියත්, පටු මාර්ගවල පවා, අන්ත දෙකටම වාහන ගමන් කරනා මාර්ග ලෙසයි පවතින්නේ. නමුත් මේ මාර්ග වාහන එක් අන්තයකට පමණක් ගමන් කරනා මාර්ග බවට පත් කිරීමෙන් ඉතා පහසුවෙන් මේ වාහන තද බදය සම්පූර්ණයෙන්ම නවතා දැමිය හැකියි.

උදාහරණයකට කොටා පාර හා කාසල් පාර, රාජගිරිය දක්වාම දිවෙන විශාල මාර්ග දෙකක්, නමුත් ඉතාම කනගාටුවට කරුණ නම්, මේ මාර්ගයන් දෙකම වාහන තදබදය උපරිමයෙන් පවතින මාර්ගයන් වීම. මේ මාර්ගයද ඇතුලුව කොළඹ මාර්ග තදබදය අහෝසි කිරීම සඳහා සිතියම්ද සහිතව ඉතා විස්තරාත්මක ළිපියක් මා කලින් ඉදිරිපත් කළා

ඉන් පසුව මරදාන හංදිය සහ ටෙක්නිකල් හංදියේ පමණක් රථ ධාවනය වෙනස් කොට තිබෙනවා. එහෙත් ටෙක්නිකල් හංදියේ සිට පංචිකාවත්ත දක්වාත්, පංචිකාවත්තේ සිට මරදාන පොලීසිය දක්වාත්, කාර්ය බහුල අවස්ථාවන්හී විශාල වාහන තදබදයක් පවතිනවා. නමුත් මා ඉදිරිපත් කළ යෝජීත සිතියම අනුව එසේ වාහන තදබදයක් කිසිසේත් ඇති වන්නේ නෑ.

එමනිසා නැවත වරක් එම අදාල සිතියම් හා බොරැල්ලේ වාහන තදබදය අහෝසි කීරීම සඳහා මා විසින් පිලියෙල කරනා ලද සිතියම් නැවත් ඉදිරිපත් කරනවා. මේ සඳහා මාගේ සේවය ඕනෑම අවස්ථාවක නොමිලේ ලබාදීමටත් මා පොරොන්දු වෙනවා.

ටෙක්නිකල් හංදිය හා පිටකොටුව ප්‍රදේශය.

• ටෙක්නිකල් හංදියේ සිට පැමිනෙන වාහන, ගුණසිංගපුර ප්‍රදේශයට, ගුණසිංහ පිලිරුව ඉදිරිපිටින් පැමිණීම නැවතිය යුතුය. තව සුළු දුරක් ඉදිරියට ගමන් කර කොටුව දුම් රිය ස්ථානය අසලින් හරවා ගත හැක. (මෙය සිඳුවී නොමැත.)
• නුවර පාර මීගමු පාර, අවිස්සාවේල්ල පාර හ බොරැල්ල පාරේ ගමන් කරන සියළුම වාහන, අශ්වාරෝහක පොලිසිය පසු කිරීමෙන් පසු උසාවිය දෙසට ඇති පාරෙන් ගමන් කොට, එතනින් ටෙක්නිකල් හංදිය දක්වා පැමිණ, පංචිකාවත්ත දෙසට ගමන් කල යුතුය.  (මෙය සිඳුවී නොමැත.)
• මරදාන දෙසින් ටෙක්නිකල හංදිය දක්වා පැමිණෙන වාහන, ටෙක්නිකල් හංදියේදි කෙලින් ගමන් කල නොහැක, වමට හෝ දකුණට හැරවිය යුතුය. (දැන් ධාවනය වන්නේ ඒ ආකාරයටය.)
• පංචිකාවත්ත දෙසින් හා මරදාන දෙසින් එන ලෝයර් නෝනා මහත්තුරුන්ට හා නඩුකාර හමුදුරුවරුන්ට හා වරියන්ට, පොඩි දුරක් පිටකොටුව දෙසට ගම්න් කිරීමට සිඳුවනවා ඇත. අශ්වාරෝහක පොලිසිය දක්වා ගමන් කර, උසාවිය පාරට පිවිසිය යුතුය. (මෙය සිඳුවී නොමැත.)

මේ ආකාරයට වාහන ගමන් කිරීමට සැලැස්වීම මගින් ඕල්කට් මාවත හා ගුණසිංහපුර ප්‍රදේශයේ ඇති වාහන තදබදය අහෝසි වනු ඇත.

පංචිකාවත්ත හංදිය

• ටෙක්නිකල් හංදිය දෙසින් පැමිණෙන බොරැල්ල පාරේ වාහන, දකුණට හරවා මරදාන දෙසට ගම කල හැක. (දැන් ධාවනය වන්නේ ඒ ආකාරයටය.)
• ටෙක්නිකල් හංදිය දෙසින් පැමිණෙන මීගමූ පාර, නුවර පාර හා අවිස්සාවේල්ල පාරේ වාහන් සුපුරුදු පරිදි වමට හරවා හෝ කෙලින්ම ගමන් කළ හැක. (දැන් ධාවනය වන්නේ ඒ ආකාරයටය.)
• ආමර් වීදිය දෙසින් පිටකොටුව දක්වා පැමිණෙන වාහන, පංචිකාවත්ත හංදියෙන් වමට හරවා මද දුරක් ගමන් කොට මාලිගාවත්ත මහල් නිවාස මැදින් හෝ  මාලිගාවත්ත පාරෙන් මරදානට පැමිණ එතනින් පිටකොටුවට ළඟවිය හැක. (දැනට ටෙක්නිකල් හංදියේ සිට පංචිකාවත්ත දක්වා සහ ටෙක්නිකල් හංදියේ සිට එල්පීන්ස්ටන් දක්වා ඇති තදබදය මෙමගින් අහෝසිවේ.)

මරදාන හංදිය

• පංචිකාවත්ත දෙසින් පැමිණෙන වාහන දකුණට හැරවීමෙන් පිටකොටුව දෙසටද, වමට හැරවීමෙන් කෙලින්ම වැලිකඩ ප්ලාසා දක්වා එක අතට ගමන් කල හැක. (දැන් ධාවනය වන්නේ ඒ ආකාරයටය.)
• මරදානෙන් ඩාර්ලි පාර දෙසට පිවිසිය නොහැකි අතර, ඩීන්ස් පාරේ ඇස් වාට්ටුව දක්වා ගමන් කල හැක. (මෙය සිඳුවී නොමැත.)
• ඩීන්ස් පාරට හැරෙන තැන සිට, ආනන්ද ව්ද්‍යාලය දක්වා පාරේ දෙපැත්තටම ගමන් කල හැක. (දුම් රිය මගින්ගේ පහසුව සඳහා.) (දැන් ධාවනය වන්නේ ඒ ආකාරයටය.)
• ඩී ආර් විජේවරධණ පාරේ එන වාහන ඩාර්ලි පරට, එසේ නැතිනම්, දකුණට හැරවිය නොහැකි අතර, මරදාන තෙක් පැමිණ දකුණුට හැරී ඩීන්ස් පාරේ ඇස් වාට්ටුව දක්වා ගමන් කල හැක. (මෙය සිඳුවී නොමැත.)
• ඩින්ස් පාර ඉබ්බංවල හංදියේ සිට ගාමිණි හෝල් දක්වා පිටකොටුව දෙසට එකතර ගමන් කරයි. (මෙය සිඳුවී නොමැත.)

මේ ආකාරයට වාහන ගමන් කිරීමට සැලැස්වීම මගින් මරදාන ප්‍රදේශයේ ඇති වාහන තදබදය අහෝසි වනු ඇත.

බොරැල්ල හංදිය 

• මින් පසු බොරැල්ල හංදියේ පැය ගනන් රැඳි සිටීමට සිඳු වන්නේ නැත.
• පුංචි බොරැල්ල දෙසින් පැමිණෙන වාහන, කිසිම බාදවකින් තොර දිගටම රාජගිරිය දෙසට ධාවනය වේ. එසේ නොමැතිනම්, සුපුරුදු පරිදි වමට හරවා දෙමටගොඩ දක්වා ගමන් කළ හැක.
• දෙමටගොඩ සිට පැමිණෙන වාහන් සියල්ල වමට හැරවිය යුතුය. ටික දුරක් රාජගිරිය පාරේ ගමන් කර, දකුණට හරවා, ටිකල් පාරේ ගමන් කර, දකුණට හැරවීමෙන්, සුපුරුදු ගමන් මගට පිවිසිය හැක.
• නාරාහේන්පිට සිට පැමිණ බොරැල්ල හරහා දෙමටගොඩ දක්වා ගමන් කල වාහන, කනත්ත හංදියෙන් කින්සි පාර දිගේ පැමිණ, වෝඩ් පෙදෙසට දකුණට හරවා, නැවත වමට බොරැල්ල හරස් පාරට හරවා, නැවත දකුණුට හරවා, බොරැල්ල දෙසට පැමිණ සුපුරුදු ගමන් මාර්ගයේ ගමන් කළ හැක.
• නාරාහේන්පිට සිට පැමිණ, කනත්ත අයිනෙන් දේවී බාලිකා දක්වා ගමන් කල වාහන, කනත්ත හංදියේ සිට, කින්සි පාරේ හොර්ටන් පෙදෙස දක්වා පැමිණ, දකුණට හරවා, අයි ඕ සී ඉන්ධන හල අසලින් වමට හරවා ගමන් කිරීමෙන් සුපුරුදු ගමන් මග ගමන් ගත හැක.
• කෝට්ටේ හා රාජගිරිය පාරේ සිට කොළඹ දෙසට පැමිණෙන වාහන, කාසල් මාවතේ බොරැල්ලේ අයි ඕ සී ඉන්ධන හල අසලින් (ප්‍රයිම් ලැන්ඩ්ස්) වමට හරවා කනත්ත හංදිය දක්වා ගමන් කර, දකුණට හරවා කින්සි පාරේ ගමන් කර, වෝඩ් පෙදෙසින් තනි අතට පුරහල (ටවුන් හෝල්) දෙසට හෝ කෙලින්ම කින්සි පාරේ ගමන් කල හැක.
• එම පාරේ කොටුව හා පිටකොටව දක්වා පැමිණෙන බස් රථ, ඉහත් සඳහන් කළ පරිදි, කින්සි පාරේ ගමන් කර, මහ ඉස්පිරිතාලය අසලින් පුංචි බොරැල්ල දෙසට හරවා,  බොරැල්ල පාරේ මරදාන පොලීසිය දක්වා පැමිණ, ඩීන්ස් පාර ඔස්සේ පැමිණ, ගිනි නිවීමෙ මූලස්ථානය පාරට හරවා, ඒ පාරේ පැමින, ඩාර්ලි පාරට හරවා මරදානට පැමිණ සුපුරුදු ගම්න් මගේ ගමන් කල හැක.
• හොර්ටන් පෙදෙසෙන් එක අතට බොරැල්ල දක්වා ගමන් ගන්නා වාහන, කින්සි පාරේදි වමට හරවා, වෝඩ් පෙදෙසින් දකුණට හරවා, බොරැල්ල හරස් පාර හරහා ගොස් සුපුරුදු ගමන් මග ගමන් කල හැක.

කනත්ත හංදිය 

• නාරාහේන්පිට සිට පැමිණ බොරැල්ල හරහා දෙමටගොඩ දක්වා ගමන් කල වාහන, කනත්ත හංදියෙන් කින්සි පාර දිගේ පැමිණ, වෝඩ් පෙදෙසට දකුණට හරවා, නැවත වමට බොරැල්ල හරස් පාරට හරවා, නැවත දකුණුට හරවා, බොරැල්ල දෙසට පැමිණ සුපුරුදු ගමන් මාර්ගයේ ගමන් කළ හැක.
• නාරාහේන්පිට සිට පැමිණ, කනත්ත අයිනෙන් දේවී බාලිකා දක්වා ගමන් කල වාහන, කනත්ත හංදියේ සිට, කින්සි පාරේ හොර්ටන් පෙදෙස දක්වා පැමිණ, දකුණට හරවා, අයි ඕ සී ඉන්ධන හල අසලින් වමට හරවා ගමන් කිරීමෙන් සුපුරුදු ගමන් මග ගමන් ගත හැක.

පසුව ලියමි

කොටුව දුම්රිය ස්ථානයේ ඉදිරිපස සිට, සෙරමික් හංදිය දෙසට ගමන් කිරීමේදි, පරන රථවාහන පොලීසිය අසල ඇති මගී පාළම. ළෝක වෙළඳ පල පසු කරවිත් ටෙලිකොම් දෙසට පාර මාරුවන ස්ථානයේ සවි කිරීමෙන්. එම ස්ථානයේ ඇති වන වාහන තදබදය ඉතා පහසුවෙන් ඉවත් කල හැක. (දිවංගත ශ්‍රීමත් රණසිංහ ප්‍රේමදාස උතුමානන් විසින් සාදන ලද මේ පාළමේ, අද බල්ලෙක් වත් ගමන් කරන්නේ නැත.. (අයියෝ සල්ලි..))

එමෙන්ම ආන්ඩු පක්ෂයේ හෝ විපක්ෂයේ කිසිම විරෝධතා රැලියක්, පිටකොටුව ප්‍රදේශයේ හෝ ඒ කොළඹ අවට කිසිම මාර්ගයක වාහන ගමනා ගමනයට බාධා වන අයුරින් පැවත්වීම. වහාම නවතා දැමිය යුතුය. මෙය මහා කාළකන්නි සිඳුවීමකි.