ජල විදුලි බලාගාර - Hydro Power Plants

 
අද උදෑසනම දුරකථනය නාද වන්නට විය. ඉතා දිගු සංචාරයක් නිමා කොට සුවබර නින්දක් බලා පොරොත්තුවෙන් නිදාගැනීමට ගිය බැවින්, දුරකථනය නාද වීම මා බොහෝ සෙයින් ආවේගශිලී වූ කාරනයක්ම විය. එසේ වුවද මා වැනි දැන උගත් පුදගලයකුගෙන උපදෙස් බලාපොරොත්තුව බොහෝ මැති ඇමතිවරුන් පවා මා අමතන හේතුවෙන්, කේන්තිය යටපත් කොට ගෙන, දුරක්ථනය දෙස දෑස යොමු කලෙමි. එය නම සඳහන් නොවූ අළුත්ම දුරකථන අංකයක් වීම හේතුවෙන්. කොල පැහැති බොත්තම ඔබා, ආයුබෝවන් කීවෙමි.

සුබ උදෑසනක් මාතලන්..

කටහඬ හොඳින්ම අහඳුනා ගත්තෙමි. මේ අප වැනි ජනමාධ්‍යවේදීන්ගේ මිතුරා... අප මහරජානෝය..

සුබ උදෑසනක් ජනාධිපති තුමා.. මොකෑ මේ උදේ පාන්දරම..

මාතලන් මම කතා කරපු බවක් කාටවත්ම කියන්න එපා හොඳෙයි.. බලනවකො අයිසේ.. මාර අප්සෙට් එකක් නේ වෙලා තියෙන්නේ..

ඒ මොකෝ සෑර් ඒ..?

ඊයේ... පවර් ප්ලාන්ට් හයක්ම එක පාර වැඩ කරන්නේ නැතිව ගිහිල්ලනේ.. හීතා ගන්නත් අමාරුයි.. නැතෙයි..?

ඔබ තුමා හොඳ වෙලාවට කතා කලේ.. ඕක අර ලාල් කාන්තයගෙයි, වසන්තයගෙයි වැඩක් වෙන්න බැරිද..? ඊයේ කෝච්චි දොළහකුත් නවත්තලා තිබුනා.. ඉස්පිටිතාලවලත්, කොකු අදිනවා.. ඔබ තුමාට, මේ ගැන බුද්දි අන්සවලින් හෙම කිව්වේ නැතෙයි..?

අනේ උගේ අම්මගේ බුද්ධි අන්සේ... බුද්දි අන්සේ නෙම්යි උන්.. මම කියන්නේ නෑ.. උන් දන්න රෙද්ද.. බලහන්කෝ බන්.. අර පාඨලියා විදුලි බලේ ගැන මෙළෝ දෙයක් දන්නේ නැති එකානේ..

ඒක ඇත්ත... එයැයි දන්නේ හින්ගලයගේ බලේ විතරනේ..

ඉතින් මම ඌව එලවලා දාලා, ගිගාවොට් 33,000 කටත් වඩා පවර්පුල් පවිත්‍රව ඔතෙන්ට දැම්මනේ..

ඔව් ඔව්... පවර් ප්ලාන්ට් ඔක්කෝමවල කැපෑසිටි එකට වඩා පවර්පුල්, එයයිගේ පවර් එක.. ආයේ නෑ කටෙන්ම දෙයි මෙගා වොට් 10.000 ක් උනත්, ආයේ රෙදි ගැලවිලා... අලුවෙලා... චොරවෙලා යන්න..

 ඒ උනාට අයිසේ.. මට පේන්නේ මාෆියා එක, ඒකිවත් අන්දලා වගේ..

වෙන්න බෑ සෑර්.., චීන්නු බලාගාර හැදුවට, ඉතාලියේ උන් තාම මෙහේ පවර් ප්ලාන්ට් පටන් අරගෙන නෑනේ. ඉතින් කොහෙද මාෆියාවක්.

ඒ මාෆියා නෙමෙයි බන්...., විදුලි බලේ.... මාෆියාව...., ඔය පාඨලියටත් බැරි උනානේ, උන්ට ගේමක් දෙන්න. 

ඉතින් සෑර්.... ඕකත් යුද්ධ මල්ලිටම දීලා දැම්ම නම් ඉවරයිනේ..... ඉඳගෙන..

හැම එකම එයාට දීලා බෑ නේ බං.. මේ හාල්පරුවන්ටත් මක්කා හරි දෙන්න එපැයි.. නැත්නම් කනක් ඇහිලා ඉන්න කියලය..

ඒකත් ඇත්ත.. පට්ට සැට් එකනේ.. ආයේ කියලාම වැඩක් නෑ..
 
උඹේ අතුරු ප්‍රස්න නිසා කෝල් කරපු කාරනෙත් අමතක උනා.. ඒක නෙමෙයි බන්.. බලාපන්කෝ මේ ඉංජිනේරුවොයි, චීන්නුයි මෙච්චර කල් මාවත් අන්දලා වගෙයි මට පේන්නේ..

උන් විතරක් නෙමෙයි ඉතින් සැන්ට්‍රල් බෑන්ක් එකේ උනුත් කරන්නේ එකනේ..

ඇයි බන්.. මම හිතාගෙන උන්නේ, නොරොච්චෝලේ හැදුවේ ගල් අඟුරු බලාගාරයක්ය කියලනේ..

ඔව් ඉතින් ඒක කවුරුත් දන්නවනේ.. ගිනි කසයා වැගේ වැඩනේ ආයිබෝවන්ඩ.. තමිල්නාඩුවට ලයිට් දෙන්නෙත් ඕකෙන්නේ..

ඒක නේ.. බලහන්කෝ ඉතින්.. උන්ට ලයිට් නැති උනොත් හෙම. අනිවාර්යයෙන් ජිනීවා වලදි ගෙම අදිනවා.. ඒ අස්සේ ඩීසල් වලින් ලයිට් දෙනවයි කියපු, කැළණිතිස්සත් වතුර නැත්නම් අප්සට් යනවලු. එහෙම උනොත් හෙම බස්නාහිර දිනනවා බොරු..

හ්ම්... ඒක හරි.. ඉතින් සෑර් මම මොකද කරන්න ඕනෑ..?

උඹ ඉතින් ඕන දෙයක් දන්න එකා නේ..... පොඩ්ඩක් හොයලා බලහන්.... මුන් කියන්නේ ඇත්තද බොරුද කියලා.. මොකෝ.. මම ඕක අහන්න ගියොත්.. මාත් අර පවිත්‍රා පච උනා වගේම පච වෙලා යනවා.... හරිය....

හරි සෑර්..... මම හොයලා බලලා කෝල් එකක් දෙන්නම්..ඔබ තුමාට ට්‍රිපල් ජෙම් එකේම සරනයි..!!!!

ජනාධිපති තුමාගේ කේස් එකක් නිසා, වහාම බලාගාර දෙකටම ගොඩවී, මේ ගැන වාර්ථාවක් ජනාධිපති තුමාට හැරෙන තැපෑලෙන්ම වාර්ථා කරන ලදි..

එහිදි.. විදුලි බල ඉන්ජිනේරු විජ්ජාව පිළිබඳ විසේසක්නයෙක් වන මා විසින් සොයා ගත් කරුණු අනුව,

නොරොච්චෝලේ "කරච්චලේ" ජල විදුලි බලාගාරය -

නොරොච්චෝලේ බලාගාරය ඉඳි කොට ඇත්තේ, ඉතා ශුෂ්ක කළාපයකය. මේ ප්‍රදේශයට වැසි ලැබෙනුයේ ඉතා කළාතුරකිනි. ගල් අඟුරු වහා ගිනි ඇවිලෙන සුළු ද්‍රව්‍යයක් වන අතර, එය විදුලි ජනනය සඳහා කිසිසේත්ම සුදුසු නොවේ. වැසි නොලැබුනු කල, ඒවායේ ක්‍රියා කාරීත්වය තවත් දැඩි වන අතර, ඒ හේතුවෙන් ටර්බයිනයන්ට සිඳුවිය හැකි හානීන් හී ප්‍රමානය ඉතා ඉහල අගයක් ගනී.

එම නිසා එම බලාගාරය, වටවල හෝ, පොලොන්නරුවේ පරාක්‍රම සමුද්‍රය යට හෝ ප්‍රති ඉස්තාපනය කල යුතුය.  පරාක්‍රම සමුද්‍රය යට ඉඳිකිරීම මගින්, අතීතයේ පවා, "හොට් වෝටර් ස්විමින් පූල්" තිබූ බව විදේසිකයන්ට පෙන්වා, විදෙසිකයන් ෆූල් කොට, තවත් අමතර මුදලක්, සන්චාරක සේස්ත්‍රයෙන් ලබා ගත හැක.

ඔරුගොඩවත්තේ "කැළණිතිස්ස" ජල විදුලි බලාගාරය -

කැළණිතිස්ස බලාගාරය දුවන්නේ ඩීසල් වලින් නොවනා අතර, එහි ටර්බයිනයන් ක්‍රියා කරණුයේ කැළණි ගඟේ ජලයෙනි. මෙම කාරණය ජනතාවගෙන් වසන් කොට ඇත්තේ, එම ගඟේ ජලය පානීය ජලය ලෙස කොළඹ ජනතාවට ලබා දෙන බැවිනි. එම නිසා එම පානිය තව දුරටත් පවත්වා ගෙන යා යුතු බැවින්, ඉන්ජිනේරුවන් විසින්, මෙය ඩීසල් බලාගාරයක් යැයි විහිළුවට පවසා ඇත. කඳුකරයට වැසි ලැබීම අඩු වූ කල, කැළණි ගඟේ ජල මට්ටම සීග්‍රයෙන් අඩුවන බව, විජ්ජාක්නයින් විසින් නාගලගම් හන්දියේදි සොයාගෙන ඇත.

එම නිසා කල යුතු වන්නේ. කොළඹට ජල සැපයුම සීම කොට. ලබුගම ජලාසයෙන් හැකි තාක් කැළණිතිස්ස විදුලි බලාගාරයට ජල සැපයුම නොනවත්වා ලබා දීමයි..

එමෙන්ම එම බලාගාරය අධීක්ෂණය, කැළණිය ප්‍රදේශය බාර. ගරු ආචාර්ය මර්වින් සිල්වා වැනි උගත් බුද්ධිමත් නයකත්වයක් වෙත පැවරිමෙන්, එහි පවතින විවිධාකාර මාෆියාවන්හී ක්‍රියාකාරීත්වය අඩ පන කළ හැකි බවටද යෝජනා කරමි.

මේ වාර්ථා හෙතුවෙන් කොළඹ ජනතාවට විදුලි බලය අකන්ඩව ලැබීමට වරම් ලැබෙනා අතර, ජල සැපයුමේ අඩු පාඩුවක් වුවහොත, දිනේස් ඇමතිතුමාගේ මැනීය ඇමතිම බලවත් වරදක් වන අතර, මාතලන්ගේ මව ඇම්තීමද සුදුසු දෙයක් නොවේ. එබැවින් කරුණාකර. විදුලිය නිවා දමා අඳුරේම කාළය ගත කරන මෙන් කාරුණිකව ඉල්ලා සිටිමි.

ජලයද.....? විදුලියද.....?

කොළඹ ජනතාවනි.. තීරණය ඔබ සතුයි..

විශේෂ අවධානය පිණිස -

ඉන්දික උපශාන්ත හා විශ්ව රංගනාත් වැන්නන් විසින් මෙම වාර්ථා, කිසිම විජ්ජාත්මක පදනම නොමැති, විසය බද්දානුකූල නොවන කරුණු අනුව පදනම් වූ වාර්ථාවන් බවට තර්කයන් ගොඩ නැගිය හැකි බැවින්. ඒ පිළිබඳව ඔබේ විශේස අවධානය යොමු කරනා මෙන් කාරුණිකව ඉල්ලා සිටිමි.