කුළු නැටුම්, වැදි නැටුම් හා අන්නෝන්න සුහඳතාවයද මොකක්ද එක - Winnowing Fan Dance, Kiri Koraha & Mutual Understanding

මා හිතමිත්‍ර W3Lanka - අජිත් පැරකුම් සහෝදරයා, මා වෙනුවෙන් බ්ලොග් ළිපියක් ළියා පළකිරීම ගැන මාගේ ප්‍රණාමය ඔහුට මුලින්ම පිරිනැමිය යුතුව ඇත. ඔහු ඒ ළිපිය ළියා ඇත්තේ කීප දිනක් "විවේකයෙන්" ගත කොට නිවෙසට පැමිණ, (මන්ද විප්ලව කාරයෝ නැකත් වලට කිරිබත් උයා අවුරුදු කන්නේ නැත.) කොම්පියුටරේ ඔන් කරපු ගමන්, එයාගේ පෝස්ටුවේ තිබු සංවාසය දැක, ඔහු මවිතයටත්, වික්ෂිප්තභාවයත් පත්වීමෙන් පසුය. ඔහු සඳහන් කරන්නේ, එම බ්ලොග් පෝස්ටුවට ප්‍රස්තුත වූ කාරණය පිළිබඳ මා සඳහන් කල, "ඉතා සුළු" කරුණ ආඩපාලි කීමක් ලෙසිනි.

මා සඳහන් කළේ, "රවීගේ පෝස්ටුවෙන්" මතු වූ ඒ කරුණ ගැන, සුළු සඳහන් කිරීමක් කළේ නම්, එය අගය කළ යුතු දෙයක් කියා පමණි. රවීගේ එම පෝස්ටුව කියවා, "පැරාගේ පෝස්ටුව" කියවනා ඕනෑම කෙනෙකුට, එය ඉතා පහසුවෙන් වටහා ගත හැක. පැරා කියන්නේ, ඔහු රවීගේ බ්ලොග් අඩවිය එතරම් කියවන එකක් නොවේ කියායි. ඒ කියන්නේ ඉඳ හිට හෝ එය කියවන බවකි.

කෙසේ වෙතත්, මාතලන්ට උපහාර පිණිස ළියා පලකල පෝස්ටුවේ, රවීගේ බ්ලොග අඩවියේ එම ළිපියට ලින්කුවක්, දැන් හෝ දමා තිබීම ඉතා අගය කල කරුනකි. මාතලන් වෙනුවෙන් පෝස්ටුවක්ම ලියූවත්, මාතලන් වෙනුවෙන් එකදු හෝ ලින්කුවක් දමා නොතිබීම නම්, ඉතා කනගාටුවට කරුණකි.  පැරාට හෝ පැරාගේ බ්ලොග් අඩවියේම එල්ලි සිටින, ඇනෝටඇනෝලාට  මල පනින්නේ මම රවීගේ පෝස්ට් එක පිළිබඳ ලින්කුව එල්ලීමෙන් පසුය.

එය සාමාන්‍යයෙන් බ්ලොග් ළෝකයේ සිඳුවන දෙයකි. එසේ එල්ලිමෙන් රහස එළියට පැනීමෙන් මලේ හොඳම එක පනිනා පැරා හෝ පැරා ලවින්ග් ඇනෝලාගේ මලේ හොඳම එක මළ පහ පිටවන තරමටම පනින්නේය. එසේ එල්ලීම, මල පැන්න පැරා හෝ පැරාගෙ ෆෑන්ලා පෙන්වන්නේ "කුහකත්වයක්" හා "අමන කමක්" ලෙසිනි.

ඉන් පසු ඔය සංවාදය පොඩියක් ඇදී ගොස්, අවසානයේ "අපි වෙනුවෙන් අපි" ලෙසින් නැවති යයි. එහෙත් ඉන්පසු මා හට උපහාර වෙනුවෙන් දමනා පෝස්ටුව, කොන්දක් නැති ඇනෝවරුනට මගුල් ගෙයක් වී ඇත. පරණ එරියස් සියල්ලම එහිදි කවර් කර ගෙන ඇත. මට නම් ඕවා මතකයේවත් තිබුනේ නැත. මා බ්ලොග් ලිවීමට පටන් ගත්තේ මගේ ආතල් එක වෙනුවෙනි.

පැරා මෙන්, දේශපාළණ පරමාර්ථයක් මාතලන්ට ඇත්තේ නැත. අපට මේ ආන්ඩුව ගැනද විවේච්නයන් ඇති මුත්, කළු ගලේ ඔළුව ගසා ගැනීමේ මෝඩ කමක් මාතලන්ට නැත. සීමාවන්ට යටත්ව, විවේච්නය එල්ල කල යුතු තැන, විවේචනය ඉදිරිපත් කිරීමටද මාතලන්ට අවුලක් නැත. එවන් අවස්ථා පැරාගේ පෝස්ට් තුලින්ම ඕනෑම කෙනෙකුට දැක බලා ගැනීමටද පුළුවන. එහෙත් මෙහි තිබෙනා නිදහසට මම ඉතා ගරු කරමි.

මා ලියන සියල්ල නිවැරදි විය නොහැක. එවා වෙනත් කෙනෙකුට ගොන් තකතීරූ අදහස් ලෙස පෙනීමට පුළුවන. එහෙත් මගේ මතය වෙනුවෙන් මා පෙනි සිටීමි. කොමෙන්ටු දමන්නේත් එසේය. කිව යුත්ත කෙලින්ම කියමි. පැරා මෙන් මටද කිව යුතුව ඇත්තේ, මාතලන්ද කිසිම දිනක ඇනෝ කොමෙන්ටුවක් හෝ දමා නැති බවය.

පෞදගලික මඩ ගැසීම් වලට මා අකමැතිය. එම නිසා මගේ බ්ලොග් අඩවියේ කිසියම් තුන් වන පාර්ෂවයකට අපහාස කොට ඇත්නම්, එය දුටු විගස ඉවත් කර දමමි. එසේ ඉවත් කළ කොමෙන්ටු බොහෝය. ඇනෝ මතයන්ට ඉඩක් තිබිය යුතුය. එහෙත් ඇනෝ වරුන් ලෙසින් පැමිණ, මඩ ගසන්නේ එකට කාපු බීපූ එකාය. උන්ට කොන්දක් නැති වීම, බෙහෙවින්ම කනගාටුදායක කරුණකි.

(මාතලන්ගෙ පෞද්ගලිකත්වයට ප්‍රහාර එල්ල කර කොමෙන්ට්ස් නොගලවන බ්ලොග් කරුවන් වෙත එල්ල වන පෞද්ගලික විවේච්න මාතලන් ඉවත් කරන්නේ නැත.)

"බ්ලොග්කරුවකුට බ්ලොග් මාධ්‍ය වෙනුවෙන් කළ හැකි හොඳ ම මෙහෙය වන්නේ බ්ලොග් අවකාශයේ විවිධත්වය පුළුල් කිරීම යයි මම සිතමි. බ්ලොග්කරුවන් අතර අන්‍යොන්‍ය සුහදත්වය ද හොඳ දෙයකි. එහෙත්, ඒ වනාහි එකිනෙකාගේ පිට කසා ගැනීමට නොව, බ්ලොග් අවකාශ‍යේ යහපැවැත්ම සඳහා ය. -  අජිත් පැරකුම් ජයසිංහ - W3Lanak"

මේ කියමන සමග මාතලන් 100% එකඟය. පිට කසා ගැනීම ගැන කරනා සඳහන සමග 200% එකඟය. මාතලන්ට මඩ පහරවල් එල්ල වනුයේ, ඔය පිට කසා ගැනීමට නොයනා හේතුව නිසාය. නමුත් කිසියම් දෙයකට ප්‍රස්තුත වූ කරුණ හෝ සාඛඡ්චාව පිළිබඳ ලින්කුවක් දැමීම නම්, පිට කසා ගැනීමක් නොව, අර සඳහන් කරනා අන්නෝන්‍ය සුහඳතාවයද මොකක්ද එක මිස, වෙන කිසිවක්ම නොවේ. එය පැරා වැනි ප්‍රවීණයකුගේ නිහතමානි කම ප්‍රදර්ශණය කිරීමක්ම පමණි.

මේ මලදානයන් සංවාදයන් සංවාසයන්, කකා සඳහන් කරනා පරිදි, ඉදිරියටත් විය යුතුමය. නමුත් ඒවා පෞදගලික ජීවීතයට ඇඳා ගත යුතුව නැත. ඒදා ප්‍රභාකරන්ගේ පොඩි එකා වෙනුවෙන්, මාතලන්ද මරා දැමීමට ඉදිරිපත් වූ "ඇල්කේමියා" අද මගේ බොක්කකි. එහෙත් අප මතයන්ගේද කිසිඳු වෙනසක් ඇත්තේත් නැත. සිඳු විය යුත්තේ එයයි.

ඒ නිසා මේ මස 20 වන දින පැවැත්වෙන, සයිබර් සැනකෙළියට පැමිණ, බ්ලොග් කරුවන් හා අන්නෝන්‍ය සම්බන්ධතාවය තවත් වැඩි කර ගන්නා ලෙසට. පැරාට හා පැරාගේ සෙවනැළි මෙන් සිටිනා, ඇනෝවරුන්ට සුහඳ ආරාධනාවක් කිරීමට මේ අවස්ථාව යොදා ගනිමි.

පැරා මා වෙනුවෙන් උපහාර ගීතයක්ද පිරිනමා ඇත. මේ මාතලන්, පැරාට උපහාර පිණිස ඉදිරිපත් කරනා ගීතයයි.

ප: ලි:

මෙය උපුටා දක්වන ලෙස ලියා එවූ ඇනෝට බොහොම ස්තූතියි. පහත පළවන්නේ පැරාගේ සෑම පෝස්ටුවකට පහලින්ම ලියා දක්වන වැකියයි. බලේ හොඳම එක පැන මා ලියු කුඩා කාරණය වෙනුවෙන් පෝස්ටුවක් ලියන්නේ මෙසේ කියන පැරාම වීම සිනහවටම කරුණක් පමණි. 

"ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න 

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. Read in English blog.parakum.com"