මෝදී, මහින්ද හා තර්ටීන් ප්ලස් (13+) - Modi meets MR

ඇට්ටි හැලෙන මැජෝරටි එකකින් දිනපු නිසා, දිවුරුම් දීමේ උතසවේට එන්න කියලා, හිතවත් එකාටයි, විරුද්ධ එකාටයි, ඔක්කෝටම කෝල කරපු මෝදී, ජයලලිතාටත් කෝල් කලේය. ලලිතා මම මේ මෝදි කතා කරන්නේ කියා කිව්වාම, ලලිතා කිව්වේ, මොකක්ද අනේ ඔයා කල කැත වැඩේ, අපි ඔයාට අගේන්ස්ට් තමයි, ඒත් ඉතින් එහෙම කියලා මහින්දට ඉන්විටේෂන් දෙන එක වැරදියි නේ කියාය.

ඒක එයාට කරපු ඉස්පෙෂල් එකක් නෙමෙයි මෙයා, සාක් එකේ ඔක්කෝටම ඉන්වයිට් කරන එකේ, එයාව කපලා දාන එක හරි නෑ නේ මෙයා, ඒ නිසා ඒවා ගනන් ගන්න එපා, ඔයා එන්න මෙයා කිව්වත්, ලලිතා කිව්වේ එහෙම කරන්න බෑ මෙයා. මොකෝ මම විගාටත් යන්න එපා කියපු එකේ, මම ආවොත් එහෙම විගාලටයි, සම්පන්තන්ලටයි, තල මල පිපෙන්න පුළුවන් නිසා මම මෙහේම ඉන්නම්. අනික, ඔහෙයි මායි දෙන්නම් තනිකඩයෝ එකේ, අන්තීමෙදි දේශපාලනේ පත්තක තියලා, දෙන්නත් එක්ක සෝ එකක් කරන්න හිතුනොත් හෙම, ඔක්කොම විනාසයි කියාය.

ඇයි අර වයිකොගෙන් අහලා බැලුවේ නැද්ද, එයානේ ඔයාලගෙ පොර, අනික ඉතින් කොයි වෙලාවෙත් ගේමෙම නේ ඉන්නේ කියු ජයලලිතාට මෝදි කිව්වේ, ඒ යකා මගේ එකා උනාට ඌට ඇපත් නෑ නේ. ඌ උත්සවේට ගෙනාවොත් මාත් නෝන්ඩි වෙන නිසා, මම ඌට කිව්වා ජන්තර් මන්තර් පැත්තේ කළු කොඩියක් උස්සගෙන  පොඩි සද්දයක් දාන්නෙයි කියලා, නැත්නම් ඉතින් ඕකට නින්ද යන්නේ නෑ නේ. ඔහේට පුළුවන් නම්, ඔන්න ඕකට ඔය ගූ මෝලක හරි, සභාපතිකමක් දෙන්න නෝනේ කියලාය.

උත්සවේට ගිය අපේ ජනාධිපති තුමා, මෝදිටත් ඉහලින් පිලිගත්තේ, පාදුක්කේ පොල ඕපන් කරන්න ගියා වගේමය. ඒ ත්‍රිල් එකට, වවුලා සැලූට් එකක් ගහන්න හිතුනත්, ඉනටර්නැෂනල් කේස් එකක් නිසා, අත් දෙක එකතු කරලා, නමස්තේ කියා බේරෙන්න හිතුවත්, බවලත් කස්ටිය ඇවිත් අතට අත දෙන කොට ලොක්කා හිතුවේ, මේ යක්කු නිසා ගෙදර ගිහින් මට බේරිල්ලක් නැති වෙනවා නේද යකෝ කියාය.

මනමෝහනයා ළඟ නතර උන ජනාධිපති තුමා, පොරගෙන් ඇහුවේ, මාර පරිප්පුවක් නේද කෑවේ කියාය. ඒකට හාම් හූම් කිව්වේ නැති මන මෝහන ඇහුවේ, කෝ ඔයාගේ බෝලේ කියාය. බෝලේ ලන්කට් එක ඇතුලේ කියාපු ජනධිපති තුමාට, මන මෝහන කිව්වේ, ඒ බෝලේ නෙමෙයි රත්තරන් බෝලේ කියලාය. ඒක ගෙනාවනම් එහෙම, මෝදි ඕකට ගේම දෙන එක බුදු ෂුවර් නිසා, මම ඒක ගෙනාවේ නෑ කියපු ජනාධිපති තුමා, මන මෝහනට කිව්වේ, දැන් ඉතින් රාහුල්ගේ බෝල මිරිකලා හරියන්නේ නැති නිසා, මේනකා එක්කවත් සෑට් උනොත් නරකද කියාය.

නාකී, ඇවිද ගන්නවත් බැරි, මේකප් අවුට් ගියපු, "ෂ්‍රේක්" වගේ උන්, ඇමතිකම් වල දිවුරුම් දෙන කොට, හිනා වෙවී බලාගෙන හිටපු ජනාධිපති තුමා හිතුවේ, අර, දී මූවා මේක බැලුවොත් හෙම, මෝදි ගේ අම්මගේ වයස ඇවිල්ලත්, පොරව ආයේ ගම්පොල පැත්තේ ස්ථිර පදිංචියට යවන්න වෙන්නෙ නෑ නේද යකෝ කියලාය. මොනවා උනත් තුල්සිට ඇමටි කමක් දෙන වෙලාවේ නම්, ලොක්කාට හිතුනේ මාලනීට ඇමතිකමකි නොදුන්න එක වස වැරද්දක් නේද යකෝ කියලාය.

ලඟ හිටපු අද්වානී අප්සට් මූඩ් එකේ ඉන්නවා දැක්කම, දුක හිතුන ජනාධිපති තුමා, කැත වැඩේ නේද මෝදි කලේ, අඩු ගානේ පොඩි ඇමතිකමක් වත් දෙන්න තිබුනා නේද කියා ඇහුවාම, අද්වානී කිව්වේ, බන්ඩාරනායකලා වෙලත්, චන්ද්‍රිකාට කෙල උන එකේ, මම මොකෙක්ද කියාය. එහෙම නෙමෙයි, වයස 75 පැනපු අයට, අපේ රටේ නම් ජේෂ්ඨ ඇමති කම් දෙන නිසා, පොඩ්ඩක් ඒ ගැන දැණුවත් කලොත් නරකද කියපු ජනාධිපති තුමා කිව්වේ. කරුණලටත් ඇමති කම් දීපූ එකේ ඒ පැත්තේ එනවානම් ජේෂ්ඨ ඇමති සංසදයේ, ආතල් සීට් එකක් දෙන්නම් කියාය.

ඊළඟ දවසේ අපේ සැට් එකත් එක්ක මෝදි හම්බ වෙන ගිය ජනාධිපතු තුමා කිව්වේ, ඕන් තෑග්ගක් හැටියට, මම ඔහෙලගේ මාළු කාරයෝ ටික, ආයේ මෙහේට පැටෙව්වා කියාය. මාළු කාරයෝ නෙමෙයි, කුඩු කාරයෝ ටිකත් එව්වා කියාපු, ජී ඇල් දිහා රවා බැලූ ජනාධිපති තුමා කිව්වේ, අපේ උන් ගැනත් පොඩ්ඩක් සලකා බලන්නෙයි කියලාය. ඔහේලයි කුඩු කාරයෝ මෙහේ නෑ නේද කියා අහපු මෝදිට ජනධිපති තුමා කිව්වේ, නෑ නෑ කුඩු කාරයෝ නෙමෙයි මාළු කාරයෝ ටික කියලාය.

ලඩ්ඩුවක් ගිලින ගමන් මෝදී ඇහුවේ, දැන් උතුර කොහොමද කියාය. උතුර ඉතින් හැමදාම කූල් නේ ලොක්කා කියාපු ජනාධිපති තුමාට මෝදී කිව්වේ, නෑ මචං ළෝකේ උතුර නෙමෙයි, ඔහේගේ රටේ උතුර කියලාය. ආ ඒකත් දැන් එකසිය ගානට කූල්. බොරුනම් මේ තංගච්චිගෙන අහලා බලන්න කිව්වාම, යෝගේෂ්වරි කිව්වේ, අයියා ෂාමී යේක ඇවිල්ලම පලන්නකෝ, එහේ දැන් ෆුල් කූල් මෙයා කියලාය. කොච්චර කූල්ද කියනවානම්, රියෝ අයිස් කිරින් කන්න දැන් ළෝකේ හැම තැනින්ම එනවා කියලාය.

දැන් 13 ගැන එහෙම මොකද තත්වේ කියා ඇසූ මෝදිට, අපේ ජනාධිපති තුමා කිව්වේ අයියෝ දැන් දහ තුනේ කෑලිත් නෑ, දැන් නැගලා යන්නේ 18 නේ කියාය. ඒක නෙමෙයි ඔහේ කිව්වනේ තර්ටින් ප්ලස් දෙනවා කියලා කියාපු මෝදිට, අපේ ලොක්කා කිව්වේ, අපොයි එක ඉතින් මන මෝහන් සිංට දීලා ගොඩක් කල් නේ. ගෙදර යන කොට මතක ඇතුව අරගෙන ගියාද දන්නේ නෑ. දැන් ඕන නම් වෙන මක්කා හරි දෙන්නම් කියාය.

එහෙම නෙමෙයි, එහෙනම් තර්ටින් ප්ලස් ප්ලස් හරි දීලා, මේකට සොලියුෂන් එකක් ගෙන්න කියාපු මෝදිට, ලොක්කා කිව්වේ, ආපෝ ගේන්න ගේන්න. ඕන එකක් මම දෙනවා කියා........., (මගේ ඇඟෙන් යනවය කියලය, අනෙ තොගේ තර්ටින් පස්, ඔය පස් කවන්න ගිහින් තමයි, මන මෝහනයටයි, ගාන්ධිලටයි කෙලවුනෙත්, වරෙන්කෝ පස් කවන්න කියා), හිතින් හිතා ගත්ත ජනාධිපති තුමා, ලඩ්ඩු හතරක් පහක් එක පාර ඇරලා දැම්මේ, ඕන ලෙඩක් උනොත් ඒලියන්ත ඉන්නා නිසාය.

එලියට බැහැපු ගමන්, කොළඹට කෝල් එකක් ගත්ත ජනාධිපති තුමා, විමලේට කිව්වේ, මල්ලි ඔහේ පී බී ට ගහන ගමන්, එහෙන් මෙහෙන් මෝදීටත් දෙකක් තුනක් ඇදලා ඇරපන්, ඇරලා, කේලම ගිහින් මහ නායක සෙට් එකට කියපන් කියලාය.