පෙට්ටි, පිස්තෝල හා ක්‍රිකට් කතා (23+) - Stories about Boxes, Pistols & Cricket

ESPN Cricket

ඉස් ඉස්සෙල්ලාම්..., අපේ කිරිකැට් කන්ඩායමේ, සමාජිකයින්ගේ අම්මලාගෙන් සමාව ගත යුතුව ඇත. අන්තිම විකට් එක කඩා ගන්න බැරිව දඟළන දැඟලිල්ල දැකලා, මල පැනලා, මම මුන්ගේ අම්මාවරු මතක් කොට නින්දට ගියේය. ඒත් උදේ නැගිටින කොට මළ හත්තිලව්වක් වෙලාය. අපේ උන් අන්තීම බෝලෙට ඉස්සෙල්ලා බෝලෙදි මැච් ඒක දිණලාය.

ක්‍රිකට් කියන්නේ මහා අමුතු ගේමක්ය කියා කියන්නේ ඔය නිසාය. ඒත් ඉතින්, දෙකක් දාගෙන ආතල් එකේ ඉන්න වෙලාවට, ඕවා මතක් වෙන්නේ නැතිය. කොහොම හරි දිනන්නම ඕනාය. ඒ ඉතින් අපි වගේ පුරුතග්ජන උන්ගේ හැටිය.

ටුවර් එක පටන් ගන්නත් ඉස්සෙල්ලා ඉඳන් පටන් ගත්ත පඩත්තල කම්, අන්තීම දිනය දක්වාත් කලේය. පර වේස කොල්ලන්ට මතක හිටින පාඩමක් උගන්නලා ආපු එක ගැන, මට බොහෝම සතුටුය. පිළිතුරු දිය යුතු නියම ක්‍රමයට පිළිතුරු ලබා දීම ගැන තියෙන්නේ, පුදුමාකාර ආතල් එකක්මය.

ලියන්න උන්නේ කොස්සන්ට "සයිඩ් ආම්" දුන්න එක ගැනය. දැන් කොස්සෝ පිස්සෝ වගේ මැස්සන්ටත් කෙලලා අරිනවාය. බයික් නවත්තන්නෙත් සයිඩ් ආම් එකෙන්ය, පොඩි වලි නවත්තන්නෙත් සයිඩ් ආම් එකෙන්ය. වඳුරට දැලි පිහිය දුන්නා වගේය. අහුවෙන අහුවෙන අතේ පත්තු කරනවාය. සමහර විට මුන්ට ට්‍රේනින් එකක් නොදුන් නිසා, ට්‍රේන් වෙන්න තියනවා වෙන්නත් පුළුවන්ය.

ඒත් ඉතින් කරුමේ කියන්නේ, නානසාරලා එනකොට, මුන්ගේ "සයිඩ් ආම්" එකයි, "බොටම් ආම්" එකයි, දෙකම අක්‍රීය වෙන එකය. හැබයි ඉතින් හතර අතේ නෝන්ඩි නොවී, මරලා දාලා හරි, පොලිසියේ නම්බුව ආරස්සා කොර ගන්න එක, ජාතියක් වසයෙන් අපිට ඉතා ආඩම්බර වෙන්න පුළුවන් දෙයක්ය. කොහොම හරි මාතලන් මේ ගැන ලියන්න යන්නේ නැතිය. හේතුව විචාරක උන්නැහේ, අගනා ළිපියක් මේ ගැන ලියලා තියෙන නිසාය.

කැමති එකෙකුට ඒක මෙතනින් බලා ගන්න පුළුවන්ය. 

මේ අව් අස්සේ ජෝක් එකක් දැම්මේ නෑ කියලා ආඩපාලි කියන උනුත් ඉන්නවාය. ආන් එහෙම අයගේ චිත්තප්පිරිතිය උදෙසා පරණ ජෝක් එකක් ලියලා දානවාය. මේක මේ පෙට්ටි ගැන කතාවක්ය. පෙට්ටි කිව්වේ තැපැල් පෙට්ටිය. දැන් තැපෑල භාවිතා කිරීම මෙලෝ රහක් නැති වැඩක් නිසා. ඒකට දාලා ඉන්නෙත් මෙළෝ රහක් නැති ඇමති කෙනෙක්ය. ඒ යකා සිනමාවේ ඉන්න කොටත් එහෙමය මෙළෝම රජක් නැතිය.

දැන් නැති උනාට ඉස්සර කාළේ ඔය රතු පාට තැපැල් පෙට්ටියට අමතරව කොළ පාට පෙට්ටියකුත් ඒ ළඟම තිබුනේය. රතු පාට එක තිබුනේ ප්‍රදේශය තුලම ලියුම් වලටය, කොළ පාට එක තිබුනේ පිට පළාත් වලටය. සමහර් විට මම වැරදි නම් මේකේ අනික් පැත්ත වෙන්න ඕනාය. මේ ලියන්නේ එහෙම පෙට්ටි දෙකම තිබුන පැත්ත කතාවක්ය.

ඔය ළිඳ ළඟ සංගම් තියෙන කාළේ, ගෑණු උදවිය, එතන නානවට රෙදි හෝදනවට අමතරව, වං හුං කතා කොරන වැඩ, රොයිටර් සේවාව පවත්වාගෙන යාම වගේ වැඩ, ගිනි තියන වැඩ, කොටවන වැඩ අරවා මේවත් කරා. එවගේ ඒවට, පුරුෂ පක්සෙත් පුරුදු වෙයි කියලයි, ගෑණු උදවිය එතන ඉන්න වෙලාවට, එයාලා නොගියේ.

සමහර තැනවල, බිත්තියක් එහෙම බැඳලා වෙන්කරලා තිබුනේ, පිරිමි අයට ඔය ගෑණු උදවියගේ වල් පල් ඇහෙයි කියලා. ඕන් එහෙම තැනක තුන් දෙනෙක් කතාවලු, කතාව සැක්ස් කිරිල්ල ගැන. ඒ කියන්නේ මේ හැමිනිල්ල ගැන.

ඔයා දන්නවද..? මම අපේ වාහෙට, ආදරේට කියන්නේ "බුරුමයා" කියලා..

ඒ මොකෝ මෙයා ඒ.. ?

මාර විදිල්ලක් විදින්නේ මෙයා.. අනික ඒ වගේද කැරකිල්ල..?

මම නම් අපේ එක්කෙනාට කියන්නේ, "පතල් කාරයා" කියලා..

එයා මක්කෙයි කොරන්නේ..?

එයා දෙන අලවංගු පාරවල් හරි සෝයි අනේ...

මම නම් අපේ වාහෙට කියන්න "තැපෑලා" කියලා...

අර මොකෝ බන් ඒ..?

අර මොකෝයි කියන්නේ.., හැමදාම බඩු එන්න ගොඩක් පරක්කු වෙනවා, අනික ඒ වෙලාවෙනුත් භාගයක්, ලියුම දාන්නේ වැරදි පෙට්ටියටමයි.

පරිවර් තනේ කොට, අපේ එකක් කොට, ලියා පොරසිද්ද කළේ, මහාචාර්ය මාතලන් වන මා විසිනි.