මහින්දාගමනය - Arrival of Mahinda

තිස්ස... තිස්ස...

කව්ද ඩෝ.. මගේ නම කියලා කතාකරන්නේ...?

මම තිස්ස, මේ මම..

කව්ද මචං..?

හැංගිලා පිස්සු කෙලින්නේ නැතිව, එලියට ඇවිත් කතා කරහන්කෝ..

මම තිස්ස මම.... මම මේ මහින්ද..

අම්මට හුඩු... පිස්සු කෙලියි මැස්සො මැරෙයි, කිව්වලු.. කොහෙද ලොක්කා.... කෝ කෝ කොහේද? ඇයි කියන්නේ නැතිව ආවේ..? අඩු ගානේ ෆැක්ස් එකක්, ඇස් ඇම් ඇස් එකක් වත් ගහන්න එපාය.. කෝ කෝහේද ඔබ තුමා...?, සෝමාවතියේ පාර ඕපන් කරන්න යන ගමන් වෙන්න ඇති.....?

මොනවද තිස්ස මේ කියන්නේ..? මම මහින්ද.... මේ උඩ උඩ.... ගල උඩ.. පොඩ්ඩක් උඩ බලන්න තිස්ස..

හුටා... මේ අපේ මහින්ද හාමුදුරුවෝ නේ, මම හිතුවා අපේ ලොක්කා කියලා....

තිස්ස මේ කොහේද යන්නේ..?

මොනවටද හාමුදුරුවොන්ට බොරු කියන්නේ.. මම යනවා මේ... මුවෙක් එලා ගන්න..

එතකොට ඔය පිස්තෝලයක් අරගෙන....?

ආ... ඒක මේ සෙල්ලම් පිස්තෝලයක් හාමුදුරුවනේ.... ඒකෙන් සෙල්ලමට වෙඩි තිබ්බම, මුවා සෙල්ලමට මැරෙණවා.. ඊට පස්සෙ ඉතින් සෙල්ලම ඉවරයි. හලාල් ක්‍රමේට බෙල්ල කපලා මස් කරනවා.... මුව හම දෙනවා, බල්ලෝ නාවන්න ගෙනියන විරවංශට.... එයා ඉතින් අම්මාමෝ කිය කියා... මුව හමට පත බානවා දෙයි දෙයි කිය කියා...

ඉතින් තිස්ස..., මම කලින් ආපු එකෙන් වැඩක් වෙලා නෑ නේ.. ඔය මුවන් පස්සෙ ගිහින් උන් මරණ එක පව් වැඩක් නේ..

ඒක ඇත්ත...., දැන් ඉඳලා හිටලා තමයි, මුවෙක් මරන්නේ.. ඒ වෙනුවට බුද්ධාගම අදහන් උන්, හැම සතාම මරගෙන කනවා.. තාම බල්ලෝ විතරයි කන්නේ නැත්තේ.. හැබයි මිනිස්සු නම් කියන්නේ, ඔය ඉන්න පිස්සු බල්ලෝ ටිකටත් ගේමක්, ළඟදීම දෙයි කියලයි.. අනික ඉතින් ඔබ වහන්සෙගේ කට්ටිය උනත්, රෑට ගිලන් පස හෙම ගන්න කොට, බයිට් එකට වයිල්ඩ් බෝ කෑල්ලක් එහෙම වළඳන්න, කිසි අකමැත්තක් නෑ.. මොකෝ..., එයලගේ තුන් හිතකවත් මුවා මලේය චේතනාවක් නෑ නේ.. අනික ඒවා වළඳන වෙලාවට.. පිලිකුල් භාවනවා වඩන ගමන් තමයි වැඩේ දෙන්නේ..

තිස්ස මොකක්ද තිස්ස මේ ගහ.. ?

මේක නම් අඹ ගහක්.. ඕකෙත් ලීය හොඳයි.. ඒත් ඉතින් ඔබ වහන්සෙට නම්, මීට හොඳ එකක් දෙන්නම්. තාම ඔය ගස් ටිකක්, එහෙ මෙහේ ඉතිරු වෙලා තියෙනවා. ඉක්මනට කපා ගත්තේ නැත්තන්.. බඩු ඉවර වෙන්න පුළුවන්.. පන්සලේ ෆර්නිචර් වලට වෙන්නෑ...?තේක්ක, බුරුත, වගේම කළුවරත් තියෙනවා.. ඕනම නම් වල්ලපට්ට එකක් උනත් ගෙනත් දෙන්නම්, ඔබ වහන්සෙට කිව්වම, ෆොරස්ට් එකෙනුයි, පොලිසීයෙනුයි අවුලක් වෙන එකක් නෑ. අලි හිටන් දෙන්නේ පන්සල් වලට..

නෑ නෑ තිස්ස.. මේ ගස හැර වෙනත් ගස් තියෙනවද..?

(මේ යකාට සිංහළ තේරෙන්නේ නැද්ද...., එහෙම නැත්නම් කින්ඩියට අහනවද.....?) ඒක නේන්නම් හාමුදුරුවනේ කිව්වේ...., තියෙන බුලට් ගස් ගැන. ජනෙල් දොරවල් වලට නම්, කොස් උනත් හොඳයි..

එහෙම නෙමෙයි.... මේ අඹ ගස හැර වෙනත් අඹ ගස් තියෙනවද?

එහෙම අහන්න එපයි.. අපෝ ඕන තරම් තියෙනවා.. ඇත්තටම මේ කොහු අඹ, මේක එච්චර රහ නෑ.. දැන් නැගලම යන්නේ කර්තකොලොම්බු, ඒ ඇරුනම පොල් අඹ, ගිරා අඹ, බටු අඹ, වෙල්ලයි කොලොම්බන්, දම්පර, බෙටි අඹ, විලාඩ් විතරක් නෙමෙයි බට් අඹත් තියෙනවා..

හොඳම එක මොකක්ද තිස්ස..?

මේ දවස් වල නම් මාකට්, කර්තෙ තමයි. කොච්චරක් ගන්නද? ඇයි ඉන්දියාවේ බඩු නැද්ද?

කොහොමද තිස්ස බඩු හොඳද..?

මොනවා කතා කරනවද හාන්දුරුවනේ.. ඉදෙනකම් ගෙඩියක් කඩන්නේ නෑ. හැමදාම ගහට නැගලා බලනවා, ගෙඩියෙන් ගෙඩිය. ඉදිලනම් විතරයි කඩන්නේ. කඩන්නේ කූඩෙට...., බිම වැටුනද, කෙලින්ම විසි කරනවා.. ඊට පස්සේ හෝදනවා..

කාබයිට් වලින්..?

මොන පිස්සුද හාන්දුරුවනේ...? මිනරල් වෝටර් වලින්.., ඊට පස්සේ SLS පරික්ෂණාගාරෙට යවනවා.. එතනින් පාස් වෙන ඒවා, ISO 22000 ට යවනවා.. ඊට පස්සෙ තමයි දඹුල්ලෙන්, මැනිං මාකට් එකට යවන්නේ..

එතකොට ඒ අඹත් මේ ඇඹත් ඇර, තවත් අඹ තියෙනවද තිස්ස..?

අපෝ තියෙනවා.. ඒ ඉම්පෝඩට් එක.. ගැබයි ගාන වැඩියි..ඉතින් ඔඹ වහන්සේ මේ ආයෙත් වැඩියේ..?

නිකමට තිස්ස මම වැඩියේ.. මොකෝ ගොඩක් අය කිව්වා.. පොසොන් එකට අනුරාජපුරේ ගොහින් බලන්න එපාය...., බෞද්ධයන්ගේ ශ්‍රද්ධාව කියලා... ඒකයි ඉතින් මම මේ වැඩියේ.. දැන් මිහින්තලේට උඩින් වඩින්න ඕනත් නෑ නේ.. මිහින් එයාර එකෙන් මත්තලට ඇවිත්..., එතනින් ඩෝමෙස්ටික් එකේ එන්නේ පුළුවන්නේ...?

ඔව් ඔව්.... එහෙම වැඩියට අවුලක් නෑ.. ඒත් ඉති සද්ද බද්ධ නැතුව ඉන්න තරමට හොඳයි..

ඒ මොකෝ තිස්ස ඒ..?

ඉන්දියාවේ උන්, දැන් අපේ උන්ට පේන්න බෑ.. මෝඩි එන්න කියලා.. පැනලා ගිහින්.. දැන් ඉල්ලගෙන කාළා ඇවිල්ලා ඉන්නේ.. හොඳ වෙලාවට ඔබ වහන්සෙ මිහින් එකේ වැඩ්ඩේ.. ඔය ජෙයලලිතගේ බෝට්ටු, නිකන් ප්‍රභාගේ ඩිංගි වගේ, අපේ උන්ට....., ඒකක වැඩ්ඩා නම් හෙම, කෙලින්ම කූඩුවේ....., අනික.., ඉත්තෑපානේ, හට්ටි මුට්ටි අරගෙන, බුද්ධ සාසන අමාත්‍යන්සේට ඇවිත්, බුඩිස් පොලිසියේ උයාගෙන වළඳන්නයි ලෑස්ති වෙන්නේ. ඒ අස්සේ..., මේ ඉන්දියන් කාරයෙක් ඇවිල්ල ඉන්නවා කියලා මාට්ටු  උනොත් හෙම.., ඔබ වහන්සෙට වඩින්න වෙන්නේ, ආයේ අඳන කඩෙත් නැතිව.

බුඩිස් පොලිසියක්..?

ඔව් ඔව් අමාත්තයන්සෙ ඇතුලෙම, 6 වෙනි තට්ටුවේ දාලා තියෙන්නේ... හාන්දුරුවනේ..

ඒ කියන්නේ මේ ත්‍රිපිටකය ගැන වෙන්ඩෑ..? අපේ පොලිසි එක, ඒක නේ..?

ඒ ත්‍රිපිටකයක් නෙමෙයි හාන්දුරුවනේ.. පොලීසිය තියෙන්නේ පොලීසිය.. ඔය මහජනතාවගේ ආරක්ෂාවට දාලා තියෙන්නේ..

එකක් මොකටද බුද්ධාගමට....? ධර්මය රකින්නා ධර්මය විසින් රකිනු ලැබේ නේ තිස්ස..?

ඒ ඉස්සර නේ හාන්දුරුවනේ.. දැන් බුදු හාමුදුරුවෝ රකින්නෙත්, පොලීසියෙන්.. මොකෝ ඔය කරුණා අම්මාන්ලත් එක්ක..., උන් වහන්සෙගේ දන්ත ධාතුව බේරගන්නෙත්, හෙන ගේමක් දීලා..

කව්ද තිස්ස ඉත්තෑපානේ කියන්නේ..?

ආ... ඉත්තෑපානේද.....? ඉත්තෑපානේ කියන්නේ හඳුරුවනේ...., මතු බුදුවන මෛත්‍රී බුදු හාමුදුරුවන්ගේ, දේශීය නියෝජිත..අපේ රටේ බුද්ධාගම ආරක්ෂා කොරන්න බාර දීලා තියෙන්නේ, උන් වහන්සෙට.. උන් වහන්සෙට මාට්ටු වෙන්න ඉස්සෙල්ලා..., ඊළඟ ෆ්ලයිට් එකේම, ආපු අතක් බලාගෙන වඩින එක..., කෝකටත් හොඳයි හාන්දුරුවනේ.

ඔබ වහන්සේට තෙරුවන් සරණයි....!!!