පොදු අපේක්ෂකයෙක් සොයනා ගල් වැද්දෝ... - Common Candidate for better tomorrow ?

අද ලංකාවේ සිවිල් පොරවල් කතා බහ කරන, "පොදු අපේක්ෂකයෙක්ද, පොදු වැඩපිලිවලක්ද" කියන මාතෘකාව ගැන මාතලන් ලිව්වේ මැයි මාසේ. (අවශ්‍ය නම් මෙතනින් බලන්න.) ඒ, පොදු අපේක්ෂකයා ලෙස, "නිර්මාල්" ගේමූ කියලා, "පැරා" බ්ලොග් පෝස්ට් එකක් ලිවීම නිසා ඇති උන කතා බහේදී. මම නම් මුල ඉඳලම මේ හාමුදුරු කෙනෙක් ගෙන එන වැඩේට අකමැතියි. ඒ වගේම මම ඉන්න මතය තමයි, පොදු අපේක්ෂකයා ලෙස ගෙන එන්න ඕන, රනිල් වික්‍රමසිංහය කියන එක.

රනිල් තනියෙන් ආවොත් පරදිනවා. ඒක වෙනම කතාවක්. ඒත් පොදු අපේක්ෂකයා ලෙස දැම්මොත් ළඟ ළඟ ගේමක් වත් දෙන්න පුළුවන්. දිනන්න පුළුවන් වෙන්නේ, මේ මේ සිස්ටම් එක ගැන කළකිරිලා සංසාරෙත් එපා වෙලා ඉන්න පිරිස, ඡන්ද පොලට ගේන්න පුළුවන් නම් විතරයි. ඒකට ඉතින් වෙනසක් නැතිව බෑ. ඒ අය හිතන්නේ මොකා හිටියත් එකයි කියලා. ඒක ඒ මිනිස්සුන්ගේ ප්‍රජාතන්ත්‍රවාදී අයිතිය.

අද රනිල් වික්‍රමසිංහ ගෙන ආ යුතුයි කියන මතයට, සමහර සිවිල් පොරවල් ඇවිත් ඉන්නවා. ඒක ළොකු දෙයක්. ඇයි මම මෙතන කවුරුත් භාවිතා කරන බුද්ධිමතුන් කියන වචනේ යූස් කරන්නේ නැත්තේ? මට විශාල ගැටලුවක් තියෙනවා, එහෙම පිරිසක් මේ රටේ ඉන්නවද කියලා. කොහොම නමුත් රනිල් ගේන්න ඕන කියන පිරිස, අඩු ගානේ පොලිටික්ස් කියන්නේ මොකක්ද කියලා දන්න. අනාගතය ගැන ඉවක් තියෙන අය. ඒත්, සෝභිත හාමුදුරුවෝ ගේමූ කියලා කෑ ගහන අය නම්, මාතලන්ට අනුව නියම ගෝත්‍රිකයෝ. සාමාන්‍ය උනුත් නෙමෙයි ගල් යුගේ වැද්දෝ.

අපේ රටේ ඔය මහා ළොකුවට කතා කරණ ඉතිහාසය ඇතුලෙවත්, මෙහෙම දෙයක් සිඳු වෙලා නෑ. මේවා දැක්කාම පරණ රජවරු ඔක්කෝම හිනා වෙනවා ඇත්තේ පස්ස පැත්තෙන්. අනික් දේ තමයි, හාන්දුරුවන්ටත් තද ඉන්ෆුලවන්ස් එකක් තිබුනත්, එයාලා දෙසන විදියට නටන පඹයෙක් පත් කර ගත්ත අවස්ථා තිබුනත්, කවදාවත් එයාලා සිංහාසනාරූඪ වෙන්න ගියේ නෑ. ඒක මළම මල විකාරයක්. කොටින්ම හාන්දුරුවරු පාර්ලීමේන්තු ආපු එකමත්, මහා විකාරයක්. ඒකෙන් උනේ, සාසනේට තිබුන ගෞරවය නැති වෙලා, නිකන් ජෝකර්ලා සෙට් එකක් බිහි වෙච්චි එක. සමහර අය ගියේ ඇට දෙකත් අඹරගෙන.

සමිත හාමුදුරුවෝ ආවට එච්චර අවුලක් තිබුනේ නෑ. මොකෝ සමිත හාමුදුරුවෝ, වාසූ, තිස්ස, ඩීවූලට වඩා, අදටත් වමේ පොඩි ටච් එකක් තියෙන පොරක්. ඇත්තටම එතන හාන්දුරු කෙනෙක් ආවා කියන කොන්සෙප්ට් එකවත් තිබුනේ නෑ. එයා දෙමළා වෙනුවෙන් අදත් කතා කරන පොරක්. පොරක් කිව්වට අමනාප වෙන්න එපා. දේශපාළණයට ආවාම, එහෙම වෙනවා. දැන් ඉන්න දෙන්නා, පට්ට ජෝකර්ලා දෙන්නෙක්. එක්කෙනෙක් අවුරුදු 10 කට පස්සේ, "පිවිතුරු හෙටක්" හොයාගෙන, අළුත් ව්‍යවස්ථාවක් හදන්න යනවා.

කාත් එක්කද? මේ රට කාපු අග විනිසුරු හොරෙක් එක්ක. ඒ යකා තමයි. පාර්ලිමේන්තුවේ ඉන්න ගෙම්බන්ට හිතේ හැටියට බල්ටි ගහන්න ව්‍යවස්ථාවෙන් ඉඩ සලසලා දුන්නේ. මේවා හෙන ගහන්න ඕන වැඩ. ඇයි යකෝ ජනතා පරමාධිපත්‍ය කියන එක, පාරේ තියෙන බලු බෙට්ටකටත් වඩා, පහලට දාන වැඩක් නේ. අපි මූන්ව පාටියකින් සෙලෙක්ට් කරලා ඡන්දේ දීලා යැව්වාම. ඌ යනවා දැත් ශක්තිමත් කරන්නයි, මල් වට්ටිවලට අත ගහන්නයි, නහුතයක් වෙන වැඩවලට.

බලේ නැත්නම් නිකන් හිටහන්කෝ, බලේ එනකන්. එහෙම ඉන්න බෑ. එතකොට බිස්නස් පාඩුයි නේ. පවුලේ සෙට් එකම එකතුවෙලා කාපු ජරාව නැතිව ඉන්න බෑ. ඉතින් පනිනවා ආන්ඩු පක්ෂෙට. මේ තරම් විහිළුවක් තවත් තියෙනවද? ඉතින් එහෙම එකෙක් හදන ව්‍යවස්ථාව ගැන, අටුවා ටීකා ටිප්පනි ඕන නෑ නේ. අනික් එක්කෙනා ගැන කතා කල යුතුම නෑ. එයා බයිලා චක්‍රවර්ති.

අද ඉන්න හන්දුරුවරු මහින්ද මහත්තයට වඳින්නේ නැති එක විතරයි. අනික් ඔක්කෝම කරනවා. මේ තරම් සාසනය පිරිහුන යුගයක්, ලක් ඉතිහාසයේ තවත් නැතිව ඇති. ඔය හාන්දුරුවරු පාර්ලිමේන්තු නෑවිත්, බාල්දු නොවී හිටියනම්, කවදාවත් ඒ දේ වෙන්නේ නෑ. හැබයි එක හොඳකුත් උනා, ඔය දේශපාළණේ නිසා එලියට ආවයින්. එදා ඉඳලා වැඳුම් පිඳුම් කලේ, අපි වගේම පිස්සෝ සෙට් එකකට මිසක්. අපෙන් වෙන් උන කිසිම ගුණයක් තියෙන ක්‍රවුඩ් එකක් නොවේය කියන දේ, උපාසක උපාසිකාවන්ට ඒත්තු ගන්වපු එක.

උපසම්පදා භික්ෂූන් ඉන්නවා. ඒත් උපසම්පදාව තියෙනවද කියන එකයි ප්‍රශ්ණේ. අද අපි දකින්නේ භික්ෂුන් නෙමෙයි, චන්ඩි. එතකොට මේ සෝභිත හාමුදුරුවෝ ආවොත් කොහොමට තියෙයිද. ආයේ දෙකක් නෑ, රටටම අබ සරණම තමයි. මොකෝ සෝභිත හාන්දුරුවෝ යනවද, නානසාර හාන්දුරුවන්ට හරි ඉත්තෑපානේ සාධුට හරි වච්නයක් කියන්න. අන්තීමට වෙන්නේ හන්දියක් හන්දියක් ගානේ, කපුටු බෝධි යට අටවගෙන තියෙන අසපුවලින්, සිවුරු දාගත්ත චන්ඩි ටිකක් බිහිවෙන එක විතරයි.

වෙලේ සුදා, ආමී ජිනේ, නේවී ජගත්, වම්බොට්ටා, තෙල් බාලා, ජූලම්පිටියේ අමරෙලා වෙනුවට, අරෙහෙ බුද්ධරක්ඛිත, මෙහේ ධම්මරක්ඛිත, අර පලාතේ සට්ටිස්සර. මේ පැත්තේ විජිතලා බිහිවෙන එකයි. පොලීසියේ ඕ අයි සීට පුටුව දෙන්න වෙන්නේ, එහා හෙදරට දුවලා ගේන සුදු රෙද්ද එලලා. එහෙම නැත්නම්, වෙනම සුදු රෙද්දක් අරගෙන තියා ගන්න වෙනවා, නිතරම ප්‍රයෝජනයට ගන්න. බලේ නැතුවත් අමාත්‍යංශ වලට, නීතී විජ්ජාල වලට වඩින වැඩිල්ල පේනවනේ. ඊට පස්සේ දන ගහලා වඳින්නත් එපාය. උදේ වරුවෙනම් ගිලන්පසත් දෙන්න වෙනවා. පොලිසිය ඇතුලේ ඉන්න වෙන්නේ ෂුස් නැතුව. ඇයි ඉතින් හාන්දුරුවෝ වැඩලනේ. අන්තිමට යන්න වෙන්නේ ඉතින් කෝට් එකත් නැතිව. බොහෝ වෙලාවට ධර්මාධිකරන වගේ ඒවා බිහි වෙයි.

මොකක්ද එහෙම වෙන්නේ නෑ කියලා කියන්න තියෙන සාධක. ජන රංජන මන රංජන නම්බු නාමෙට මුවා වෙලා ඒකේ හයියෙන් මෙච්චර පිස්සු කෙලිනවා නම්, විධායකය සිවුරක් උනාම වෙන දේ, මේ බුද්ධිමතුන් යයි කියා ගන්නා, අමු ගෝත්‍රික රැලට හිතා ගන්න බැරිද? අනික කවුද මේ සිවුර රජ කරන්න හදන "බුද්ධිමතුන්" සෙට් එක. කතිකාවද මොකක්ද ගෙනියනවයි "විද්වතුන්" කියන සෙට් එක. 94 සැටලයිට් නෝනා ගෙනාපු සෙට් එකමයි. ඒ ගෙනාවෙත් විහාර මහා දේවී නේ. නිකං නෙමෙයි ආවේ ඇක්සෙකටිව් පවර්, මේ වගේම මාස හයෙන් අයින් කරනවය කියලා. ලිඛිත පොරොන්තු දීලා.

කොරාද අයින්? කොරේ අයින්! මාස හයේ ඒවා, විසි හතරක්ම ඉඳලා ගියේ. ඒ ගියෙත් අර අග විනිසුරු හොරාගේ ගුලි කාළා. ඔය කළුතර රත්තරන් මල්ලි අද කියන්නේ, යන්න නෙමේය හිටියේ, කොහොම හරි මැරෙනකන්ම ඉන්නය ගියේ. නමුත් ඒකවත් එයාට කර ගන්න බැරි උනාය කියලා. සහතික ඇත්ත කතාව. අවුරුදු 12 ක් තිස්සේ මොනවද කලේ? ඇමතිවරු මොනවද කලේ? එකෙකුටවත් මතකද, අඩු ගානේ ඇමති මණ්ඩලයවත්? මට නම් මතක ඇස් බී විතරයි. ඒත් අර සුසන්තිකා කෙල්ල නිසා. අන්තිමේදි, "විහාර මහා දේවී" කරේ තියාගෙන වඩම්මගෙන ආපු බුද්ධිමත්තු, විද්වත්තු, එයාව ගෙදර යැව්වේ, "චෞර රැජිණ" ටයිටල් එකෙන් බෞතීස්ම කරලා, බල්ලා මාක් එක කරේ එල්ලලා. ඕන් අපේ බුද්ධිමත්තු.

ඉතින් "සෝභිත" ආවත් ඔච්චරයි. ඔය ජයම්පති වික්‍රමරත්නලට, වික්ටර් අයිවන්ලට, නිර්මාල්ලට, පුකට පයින් ගහලා එලවන්නේ. සැටලයිට් කලා වගේ. සෝභිත හාමුදුරුවෝ නෙමෙයි, ඔතනට බුදු හාමුදුරුවෝ ගියත් වෙන්නේ ඒ ටික. ආයේ දෙකක් නෑ. ඔය නමට ජනපතිය කිව්වට. ඕක නියම නම රජ කම. ඒකනේ මහා ළොකු විමුක්තිකාමියෝ වෙච්චි වාසුලා හිටන්, කකුල් දෙක ගාව වැඳ වැටෙන්නේ. වයසින් වැඩි අගමැතිගේ කොන්ද නැමෙන්නේ. ඉතින් එහෙම වඳින්න පුදන්න, මේ බුද්ධිමතුන්ට ඕන හාන්දුරු කෙනෙක් නම්, ඔය දැන් ඉන්න කෙනාට වැන්දාම ඉවරනේ. හාන්දුරුවනේ කියලා

මොකෝ මේ සිස්ටම් එක යටතේ. 18 සන්සෝදනෙන් තවත් පවර් එක අරගෙන තියෙන වෙලාවේ. මහින්ද මහත්තයා ගෙදර ගියත්, සිවුරක් දාගෙන හරි, සාරියක් ඇඳගෙන හරි, ටයි කෝට් ගහලා හරි, නැෂනල් ගහලා හරි, ජෙනරාල් කිට් එකෙන් හරි, ආයෙත් සිංහාසනේ ඉඳගන්නේ, මහින්ද රාජපක්ෂමයි. ආයේ වෙන කෙනෙක් නෙමෙයි. මේ හොරු සෙට් එකම ආයෙත් රට කයි. ඕන නම් මහින්ද මහත්තයත් ඒ සෙට් එකේ සයිඩ් එකෙන් ඉඳියි. මොකෝ, මක්කා කලත් රට බේරාගත්ත දුටු ගැමුණු නේ. මහාවංශයේ එයාට ළොකු ඉඩක් තියෙනවා.

වෙන්න ඕන මේ අජරාමර, කුණු ගඳ ගහන පොලිටිකල් සිස්ටම් එකම වෙනස් කරන එක.

රනිල් වික්‍රමසිංහ පොදු අපේක්ෂක උනොත් කුමක් සිඳු වෙයිද?

අපි තව කතා කරමු.....,