පිපාසයට, ජලය වෙනුවට වහල් සේවය.. - Drought & Slavery

මේ රට ගැන, දැන් නම් ඇත්තේ පුදුමාකාර දුකක්ය. සම හරකුට අනුන්ගේ දුක් වේදනවන් දැනෙන්නේ හෝ හැඟෙන්නේ නැත. අනෙක දුක යනු සාපේක්ෂ දෙයකි. කෙනෙකුගේ දුක තවත් කෙනකුගේ සැපක් වන්නේද ඒ නිසාය. වතුර කියන්නේ මිනිසුන්ට නැතිවම බැරි දෙයකි. ඒ බව දැනෙන්නේ වතුර නැති වූ විටය. මේ දුක, කැළණිය වරාගොඩ පාරේ, ජළ නල පද්දතිය එලන තෙක් අපිද අත් විඳ ඇත්තෙමු. ඒ වැසි නොලැඹෙන කාලයන්හීදීය.

පැය 36 කට, වතුර නැතිවන බවට දැණුම් දෙන ලදි. මිනිසුන් ඒ කාළය සඳහා වතුර රැස් කර ගන්නට ඇත. අනික දිනපතා වතුර තිබෙනා පිරිසකට. කියපු ගමන් වතුර රැස් කර ගැනීමට භාජන නැත. කෙසේ හෝ පැය 36 ක් යනු මැනේජ් කර ගත හැකි වේලාවකි. එහෙත් සිඳු වූයේ කුමක්ද? දින හතරක් ගත් වීත්, අදත් සමහර ප්‍රදේශවලට වතුර නැත. හෙට වන නිට සියල්ල යහපත් විය හැක.

එහෙත්, මේ පෙන්වන්නේ කුමක්ද? අසමත් කම මිස වෙන කිසිවක් නොවේ. වග කිව යුතු නිළධාරියකුගෙන් විමසන කළ පැවසුවේ, බලාපොරොත්තු නොවූ ලෙස, වැසි ලැබුන බවත්, ඒ හේතුව හා තවත් හේතූන් නිසා මේ ප්‍රමාදය සිඳුවූ බවයි. එතකොට ඔය ඉන්ජිනේරුවෝ, තාක්ෂණ ශිල්පීන් කියන උන්ට, බැකප් සිස්ටම්, එතකොට විකල්ප සිස්ටම් ගැන කියලා දෙන්නේ නැද්ද? එහෙම නැත්නම්, ඒ පිළිබඳව අවබෝධයක් නැද්ද? එහෙම නැත්නම් දැනගෙන උන්නට, උන් ඒවා ගනන් ගන්නේ නැද්ද?

මේ වෙන කිසිවක් නොවේ. මේවාට කිසිම දඬුවමක්, දඩයක්,  නොමැති කමයි. වගකීමක් නොමැති කමයි. වගවීමක් නොමැති කමයි. සියල්ල විහිළුවකින් යටපත් කිරීමයි. වෙන රටක් නම්, මේ සියළුම නිළධාරින් රැකියාවෙන් ඉවත් කිරීමට මේ වරදම සෑහේ. එහෙත් එවන් තීරණයක් ගැනීමට. මේ ඉන්නා හාල්පාරු ඇමති වරුනට පුළුවන්ද?

ස්වාභාවික නස්පැත්තියක් වන නියඟය හේතුවෙන දිස්ත්‍රික්ක කීපයක්ම, උග්‍ර ජළ හිඟයකින් පෙලේ. ඒ බව පැය 24 පුරාම නිව්ස් චැනල් වලින් පෙන්වයි. වැව් හිඳි ඇත. කුඹුරු වගා. හේන් වගා, සියල්ලම විනාශය. මිනිසුන්ගේ පිපාසය නිවා ගැනීමටවත් වතුර නැතිව, උන්මත්තකයින් මෙන් බැරල් උස්සාගෙන, පාරවල් පුරා දුවති. මේ රටේ වාරි මාර්ග ඇමතියෙක් ඇත. ඒ යකා මේ දවස්වල වෙන ඇමතියෙක් එක්ක රෙස්ලින් පයිට් එකක්ය. අනික කට්ටියම ඌවේය. එයත් ඌවේය. එයත් එක්ක ඔට්ටු වෙන එකත්, ඌවේය. උන් ගොන් පොර අල්ලති, ජනතාව පිපාසයෙන් අඬති.

තව ආපදා කළමණාකරණ කියා එකෙකුත් ඉන්නවාය. ඒයා මේ දවස්වල ටී වී එකේ නිව්ස් කට් වලට ගොන් ආතල් දෙති. ලොක්කාගෙන් කාපු නිසා, ලොක්කා ෂේප් කර ගන්නට වෙන්න ඇතිය. තව සමාජ සේවා කියා එකෙකුත් ඉන්නවාය. මේ ඔක්කෝම ඉඳිද්දි පොලොන්නරුවේ දිසාපති, අපෙන් වතුර බැරල් ඉල්ලනවාය. උන්නැහේටහ් පිස්සුය. ඇමතිවරු ඉඳිද්දි ඒ යකාත් කෙලින්නම එන්නේ අපිටමය. එක අතකින් ජනතාවගේ දුක ඒ යකාටවත් දැණුන එක ළොකු දෙයක්ය.

උන්නැහේගේ ඉල්ලිමට කන් දුන් ජනතාව, දෙරණ නාලිකාව හරහා ජල ටැංකි ලබා දීලාය. ඒත් ඒකත් මල විකාරයකි. දවස් ගනනක් තිස්සේ නිව්ස් වලට පෙන්නනවා විනා, තවමත් ජනතාවට ඒවා ලබා දී නැත. ඒ කියන්නේ අවශ්‍ය ටැංකි සැපයීම නොව, ප්‍රචාරණයදෝ කියා සැක සිතෙන තරමට, එය විහිළුවක් වෙලාය. ඒ පොලොන්නරුවේය. පොලොන්නරුවේ ඉන්න එකා වෙන මොනවාද බයිලා වගයක් ගහනවා, චැන්ල එකකින්ම දැක්කේය. එයාට පුළුවන් ඒවා විතරමය. අනුන්ගේ වැරදි කිය කියා ඉන්නවා මිස, 1994 ඉඳන් කරපු මෙළෝ හසරක් නැත්තේමය.

දුටු විගස ඇඟේ මාළු නටන සීන් එක ඒක නෙමෙය. දකුණේ. ඒ කියන්නේ මේ ලොක්කගෙම ගම් පලාතේ නියගයෙන් පීඩා විඳින මිනිස්සු ලව්වා, වැව් වල රොන් මඩ ඉවත් කිරීමය. මේවා අමු තිරිසන් වැඩය. මේ මිනිසුන් ලවා වහලුන් මෙන් වැඩ ගන්නේ, රුපියල් 3000 ක වියළි සළාක මල්ලක් ලබා දෙන්නය. ඒ සඳහා දින 12 ක්, පැය 5 ක්, අනිවාර්යයෙන් සේවය කළ යුතුය. අඩියක් ගැඹුරටව් වර්ග අඩි 15 ක් ප්‍රමාණයක රොන් මඩ මෙසේ ඉවත් කළ යුතුය.

මේ ඔලමොට්ටල් බූරුවෝ රොන් මඩ ගැන දන්නා ඒවුන් වෙන්න බැරිය. රොන් මඩ වේලුන පසු, කොන්ක්‍රීට් වලටත් වඩා හයියය. ඒවා ඉවත් කිරීමට උපකරන ලබා දෙන්නේද නැත. පෝර බෑග් වල දමා, ගව්වක් පමණ දුරකට මේ දූවිලි ගොඩ ගෙන යා යුතුය. මේවා රජ කාළේ දඳුවම්ය. මෙවන් ක්‍රිකා ඒ කාළේ තිබු බව අසා තිබුනාට, මේ කාළේ සිඳුවනවා කියා අසා තිබුනේ නම් නැත.

අනෙක් නෙතට කඳුලක් උනන සිඳුවීම නම්. මේ වහල් සෙවයේ යෙදෙනුයේ කාන්තාවන් හා දරුවන් වීමයි. ගෙදර පිරිමින් රැකියාවන් සඳහා පිටත්ව ගොස් ඇති බැවුන්, ආන්ඩුවේ වහල් රජාකාරි කිරීමට පවුලේ උන් සහබාගි කරවා ගන්නේ එසේය. මේ නම් ආශ්චරයයේ හොඳම එකය.

මේ මිනිසුන් ඒ දුකත් විඳිනුයේ, අර වියලි සලාකය ලබා ගැනීමට නම්, අපි රටක් වශයෙන් ලැජ්ජා විය යුතුය. සමහර විට ජනාධිපති තුමා මේවා නොදන්නවා විය යුතුය. සම හරක් ආන්ඩුව අපහසුතාවයට පත් කිරීමට හා ජනතාව කළකිරීමට කරන ඒවා වන්නටත් පුලුවන. මේවා ආන්ඩුවේ වැඩ නොවේ නම්. නිළධාරින්ගේ තීරණ නම්, ඔවුන් හිටුවා පස් ගැසිය යුතුය. නැත්නම් උල තැබිය යුතුය. වතුර බිදක් නොමැතිව, අන්ත අසරණ වූ ජනතාවකගෙන්, හිඟන සහන මල්ලක් ලබා දීමට, වහල් සේවාය ලබා ගන්නා ඕනෑ එකෙකුට, වැහි නැති හෙන හතම ලැබේවා…!!!

අපට ඒ අහිංසක දුප්පත් ජනතාව වෙනුවෙන් කළ හැක්කේ එපමනකි.

වැඩිහිටියෙක් වශයෙන් නාමල් රාජපක්ෂ පාර්ලිමේන්තු මන්ත්‍රි තුමාට විවෘත යෝජනාවක් කරමි. ගරු මන්ත්‍රි තුමනි, කාල්ටන් රග්බි තරඟාවලියට සහභාගි වන සියළුම පිරිස සමඟ මේ වියළි කළාපයේ ජනතාවට බීමට දිය බිඳක් රැගෙන යන්න. අප කිසිදාක තරුණයන්ගේ විනෝදකාමී ජීවන් රටාවට විරුද්ධ අය නොවේ. එහෙත් මේ සුළු දෙය ඔබට ඉහලින්ම කිරීමට සියළුම පිරිස් බලය හා අවශ්‍ය සියලුම බලය හා ශක්තිය ඔබ සතුව ඇත. මේ ඔබ රට වෙනුවෙන් කරනා මහඟු යුතු කමකි. හැකිනම් ඔවුනට පානීය ජලය හෝ දිගටම ලබා දීමට කටයුතු කරන්න. ඒවා අනාගත ආයෝජනයන්ය.

මේ පිළිබඳව මා දුටු වෙනත් ළිපි

හිරුගේ ළිපිය
විභීෂණගේ ළිපිය