ජයලලිතා, කුප්ප දේශපාළණය හා අධිකරණය - Jayalalitha, Dirty Politics & Justice

ජෙයලලිතා අවුරුදු හතරකට කූරූ ගනින්නට, කූඩුවට ගියේය. අඬනවාද, හිනාවෙනවාද, බෝතලයක් ගසා ප්‍රීතී වනවාදයි සිතා ගැනීමට නොහැකිය. ඕනෑ නම් චෞර රැජිණ පන්නයේ පෝස්ට් කටුවක් දමා, ආතල් එකක් ගත හැකිය. අපේ දේශප්‍රේමී ආන්ඩුව නම්, මේක එකසිය ගානට සැලබ්‍රේට් කරනා බව, නයි ටී ඇන් එක බැලුවාම පේනවාය. ඉන්දියාව එක එකාගේ වොයිස් කට් දැම්මත්, තවම අපේ මහ සජ්ජුරුවන්ගේ රීලා පැටියාවත් කටක් හෙල්ලුවේ නැත්තේ, ආරක්ෂක අමාත්තන්සේ වෙබ් පේජ් එකේ සීන් එක මතක් වෙලා වෙන්නත් ඇතිය. (ඒ උනාට අක්කා ඇතුලේ නිසා, අපේ ජාතිමාමක පොලිටික්ක්කෝ සහ ගොබ්බ මාද්දියවේදියෝ, බෙලි කටු මල්ල හොල්ලනවා, අද රෑ නිව්ස් වලින් බලා ගන්නත් බැරි වන එකක් නැතිය.)

ජෙයලලිතා නෝනා අපිට, ඒ කියන්නේ සිරි ලංකාවට, අදින්න පුළුවන් උපරිම ගේම ඇද්දාය. කොටියා එයාට පෙනුනේ අපේ ගෙදර "කිටියා" වාගෙය. ඒයා, කිටියා කොච්චර හුරතල් කරනවාද කියනවානම්, රජිව් ගාන්ධි නම් කපටි "මියා" මරා දැමු කිටියෝ සෙට් එක, මරණ දඬුවමෙනුත් නිදහස් කලාය. මේ ගොබ්බ වැඩෙන් ගාන්ධි පවුලේ මෙන්ම, උතුරු ඉන්දියානූ හින්දූන්ගේද හිත පෑරුනා මෙන්ම, ජෙයලලිතා කෙරේ වෛරයක් මතු නොවුනා නම් ඔවුන් මිනිසුන් වන්නට බැරිය.

අපෙන් වන්දනාවේ යන බැතිමතුන්ට පමණක් නොව, හාන්දුරුවන්ටත් ගොබ්බ වයිකෝ දමා ගුටි පෝරියල් වලින් සංග්‍රහ කොලාය. ක්‍රිකට් ගහන්න ගියපු උන් හරවා එව්වාය. ලංකාවේ උන්ට චෙන්නායි ටීම් එකට ගහන්න නුදුන්නාය. ඒ තියා චෙන්නායි වල තියෙන මැච් වලදි, වෙන ටීම් එකකටවත් ගහන්න නුදුන්නාය. ලංකාවට මාළු බෝට්ටු බලෙන් එවනවා කියා කීවාය. කච්චතිව් අයිලන්ඩ් එක ආයෙත් එයාට ඔනාමයි කියා මෝදි අයියාටත් ගේම ඇද්දාය. ඒ ඉතින් තමිල්නාඩුව ගොඩා....ක් පොඩි නිසා වෙන්නත් ඇතිය. කෙසේ හෝ අපේ දේශප්‍රේමී පොලිටික්කෝ සෙට් එකත් එක්ක තකට තක පෑහෙන පොලිටික්කෝ හා නළාකාරයෝ සැට් එකක් ජෙයලලිතා නෝනා ගාවත් උන්නේය.

ඉතින් අපේ සාමාන්න දේශප්‍රේමී ජනතාවත් මෙයාට වෙච්චි සන්තෑසියෙන් ආතල් එකක් ගන්නවා නම්, පුදුම වෙන්න ඕනා නැතිය. ඒත් ඉතින් අපි බලන්න ඔනෑ, ඇත්තටම උනේ මක්කාද කියනා කාරනාවය. එහෙම ගැඹුරින් බැලුවාම, මේක කුප්ප දේශපාළණයේ, කක්කා කේස් එකක් කියා පැහැදිලිවම පේනවාය. අපේ සමහර උන් පුක චූන් වෙලා දඟලනවා දැක්කාම මාතලන්ට හිනා යනවාය. සම හරක් කියන්නේ ඉන්දියාවේ තියෙන්නේ මාර අධිකරණ ක්‍රමයක් කියලාය.

හදාගත්ත සුදු පුතා

එයාලාගේ අධිකරණ ක්‍රමේ ගැන, මේ සිද්දිය ගැන ලියවුනු ළිපි වල කොමෙන්ට්ස් වලදි, ඉන්දියාවේ උන්ම කියනා කතන්දර වලින්, බොහෝම පැහැදිලිව පේනවාය. අනික ඉන්දියාවේ අධිකරණ සිස්ටම් එකේ සාධාරණේ බලා ගන්නම් ඕනා නම්, ඔය ටැමිල් සෝ එකක් හරි, හින්දි සෝ එකක් හරි, බැලුවානම් අහවරය. අපරාදේ කියන්නේ, ඒ සෝ වල, තමිල්නාඩුවේ පොලිටික්කෝ, පොලීසිය හා අධිකරණයේ රෙදි ගලවන එක නම්, කිසි අඩුවක් නැතිවම පෙන්නනවාය. එහෙම බැලුවාම, නම් එහේ චිත්තරපට සංස්ථාව හරි, මොන මලදානේ හරි, මෙහේ ඒවාට වඩා සිය ගුණයක් ඉස්සරහින් ඉන්නවාය.

ඔය කියන තරම් සාධාරණත්වයක් තියෙනවා නම්, නඩු බලවන්න මෙච්චර කල් ගියේ මොකෑ කියා කියා එකෙක්වත් හිතන්නේ නැතිය. කේස් එක පයිල් කොරලා තියෙන්නේ මීට අවුරුදු 18 කට කලින්ය, දඬුවම දෙන්නේ අවුරුදු 4 කටය. කේස් එක කෝටී 66.6 කරප්සොන් චාජස්ය. ඒ කියන්නේ එයා පළවෙනි සැරේ මහ ඇමතිනි වෙන කොට එයා ගාව තිබුන කෝටි 3, කෝටි 66.6 උනේ කොහොමද රත්තරනේ කියලා නඩුවක් බලවපු එකය. ඒ අස්සේ සාරි 12,000 කුයි සපත්තු දාස් ගානකුයි තිබිලාත් අහු උනේය. පෑන්ටී හා බැසියර් කීයක් තිබුනාද කියා කොහේවත් තිබුනේ නැතිය. මේ ගැන එකෙක් කොමෙන්ට් එකක දාලා තිබුනේ සාමාන්‍ය එකෙක් රුපියල් 100 හොරකම් කරානම් පැය 4 න් නඩුව අහලා අවුරුදු 18 බරපතල වැඩත් එක්කම හිරේ දාන එක නම්, බුදු ෂුවර් කියලාය. ඌගේ කටේ ඉට්ලි තුන හතරක් ඔබන්න ඕනාය. ඇත්තටම ඉන්දියාවේ අධිකරණයෙයි අපෙ අළුත්කඩෙයි කිසිම වෙනසක් ඇත්තේ නැතිය.

සුබ්‍රමනියම් ස්වාමි

මේ නඩුව බලවන්න පටන් ගන්නේ, 1996 ජෙයලලිතා නෝනා පළවෙනි වාරේ විසි උනායින් පස්සේය. ඒත් ඉතින් බලයට එන්නේ, ඊටත් එහා කොරප්ෂන් කප්පිත්තෙක් වෙන කරුණානිධි නිසා, කේස් එක රබර් වගේ ඇදෙන්නේය. ඒ කේස් විතරක් නොව. ඊට වඩා බරපතල කේස් එකක් වෙන, ජයලලිතා හිරේ ගියපු නඩුවේත් මේන් කේස් එකක් වෙන, ඉනවයිටීස්ලා එක් ලක්ෂ පනස්දාහකට (150,000) කන පැලෙන්න කන්න දීලා වර්ල්ඩ් රෙකෝඩ් මගුලක් කාපු, ජෙයලලිතාගේ හුරතල් පුත්‍ර රත්නයේ කුඩු කේස් පවා, අධිකරණයෙන් හැලි යන්නේ, හරියට අර කොළොන්නාවේ සෝ එකෙ නඩු බැලවිලි වාගෙමය.

ඒත් මේ එහෙට මෙහෙට වැනි වැනී තිබුන නඩු බැලවිල්ලට කෙලවෙන්නේ, මොදිලා කාගේවත් සපෝට් එකක් නැතිව ඉන්දියාවේ රජ වෙන හින්දාය. (මොදීලාට ආන්ඩු පිහිටවන්න ජෙයලලිතාගේ සප් එක ඕන උනා නම්. මේ නඩුව තව දුරටත් ඇදෙනවාමය.) මේ කේස් එක 1996 දී ඇදපු "සුබ්‍රමනියම් ස්වාමී" පවර් ෆුල් පොරක් වෙන්නේ,  බී ජේ පී එක පවර් ෆුල් වෙන හින්දාය. ඒ නිසා චෙන්නායි වල සෙල්ලම් දදා තිබු නඩු බැලවිල්ල, බැංගලෝරයේ විශේෂ උසාවියකට යන්නේත්, එලියට එන්න බැරි වෙන්නම අවුරුදු හතරක් හිරේට යවන්නේත්, (අවුරුදු තුනකට යැව්වා නම්, එයාට ඇප ඉල්ලන්න පුළුවන් වෙනවාය. එයා වෙනුවෙන් කතා කරපු ගල් ආඳෝ ට්‍රයි කලේ, මෙයා ලෙඩා කියලා අවුරුදු 3 කට බඩු බනිස් කොරවා ගන්නය. එත් ගල් ආඳන්ගේ ගැටේට නඩු කාරයා අහු වෙන්නේ නැත්තේ, මේවා ප්ලෑන් කරලා දෙන ගේම් නිසාය.) අන්තීමට චෙන්නායි වල කූඩුවක දාන්නේ නැතිව, බැංගලෝරයේ ජේල් එකකට දාන්නේත් මේවා සෙට් ගේම් හින්දාමය.

සසිකලා සමග මල් කඩමින්

අනික ඇතුලට ගියේ, ජෙයලලිතා ඉතරක් නෙමේය. "අම්මා" ගේ පවර් එක උපරිමෙන්ම යූස් කරලා, කරන්න තියෙන ඔක්කෝම නසරානි වැඩ කරලා, ප්‍රකෝටිපතියන් උන "සුදාකරන්" පුත්‍ර රත්නයත්, කාළයක් අක්කා එක්ක ආප්ප කඩයක් දාගෙන ඉඳලා, අන්තීමේදි නයයි මුගටියයි වගේ උන, "ශෂිකලයි", සසිකලාගේ පාතාලේ පොරක් වෙන, එයාගේ ලේලි "ඉලවරාසීයි", දැන් "අම්මා" ත් එක්ක එක හිර ගෙදර ඉඳන් සූදු බතුයි, සාම්බාරුයි කනවා කියා, අද උදේ ආරංචියක් ආවේය. ගෙවන්න කියපු කෝටී 100 ගෙව්වාද, ගෙවනවාද, නොගෙවනවාද කියා බලන්න වෙන්නේ අනාගතයේදීය. කොහොම හරි එකෙක් ලියලා තිබුනේ ඒක නිකන් ගුද වාතයක් වගේ ගානක් කියලාය.

කෙසේ වෙතත් මෝදි වාගේම, තමිල්නාඩුව, එහෙම නැත්නම් චෙන්නායි, ඉන්දියාවේ බලවත් ප්‍රදේශයක් කලේ ජෙයලලිතාය. ඒ බව ඕනම එකෙක් පිලි ගන්නවාය. සමහර විට තමා ලඟ හිටපු ශෂිකලාලත් තමන්ට විරුද්ධ වෙද්දි, හදාගත්ත පුතා වසවර්ති මාරයෙක් වෙද්දි, මම මගේ ජනතාවටවත් කරනවා කියා අන්තීමේදි එයාට හිතෙන්න ඇතිය. ඒ නිසා, මොන්ටිකාලෝ ජීවීතයක් ගෙවනා අතරේ, එයා තමිල්නාඩුවත් මොන්ටිකාලෝවක් කරන්න උපරිම ගේමක් දුන්නේය.

අම්මා නැමදීම.

අදටත් ලංකාවට වැඩිම සංචාරකයින් පිරිසක් එන්නේ, චෙන්නායි වල ඉඳලාය. ඒ ජයලලිතා නිසා සල්ලි කාරයෝ උන් සෙට් එකය. අපි මක්කා කිව්වත්, තමිල්නාඩුවේ හැම එකාටම ජෙයලලිතා උන්ගේ "අම්මාය". ඉදිරි කාළයේ වෙන දේවල් හරියටම කියන්න අපහසුය. කෙසේ වෙතත්, අවුරුදු දහයකට පොලිටික්ස් කරන්න බැරිවෙන්න ගේම දුන්නේ, සුබ්‍රමනියම් කියලා දැන ගත්ත උන්, එයාගේ ගෙදරට ගල් පෝරියල් එකක් ඇරලා තිබුනේය. කරුණානිධිගේ පඹයෝ ගිනි තියා, පින්තූර ජුන්ඩාගේ ඇතිල්ලුවේය. දේශපාළණය කොයිතරම් නරා වලක්ද කියා පේන්නේ, මේ වාගේ සීන් වලින් එලියට එන ඉන්ෆොමේසොන් නිසාමය. හැබයි ඉතින් මේ ඉන්දියාවය. පෝස්ට් එක විදානේගේ පට්ට කවියකින් අවසන් කොරනවාය...

නෝනේ.....!!!

දැංවත් තේරෙනවද ?..

ලංකාව කොච්චර සුන්දරද කියලා.... ??