විජ්ජාව, අවිජ්ජාව හා ගැලවිජ්ජාව - Science for Barbarians

"එදා විජ්ජා සන්නිවේදනේ අද නැත්තේ ඇයි...?" කියලා, අපූරූ ළිපියක්, චානුක වත්තේගම ලියලා තියෙනවා. දැන්, සම හරක් චානුක මරාගෙන කන්න හදනවා. එයා ලියන්නේ නෑ කියලා.. එහෙම ලියන සම හරක්, නන්දා, අද සින්දු නොකිව්වට අවුලක් නෑ කියලා, කලින් කියලා තිබුනා. ඒවට නම් අපේ ගමේ කියන්නේ, සෙප්පඩ විජ්ජා කියලා. හැබයි චානුක මතු කරපු දේ ගැන, මගේ මතයත්, සමහර අදහස් අතරේ තිබුනා..

ඇත්තටම, අද ළෝකේ උතුම් ඇටේ, විජ්ජාවට තැනක් නෑ.. තැනක් තියෙන්නේ, අවිජ්ජවටයි, ගැලවිජ්ජාවටයි. ඒවා ප්‍රගුණ කරපු උන් නම්, පඳුරකට ගලක් ගැහුවොත් ඉන්න, ඩෙංගු මදුරුවන්ටත් වඩා ඉන්නවා. විජ්ජා හා තාක්සොන අමාත්තන්සෙ කියලා අමාත්තන්සෙකුත් තියෙනවා, ඒත් ඉතින් එකේ වැඩ පටන් ගන්නෙත්, පුහුල් ගෙඩියක් එල්ලලා, නැකත් බලලා, පිරිතක් එහෙම කියලා, පූසාරියි, මව්ලවියි, පාදරුයි ඇවිල්ලා ඉස්තෝත්තර, කුරාණ, බයිබල් එහෙම කියලා. සියළු දෙවි දේවතාවුන්ගෙන් අවසර අරගෙන, ඇමති තුමාගේ වේලපත්කඩේට හදපු සුභ නැකතට. ඉතින් මොන විජ්ජාවක්ද අප්පා. ඒකෙන් කොරන මෙළෝ ලබ්බක් නෑ.. ඊට හොඳා ඒකෙන් දහ අට සන්නිය, තොවිල්, කොඩිවින, නාථ ආනාථ, රාවණා සීතා ගැන පර්යෙසොන ටිකක් කොරානම්.

ඔය යක්කුත් එක්ක එකට ඩ්‍රින්ක් එක දාලද කොහෙද, උන් කරපු ඒවා දැක්කා වගේ ලියන ජේස්ඨ් හා සෙරේස්ඨ ජඩ මාධ්‍යවේදියොන්ගෙනුත් පුල් බැක් එක හම්බ වෙයි, ඒ වගේ පර්යේසොන එහෙම කොරනවනම්. මේ ළඟදි, අපේ ගමේ පන්සලේ තොවිලයක් නටන්න හොඳ කට්ටඩියෙක් හොයන වෙලාවේ, මම නම් කිව්වේ, ඔය සති අන්ත සිංහල පත්තර වල, කත්තුරු මහත්තුරු ටික ගෙනල්ලා නැටෙව්වා නම් අහවරයි කියලා. ඇයි අප්පා ඕකුන්ට පෙන්නේ නැති වෙන්න දිස්ටි වට්ටලා ඔය මහසෝන්, කාළි, ඔඩ්ඩි, මළ පෙරේත ළිපි පත්තරේ වැටෙන්න විදියක් නෑ නේ. ඕකුන් සෝදු පත් බැරිනම් මුද්දරනේට ඉස්සර මක්කා හරි කොරනවා ඇතිනේ. අඩු ගානේ මුන් මුද්දරනේ කොරාට පස්සෙවත් බලන්නෙ නැති වෙන්න බෑ නේ.

ටැලිවිසොන් ගැන කතා කොරලා වැඩක් නෑ. ඊට හපන්, සල්ලි දීලා ගන්න එකම පත්තරෙත් එපා කරනවා නිර්මාල් රංජිත් දේවසිරිලා.. එයත් රාවණාට ගූ බයයිද කොහෙද...? කොහොමත් සංඝයෙක් රජ කරන්න වලි කාපු පොරනේ.. එයා රාවණා උන්නා කියන්නෙත් නෑ ... නෑ කියන්නෙත් නෑ. හොඳ වෙලාවට සුපර් මෑන්ලා, ඉස්පයිඩර් මෑන්ලා "ලිප්ටන් සිලෝන්ටා" තේ එකක් හරි බීලා නොතිබ්බේ. එහෙම උනා නම් එහෙම, මුන් හදනවා දේවාල. ඉස්පයිඩර් මෑන් දේවාලය කියලා. සුපර් මෑන් දේවාලය.. පූසාරිට තියෙන්නේ, කලිසම ඇඳලා, ජොකා ඊට උඩින් ඇඳලා, සාටකේ දිග ඇරලා කරේ බැඳ ගන්න එක විතරයි. එක සැරයක් ලොක්කා ගෙන්න ගත්තා නම්, බැතිමත්තු එනවා පෝලිමේ. ඊට පස්සේ උන් ඉස්පයිඩර් මෑන් අපේ කර ගන්නවා. බුදු හාමුදුරුවො වගේ.

අනික ඉතින්, මහ රජ්ජුරුවෝ බෝලයක් මිරික මිරික යද්දි, ජනමාධ්‍ය, මහසෝනයි රීරී යකා එක්කයි සලු පාලිය නටද්දි. ජනතාව බුද්ධිමත් කරන්න ගෙනාපු ටැලිවිසොන් එකෙත්, අත්තම්මා හූනීයම් කරද්දි, තව එකියක් කාලි අම්මා ආවේස වෙලා දඟලද්දි, මහජනයා උදේ වැඩ අල්ලන්නේ, කළ දසාව බලලා.. උන් අම්බලන්ගොඩ රූකඩ වගේ.. කතරගම් දෙයියෝ එනවය කිව්වම, බැන්ස් බී ඇම් ඩබලිව්, පෝසේ විතරක් නෙමෙයි, ලැම්බෝගිනි නැති, බඩගිනි ගොන් හැත්තත් ගිහිල්ලා, පුල් ඩිසපොයින්ට් වෙලා එනවා. වෙන රටක නම්, ඒ කියපු එකා මරලා ගේත් ගිනි තියනවා.. ඒත් ඒ දෙයියා යහතින් ඉන්නවා.. ආයෙත් පච කෙලිනවා..

එතකොට අනාගතේ මේක වෙනස් වෙයිද්? කොහෙත්ම නෑ.. මොකෝ විපක්ෂ නායකත් පොඩ්ඩ එහෙ මෙහෙ උන ගමන් තිරුපති යනවා, වෙන්ඩ නායකත් යනවා, පක්සෙ ලේකන් තුමාත් යනවා, ශරීර කෘත්‍ය මණ්ඩලේ අයත් යනවා..උගෙ අම්මගේ ලිබරල් එකක් ඒක.. ලිබරසයිසේසොන් විත් විස්ණු මහා දිව්‍ය රාජ..

එතකොට විප්ලවයකින්.?. ඒ කියන්නේ ජෙප්පොද.. හ්ම්... උන් මේ ළඟදි පිරිකරකුත් අරගෙන මල්වත්තේ ගියේ.. තව ටික කාලෙකින් කතරගමත් යයි.. පා ගමන් නෙමේ යකෝ.. පූජාවට.. පූජාවට.. පළතුරු වට්ටිත් අරගෙන.. කොහොමද නිකං මෝලං පාරට අනුරලා, ටිල්වින්ලා, සෝමෙලා, ලාල් කාන්තලා, විජිත්ලා, සුනිල්ලා, වේට්ටි ඇඳලා, නලලේ අළු ගාලා.. රතු මොට්ටු තියලා.. නටන කොට.. අරූ නම් එන එකක් නෑ.. කව්ද..? සමන්තයා.. ඌ ආවොත් කතරගම දෙයියෝ දෙයි කන පැලෙන්න. අපරාදේ කාවඩි වලට විමල් වීරවංශත් ඉන්න තිබුනේ.. නියමෙට නටයි.. ඇක්ටින්, නම්බර් වන් නේ.. හැබයි ඩාන්සින් නම්, කොහොමද කියන්න බෑ..

එතකොට අපි මොකෑ කරන්නේ..? ඕන්... කරන්න ඕන දේ බස්සි කියන කොටම කරලා.. ආන් එහෙමයි, දැන් විජ්ජාව ගැන කතා කරන්න ඕන.. ඒ වගේම මම සිංහලෙන් කියවන්නේ නාලක ගුණවර්ධන විතරයි. පොර නම් දෙනවා සයන්ස් නිකන් ෆලූඩා වගේ.. මාර රහයි.. එහෙමයි විජ්ජාව පොවන්නේ.. එහෙම නැත්නම් නැසොනල් ජියෝග්‍රොපි හරි ඩිස්කවරි හරි බලනවා. මේවයේ තියෙන ඒවා සූදීකයා සමහර වෙලාවට ලියනවා. හැබයි ඒවා රහ නෑ. පරණ ඉට්ටැයිල්. ඒක ඉතින් උගේ ඉට්ටැයිල් එක නේ.

අපි කතා නොකලට, අපේ රටේ හංදියක් හංදියක් ගානේ ගනංකාරයෝ උන්නට, ඕ ලෙවල් ගනන් පේල් වගේ. රට පුරාම විජ්ජා කාරයෝ උන්නට, විජ්ජාවටත් ලයිට් කණුම තමා. නැත්නම් ඉතින් ලයිට් ඇමතිනීට, ගිගා, මෙගා, ටැපලෙන්න විදියක් නෑ නේ. නැත්නම් නොදන්න රෙද්ද, මාතලන් වගේ සද්දේ වහලා ඉන්න ඕන. ඒකට හේතුව උගන්වන නීරස ක්‍රමය. ඔය මිහින් විජ්ජාගාර ඉස්කෝලවල දැම්මට වැඩක් නෑ.. උගන්වන ක්‍රමය වෙනස් කරන්න ඕන. පොවන ප්‍රමාණේ අඩු කරන්න ඕන.. කන ලුණු වලට කියන සයන්ස් නමවත් දන්නෙ නැත්නම්, අහවල් රෙද්දකටද ලොක්කා විජ්ජාගාර.?

චානුක එයාලගේ ප්ලේස් එක නැතිවෙන නිසා, නලින්ද සිල්වලා, චන්දන ජයරත්නලා වගේ, ජෝකර්ලා වෙන නිසා, නොලියා ඉන්නවා කියන එකට නම් එකඟ වෙන්න බෑ. ම්ම නම් දන්න තරමින්, හොරකම් කරන්න බැරි එකම දේ උගත්කම. එතකොට තමන්ගේ දැණුම තියෙන්නේ තමන් ළඟ. තමන්ගේ තත්වේ තියෙන්නෙත් තමන් ළඟ. කොටින්ම.., චානුක නොදන්න කෙන්කුට, චානුකගේ වටිනා කමක් නෑ නේ. දන්න එකාට වටිනවා. නොදන්න එකාට චානුක තවත් මගියෙක්, පාරිභෝගිකයෙක්, හෝ තවත් පොදු පුද්ගල නාමයක් පමණයි.

අනික, ඒ කාළේ ඒ දේ කලා නම්, අද නොකර ඉන්න හේතුවක් නෑ නේ. ඒත්, පත්තර අද මිනිස්සු කියවන්නේ නෑ. එහෙනම් එයාලා එන්න ඕන, අන්තර්ජාලයට. එතනත් බ්ලොග් එකක් ලියලා බලාගෙන උන්නට වැඩක් නෑ. සංවාදයට එක්වන්න ඕන. බලන්න චානුකගේ ළිපියේ කොතරම් වැදගත් සංවාදයක් ගොඩ නැගුනද කියලා.

ඒ නිසා එන්න.. බ්ලොග් එකකින් එන්න.. හොඳ දේ කවුරුත් වැළඳ ගන්නවා. මාතලන් නිසා, දේශපාළණය අරහං වෙලා උන්න උන්, අද දේශපාළණය කියවනවා. ඒ මදිවට ලියනවා. "කවිය" කියන දිහා බැලුවෙ වත් නැති උන්, අද කවි ලියනවා. එදාට වඩා, ගුණාත්මක හා නිර්මාණාත්මක අතින් ඉහල බ්ලොග් රාශියක් තියෙනවා. ඒවා මේ, එක පාර කරන්න බෑ. හෙමීට කරන්න ඕන. අද මාතලන් කියවන උන්, පොලිටික්ස් වගේම පොලිට්‍රික්ස් පවා දන්නවා. අනික ඕනම දෙයක විජ්ජාව බලපාන නිසා, සයන්ස් එකෙන් දෙන එක, සිම්පල් වැඩක්. හැබයි ඉතින් ඒක කරන්න පුළුවන්, සයන්ස් දන්න උන්ට තමා..

උදාහරණයක් ලෙස මෑතකදි රාගම පැත්තේ සයන්ස් එක්කෙනෙක්, ඒ කියන්නේ සයන්ටිස් කෙනෙක්, සොයාගත් නිගමනයකින් මේ කතාව ඉවර කරන්නම්..

වල් ඌරාගේ ඇලපතට වෙඩි තැබීමේ විජ්ජාත්මක හේතුව...

ඔහේලා දන්නවද වල් ඌරට වෙඩි තියන කොට, ඇලපතට වෙඩි තියන්නේ ඇයි කියලා.? ඇලපතට වෙඩි තිබ්බම, මූනිස්සම් පෙනහල්ල ඉස්ප්‍රේ කොරගෙන වගේ ගියාම, ඒ තුල තියෙන මහා ප්‍රාචීරය, ඩැමේජ් වෙනවා. හුස්ම, මහා ප්‍රාචිරය අස්සෙන් ලීක් වෙනවා.. ඒකට තමයි ඔය සම හරක් කියන්නේ, පිඹිනවා කියලා. එතකොට ඌට හුස්ම ගන්න අමාරු වෙනවා. එතකොට වෙඩි කාපු ඌරට අපේ පස්සේ වැඩි දුර එලවන්න බෑ.. ඒ ඇයි..? අර මහා ප්‍රාචීරය ඩැමේජ් නිසා... ඌට හුස්ම ගන්න බෑ, හති.. ඉතින් ඌරා කියනවා... "මචෝ.. මට හති... මාව.... කරේ.... තියා... ගෙන..... පල....යන්..." කියලා.. අනේ ඉතින් පින්වත්නි අර හති වැටුන ඌරා කරේ තියාගෙන එනවා.. එනකොට මූ, හති වැඩිවෙලා මැරිලා.. මැරිච්ච ඌරා ආයේ කරේ තියාගෙන ගිහින් කැලේ දාන්නය. අපරාදෙ නේ අප්පා.. ඒ නිසා.. බිස්ටේක් දාලා, බයිට් එකට ගන්නවා..

අපි නොදන්න සයන්ස්..