ස්වයං වින්දන, මදන මෝදක හා නොමියෙන බෙහෙත.. (23+) - Masturbation, Viagra & Medicine for Not to Die (13+)

ඒ කාළේ පත්තරවල අන්තිම පිටුවේ පට්ට ඇඩ් එකක් තිබුනේය. ඒකෙන් කිව්වේ පුරුෂ ශක්තිය වැඩි දියුණු කර, ශුක්‍ර මෝචනය පැය දක්වා පමාකර, ලිංගික ජීවිතයේ උපරිම වින්දනයක් ලබා දෙනවා කියලාය. තොටළඟ නාගලගම් වීදීයේ හෝ ඒ කිට්ටුව උන්න දොස්තර මහත්තයා හම්බ වෙන්න ගිය එකෙක් සල්ලි දීලා උස්සගෙන ඇවිල්ලා තිබුනේ මදන මෝදක වගයක්ය. අපේ උන් කිව්වේ ඕකට තොටළඟ යන්නේ අපරාදේ නේ යකෝ, මටළඟ තියෙන ඉස්කෝලේ මහත්තයාගේ කඩේ තියෙන, කැටවල මදන මෝදකයක් ගැහුවාම වැඩේ ඉවරනේ කියලාය. එහෙම ගෙනල්ලා තිබුනේත් ලිංගිකව එක්වන්න නෙමේය. ස්වයං වින්දනේ යෙදෙන්නය.

අපේ ආන්ඩුවේ කට්ටියත් මේ දවස්වල එකසිය ගානට ස්වයං වින්දනයේ යෙදෙනවාය. එහෙම ස්වයං වින්දනේ යෙදෙන්නේ යුද්ධ මදන මෝදකේ ගහලාය. ඔය මඳන මෝදකේ වැඩියෙන් ගැහුවාම කෙලින්නේම පිස්සුය. බය වෙනවාය. බිරන්තට්ටු වෙනවාය. ඕක වැඩියෙන් ගහපු අපේ පැත්තේ එකෙක අන්තීමට නැනතුනේ කැළණි ඟගෙන් එහා පැත්තේ තියෙන අංගොඩ පිස්සු ඉස්පිරිතාලේය.

ස්වයං වින්දනේ යෙදෙන්නේ තනියමය. ලිංගිකව එක්වෙන එකා සිතෙන් මවාගන්නවාය. ඊට පස්සේ ඒකී හෝ ඒකා සමග ගතින් නොමැති, සිතින් මවාගත් ළෝකයක සංසර්ගයේ යෙදනවාය. ආන්ඩුවේ ඉන්න සට්ටැඹියෝ විතරක් නොව, ආචාර්ය මහාචාර්ය පදවි තියෙන, මොහාන් සමරනායකලාත්, දයාන් ජයතිලකලාත් එකසිය ගානට ස්වයං වින්දනේ යෙදෙනවාය.

අප ඒ කාළයේ දුටු, නිවුනු ශාන්තස්වරයෙන් ළෝකය ගැන ඉතා පැහැදිලිව, දින වකවානු සහිතව අපට කියාදුන් මුනිවරයකු බඳු මහත්මයකු වෙනුවට, අද ඉන්නේ, බලයෙන් මත්වූ, මෝහයෙන් ඉඳිමුනු, රෞද්‍ර මුහුණක් මවාගත්, ප්‍රශ්ණ කිරීම් වලට බිය, බොහෝ කළබල වී ඇති පුදගලයෙකි.මොහාන්ලා සිරසේ ඇවිල්ලා, මොහාන්ලා මෙන් ග්‍රේටස්ට් ජර්නලිස්ට්ස්ලා මෙන් නොව, දෙකයි පනහේ "යෙලෝ ජර්නලිස්ට්ස්ලාගෙන්", "කිච" වෙලා යන්නේත්, මේ ස්වයං වින්දනේ යෙදෙන්න ගිහිල්ලාය.

සතියකට පෙර රාජිව් විජේසිංහ හා තමාරා කුණනායගම් සමඟ එක්ව, තමාරා හා රාජිව්ගේද වේලාව උදුරාගෙන, අන් අය වෙනුවෙනුත් තම හඬ අවදි කළ, ජී එල් පීරිස්ගේ, සජින් වාස්ගේ හා විදෙස් සේවයේ පතුරු යැවූ දයාන් ජයතිලකට ඊට දවස් දෙක තුනකට පස්සේ ළෝකයේ තියෙන හොඳම විදෙස් සේවය  අම්මට සිරි ලංකාවේ පිච්චු පීකුදු මදාවී විදෙස් සේවය වන්නේ, සංසර්ගයේ යෙදෙනවාට වඩා ස්වයං, වින්දනයෙන් මුසපත්ව ඉන්නා නිසාය.

මුළු කැළේම සත්තු අහස කඩාගෙන වැටෙනවෝ කියාගෙන දුවන්නේ චම්පිකගේ ඔළුව උඩට වැටුන බටහිර කුමන්ත්‍රණ දෙල් කොලේට බය වෙලාය. අනික් සත්තු ටික බය කරපු චම්පික හාවා, දැන් දුවන උන් දිහා බලාගෙන හිනාවෙනවාය. ඒත් චම්පිකගේ පාටියේම හිටපු සමහර හාවෝ, තවමත් ස්වයං වින්දනේ යෙදනවාය.අහස කඩාගෙන වැටෙනවෝ කියලා අම්මාමෝ නැතුව දුවනවාය.උන් දිව්වාට අපිට අවුලක් නැතිය. ස්වයං වින්දනේ යෙදුනාත් අවුලක් නැතිය. කරුමේ කියන්නේ පිස්සෝ දිහා බලාගෙන ආතල් එකේ ඉන්න අපිටත් දුවන්න වරෝ, ස්වයං වින්දනේ යෙදෙන්න වරෝ කියනවාය.

එයාලා ස්වයං වින්දනේ යෙදෙන්නේ අරාබි වසන්තයක් එනවෝ කියලාය. මුන් භූ ගෝලය තියා. ගූ බෝලයක්වත් පොඩි කාළේ සෙල්ලමටවත් අල්ලලා නැති උන් වෙන්න ඕනාය. අම්මට සිරි ලංකාව තියෙන්නේ අරාබියේ නෙමේය. ආසියාවේය. මුන් උපරිම ට්‍රයි කරන්නේ අපේ රට ඔපෙක් සංවිධානෙට ඇතුල් කොරන්නය. ඒක කොරගන්න වෙන්නේ මන්නාරමෙන් තෙල් හම්බ උන දාටය. ඒත් ඔපෙක් එකට ගියත්, අපිට අරාබියට යන්න වෙන්නේ නම් නැතිය.

මුන් කියන විදියට අපේ රටට එරෙහිව මාර කුමන්ත්‍රණයක් තියෙනවාය. ඒක මේ "අථි භයාණඛ" ළෝක විනාශය වගේ එකක්ය. පොඩ්ඩ එහෙ මෙහෙ උනොත් අම්මට සිරි ලංකාවට කෙලවෙලාම යනවාය. ඒක බේරගන්න මේ ළෝකේ එකෙකුටවත් බැරිය. ඉන්නේ එකම එක පුද්ගලයාය. ඒ අපේ පොඩි එකාගේ අප්පච්චි නොහොත්, අපේ මහරජානෝය. උන් වහන්සේ ඇර ඝෝඨාභය යෝධයාටවත්, බැසිල් ගුරුන්නාන්සේටවත්, චමල් අයියාටවත් බැරිය. එයාලාට බැරි නම් අනික් හාල්පාරුවෝ ගැන කතා කොරලාම වැඩක් නැතිය.

ඒ නිසා මේ ඡන්ද කෙරුවාව පැත්තක තියලා. මේ මහාචාර්යවරුන් කරන්න ඕනා, ජාතික යුතුකමක් තියෙනවාය. වැඩේ අමාරු උනත් කොර ගත්තේ නැත්නම් අපි ඔක්කෝම විනාශය. ඒ නොමැරෙන බෙහෙතක් හොයාගන්න එකය. ඒක හොයාගෙන, ඒක උන් කාලා හරියන්නේ නැතිය. සර්ව බලධාරි දෙවියන් වහන්සේට ඒ ගුලිය බලෙන් හෝ ගිල්විය යුතුය.

මොකෝ, කවදා හරි ලොක්කා නැති උන දවසක, මේ රට බටහිර කුමන්ත්‍රණ කරුවෝ අල්ලනවාය. එහෙම අල්ලාලා උතුරට වෙනම රටක් දෙනවාය. නැගෙනහිරට වෙනම රටක් දෙනවාය. අරුන් පවුනේ ඕයි කියා, අපිටත් කෑල්ලක් දෙන්න පුළුවන්ය. එතකොට අපේ රටේ අතීතයේ පැවති සිරි විභූතිය ඉබේම පහල වෙනවාය. ඒ කියන්නේ, රුහුණු, පිහිටි, මායා, කියා බෙදෙනවාය.

ඒක මේ 13 බෙදපු බෙදිල්ලට වඩා ලේසිය. එතකොට රටවල් තුනක් උනාම. ජනගහනය අඩු වෙනවාය. අපේ රට ගිහිල්ලා නැති හැම එකාටම රට යන්න හම්බ වෙනවාය. සංසාර ගනන් පෙරුම් පුරන්නේ නැතිව 1210 එකක නැගලා, අම්පාරේ ගිහින් ඇවිත්, රට ගිය විස්තරේ අහල පහල උන්ට කියන්න පුළුවන්ය. හැඩි දෙමළුන්ට උතුරට පලයව් කියන පුළුවන්ය. තම්බි සෙට් එක නැගෙනහිරට යවන්න පුළුවන්ය. අපිට අපේ ආඩම්බරකාර රුහුණ තියෙනවාය. පොඩි ආතල් එකක් ගන්න හිතුනොත්, ඔය නාමල්ලාට හරි කාට හරි ආයෙත් යුද්ධයකුත් පටන් ගන්න පුළුවන්ය. එතකොට එයත් ආඩම්බරකාර තාත්තා වගේම පුතෙකුත් වෙනවාය. අපේ ශිරන්ති මැඩම් විහාර මහා දේවී වෙනවාය. අත්තනගල්ලේ විහාර මහා දේවී සුන්නද්දූලී වෙලාම යනවාය.

මේ කියන විදියට ඇත්තටම යුද්දේ ඉවර කරලා නැතිය. කරලා තියෙන්නේ වෙන මොකක්ද එකක්ය. එහෙම නැත්නම්, හොල්මන්, අවතාර, මහසෝනා හා මෝහිණිලා නෑයෝ වන අපි, ප්‍රභාකරන්ගේ අවතාරෙට බය වෙලාය. මොකෝ මාතලන් දන්න විදියට නම්, පිරබාහරන් නන්දිකඩාල් කලපුවෙන් නිවන් ගියේය. ඒ යකා විතරක් නොව හතර වරිගයම නිවන් යැව්වේය. එහෙම යවලා කිරිබතුත් මහ පාරේ උයාගෙන කෑවේය. ආප්ප කාලා පිස්සු කෙලින අයියෝ සිරිසේන උන්නැහෙත්, මහරජානන්ට ඔටුනු පැළඳුවේය. එක්කෝ අපි දැකලා තියෙන්නේ හීනයක්ය, නැත්නම් ඩ්‍රාමා එකක්ය. එහෙම නැතිනම් ෂෝ එකක්ය.

මාතලන් ඊශ්‍රායලයේ සේවය කළ කාලයේ ජෝජ් බුෂුත් මේ වගේ පිස්සුවක් කෙලියේය. උන්නැහේ කිව්වේ සදාම හුසේන් ගාව "වෙපන්ස් ඔෆ් මෑස් ඩිස්ට්‍රක්ෂොන්ද" මක්කදෝ රෙද්දක් තියෙනවා කියලාය. ඇමරිකාවේ උන් ගොනාට ඇන්දුවේ එහෙමය. එහෙම කියලා ටෝනී බ්ලෙයාර් ගොයියත් එක්ක එක්කහු වෙලා, ඉරාකය කුඩු කලේය.එහෙම මක්කාදෝ තියෙනවයි කීවාම බය උනේ ඇමරිකන් කාරයෝ විතරක් නෙමේය. මුළු ළෝකයම බය උනේය. කාටවත් බය නැති ඊශ්‍රායලයත් අම්බානක බය උනේය.

හැබයි උන් අපිට තමන්ගේ ආරක්ෂාව තමන් සලසා ගන්න කිව්වේ නැතිය. සෑම පුගලයකුගේම ආරක්ෂාව ගැන වෙන වෙනම සොයා බැලුවේය. ජනාධිපතිට තියෙන ෆැසිලිටි එක පාරේ හිඟා කන එකාටත් දුන්නේය. මාසයකට සෑම පුදගලයකුටම ආහාර හා ජලය රැස් කර ගන්න කීවේය. රසායන අවි වලින් ප්‍රහාරයක් එල්ල උවහොත් ආරක්ෂා වීමට ස්ථානයක් සාදා ගන්නා ලෙස කීවේය. සියළු දෙනාටම ගෑස් මාස්ක් ලබා දුන්නේය. කිව්වා ඉතරක් නොව හරියට කොරනවාද කියා පසු විපරම්ද කොළේය. මාතලන් නම් ඕවාට හිනා උනේය.

මාතලන් කිව්වේ, සදාම් එහෙම ගැහුවොත් මැරෙන්නේ ඊශ්‍රායලකාරයෝ විතරක් නෙමේ කියලාය. එතකොට ඊශ්‍රායලයේ ඉන්න පලස්තීන අරාබිකාරයන්ටත් කෙලවෙලා යන නිසා, උන් එහෙම වෙපන්ස් තිබුනත් ගහන්නේ නැතයි කියලාය. ඒ බයිලා වැඩක් නැතයි කියපු අපේ ලොක්කා කිව්වේ, තෝ එකක් ගනිය නැත්නම් මම තොට එකක් අරගෙන දෙන්නම් කියලාය. ඒ නිසා අන්තීමට පොලිස් වෝනින් එකකුත් එක්කම, ගෑස් මාස්ක් එකක් ගන්නම උනේය. අපි ඒ කාළයේ පාරේ ගියේ හෑන්ඩ් බෑග් එක වගේ, ගෑස් මාස්ක් එකත් කරේ දාගෙනය. අන්තීමට එහෙම ලබ්බකින් ගැහුවේත් නැතිය. මැදිහත් ඊශ්‍රායල්කාරයෝද හඬවා, සදාම් නම් එල්ලා මැරුවේය. ඒත් අහුවෙච්ච මෑස් ඩ්‍රිස්ට්‍රකසොන් එකකුත් නැතිය.

මේ ඡන්ද ව්‍යාපාරය නිසා, මේ බුද්ධිමත් ආන්ඩුව, අළුත් දෙමළු ටිකත් ජන්මාන්තර වෛරක්කාරයෝ කරගෙන හමාරය. දෙමළු විතරක් නොව, තම්බි ටිකත් තලෙයිබාන් කාරයෝ කරලා දැම්මේය. ඒ විතරක් නොව ළෝකයේ නිවුනු දහමක් ලෙස පිළිගත් බුද්ධාගම ආරක්ෂා කිරීමත්, මිනීමරු මදාවියන්ගේ බුක්තියට සරිකරලා අහවරය. කුමන්ත්‍රණය තියෙන්නේ බටහිරින් නොවේ. කුමන්ත්‍රණය තියෙන්නේ රෙද්ද අස්සේමය. 

මාතලන්ට තියෙන ප්‍රශ්ණ නම් මේවාය...

• අරාබි වසන්තයක් එන්න, අම්මට සිරි ලංකාව තියෙන්නේ මැද පෙරදිගද?
• අනික එහෙම තත්වයක් එන්න, මේ රටේ ඉන්න පාලකයා හා පවුල, බෙන් අලී වගේද, සදාම් හුසේන් වගේද, හොස්නි මුබාරක් වගේද, මුවම්මර් ගඩාෆී වගේද, බසාර් අල් අසාද් වගේද?
• ඒ නායකයෝ මොන ජඩ වැඩේ කලත් සදාකාලිකවම බලයේ තබා ගත යුතු පාළකයෝද?
• අරාබි වසන්තය උදාවීමට පෙර, යහ පාළණයට එලඹි රටවල් ගැන, මොහාන් සමරනායකලා, දයාන් ජයතිලකලා දන්නෙම නැද්ද?
• කුමන්ත්‍රණ කරලා මේ රටේ අල්ල ගන්න තියෙන්නේ ලබ්බද?
• අනික එහෙම කරන්න ඕන නම්, මෙලහකට කරලා ඉවරයි නේද?
• මෙළෝ රහක් නැති සැටලයිට් කාලයේත්, ළෝකයේ මහා පාවාදෙන්නා වන රනිල් වික්‍රමසිංහගේ කාලයේත්, මේක අල්ලන්න ඉතරක් නොව, අල්ලා මිරිකා දූෂනය කර මරාදමන්නම තිබුනා නේද?
• කොටින්ගේ ආයුධ නැව් තියෙන තැන් ගැන නිශ්චිත තොරතුරු ලබා දුන්නේ චීනයද, ඇමරිකාවද?
• චීනට යටත් වෙලා ඉන්න එක යටත්වීමක්, දීන කමක් නෙමෙයිද?
• ඇමරිකාව ඔය තරම් හතුරෙක් නම්, ඇමරිකාව එක්ක ආරක්ෂක ගිවිසුම් ගහන්නේ අහවල් එහෙකටද?
• සෝමාවතිය ළඟ හා සෙවනගල, අක්කර අට දාහක්, ඇමරිකානු ඩෝරා සමාගමට දෙන්නේ, චීනය හරහාද?
• ඇමරිකන් ගැති ඊශ්‍රායලයට හම්බන්තොට වෝටර් ප්‍රොජෙක්ට් දෙන්නේ චීනය හරහාද?
• එහෙම් බලපෑම් තියෙන තානාපති කාර්යාල තියෙනවා නම් ඒ තානාපතිවරු රටින් පිටුවහල් නොකරන්නේ මන්ද?
• සක්කරයාටවත් බය නැති වීරයෝ ජීනීවා, හේග්, කිව්වාම, ඇඳි වතේ හුලිජ්ජා ගොස් පොඩි උන් මෙන් අඬන්නේ ඇයිද?
• යුධ අපරාද නොකරා නම්, විදුලි පුටුවලට බය වෙන්නේ කුමකටද?
• විදුලි පුටුවේ තබා මරණයට පත් කරන රට කුමක්ද?
• එසේ විදුලි පුටුවේ ඉන්දූ රාරාජ්‍ය නායකයින්, හමුදා නිළධාරීන් කවුද?
• විදේශ අමාත්‍යංශයට පත්වීම් කරන්නේ, ඩයස්පෝරාවෙන්ද?
• කරුණා අම්මාන්ලා, පිල්ලෙයාන්ලා, කේ පී ලාට රණවිරුවන්ගේ ආරක්ෂාව ලබා දෙන්නේ ඩයස්පෝරාවට බයේද?
• යුරෝපයේ කොටි තහනම ඉවත්කිරීම ගැන, වගේ වගක් නැත්තේ මන්ද?
• අපේ රටේ නියම හතුරා හඳුනා ගැනීමේ බුද්ධි අංශයක් නැද්ද?
• සිවිල් පුරවැසියන් මොහොතින් කොටි වන්නේත්, ජනාධිපති තුමා ඝාතනය කිරීමට තැත් කළ උන් දේශප්‍රේමීන් වන්නේත් කෙසේද?
• මේ කියනා විදියට ලංකාවේ කොටි තවමත් ප්‍රසිද්ධියේ ජීවත් වෙනවාද?
• උන් රටේ කෑලි තවමත් ඉල්ලනවාද?
• එසේ නම් උන් අත් අඩංගුවට නොගන්නේ මන්ද?
• ආන්ඩුවට එක්වූ විට, උන් දේශප්‍රේමීන් වන්නේ කෙසේද?
• මේ අවුරුදු දහයේ කළේ යුද්දය නවත්තපු එක විතරමද?
• බැලුවාම ඒකත් හරියට නවත්තලා නෑ නේද?
• කරලා තියෙන්නේ අතීසාරෙට අමුඩ ගැහිල්ලක් නේද?
• අමුඩේ ගලවපු ගමන් ආයෙත් අශූචී නාන්න වෙනවා නේද?
• ඒ කියන්නේ හරියට කරාය කියන ඒ වැඩෙත් නියම විදියට ඉවර කරලා නෑ නේද?
• එහෙම කලා නම් සංසර්ගයේ යෙදෙනවා විනා, ස්වයං වින්දනයෙන් තෘප්තිමත් වන්න ඕනා නෑ නේද?
• මේ නැව් බොරු තවත් පිලිගන්න උන් ඉන්නවාද?

අරාබී වසන්තය ගැන ලියවුනු, පැරකුම් ජයසිංහගේ හා නාලක ගුණවර්ධනගේ මේ ළිපි දෙකද කියවන්න.

අජිත් පැරකුම්ගේ ළිපිය >>>>
නාලක ගුණවර්ධණගේ ළිපිය >>>>