ඉල්ලගෙන කෑම්, කුමන්ත්‍රණ, අලි සහ හරක් (23+) - Asking and Eating (13+)

 
ඒ කාලේ "සව්දන් ජෙමා" කියා ෂෝ එකක් ආවේය. මේන් කැරැක්ටරේට උන්නේ "ලයනල් දැරණියගල"ය. "සව්දම් ජෙමා" කන්නේ මාර කෑමක්ය. ඒ කෑම දැක්කාම අප්පිරිය හිතෙනවාය. සුද්දෙක් එහෙම දැක්කා නම් හිතන්නේ, මෙළෝ වශයෙන් උපන් මළ පෙරේතයෝ කියලාය. පෙරේත ළෝකයත්, දිවිය ළෝකයත්, ඔක්කෝම ළෝකත් තියෙන්නේ මේ ළෝකයේම කියා මාතලන් කියන්නේ ඒ නිසාය.

සුද්දොත් නොකා ඉන්නේ නැතිය. උනුත් කනවාය. ඒ කන්නේ ටික ටිකය. උන් අනික් උන් ගැනත් හිතනවාය. පෝලිමේ පිලිවලට ඉන්නවාය. තව ටිකක් කන්න ඕන නම්, ආයෙත් පෝලිමේ පිලිවලට ඇවිත්, අපේ "ආතල් ඇනෝ" වගේ බත් ඩිංගක් බෙදාගෙන කනවාය. ඒත් අවුරුදු 20 ක්ම රට කාපු නිමල් සිරිපාලලාට කොච්චර කෑවත් බඩ පිරෙන්නේ නැති ගානය. එයා කියන්නේ ඊළඟ ඡන්දෙන් එයාලාගේ ආන්ඩුවක් පිහිටනවා කියාය.

මහින්ද අමනවීර කිව්වා වගේ ඉස්මුරුත්තෙට එනකන් කාළා නැති ගානය. උන්නැහේ නම් කිව්වේ, තව ඕන නම් වටලප්පමක් කන්න පෝඩ්ඩක් ඉඩ තියෙනවාය. ඒ නිසා බඩ පිරිලා ඉන්න එයාලට ආයෙත් දුන්නොත්, ජහ මනයාට කන්න පුළුවන් කියලාය. ඒත් ජහ මනයා ඒ කතා ඇහුවේ නැතිය. එයාලාගේ බඩ පිරුණු නිසා කාලා ඉස්මුරුත්තාවේ හදාගෙන මලොත්, ඒක කාළ මරණයක් වන නිසා, අකාල මරණයක අත් වේවා යන උතුම් පරමාර්තයෙන්, දන්සැල් දුන් ලොක්කාට කෑම කෙසේ වෙතත්, "හු" යන්න දාලාම කාළා එන්න කියා ගෙදර යැව්වේය.

ඊළඟ ආන්ඩුව ජාතික ආන්ඩුවක්ද...?

අපේ සිරිසේන මහත්තයයි, රනිල් උන්නැහෙයි කියන්නේ, ඊළඟ මහ මැතිවරණයෙන් පස්සේ "ජාතික ආන්ඩුවක්" පිහිටවනවා කියාය. ඒ උනාට අවුරුදු 20ක්ම රට කාපු ඇස් ඇල් පී එෆ් (SLFP) ප්‍රමුඛ සන්ධානේ සැට් එකම කියන්නේ, එයාලා පිහිටවන්නේ යන්නේ ජාතික ආන්ඩුවක් නොව, සන්ධානේ ආන්ඩුවක් කියලාය. මාතලන්ට පේන ආකාරයට කුමන්ත්‍රණය සිඳුවෙලා තියෙන්නේ, ජනවාරි 9 පාන්දර ජාමේ නෙමේය. කුමන්ත්‍රණය සිඳුවන්නේ දැන්ය. අද රනිල් උන්නැහේද ඉන්නේ, ගලේ රීපූ පූසෙක් වගේ වගේ අනාථ වෙලාය. සිරිසේන මහත්තයාට තව අවුරුදු 6 කට කිසි අවුලක් නැතිය.

නිමල් සිරිපාලගෙන් පටන් ගත්තාම, කම්බ හොරුන් කියා, හැම එකාම කියන, ගරු නයා ගහපු වත්තේ රත්තරන් මැතිතුමා, ගරු නාවලපිටියේ මහින්ද ආනන්ද අළුත් ගම මැතිතුමා, ගරු ගුන්දුල බණවර්ධන මැතිතුමා, පමණක් නොව බස්නාහිර පලාතේ මහ බබා වන, ගරු ප්‍රසන්න රණතුංග මැතිතුමාත් කියන්නේ එසේය. එතුමා කියන්නේ පොදු හතුරා වෙනින් කවුරුවත් නොව එජාපය කියාය.

මෙයාලාට අමතරව, තනියෙන් ඉල්ලුවොත් වැලේ වැල් නැති, ප්‍රගතිශීලින්යැයි කියා ගන්නා, ජහ මනයාට විහිළු සපයන පට්ට දේශපාළන ජෝකරයන් වී සිටින, සිරි ලංකා කාරයන්ගේ ඡන්ද වලින් හත් මුතු පරම්පරාවට අමතරව, පක්ෂේ ඉන්න හිඟන්නෝ දහ පහළොස් දෙනාගෙත් බඩේ බත් පුරවන, රජ තුන් කට්ටුව හෙවත් වාසු, ඩීවු, තිස්සත්, රජ ගෙදර රිලවාත්, රුපියල් සීයේ රොඩී හිඟන්නාත්, කියන්නේ අපි කෑවා හොඳටෝම මදි, ආයෙත් මහින්ද මහත්තයා ගෙනත් තව කන්න ඕනයි කියාය. 

මාතලන්ට ප්‍රශ්ණයක් වෙලා තිබුනේ, මහත්තයෙක් කියා කියන, බොරළුගොඩ සිංහයාගේ ඔඩොක්කු කුක්කෝ දෙදෙනාගෙන් එක කුක්කෙකු වන දිනේෂ් උන්නැහේ, මහින්ද මහත්තයා ආයේ බලේ පිහිටුවන්න දත කන්නේ මොකෝ කියලාය. බලාගෙන ගියාම ආන්ඩුවේ ජළ නළ එලිමේ ප්‍රොජෙක්ට් ඔක්කෝම ටෙන්ඩරුත් නැතුව දීලා තියෙන්නේ, දිනේෂ් කුක්කාගේ පුත්‍රයාටය. ඉතින් මහින්ද නැතිව සිරිසේනලාගෙන් එයාලට කම් නැත.

මෙයාලාට චන්ද්‍රිකාට වඩා මහින්ද ළොකු වෙලා තියෙන්නේ මොකද කියා හොයලා බැලිය යුතුය. ඔය අවුරුදු 20 ඇතුලේ ජනතාවට දැනෙන දෙයක් කලේ රාජපක්ෂලා විතරය. ළොකුම දේ, 30 වසරක යුද්ධය නිමා කිරීමය. අනෙක ඇහැට පෙනන සංවර්ධනයය. ඒ කාළේ විපක්ෂයේ උන් මොන බයිලා ගැහුවත්, මේ රටේ යටිතල පහසුකම්වල සීඝ්‍ර සංවර්ධනයක් සිඳු උනේය. 

ඒවා හොර ගුහා කිව්වට. අද වෙනකන් එකෙකුටවත්, එකක්වත් ඔප්පු කරන්න බැරිය. ඒවා කරේ මහින්ද, ඝෝඨාභය හා බැසිල් යන රාජපක්ෂවරුන්ය. අද හැම එකාම ඔක්කෝම කුණු බැසිල්ගේ එකවුන්ට් එකට දාන්නට වලි කන්නේය. ඒ උනාට එදා ඔය හැම එකාම, බැසිල් ගාව උන්නේ නැට්ට දෙපරන්දේ ගහගත් බලු කුක්කෝ ගානටය.

මහින්ද ගේන්න කියන අනිත් කාරනේ මහින්ද එකෙකුටවත් බය නැති කමය. උන්නැහේ අදත් එකෙකුටවත් බය නැතිය. මොකෝ හැම තැනම ඉන්නේ එයාගේ පොරවල්ය. ඉතින් ගේම ගහන එක මහා ළොකු දෙයක් නෙමේය. අනික එයා "පොලිට්‍රික්ස්" දන්නේය. මහින්ද ළඟ, සිරිසේනලා, රනිල්ලා ,කුක්කු බොන චූච්චන් අත දරුවෝය. මේ ගේම් පිටිපස්සේ ඉන්නේ වෙනින් කවුරුවත් නොව, ලෙනින් මොරායස්ද නොව, මහින්ද රාජපක්ෂය. එය ඔහුගේ දක්ෂතාවයය. බලය ඇල්ලීමේ කුමන්ත්‍රණය නියමෙටම යන්නේ දැන්ය.

අලි රැලක්ද...? හරක් රැලක්ද...?

වත්මන් ජනපතිතුමාත් කියන කත්න්දර බොහෝම අපැහැදිලිය. අනික උන්නැහේ තනියෙන් ගොස් මහින්ද සමඟ කතා කළේ මක්කාද කියා එකෙක්වත් දන්නේ නැතිය. සිරි ලංකා නිදහස් පක්ෂේ සභාපතිකමට, ෆුල් කොක්කෙන් උන් මහින්ද මහත්තයා, කිසි අවුලක් නැතිව සභාපති කම දීලා දැම්මේ මොකෝ කියනා එක ප්‍රශ්ණයක්ය. එතන සිරි ලංකා එකේ 25 ක් 30ක් උන්න කාරනයත් අප අමතක නොකල යුතුය. කිසි සේත්ම සිරි ලංකා එකට කෙලවෙන තීන්දුවක් එතනදි නොගන්නා බව හරි පැහැදිලිය.

මේ අතරේ සිරිසේන උන්නැහේ ජනපති වීමේ පිනෙන්, තාවකාලික බලය ලැබුන අලි ටික හැසිරුනේ සහ හැසිරෙන්නේ අලි ගාලක් මෙන් නොව හරක් ගාලක් මෙන්ය. ලැබී ඇති බලය තාවකාලික එකක් බව තෙරුම් අරගෙන තියෙන්නේ, සජිත් ප්‍රේමදාස වීතරක්දෝ කියා බැලු බැල්මට හිතෙන්නේය. අනුර කුමාර දිසානායක කියනවා මෙන්, මේ කාළය අත්තිවාරමක්වත් දාගන්න පුළුවන් කාළයක් නෙමේය. ඒ නිසා මේ කාළය තුල කරන්නට තිබුනේ පොලිටික්ස් නොව පොලිට්‍රික්ස්ය.

පාර්ලිමේන්තුවේ බහුතරය සන්ධානයට තිබුනද, එකෙක් දෙන්නෙක් අල්ලා කූඩූ කලා නම්, බහුතරය පහසුවෙන්ම බ්ලැක් මේල් කරන්නට තිබිනි. එසේ ඇතුලට යවන්න පුළුවන් උන් ඕන තරම් ඉන්නවාය. ඒත් කරලා තියෙන්නේ කුමක්ද? උන්ට කප්පම් ගෙවීමය. මේක බලාගෙන ගියාම මහින්දගේ ආන්ඩුවටත් අන්ත ආන්ඩුවක්ය. අඩු ගානේ, ඒකේ කෑවේ ආන්ඩුවේ උන් විතරය. ඒත් මේකේ විපක්ෂේ උනුත් ජහ මනයාගේ සල්ලි වලින් කනවාය. ඒකට උන්ට දොස් කියලා වැඩක් නැතිය. ඒවාට දොස් කීමට ඇත්තේ ජනපති අගමැති ප්‍රමුඛ ආන්ඩුවටය. අද විපක්ෂේ උන් ජරාවත් කකා ආන්ඩුව බ්ලැක් මේල් කරනවාය. ආන්ඩුව අල්ලේ නටවනවාය.

අලි පාටියේ උන් බලයෙන් මත් උනේය. උන්ට මේය කළල අවස්ථාව කියා තේරුනේ නැතිය. කළල අවස්ථාවේ සංසර්ගය එතරම් හොඳ නැති වුවද, මුන් එකසිය ගානට දිවා රෑ නැතිව, හති ඇරීමක්වත් නොමැතිව සංසර්ගයේ යෙදුනේය. අදටත් යෙදෙන්නේය. මෙයාලා සංසර්ගයේ යෙදෙන අතරේ, අරුන් මුන්ගේ අධෝ මාර්ගයේ සංසර්ගයේ යෙදෙනවාය. ජහ මනයා බලාපොරොත්තු වූ දේ කරන්නේ ජෙප්පන්ය.

රනිල්ලාට තිබුනේ විස්වාශ බංග ගේන කම් ඉන්න එක නෙමෙය. තෙවරක් පෙරපු එකාට කළ දෙයම. පිස්සු අත්තනායකට කළ දෙයම, ජෝන් බාස්ටත් කරන එකය. යහ පාළණය කියන්නේ එයය. තෙවරක් පෙරුම වගේ පොඩි එකෙකුට කෙලපු කෙලිල්ල, ජෝන්ට කෙලින්න බය වෙන්න ඕන නැතිය. දැන් රට බලාපොරොත්තු වෙන්නේ කලින් තිබූ දේශපාළණ සංස්කෘතිය නෙමේය. රටේ මිනිස්සු හිතන්නේ කොහොමද කියා බලා ගන්න ඕන නම් කරන්න තියෙන්නේ, පක්ෂ විපක්ෂ බේදෙයෙන් තොරව බුකියේ පෝස්ට් ටිකක් බලනා එකය. එජාපයට බැක් කරන උන්වත් මේවා අනුමත කරන්නේ නැතිය. එක්කෝ එහෙම සෙල්ලම් දානවා නම්, අඩුම ගානේ ජනමාධ්‍ය නිදහස නොදි, පොර ටෝක් නොදි, මහින්ද පවත්වාගෙන ගිය ජාතියේම එකාධිපති පාළණයක් ගෙන යා යුතුය.

ව්‍යවස්ථා වෙනස් කොට ඉල්ලාගෙනම කෑම...

අවුරුදු 20 ක් තිස්සේ පුරුදු කරපු සිස්ටම් එකක්. දවස් 30 කින් වෙනස් කරන්න යාම හීනයකි. අවුරුදු 20 ක්ම රට කාපු මළ පෙරේතයෝ ඉතිරි ටිකත් කන්නට කෙළ හලමින් සිටි. තාවකාලික බලයක් ගත්ත උන්ටද කෑමට ඉවසීමක් නැත. අපි හිතුවේ අලි පාටියේ ඉන්නේ මොළේ තියෙන උන් කියලාය. බලාගෙන ගියාම මේ රටේ සිවිල් ජනයා වාගෙම, උගත් උනාට බුද්ධිය කියන් දේ, උකුණු පුකක් තම් වත් නැති හරක් රැලක්ය.

පුළුවන්නම් ජනාධිපති බලතලත් අහෝසි කරලා, 19 ගෙනල්ලා ඉල්ලාගෙනම කන්න කියා සුභ පැතුම් සමගම බොක්කෙන්ම කියනවාය. මල පෙරේතයන් සමග මොන යහ පාළණද..? මහින්ද අගමැති උනොත්, හොරුත් එක්ක එකතු වෙලා, ඉන්පීච්මන්ට් එක දාලා සිරිසේන උන්නැහෙත් පුලතිසි පුරේටම එලවනවාය. ඒත් ඉතින් එහේ දුර නිසා, වැලිකඩට උනත් යවන්න පුළුවන්ය. එයාලා දන්නා යහ පාළණේ ඒකය. ඒ නිසා අලි විතරක් නොව එයා වැඩ කරන්න ඕනාත් මොළෙන්මය. ඕනාවට වඩා ජැන්ටල්මන් කම් ඕනා නැතිය.

මහත්මාකම් හැම තැනටම හරියන්නේ නැතිය. මහත්තුරු සෙට් එකට යම පාළණේ යම පල්ලෝ ටික ඇරියායින් පස්සේ, පස්ස අතගාලා, සෙවල සෙවල වගේ ගතියක් දැනෙනවා නෝනාවරුනි මහත්වරුනි.. කිව්වට අනුකම්පාවක් නම් ලැබෙන්නේ නැතිය. එදාට ඉතින් ජහ මනයා වන අපටත් තියෙන්නේ, ඔහේලාගේ සෙවල ගෑවුනු පැත්තෙන්ම හිනා වෙන එක විතරය.